紅伶飯店

好多时食潮州打冷都会谂起红伶饭店，佢地开业左超过50年，之前喺佐敦，短暂结业之后喺今年5月喺油麻地开翻，打冷、卤水既味道无变，一样咁有风味，同三五知己嚟肉翻两杯🍻几好👍🏻(5 😍 系满分，🤩系半分）潮州靓鹅片 🦢 - $159 (好味指数：😍😍😍😍)嚟打冷又点可以唔食鹅🦢呢😌 卤汁系由多种香料熬制，包括花椒、八角、甘草、陈皮等等，可以去除鹅肉🦢既膻味，有咸香之余香醇诱人，味道甘甜～ 鹅片🦢既份量几多，味道鲜香，软嫩多汁，而且唔会油腻～ 下面仲有香脆既花生🥜同埋清新软嫩既豆腐⬜️，全部都索左卤汁既味道👍🏻驰名煎蚝饼 🔥🦪🫓 - $89 (好味指数：😍😍😍😍🤩)煎到金黄酥脆有焦香，唔会好厚同多粉，所以相对上无咁heavy～有好多新鲜肥美既蚝仔🦪，味道鲜甜软嫩～ 同时带有咸香、蛋香🥚同埋番薯粉既烟韧，仲可以点埋潮州鱼露食去提鲜👍🏻黄金大虾球 🔥🟡🍤 - $139 (好味指数：😍😍😍😍)用左咸蛋黄🟡去炒，有浓郁风味、有咸香同奶油香味，仲有啲起沙 如果可以落多啲就好啦～ 个虾球🍤表皮既炸皮唔会好厚几香脆，爽口弹牙几鲜味，份量亦都几多～榄菜肉松四季豆 🥬🐷🫛 - $109 (好味指数：😍😍😍😍)炒得几有获气，惹味香口，榄菜🥬有独特既咸香，肉松🐷有油香同香口，而四季豆🫛清甜爽口，够嫩唔会有渣，用黎捞饭🍚几正🤤好味指数：😍😍😍😍推介指数：😍😍😍😍…查看更多

话说早排想食潮州菜就嚟咗油麻地呢间打冷店已经俾我mark咗好耐 终于有机会一试!!🔸潮州卤水鹅话明打冷点可以冇卤水鹅嘅出现有分鹅片或者有骨嘅卤水鹅 一上枱已经觉得啲色水好靓 系有光泽嘅卤水鹅卤水汁好出色 完全食到花椒八角等香料味而且唔会太咸抢咗鹅肉香味 鹅肉亦唔会鞋口带有少少烟韧嘅质感垫底嘅豆腐虽然看似平平无奇 但好滑溜而且每一件都系厚切🔹椒盐鲜鱿每件鲜鱿炸至金黄色 粉浆超薄而且香脆 即使系炸物都唔会有过多嘅油腻感每件配上海量炸蒜非常惹味可口点埋喼汁 微微嘅酸味又系另一番风味🔸XO酱小炒王呢碟可能系我人生食过最足料嘅小炒王虾干 鱿鱼 带子 炸白饭鱼 腰果 菜莆…坊间嘅都系韭菜花占多 呢度反而系配料有海鲜嘅加持令小炒王多咗份鲜味非常适合用嚟做佐酒小菜🔹蚝仔粥蚝仔粥有小 中 大 三个size中size大概分到5-6碗新鲜饱满嘅蚝仔同鱿鱼令汤底多咗份鲜味配上大量葱同芫荽 超有风味！🚩红伶饭店 油麻地砵兰街10-16号宜发大厦地下D及E号舖…查看更多

放假同家人出街食饭，拣咗响油麻地嘅红伶饭店。佢嘅店面唔系好光鲜亮丽，因为我知道佢系主打刺激食客嘅味蕾。我冇讲得夸张，的而且确佢嘅潮州菜式，系我食过最好嘅，比起我早前提及过另一间潮州打冷更好。我地6大1细，竟然叫咗13道菜式，仲要碟碟清，可想而知有几咁好食。韮菜猪红 HK$82一个好耐冇食过嘅菜式，佢做到我要嘅传统味道，无须添加任可嘢。椒盐鸡软骨 HK$99未食过咁大粒嘅鸡软骨，仲要粒粒都好爽脆，粉唔厚，亦唔会太咸，送啤酒一流。冰震芥辣墨鱼片 HK$119我一响麻麻地墨鱼，估唔到佢又可以做到咁爽脆，忍唔住口又想嚟多块。生腌蛳蚶 HK$109呢个味道好丰富，我好欣赏佢呢种腌法，有好香嘅莞茜味混响一齐，比起我食过嘅同类蛳蚶更好食。潮州靓鹅片 HK$159呢个稍为有啲失望，味道系好好，但可惜系鹅片比较「鞋」。潮州春菜煲 HK$88呢道菜大家都系抱住唔知系乜嘅心态都点，但真心，好好食，我讲唔到点好食法，有种好熟识嘅味道，但又唔知边道食过，呢个我觉得系必点。XO酱小炒王 HK$119其实我唔钟意食小炒王，因为曾经响其他地方食过有阴影。今次系再试下，佢呢度嘅小炒王会唔会有唔同。上菜我谂，都系果啲嘢，但食入口，有一种爆发力，够获气，香气够，材料足，家人都话，未食过一间小炒王系好食，呢个包括本人，今次真正第一次值得赞嘅小炒王。白灼鹅肠 HK$119连线两日食鹅肠，加上过住嘅经验，佢未系好出色，但系正常要做到嘅级数。黄金大虾球 HK$139呢个系冇得弹嘅菜式，面果层已经够脆，加埋虾仁嘅爽脆，完全系冲击味蕾，呢个都系我觉得必食嘅菜式。椒盐鳝球 HK$169冇谂过鳝用椒盐炸出嚟都可以咁好食，一嚟佢冇过咸，二嚟佢个鳝系可以保持爽脆，呢个真系冇得顶。椒盐九肚鱼 HK$119外皮好松脆同个粉好薄，加上个鱼肉好滑，以我咁唔钟意食鱼嘅人都觉得正，就知道呢个又系必点。驰名煎蚝饼 HK$89一向我食煎蚝饼系会将面层嘅炸粉拆出嚟，净系食蚝。但红伶嘅蚝饼，竟然连个外皮脆脆都好好味，就好似食薯片咁，连埋蚝饼一齐食，又系另一种境界。以我食过嘅蚝饼，佢系No. 1。红烧乳鸽 HK$59最后嘅红烧乳鸽我冇食到，我对鸽兴趣不大。但望落都唔错咁，有少少后悔点解唔试下。点咗13款菜式，椒盐鸡软骨、冰震芥辣墨鱼片、潮州春菜煲、XO酱小炒王、黄金大虾球系必点，而且价钱合理，所以6点几开始已经坐无虚席，真系好夸张。…查看更多

最近去咗《红伶饭店》食咗几款招牌小炒，整体感觉都几有惊喜，味道比想像中更实在。以下逐样讲讲：🍢 卤水豆腐 — 丰富豆香、入味但唔咸卤水豆腐啖啖都非常入味，卤水香带少少甘甜，唔会死咸。豆腐口感系外紧内嫩，咬落去仲有少少卤汁渗出，配白饭一流。钟意卤味嘅一定要试。🥚 驰名煎蚝饼 — 外脆内软，蚝味香但唔腥佢哋嘅煎蚝饼真系值得「驰名」两个字，外层煎到金黄酥脆，里面蛋香同蚝味平衡得好好。蚝粒大粒新鲜，又唔腥，口感烟烟韧韧，好正！点少少辣椒油更加出味。🦐 黄金大虾球 — 大大粒、爽口、香脆不油腻黄金大虾球系全枱最受欢迎𠮶款。虾球够大只，爽弹得嚟又唔会粉，外层炸浆薄薄一层，食落香口但唔油腻。黄金咸蛋香味好突出，每啖都好邪恶但好满足。🫙 豉椒炒蚬 — 火气十足、惹味下饭豉椒炒蚬好有镬气，豉汁、青椒、辣椒香味混合得好好。蚬肉偏细粒但鲜味足，最啱用嚟送啤酒或者伴炒面、白饭。汁做到刚好，唔会太咸亦唔会水汪汪。今次四款都无踩雷，味道属于「家常小炒但有心机煮」𠮶种，出品稳定，价钱中等。…查看更多

在这家餐厅中，四道招牌菜品让我大快朵颐，每道菜都展现了精致的厨艺与独特的风味。首先，「驰名卤水鹅」色泽诱人，鹅肉嫩滑，酱汁渗透每一层，令人念念不忘。接著，「冰镇芥辣墨鱼」口感鲜脆，搭配芥辣的辛香，让味蕾瞬间醒来，十分爽口。然后，「椒盐九肚鱼」外酥内嫩，咸香的椒盐调味完美提升了鱼的鲜美，让人一口接一口，欲罢不能。最后，「驰名醉鸡锅」则是一道集众多元素于一身的佳肴，鸡肉浸泡在酒香四溢的汤底中，味道浓郁，令人陶醉。整体而言，这些菜品不仅呈现了色香味俱全的飨宴，更展现了主厨对于食材的严格把控，每一口都让人感受到真挚的用心。这样的用餐体验，实在不容错过！…查看更多