米線陣 (翡翠明珠廣場)

营业中

休息中

天氣熱胃口麻麻好多時都會想搵番少少刺激信義妹係辣妹就更加離不開辣見到米線陣有辣食就成為不二之選睇咗一陣係麻辣蕃茄肥牛魚腐米線同大汗豬扒擔擔米線之間淨扎究竟邊個會辣啲呢?究竟邊味會令信義妹吃得痛快呢?爭扎下豬扒打羸肥牛點了大汗豬扒擔擔米線大汗豬扒擔擔米線 $43來到先被麻醬香迷住了再被辣油香氣吸引有香氣濃烈既莞茜蓋面莞茜控一定開心到不得了湯比想像之中稠但就因為稠所以能令到每一條米線都能掛上醬汁令到米線味道不會淡而無味湯底除麻醬還帶有陣陣鮮甜米線軟硬度適中 豬扒酥軟除了面的辣粉仲有一大片辣油鋪底辣油仲有脆粒夾埋一齊食，口感有多種層次變化豬扒酥軟，脆粒香口辣味亦有不同既層次由辣油既香再去到辣粉既刺激辛辣不過對信義妹來講就可以再辣多點啦 愛辣的人不妨一試同場見到有客人食到大汗加細汗原來大汗豬扒既名係咁來既~~ 下次試埋麻辣蕃茄肥牛魚腐米線先~地址: 銅鑼灣百德新街22-36號翡翠明珠廣場1樓5A及5C號舖

Festiva 登陸銅鑼灣翡翠明珠廣場一樓，場內有大家樂集團旗下六間餐廳，包括大家樂，米線陣，意粉屋，丼丼亭，Zakka，同埋上海姥姥，無論你想食中餐西餐或日本菜，都總有一間啱你食。因為時間嘅關係，揀咗食米線陣，見餐牌上皇牌推介有個大汗豬扒擔擔米線，賣相相當吸引，所以打算試吓。豬扒同米線係分開上，炸得夠火喉既豬扒放係口水汁上面，入口微辣，配埋香濃而帶花生味既湯底，聞到已經流晒口水，味道仲唔錯添，係＄43一碗黎講算係非常超值，仲可以另加＄8要杯飲品添。

之前係青衣食過佢地ge花鵰雞翼都幾好味，見銅鑼灣都開左新分店，諗住去試下，點知去到無呢味餸，咁都諗住支持下，下午6:30ge時候成間舖都唔夠10個人，我同朋友都揹住個袋，佢就帶我地去到一個正常2人枱，但完全無位擺袋，坐左一陣，我地未點野食，見有大量空位，所以就問staff可唔可以轉去4人位，因為眼見都至少兩枱係得兩個人但坐住4人位，點知個staff問我地坐高枱得唔得，我就話正常個張4人枱可唔可以，之後佢就勁悔氣咁話"唉 你坐啦"，咁就算啦，我就同朋友坐左去張4人枱，點知坐低唔夠5秒，另一個staff又無啦啦走過來同我講"麻煩你地坐埋一邊, 因為一陣可能多人" 咁我就話人地個兩枱都係咁坐，其實當時間舖都唔夠15個客人，員工仲多過d客，至少有成70-80個位ge餐廳我都唔明點解服務態度可以咁，最終我都無食到野就走左，亦都唔諗住再試呢間野