紅星餐廳

成日听朋友讲话有间怀旧西式餐厅好掂，终于约到时间一齐试。入到去满满的旧香港情怀，复古灯光配木枱木椅，瞬间穿越返70年代老香港西餐厅，气氛满分！款款都想试，最后索性豪啲，一次过叫咗成枱嘢。-🥩 铁板美国牛封门柳（鲜菇烧汁）$130封门柳够晒淋身，七安士份量啱啱好，肉味浓得嚟唔会韧。鲜菇烧汁捞埋薯蓉一齐食，-👑 美国安格斯牛肉眼扒（黑松露烧汁）$20010安士超大块！肉眼扒脂肪分布靓，切开仲系粉红色，黑松露烧汁超浓郁，每一啖都系奢华享受。呢个价钱好抵食！珐瑯锅慢煮牛面珠墩肉配红糙米饭牛面珠炖得够耐，夹起嚟成旧肉都系入口即溶，汁收得够靓，仲有只温泉蛋捞饭一流。红糙米饭烟烟韧韧，唔会太硬，配埋个汁一齐食真系好啱。*update 5-course set $40 跟沙律杯、餐汤、餐饮、甜品🥗 凯撒沙律沙律菜新鲜爽脆，芝士味香浓，烟肉烟韧有咬口，加埋提子干同沙律酱，层次丰富，开胃之选！🧀西班牙巴斯克芝士蛋糕表面焗至焦香，中间少少流心口感。芝士味浓郁但唔会太重，甜度啱啱好，系会想一食再食𠮶种。呢间餐厅真系有惊喜，由主菜到小食都好有心机，唔会有啲行货味。环境舒服，服务人员都好有礼。成晚食得超满足，之后一定会再嚟，尤其系个蘑菇汤同巴斯克芝士蛋糕，实要encore‼️😛红星餐厅 (北角)北角英皇道668号健康村2期UG楼UG10号舖…查看更多

近北角图书馆同街市斜对面，都几多附近街坊帮衬。餐厅系怀旧复古风嘅老牌扒房格局，有质感既高背椅，精致水晶灯，仲有古典摇摆钟，旧时香港嘅高级西餐厅，优雅又带点怀旧feel。近年周街都系所谓新派冰室，呢d算买少见少了。难得加上店员服务贴心，好有亲切感。menu都感受到对食客既诚意，餐牌选择多到爆，鸭、鱼、猪手、牛扒、羊扒、海鲜饭、铁板牛脷、牛尾，感觉有d癫，乜都有！！😆街坊生意，价钱又唔贵。行过附近，呢间真系食得过👍❣️🦆 法式油封鸭腿配烟肉 呢道油封鸭腿系皇牌！鸭髀皮薄脆，咸香扑鼻，入口微焦好香口，内里鸭肉鲜嫩多汁，唔会干柴。配上香橙黑加仑子忌廉汁，酱汁酸甜浓郁，橙香突出，杰身得黎好平衡鸭肉嘅油腻，调味啱啱好。🐟 镬仔烩香煎鲈鱼扒配蕃茄肉酱 鲈鱼扒煎得外脆内嫩，连鱼皮，鱼皮无散架！！！鱼肉鲜滑唔腥，配上蕃茄肉酱（可拣辣或唔辣），辣既几惹味。好欣赏呢度既饭用红糙米添！健康又有咬口，吸晒酱汁。🐂 🍷珐瑯锅红酒杂菜炆牛尾 牛尾炆得软腍入味，肉质松化，轻轻一咬就散开，红酒酱汁浓郁香醇，带点杂菜嘅清甜，味道层次丰富。珐瑯锅保温一流，食到最后都热辣辣，配饭一流！🍲 红菜头忌廉汤 餐汤日日唔同，𠮶日咁啱红菜头忌廉汤。本身个人麻麻地红菜头，但有惊喜佢处理得唔错！无平时食红菜头阵草腥味，红菜头打烂得细滑，佢应该仲沟左少少粟米，估唔到咁夹！入口鲜甜清新。饮饮下我竟然饮晒个红菜头汤！😋🍰 Basque Burnt Cheesecake餐+$20就有埋个Cheesecake,真心抵！平时一块Basque Burnt Cheesecake闲闲地5,60蚊，表面微焦香气浓，内里creamy虽然唔算好软心，但甜度适中，食完好满足！怀旧扒房，街坊价钱，又咁有人情味既小店，买少见少！真系要食多d呢类小店🩷👍…查看更多

这天来到北角找吃的，位于鲗鱼涌与北角之间的Red Star迅速吸引了我的眼球。餐厅地图显示鲗鱼涌的地铁站出口是最接近的，但今次我由北角那边过来，地方不算很难找，如天气不太热由北角行过来是可接受的。虽然当日太阳并不太猛烈，但是天气颇潮湿以致流了不少汗，幸好餐厅的冷气足够，而内进餐厅留意到装潢行深色怀旧风格，楼底高感觉舒服。到达时已是下午茶时间，菜式与午餐相似，只是下午茶餐的价钱会更优惠，当然份量也会细一点啦。无论是午餐或是下午茶餐牌上的食物选择众多，绝对有选择困难症，而以这个价钱食到西餐我也有点期待。在云云吸引的菜式里面，我最后选择了香煎猪梅扒配山葵芥末指蜜糖忌廉汁跟意大利粉($45)，菜式的外貌绝不马虎。有一定厚度的猪梅扒煎得外脆内软，逼出猪油香气更甚。我选这个酱汁跟猪梅扒未必最夹，但有少少芥末味得来又有点甜甜的感觉几得意，若你有兴趣来些新颖有趣的味道可以一试。另上的意粉偏幼身，但又未幼得如天使面一般，保持了一定的口感，而她们意粉的沥水功夫做得亦不错。虽然餐厅食物定价相宜，但是质素和环境也绝不马虎。很喜欢她们所营造的气氛，特别是背景一直播著70至80年代的西方怀旧金曲，让客人在一个放松的环境下舒服地用餐，性价比高。其实在用餐的时候餐厅有给我一些熟悉的感觉，之后在上网一查，发觉原来Red Star跟我几年前在筲箕湾吃过的The Starred大概是一样的，无论是食物还是气氛；若我常在附近出没，大概会经常来这两间餐厅光顾！…查看更多

充满期待地想试这间餐厅 结果好失望 一入到去问男侍应要杯水 佢话冇杯 我出去食过咁多间餐厅 第一次听 ，咁唔紧要 我问可否要一碗水 佢话我地唔会咁做啰！ 餐点冇得叫水 因为我跟餐选了汤 ，我都唔知点， 出面30度， 我特登坐车去试， 真系好口干 ，跟著我再问佢你可否俾杯水 跟著佢话阿姐洗紧杯 有都俾你啦！佢一啲礼貌都冇，我结果出去出画买水饮 之后再经麦当劳拎咗个杯入去 佢有jar 水 但系真系冇杯,真系吹涨，以后都唔会去 ，如果你要饮水 记得饮完先入去食 或者自己带。仲有佢个薄切牛好难食 今日真系食到一肚子气…查看更多

叫左晚餐3号镬仔香煎鲈鱼扒意大利蕃茄蓉酱配红糙米饭&5号牛肝菌黑松露酱忌廉意大利饭，两个餐都各加$40变全餐，有沙律，汤，芝士蛋糕&饮品，其实变全餐都几抵，全因个芝士蛋糕几好食沙律菜算新鲜,系d黑醋少咗d杂菜汤正常，唔咸调味啱啱好，最伏系后面既紫薯忌廉汤，饮落去好奇怪，加d糖可以变甜品🤔鲈鱼扒煎得好香，远距离都可以闻到，而且好大嚿，鱼皮煎都好脆，鱼肉唔老，可惜既系个source真系麻麻地，劲似某牌子既减盐减糖嘅番茄酱调味ok，不过黑松露个味唔系咁出，而且份量有d少，摆碟都唔算吸引，似颓饭feel，收呢个价钱唔值今餐最好食嘅系呢个芝士蛋糕，比出面酒店级数唔会逊色综合评分:其实食物质素可以再做好啲，环境只算合格，因为多客情况下,都几挤迫下…查看更多