糖水妹甜品

十二点几差唔多一点都未食晚餐，所以近近地嚟咗呢一间通宵糖水铺食点心，点知中伏。呢度嘅点心价钱可以媲美一啲连锁嘅点心店，同添好运,一点心嘅价钱有得挥，但系质素就真系差好远，一笼烧卖要＄24 ,一笼虾饺要＄26 ,一碟叉烧肠要＄26等等。另外仲嗌左凤爪，同埋山竹牛肉。点心系一次过就送到来，除咗叉烧肠。一送上枱就觉得佢哋好冇精神，一望到虾饺同烧卖个皮，未食就觉得好厚皮，睇落去仲干争争，烧卖嘅质素真系做好差，讲真随街揾间小食店买串鱼肉烧卖，都好食过佢好多倍，唔好讲笑，真系好厚皮，虾饺亦都系，唔使讲凤爪同牛肉都唔好食，牛肉里面啲肉仲系红卜卜，吓亲我，问佢哋佢哋又话系正常，唯有勉强食咗佢，好似食紧一个热辣辣嘅生牛肉球咁。最后即叫即正嘅叉烧肠亦都唔想评论，啲被正到好似粉果咁样，里面叉烧肉激少，而且好肥，讲真系超级市场买淘大点心或者公仔点心都好味过呢度嘅点心好多，真系几难食，但系唔想浪费食物，所以先被迫食晒所有嘅点心。讲真嘅，如果唔系太夜同近，都唔会揾到呢间，下次好肚饿嘅时候都唔会再嚟呢度食点心。冇影相，真心试左，真心难食，唔信嘅可以试吓。…查看更多

见糖水妹开业多时也没有帮衬过，始终长沙湾的糖水甜品店多的是，甚至大部分糖水店在假日都排晒队，所以一直没有留意糖水妹，今晚拿被子到自助洗衣店清洗，所以打算等候期间食碗糖水打发时间，本来打算去松记，虽然十一点几人唔多，不过都担心松记唔比坐半个钟，所以见糖水妹比较近，就入咗去了～以款式来说，糖水妹的糖水和甜品似乎没有多大特色以价格来说也跟附近的糖水店相近西瓜凉粉冰用椰汁，只能说西瓜有西瓜味吧😂😂热豆花芝麻糊，芝麻味香，而且热辣辣的，但偏甜，豆腐花在底却只是室温的一啖糖水2种温度有点格格不入正常价钱，普通的味道确实难与附近多间糖水店竞争，难怪现在要推出通宵点心～…查看更多

下雨天避雨时间最就近的食店，谂住碰下运气，点知完全中左伏，不得不开AC评一下：1. 椰皇芒果小丸子...居然有提子味啫喱系入面，真系唔晓欣赏，味道夹吗？2. 杂果凉粉...好有廿四味凉，是好是坏唔晓评论…查看更多

一向都很喜欢去小小的糖水店,总觉得比较温暖有人情味~ 今日同朋友行完山有点累, 就四处逛逛,最后去了这糖水店。以中式糖水做主打而且玻璃开放式厨房,可看见里面情况让客人感觉比较干净。 我地ORDER 了芒果芒果布丁同什果加大明珠。朋友话一间糖水店好唔好食就要睇佢芒果产品整成点。他觉得好好食,甜度适中,而且芒果肉比例也很多很甜~好食!什果加大明珠: 什果款式也很多, 波萝,火龙果,哈蜜瓜,西瓜的热带水果, 但好似未够熟,有点偏酸,配埋椰汁大明珠就岩岩好~整体都算不错~…查看更多

今晚食完饭，想食糖水，可惜周围的糖水舖都大排长龙，行过见到新开张一个月的糖水妹，环境清洁，舒服，多选择，就试一试叫左个杏仁茶，即整的，唔系等好耐，非常香滑，里面仲有蛋白肉，下次一定要再食过👍🏻👍🏻👍🏻…查看更多