紅椒力量

营业中

休息中

-紅椒力量🍽-本身以為呢一間主打食新加坡菜好似海南飯或者喇沙咁點知坐低之後發現佢咩都有得食例如小菜扒餐咁其實好似茶餐廳咁🤣-🥢海南雞飯 $62海南雞份量都ok有大約1/4隻🐥不過雞胸個位置就真係偏老如果呢個部位都做得夠嫩口就更好🤨海南雞個醬汁係靈魂黎但就覺得個醬油可以再濃味d😉搞到小編好掛住新加坡個d海南雞飯🤣-🥢鐵板孖頭牛柳 $92呢d滋滋既鐵板牛真係值得一食！除左花園餐廳個d都好少餐廳仲會用鐵板上🧐鐵板本身就配薯菜既如果想轉飯🍚/意粉🍝就要加$10😉醬汁就有黑椒/蒜茸/洋葱/燒汁😍重口味既小編就揀左蒜茸汁配牛柳😋個扒係整到勁林咬兩下就吞得🤣不過個牛柳可能掩得耐左食落咸得濟🤔薯條🍟配埋個蒜茸汁好好味😋-🥤龍眼冰加$10/芒果沙冰加$19本身跟餐包野飲亦可以加錢轉特飲😉海南雞飯就當然要配龍眼冰🤣龍眼冰都多龍眼肉勁甜正😋芒果沙冰個味就唔夠濃少d冰可能會好d🤣-🌟評分:🏅🏅🏅🏅🏅地址: 紅磡必嘉街紅磡灣中心12號地舖

本身來黃埔睇戲，入埸前先食個豐富的午餐。雖則稱為泰式二人餐，三個女生吃都足夠有餘。平常於星馬餐廳吃相等份量及質素相信最小再加多一百五十，以這個價錢確實抵食。起初以為只用湯碗裝，怎料到有驚喜的冬陰海鮮湯，味道都貼近正宗，材料亦有好多包括魷魚、金菇、蝦、雜菇及蕃茄。小食選了燒豬頸肉酸梅醬，不乾身，外層香脆內裡多汁。沾酸梅醬更去油膩。海南雞採用雞胸及雞髀部份，啖啖肉又入味，雞皮薄又小油脂。更有花生伴碟，很滋味。蒜蓉炒菜心，清爽又甜，加上惹味蒜蓉。有好餸當然要有靚飯送除了傳統餐飲外，更有多種星泰特飲選擇。餐飲選了茶走及菜蜜除了大量東南亞菜式外更有大量中式小菜選擇，必定有一款合心水。西式更有扒餐選擇。

紅椒力量一聽個名以為淨係食辣野？你就錯啦！餐廳提供不同款式食物，我同朋友睇餐牌睇左勁耐，因為實在有太多款食物，搞到有選擇困難症😹🙈。最後嗌左兩個晚餐：豬脾飯和涼瓜排骨河粉，加茄子牛仔骨和涼粉冰。餐湯有中式同西式揀，同朋友各嗌左羅宋湯同青紅蘿蔔湯。羅宋湯酸酸甜甜好開胃，開飯之前飲就啱曬啦。青紅蘿蔔湯夠清，唔覺有落味精。豬脾飯($62) 送餐湯同餐飲豬脾入味，皮夠軟腍。有d酸菜做配菜，食豬脾食到咁上下可以食番d酸菜中和一下肥膩感。涼瓜排骨河粉($60)送餐湯同餐飲呢度嘅涼瓜唔苦，甚至有d甜！係食完最尾有少少苦澀味，但真係唔係好覺有苦味。怕食苦瓜嘅朋友都可以一試！河粉夠滑，唔會過腍。茄子牛仔骨($78)送白飯同餐湯好有鑊氣又夠熱，過左一陣食重冒煙！牛仔骨牛味香濃，份量足又大塊。配菜重有洋蔥、青椒同蔥。送飯一流！😋跟餐飲品半價。踏入夏天，好想食涼粉就點左杯涼粉冰。涼粉冰涼粉份量夠多，落左椰奶飲落好香椰子味，唔會太甜。

紅磡寶其利街必加街一帶小店林立，各式食物應有盡有， 中式粥鋪 雲吞麵， 甜品店 高級漢堡包店 ，或是外賣點心包點都應有盡有，同家人午市食個快飯， 餐廳「紅椒力量」 總能夠 迎合身邊家人 ，原因無他，茶餐廳 格局 ， 食物款式應有盡有， 午市套餐各款泰式炒粉炒麵湯河， 也有中式即炒 飯餸，各款食物 總能夠迎合不同的胃口。中式二人餐，所兩款小菜即叫即炒，配白飯，是日例湯（木瓜湯）及飲品，都只是120蚊，抵食啦。涼瓜斑腩，份量多又大碟，涼瓜厚切夠厚肉，斑腩先炸過咬落脆卜卜。西芹腰果肉丁夠鑊氣，肉丁啖啖肉，西芹夠爽脆。飲後加埋凍檸茶同凍奶茶真係無得輸。

今日同男朋友到黃埔行街，晚飯到一間餐廳，根據餐廳名，本身打算點辣野食，不過侍應介紹左幾樣俾我地，話d小菜好好，咁即管一試。雖然2個人，不過我男友都幾大食，最後點左3人餐，一個煲加2碟小菜。豆腐斑腩煲侍應極力推薦既，食落斑腩肉質唔錯，脆漿亦唔會太厚，煲仔上，夠晒熱辣辣，夠鑊氣，唯一豆腐唔夠滑溜，如果用布包豆腐，相信更佳。京蔥爆牛肉上枱好香，牛肉入哂味，食落唔嚡，唔會爆到老哂，啱啱好，蔥既份量好充足，相比牛肉比例偏少，比例做番好d就更好。沙拉雞球雞球整得好脆，都幾有咬口，配上千島汁，酸酸地幾開胃，當小食或者攞嚟佐飯都可以。最後各自一杯特飲，椰汁紅豆冰味道好好味，紅豆份量好多而且好腍，推介之一，另外青檸梳打就冇咩特別，不過不失，整體上都係一餐唔錯嘅晚飯。

男朋友成8點幾先收工, 是但入左間茶記食飯, 原來呢間有做埋泰菜, 除左粉麵, 仲有咖哩, 中菜, 仲有得鋸排!!!泰式2人餐都係$248, 有菜有肉有湯, 所以就日是揀啦!!點知個冬蔭工湯係幾大煲, 好采唔係好辣, 同埋夠味, 所以幾岩我飲!! 入面仲有好多料!!海南雞都幾好食, 小食我地揀左豬頸肉, 加埋個汁好開胃好好送飯!個餐仲有1個炒菜, 不過太夜已經無晒菜心, 轉左西蘭花, 仲好食!套餐仲包2個飲品, 呢個價錢黎講都幾唔錯!下次試埋佢既咖哩先!

下午茶食嘢就最抵啦～叫返2個下午茶餐返去食先焗鮮茄豬扒飯D茄汁顏色比較鮮艷～不過味道都可以～不過冇咩鮮茄～可能因為下午茶嘅關係塊豬扒好細塊～不過整體都幾好食焗芝士肉醬意粉賣相一D都唔好睇～第一次食咁深色嘅肉醬意粉～冇咩肉碎～不過汁多都仲可以勉強食晒D意粉～似加咗豉油好鹹～完全冇茄汁味～又冇咩焗芝士～呢個比較搵笨跟餐配熱飲～叫咗熱奶茶、熱咖啡～熱奶茶茶味濃不過唔係好滑～熱咖啡幾香幾濃外賣自取九折～另收$3外賣盒費

今日去了黃埔行街！我們去了"紅椒力量"食午餐+下午茶🤣😂下午茶餐都幾抵食$37有炒粉麵！我們點了下午茶～干炒牛河$37 +紅豆冰$5午餐～海南雞飯$50+紅豆冰$10小食～雜錦拼盤（炸雞翼，炸蝦餅，炸春卷，串燒牛，串燒雞，串燒豬）干炒牛河牛肉都不小！河粉好爽口彈牙！好有鑊氣！味道剛好！👍🏻👍🏻👍🏻👍🏻下午茶的分量都不小！紅豆冰下午茶餐加$5就有！好抵！紅豆夠淋！甜甜加上奶香！好好味！海南雞飯雞都不錯！油飯好香！雜錦拼盤（炸雞翼，炸蝦餅，炸春卷，串燒牛，串燒雞，串燒豬）味道都不錯炸蝦餅，爽口脆脆！好好味！其他的都不錯！

是日同朋友嚟開紅磡，見差唔多晚飯嘅時間。就打算食埋晚飯先離開。眾所周知，黃埔不嬲就出名多嘢食。星期日嘅夜晚。基本上每一間餐廳店內都有長長嘅人龍。而咁啱想食泰國菜。又見到呢間餐廳有位。咁就二話不說走咗入去啦。我哋入座嘅時間尚算早。好彩嘅係入座入得快。因為我哋坐低冇幾耐。門外已經出現人龍。可見呢間食店喺區內都尚算受歡迎。我哋決定嗌左個泰式二人餐。套餐份量非常豐富。套餐包咗冬陰功湯，泰式鳳爪，炒通菜，豬手，同埋兩碗白飯，除此之外更包埋餐飲添。先講冬陰功湯入面海鮮份量非常之多。包括有蝦，青口，魚片等。而且更加有四隻蝦喺入面。冬陰功亦都唔會話太酸。我忍唔住飲咗幾碗。之後就係泰式鳳爪，鳳爪份量非常之多，我冇正式數過，但粗略估計入面有至少15隻鳳爪或以上。而且佢啲醬汁好好食。有少少酸，非常開胃。之後就到炒通菜。通菜一啲都唔老。食唔出有渣。而且夠晒鑊氣。最後就係個豬手。豬手膠質非常豐富，而且份量亦都係好多。呢一餐可以話非常之抵食。我哋已經淨係要一碗白飯。但係最後都食唔晒。以呢個價錢來講。性價比非常之高，而且味道唔錯。我推薦大家可以嚟試吓。

放工去油尖旺搵食，唔係下下都得逞，到處都冇位容得下大胃，於是乎走去隔離個紅磡度，平民啲又多餐廳選擇，今次就去一間茶記，但竟然係賣南洋菜海南雞飯一定走唔甩㗎喇，皮光肉滑，芫荽嘅點綴下，鮮味出眾油飯永遠都係海南雞嘅好拍檔，嗰陣油香令人難以忘懷可以點唔同嘅醬，食出唔同風味嘢飲都大大地杯龍眼冰龍眼多過啲冰，但飲落唔會太甜沙嗲燒得火候啱啱好，點埋沙嗲醬，錦上添花仲有老火湯，湯渣充滿骨膠原喇沙用金邊粉都幾得意，更加吸收到味晒而且真係啖啖都係海鮮，十分足料外表係普通茶記，原來係南洋餐廳

之前都有聽過依間餐廳，不過就冇食過。喺門口睇睇佢哋嘅餐牌，選擇都幾多🤔🤔除咗有星馬泰之選，仲有中式小菜，就連西式嘅扒餐都有！咁即係基本上滿足到唔同人嘅喜好啦😁😁今次晚餐，叫咗泰式二人粉麵套餐每人揀一碗麵，可以選擇唔同嘅湯底，我就揀咗冬陰功😁😁 另外可以揀一款小食，同埋一款炒蔬菜，再加埋每人一杯嘢飲✨✨對自己好啲，揀埋特飲，都係$200有找😊😊感覺上算好經濟實惠冬陰功湯味道酸酸辣辣，但係唔會超級辣，都幾好飲，仲有少少菇，令到碗金邊粉口感更豐富。佢哋嘅扎肉幾彈牙，有少少似魚蛋，幾得意😋 金邊粉嘅份量都幾多，同芽菜一齊食，正呀😁我叫咗青檸梳打，夠晒氣，甜甜酸酸，都幾唔錯。至於菜方面，就揀咗馬拉盞炒通菜，份量都幾多，而且菜唔老，夠晒新鮮👍🏼👍🏼食埋套餐嘅沙嗲串，都真係幾飽幾滿足沙嗲醬幾香濃，而且肉燒到表面香脆👍🏼整體來講成餐飯都食得好開心呀，出餐都幾快，而且員工都好樂於解答問題，唔錯唔錯。

12點半度黎到 未坐滿 俾我地坐少人個邊 所以坐得舒服又傾到計~中泰菜都有好多款揀 今次試泰式先泰式蝦球豬頸肉炒飯 $68最快上左個飯 啲飯炒得粒粒分明 唔辣不過幾惹味 用左一粒粒嘅豬頸肉 口感好過好一片片既好多 而且都幾大粒幾多 面頭三隻冰鮮蝦大大隻幾爽口 冇雪味 冬蔭公海南雞湯檬粉 $58份量算幾大份 個冬蔭公湯底幾濃 微辣~ 海南雞有一隻雞脾度份量 肉質都幾嫩滑 配個三色醬既薑蓉最正馬來沙爹串燒(牛豬) $65/半打串燒一上檯好香 豬/牛/雞揀兩款 牛就好淋 少少根位 豬就乾左d 要沾多d個沙爹醬 都幾甜下 又有d先生粒咬下炸蝦餅 $52蝦餅唔係好厚 不過炸得好香脆 味道還可以

有時候諗唔到食啲乜嘢好😢呢度嘅下午茶30幾蚊仲有嘢飲😎叫咗個冬陰功湯腸仔雞翼米線😆份量雖然偏小，但係都剛剛夠飽😄味道唔錯無可挑剔，服務OK會再幫襯😋☺️

初三幫襯外賣晚餐，新正頭加一都算，但等左成半粒鐘先有得拎，仲要超難食，服務同食物質素都比正常差。點了二人小菜套餐($114), 兩個小菜+兩個例湯+兩杯熱飲。轉什菜煲+$10, 盒錢+$6, 初三加一，共$143.例湯青紅蘿蔔豬骨湯好鹹，飲兩啖就放棄了。椒鹽鮮魷炸到甩皮甩骨，魷魚幾塊黏成一舊，炸粉就甩晒，味道又超鹹。蝦干粉絲雜菜煲，落完order聽到廚房話冇晒菜，照俾左D什菇、紅蘿蔔、翠玉瓜，但蝦干竟然變左雪藏蝦仔，完全係兩回事。

今日星期六就諗住平平地食餐lunch，就係OpenRice揾到呢間，諗住普通啦，點知係伏伏伏！ 我要求一啲都唔高普通茶餐廳對我都好好食。 (全部相都係食過先影，因為本來冇打算寫食評)1. 餐具污糟餐具就咁一堆放係枱上面，咁好多食客坐過。萬一有一位食客係帶菌者，容易傳播病毒。另外，我地叫咗青咖喱飯，個飯碟上面有油漬！！！極唔衛生！2.本身叫咗河粉，但落錯單本身叫咗轉河粉，但依然落咗金邊粉。不過碗麵到咗先發現，所以冇同返餐廳講。3. 青咖喱好水咖喱本來應該係杰身嘅，但係個青咖喱有啲位好水又有啲位好杰....4.冬陰功好難食冬陰功上面有日式魚片，呢個都唔係問題。麵上面啲海鮮太熟同有雪味，雪味只會係未完全解凍就攞去煮先會有。 仲有隻蝦好明顯太熟，咬落去好老。 個湯底冇味，似飲水再加好少酸味同辣味....5.凍檸茶似飲水凍檸茶好淡味，得啲檸檬同糖水味。 我對檸茶要求唔高，但呢杯真係奇差。最後，因為唔衛生加難食，我地食咗好少就冇食。今次真係俾錢買難受，呢啲時期見到碟有上一手嘅漬真係食唔落。呢間真係可一不可再。