紅茶

谂住同阿妈老窦开开心心嚟食个下午茶, 一坐埋卡位有只曱甴尸体摄咗喺条凳罅度. 个靓妹侍应竟然用把牛扒刀撩佢出嚟. 佢话啲碗碟会消毒 😅之后我哋叫咗个红豆冰, 成杯都系花奶𠮶浸红豆小到冇人有. 叫佢加多少少红豆, 竟然入面水bar𠮶条高佬想悭钱唔肯加. 下次一定唔会再嚟. 希望佢哋生意兴隆, 早日关门大吉！…查看更多

今次去红茶冰室食咗个套餐，包括南瓜汤、餐包同「日式葱烧牛柳伴盐烧鸡髀菇意粉」，整体感觉唔错。南瓜汤味道顺口，质地滑，唔会太甜，饮落舒服。餐包系暖暖地送上，外皮微脆，入面松软，配汤一齐食几夹。主菜方面，牛柳用咗日式酱汁，味道浓郁但唔会太咸，葱香突出，肉质啱啱好，唔韧唔鞋，食落仲有肉汁，几有惊喜。鸡髀菇经盐烧处理，香口又有咬口，唔会太干，配埋意粉一齐食几夹。意粉煮得刚好，唔会过腍，吸到啲酱汁，整体味道融合得几好。份量唔算少，一个人食完都够饱。价钱大约 $100，以味道同质素嚟讲都算合理。环境方面就一般，座位密啲但干净企理。职员态度好，有礼貌，落单同出餐都快，整体服务令人满意。…查看更多

31/5/2025 我同老婆一行二人谂住试红茶冰室 一去到有人排队 唔紧要 照等 当时 13:05 佢门口写明繁忙时间 人齐先可以入座 心谂 反正我哋都齐 冇影响点知个阿姐冇视我哋 系咁嗌后面的 3-4 位，我哋即时出声 3-4 坐得落 冇理由唔安排两位入座 咁排嚟仲乜 佢答 我哋系咁安排 有 3-4 安排入坐先 费事安排搭枱 咩世界 点解唔可以安排两位 + 两位入 系要畀 3-4 位。咁排队嚟仲乜 仲要态度极差 自称系负责人㖞 我哋真系食到一肚气 冇下次 真的好想知负责人是否真系佢…查看更多

劲低能，净系收现金、Alipay同埋WeChat Pay，唔L谂住做香港人生意🙄我唔明点解一间咁多分店嘅茶餐厅可以连八达通都冇🙄仲要屯门呢间分店收唔到信号⋯⋯头先要增值Alipay又要load劲耐，本身啲嘢已经好难食，仲要唔收其他payment真系搞到人都燥燥地🙄啲嘢食难食到痴线，真系唔明点解咁多人食？头先嗌咗个西冷同埋焗猪扒饭，冇样嘢系好食！𠮶块牛扒仲难食过我喺惠康求其买一块返屋企自己煎，柴到呢⋯⋯个焗猪扒饭仲衰过大快活⋯⋯都唔平，两个餐买单都要二百几蚊。其实呢间嘢到底有咩出名？点解成日经过都见到咁多人食？🙄真心想知。反正我净系知试过一次之后冇下次🙄…查看更多

原本想叫个菠萝包下午茶餐，个职员话冇晒，点知过咗5分钟就听到话菠萝包新鲜出炉😓,改叫炸猪扒乌冬，儍更更坐喺度等咗15分钟见隔离两枱都上咗炸猪扒乌冬跟住问职员先至话炸嘢无咁快要等廿几分钟，廿几分钟之后都系无餐送黎，之后赶时间话唔要啦个乌冬取消餐，个收银员一句「唔好意思」都冇净系系度盘问：「你饮咗野系咪？$XX 啦！」好似赶客唔忧做咁, 枱面湿笠笠，地下D垃圾冇人扫👉🏻以后应该唔会再帮衬！😡😡😡…查看更多