紅葉茶屋 (D2 Place TWO)

营业中

休息中

✨和牛壽喜燒A4和牛雪花紋好靚，蘸完蛋漿口感變得好有口感🐮🥩湯底甜鹹比例3:7😋蘿蔔煮到半透明吸滿牛油香，最正係拌飯 撈埋壽喜燒汁🍚.✨海鮮丼茶漬飯海鮮份量剛剛好 茶漬溫度夠熱～同係日本食好相似🇯🇵.✨iced coffee深焙豆香很絲滑☕️可能關鍵在於冰粒用咖啡原液，慢慢溶都唔會變淡味🧊🧊.✨熱芒果西柚茶果香天然唔藥水味🍊西柚片嘅苦甜度之間做得好balance 仲帶有清新嘅檸檬味，幾解膩💛💛.個環境設計好和風雅緻，梳化坐得好舒服🌸

紅葉茶屋，日式居酒屋，位於荔枝角，外觀入到去係型格風嘅日式主題裝修 相當吸引嘅日式料理餐廳，餐牌算係非常多種類，賣相高雅，服務仲好#海鮮茶漬飯一嚟見到淨係睇個樣都流曬口水 ， 因為刺身多到直頭整咗個出嚟， 真係超多超豐富☺ ☺ 食落好入味，食到魚鮮味之餘， 蝦肉同飯都索曬清香嘅茶湯味，混合蟹籽配合，非常好味#花魚一夜干香脆嘅花魚，面頭可以成條骨起出 淋上檸檬汁，啖啖魚肉再夾蘿蔔絲，同酸汁一齊食好開胃甜品方面我就要咗個#炸南瓜餅老實講等嘅時間真係會耐少少 不過完全明白啊 即叫即整嘅南瓜餅真係唔同啲！呢個南瓜餅也太太太好食咗！！賣相睇落就好似金黃色嘅球體咁樣 表皮酥脆軟軟糯糯，薄脆帶柔韌！而且仲唔會好甜！一口驚艷

▫️三文魚茶漬飯茶湯我揀咗蝦湯嚟配搭，鮮香味超級濃郁，濃郁嘅蝦味同三文魚嘅煙燻香味交織喺一齊，炙燒過嘅三文魚帶住微微焦香，肉質鮮嫩滑口😋😋米飯吸收咗鮮美嘅茶湯後，口感更加柔軟豐富，而且仲唔油膩！好清爽嘅一道茶漬飯👍🏼▫️特盛黑麻油濃厚豚骨拉麵一端上枱就聞到一股好濃烈嘅黑麻油香味，令人食慾大增！豚骨湯熬煮得好濃稠，入口順滑又帶住豬骨嘅甘甜；麵條嘅部分就煮得軟硬適中，吸收咗湯底後依然保持住Q彈得口感👏🏼配菜方面都一點都唔馬虎，溏心蛋同叉燒肉都好加分，叉燒肉肥而唔膩，入口即化🤩▫️和風炸雞盛和啱啱炸好嘅雞件同雞翼外皮金黃酥脆，一啖咬落去鹹香味十足🤤肉質鮮嫩多汁，仲會爆汁，要小心俾佢燙親😆唧少少檸檬汁，令多汁嘅雞肉更加鮮甜，口感更嫩滑！▫️紅葉茶屋抹茶白玉一直好鍾意日本呢款小甜點，白玉口感柔軟，仲帶住淡淡嘅米香😍配搭微酸嘅士多啤梨同甜度適中嘅紅豆泥一齊入口，甜而不膩，層次豐富✨

餐廳嘅地理位置非常方便，所以間唔中同朋友行街行都肚餓都會嚟食下日本嘢 。而且呢間嘅性價比都幾高，服務都唔錯！一共嗌咗兩樣嘢食，食到好飽好飽芝士雞肉蕃茄忌廉烏冬濃郁嘅忌廉加上酸甜嘅番茄解膩，香濃嘅芝士包裹住勁道嘅烏冬同雞肉！Q彈嘅烏冬麵每一根上面都裹滿咗忌廉，非常有勁道嘅口感，真係好食到停唔到口，一碗唔夠牛肉壽喜鍋牛肉鍋嘅份量好大，肉嘅份量都好充足 一開始湯底飲落雖然味道偏淡，但係慢慢越煮越鮮甜。牛肉建議食咗先，因為喺熱湯入面浸耐咗會變得韌。鍋入面仲有各種菜類，可以同牛肉一齊食，增加風味！暖暖地食唔錯總括嚟講食物都好唔錯，仲有特別優惠套餐，好抵食 。如果想搵間居酒屋，同朋友悠閒地食小菜，飲杯嘢，傾下計，呢間餐廳就啱

今日去咗荔枝角工作，搵咗隻地頭蟲朋友一齊食午餐；因為當日落大雨，我講想搵間坐得舒服啲嘅餐廳，佢就帶我去咗呢間紅葉茶屋～睇到門面就有驚喜啦！唔使諗到呢度都有咁高格調嘅餐廳啊😍我揀咗一份午餐：火灸刺身三文魚茶漬飯茶漬飯唔係每間都有嘅，見到呢間餐廳有就更加叫啦！賣相好吸引，三文魚好厚肉，色澤好靚，食落唔會好腥味。再淋上茶漬湯，鹹鹹地，好香👍🏼 食落好舒服😋朋友揀咗嘅午餐：牛肉壽喜燒定食大大隻煲，好足料！牛肉份量多，肉味香濃，鮮甜，裏面有肥牛、豆腐、香菇、粉絲等，吸收曬壽喜燒汁！好好食！另外我哋仲加咗份和風炸雞，即叫即炸，熱辣辣，皮薄脆、肉嫩滑，好好食👍🏼 推介！我哋兩個食得好飽，lunch set價錢，好抵食，性價比超高，會再去嘗試👍🏼環境方面，地方好大，所以覺得好舒適，店舖職員都好有禮貌，服務好好👍🏼

前晚同家姐去咗荔枝角嘅紅葉茶屋，呢度環境唔錯，幾啱一家大細一齊食飯。餐廳設計簡約舒適，唔會太擠迫，啱晒慢慢咁享受晚餐。 壽喜燒🥩牛肉切得夠薄，煮得啱啱好，肉質夠嫩，湯底嘅甜鹹味幾夠味，配埋白飯食就啱啱好。 照燒雞🍗雞肉鮮嫩，外面有少少焦香，唔會過甜，醬汁味道唔錯 龍蝦沙律🦞沙律配埋新鮮蔬菜同幾粒龍蝦肉，沙律醬唔會過重，輕盈清爽，唔會太膩，係啱啱好嘅開胃菜。 黑蜜抹茶蕨餅甜品方面，黑蜜抹茶蕨餅口感煙韌，外層灑咗少少黑糖粉，微甜又帶啲抹茶香，唔黏牙，唔錯👍🏻 抹茶白玉另一個甜品係抹茶白玉，抹茶味唔算太濃，口感煙韌，紅豆餡唔會太甜，食落去好輕盈，係餐後嘅好選擇。

到荔枝角附近工作，又接近晚飯時間，友人提議到「紅葉茶室」看看有午麼吃，在門口駐足時，發覺他們的二人前套餐十分抵食。餐廳選擇非常多，主打的都是日式料理，有單點及套餐可選。主要是相中的二人前套餐，不用500元就有多款美食，但部份選項要額外加錢。「龍蝦沙律」是指定的「頭盤」，秘製醬汁微辣惹味醒胃，除了一般沙律菜之外，裡面還有龍蝦，材料新鮮爽口，配搭有層次，雖然是全素，但一點不單調，幾有驚喜的出品。另一款前菜「紅葉四點盛」，一套裡面有炸蝦、芝豆、八爪魚和刺身。炸蝦好有咬口，拌醬汁令人越食越開胃；其他食材味道都唔錯，八爪魚嚼勁十足，芝豆甘甘甜甜，刺身非常新鮮，非常妙絕！主食12選1，雖然部份要補錢，點了「照燒三文魚」及「香辣燒牛肉」，試過之後就知道沒選錯。厚厚的三文魚扒，香煎過後竟然一點都不乾，有魚油香，三文魚以照燒汁略醃過特別香甜美味。香辣燒牛肉香滑，辣味剛剛好，味道不錯，非常美味。另外，每一個套餐都配有米飯和麵豉湯，他們用的米是日本產米，米飯粒粒分明，吃得出用心。對於喜歡吃好米飯的人來說，這一點加分不少。甜品6選一，選擇非常多，補錢點了「抹茶提拉米蘇」及「限定雪糕」。抹茶控當然不會錯過這款抹

🍣同班食友到荔枝角D2呢間「紅葉茶屋」，推開門即刻穿越去日本！ 🥗旬之野菜呢碟季節野菜沙律係味覺過山車！冰鎮紫甘藍脆到似食緊薯片，「咔嚓」聲未停，成碟嘢由凍食到暖、脆食到綿，玩盡溫度同質感！ 🧀芝士雞肉蕃茄忌廉烏冬烏冬邪惡到要雙手合十先敢開動！湯底係牛奶撞番茄，濃稠度啱啱掛得住麵條。雞髀肉拆絲慢煮，纖維吸盡忌廉香，主角烏冬不得了，用咗四國小麥粉每日鮮製，煙韌到要用臼齒慢慢磨，麵芯仲keep住小麥香，每啖都係奶香暴擊！脆口撞creamy，罪惡感滿分！ 🍚豪華海鮮丼茶漬飯面頭有五顏六色嘅刺身物 食落去都幾鮮甜同埋足料😙 呢個價錢食到茶漬飯CP值係絕對唔錯 不過建議大家盡快食 避免啲飯浸得太爛影響口感🙈

前排成日都會經過呢間紅葉茶屋，我都好奇佢哋嘅日本菜好唔好食，然後就抓到一次機會可以帶frd嚟一齊食lunch set menu睇咗menu上嘅食物種類，感覺上都唔錯，賣相吸引，一時之間都唔知道要食乜嘢。最後決定要牛肉壽喜燒，然後frd要咗牛肉烏冬牛肉壽喜燒成鍋畀嘅料好足，牛肉鮮嫩順滑，煮得幾入味牛肉烏冬ge湯汁裏面加咗壽喜醬汁，所以烏冬吸收咗牛肉+壽喜醬汁嘅精華，每一啖都鮮香海鮮炸物拼盤有大蝦同蠔，外皮脆，裏面鮮美嫩滑，幾開胃喺呢度度過咗一個愉快嘅lunch time，下次仲會再嚟ya

嗰晚我同女朋友去咗一間正宗嘅日式餐廳，入到去嘅環境好舒適，服務員嘅態度熱情，真係令人回味無窮。我哋揀咗兩款和牛料理——和牛壽喜燒定食同和牛茶漬飯。和牛壽喜燒定食一上枱，嗰鍋滾燙嘅壽喜燒醬汁已經香到不得了，味道鹹甜適中，帶點醬油焦香。店家揀用嘅和牛油花分佈均勻，同壽喜燒醬汁混埋一齊醬，牛脂慢慢滲出，令香氣即刻升華。和牛肉質極之細膩，輕輕一嚼，油脂就喺口中化開，仲帶住濃郁牛味，完全唔覺得膩。配埋其他蔬菜一齊食，口感更加圓潤，仲多一層嫩滑感，每一口都係極致享受。和牛茶漬飯帶來另一種風味。餐廳用咗炙燒和牛薄片，輕輕燒至表面微微焦香，內裡依然保持粉嫩。牛肉鋪喺熱騰騰嘅白飯上，輕輕一攪，牛脂慢慢滲入飯粒，每一粒飯都包住牛肉嘅鮮甜。之後，將熱茶湯慢慢淋上去，茶香混和住牛肉香，清新又溫暖。入口時，牛肉仍然柔軟，飯粒吸滿茶湯，帶點鮮甜回甘，每啖都充滿層次感。最後加埋紫菜、芥末同葱花，每一口都有唔同變化，令人一試難忘。

尋晚同姐妹一齊去咗紅葉茶屋幫佢慶祝生日，地方喺荔枝角，餐廳嘅環境簡單又舒服，氣氛幾輕鬆～真係好適合細細聲傾吓計或者同人慶生。我哋點咗幾樣嘢食，首先就係一碗豐富嘅海鮮丼，滿滿新鮮嘅刺身，加埋香滑嘅茶漬飯，味道清新，啲海鮮好鮮甜，食落好滿足～之後就嚟咗芝士雞肉烏冬，烏冬好彈牙，湯底有濃郁嘅芝士味，配埋嫩滑嘅雞肉同微酸嘅番茄，好有層次感，食起嚟真係暖胃又舒服，呢碗烏冬真係啱晒芝士控！最後嚟咗兩杯熱飲：熱咖啡☕️同熱抹茶🍵。咖啡香濃但唔會太苦，好適合喺飯後飲一杯清清口。至於熱抹茶就更加出色，茶香濃郁之餘唔會太甜，飲完之後口感好清爽✨紅葉茶屋嘅菜式簡單但有水準，份量適中，適合一家人或者同朋友一齊嚟聚餐，真係值得推薦～😋💕

週末難得有時間，我決定帶阿媽去食餐唔錯既午餐。我地揀咗阿媽鍾意既日式餐廳，依到環境清新簡約。都有好多套餐選擇，性價比高‼️我叫咗濃厚豚骨拉麵，湯底係黑麻油，慢慢飲仲可以感受到骨湯既濃郁味道。拉麵煮得啱啱好，叉燒好香，唔會太乾，入面既溏心蛋好入味，非常好食。阿媽叫咗柚子蜆肉烏冬，呢個烏冬面既湯底仲有柚子味，配埋蜆肉，非常開胃。烏冬面口感非常好，食完仲想再食。最後我地叫嘅配菜係番茄胡麻沙律，新鮮既蔬菜番茄加上好香既胡麻醬，超好食。我仲叫咗甜品，係我最鍾意既抹茶提拉米蘇，抹茶味好濃好香，抹茶提拉米蘇入口即化，超好食‼️阿媽就叫咗抹茶白玉，軟糯既白玉同微甜既抹茶醬搭配，食落唔會膩。呢間日本餐廳唔單止食物好食，環境亦都好好，非常適合一家大細黎光顧。

因為阿媽同朋友出國旅行咗，淨係留低我同阿爸喺屋企，我哋晚餐就要自己處理啦，因為阿媽去咗日本，我哋都決定搵間日本餐廳食晚餐，就揀咗呢間紅葉茶屋，啱啱又有雙人套餐，啱啱好夠我哋父子食飽。佢哋一個set menu包咗前菜到甜品飲品，睇落真係好抵食。飲品我要咗奇異果雜莓茶，睇起嚟好特別，飲落去又好開胃，又唔會太酸，甜度非常啱。然後阿爸要咗百香果茶，飲落去非常清新爽口。前菜上嚟阿爸就驚艷到，有龍蝦沙律同一啲高級小食，睇到我都流曬口水，食落去同賣相一樣都非常好食，主要就係新鮮，就拿沙律嚟講，裏面嘅蔬菜非常清爽，然後龍蝦嘅鮮味好濃，加上小食裏嘅刺身，一啲魚腥味都冇，可知係幾新鮮。阿爸要咗牛肉壽喜燒，落料好足，湯汁都充滿咗食材嘅精華，香甜濃郁，牛肉煮得都好爛，阿爸唔會咬唔動，配米飯好好食。我自己叫咗味噌拉麵，裏面有叉燒蔬菜。我特別鍾意佢哋嘅味噌湯汁，拉麵滿滿吸收咗湯汁，每一啖都好入味，一啖湯一啖麵好正。甜品阿爸食嘅係抹茶白玉，本來擔心佢會食唔慣，但最後佢幾鍾意嘅，佢話就感覺似食緊香茶味嘅湯圓，我自己就叫咗限定口味嘅軟雪糕，非常好食解膩。

之前同事同我提到咗呢間公司單位附近嘅日本餐廳，紅葉茶屋，佢試過之後覺得呢間日本菜好正，就約咗我一個下晝嚟食午餐，而且聽佢講呢度有lunch set。我好鍾意呢度嘅環境，覺得好乾淨，又富有日本風格嘅裝飾，用餐好舒服。我哋各自叫咗唔同嘅烏冬面。我呢個係蜆肉烏冬，入面加咗香蔥同柚子，湯底有好獨特嘅風味，飲起嚟好鮮美，配上有彈性嘅麵條好入味，蜆肉亦都好鮮美。然後同事要咗牛肉烏冬，入面加咗壽喜醬，風味十足，而且一啲都唔會膩，牛肉韌性啱啱好，佢話好好食。呢度仲有炸一口芝士，芝士味道好香濃，然後外皮好酥脆，係唔錯嘅小食。呢度嘅果茶都唔輸啲連鎖茶飲店，冰鎮百香果茶真係好香，百香果本身嘅香同酸，都非常搭茶香，同事要嘅芒果百香果茶真係冇得頂，芒果嘅甜將酸度降低，更加爽口。

我同男朋友嚟體驗二人套餐，套餐分量好足，食到我哋超滿足😌紅葉四點盛呢份前菜擺盤好精緻😍集合咗炸蝦、枝豆、八爪魚、刺身等等，完美展現咗日式料理嘅精髓❤️炸蝦外酥裡嫩、枝豆入口柔和順口、八爪魚口感Q彈有嚼勁、刺身鮮美細嫩，配搭埋少少醬油風味更加佳👍🏼.主食我哋揀咗「香辣燒牛肉」同「豚肉生薑燒」，牛肉切片厚薄適中，經過高溫炙燒後可以好好咁鎖住肉汁，食落去非常滑嫩，微辣嘅風味同牛肉嘅油脂互相平衡，令整體口感同味道更加豐富，令人食慾大增！🤤🤤豚肉生薑燒都好好味，豬肉一點都唔腥，配搭埋生薑醬汁嘅辛辣，唔會過於刺激，反而好好咁提升豬肉嘅鮮美🤩呢兩樣真係要配搭白飯一齊食，根本就係白飯殺手😋.甜品方面我哋揀咗「期間限定軟雪糕」，雪糕口感細緻柔滑，絲絨般嘅輕盈質感真係好清爽！甜度適中，而且帶住非常濃郁嘅牛奶香氣，令人一啖接一啖，回味無窮🤤.飲品可以揀加錢，我哋揀咗「冰奇異果」同「雜莓茶」冰奇異果入口清涼，奇異果微酸同淡淡嘅蜜甜喺嘴裡綻放，果香濃郁但唔膩☺️雜莓茶都幾清爽，淡淡嘅花果香氣，飲落去茶底醇厚順口😇