紅牛

啱啱过去既礼拜二同几个同事去试咗呢间火锅店，咁响礼拜二之前既日子已经电话订座，所以个日到场已经免费升级无限时及加送免费海鲜拼盘，同埋个度如果用餐人数够5个人既话，就可以嗌2个汤底，咁啱个日有4个同事加埋我足5个人可以嗌2个汤底，讲返火锅方面，汤底质素唔错，嗌咗脆皮鸡煲同鸳鸯汤底(麻辣+莞茜皮蛋汤)，鸡肉嫩滑唔韧(但鸡肉无得无限添食)，牛肉质素都唔错，连我啲同事都赞不绝口，海鲜质素就中上，咁大部份既海鲜、所有牛肉种类及其他肉类连部份火锅配料都可以用QR CODE 落单无限添食，火锅配料区提供既款式亦较多，饮品方面，除咗基本既汽水同果汁任饮外，亦有几款啤酒供应都系任饮，唯一败笔之处就系无甜品供应，连雪糕都无，有啲同事都反映话无甜品食好似争啲咁样，最后讲吓价钱方面，个日每个人既人均消费为$328(已连加一)，咁呢个价钱属于合理，亦系属于可以Encore去多次既选择…查看更多

可以令到我一个星期食两次，真系吸引嘅👍🏼无限时任食任饮之外，牛肉款式多而且新鲜（再落单都同样质素），海鲜盘嘅海鲜唔系冰鲜嘢，任饮汽水啤酒款式多（有黑啤），其他火锅配料食物应有尽有，特长蟹柳、鸡子、猪肚、鱼皮饺、各式肉丸等等，好快会去第三次。…查看更多

第一次系尝试香港食潮汕牛肉火锅。黎间牛肉都好新鲜，海鲜都好食，值得一试。服务态度都唔错，推荐约埋朋友一起来试下。除咗场地细咗少少，其他都唔错嘅。人均200几文有咁新鲜牛肉食真系低。…查看更多

因上次食过念念不忘，今次五个人再次光顾，五个人拣咗两个汤底，叫咗个花胶鸡，一个牛杂锅，佢哋虽然做放题，但汤底出嚟嘅质素唔比单点差，今次嘅牛肉感觉比上次仲好，更有牛味更嫩滑，海鲜种类多同好新鲜，今次仲有Häagen-Dazs雪糕值得一赞，仲可以无限时任食比上次体验更加好。…查看更多

放工约咗朋友揾食，之前系影音号刷到牛姐呢间店，见佢拍拣牛肉嘅视频好认真，就话一定要过嚟试下。六点几到店，门面虽则唔算好大，但入到去好阔落，冇街市嘅挤迫感，灯光够柔和，张张枱之间空位够多，坐得好舒服，墙上仲有牛肉部位图解，细节做得几贴心。早几日打电话订台，听讲有送海鲜头盘，坐低冇几耐，侍应就捧咗上嚟——鲜虾同蚬仔，虾大只到虾膏都凸出嚟，蚬仔吐得干干净净冇沙，朋友即时话「呢个头盘够晒诚意」！汽水饮料选择真系多，除咗常见嘅可乐、雪碧，仲有维他奶、冻柠茶，连少见嘅咸柠七都有，自家制酸梅汤甜甜地，解腻一流，基本上想饮嘅都齐全。食材区更是丰富到眼花：牛肉区最吸睛，吊龙切得薄到透光，匙柄肥瘦均匀，听话系牛姐朝早去街市拣嘅，新鲜到灼8秒就够嫩，肉汁咬开会喷出来。仲有本地菜心（绿到发光，应该系朝早摘嘅）、手打虾滑（咬落有整只虾粒），仲有几款新鲜丸滑，品质都几好。成班人由六点食到九点几，边涮边倾，完全唔使赶，环境松动又舒服，埋单时仲惊讶咗下——人均先百几蚊，仲有头盘送，抵到喊！朋友话下次聚会仲要嚟，食材新鲜、选择又多，最重要系坐得自在，住旺角附近嘅真系可以试下，绝对冇伏！…查看更多