米線陣 (新都城中心二期)

每隔一段時間，總要專程來吃這碗麻辣番茄米線，特別是肚餓的時候必選的中辣剛剛好，既能品到辣椒的麻香刺激，又不會蓋過番茄湯底的酸甜。米線吸飽湯汁，配料不馬虎，黑醋豬軟骨燉得軟爛，咬開滿是膠質，黑醋的酸香還能解膩；鹵水豬腸處理得乾淨，鹵味滲透嚼著鹹香十足。一口米線、一塊軟骨、一段豬腸，再喝口融合了麻辣與酸甜的湯，層次豐富到讓人滿足，這大概就是它讓人時常掛念的原因。熱水自助平時亦會定期有新的期間限定米線，但還是特別喜愛麻辣蕃茄米線…查看更多

去過好多間分店，覺得寶琳分店最好味😋 而且米線店嚟講最好食，餸款式多選擇而且有調味，肉類多而且大件又淋(啲肉唔會係白烚又好柴嘅肉絲)😂 湯底比其他分店濃，清湯叫牛面肉炆冬菇，會有候柱湯味，蕃茄湯都好足料，酸酸甜甜好濃郁🍅 推薦食牛面肉⭐️⭐️⭐️，炆冬菇，牛肚，雞翼 😋想讚揚一下店員Polly BM，熱心解答問題，十分有責任感，會努力提高食店質素💪🏻 所有員工都友善，盡責，地方清潔，打掃仔細👍🏻會再來幫襯🙆‍♀️…查看更多

經過新港商場，入邊有好多餐廳，甘啱今日想食米線，見到價錢又平平哋，所以就入咗去食。見到下午茶餐呢個價錢算幾吸引，見到佢推介炸豬扒清湯米線，所以就試吓呢一個。嚟到嘅時候睇到清湯都叫有少少顏色，但係面上就有好多油，但係唔緊要因為炸豬扒放咗喺入邊，有油都比較正常。😅😅😅但係當我食嘅時候，湯底完全冇味，米線亦都冇味，超級寡，超級清淡。而且亦都唔係炸豬扒，只係普通煎豬扒。湯底真係完全冇味😅😅😅😅…查看更多

對於我呢個米線控😆周圍搵唔同米線店試食🤣今次就試吓米線陣，整體來講不過不失。今次就試咗新出香濃擔擔麵米線再加埋個鹽酥雞，夠晒飽😂不過都係鍾意食酸辣米線多D…查看更多

中秋行過商場睇到米線陣，好耐冇食，就入黎試下。因為在我印象中，米線陣真是好好味，哈哈，幾年前食過。番茄牛肉米線，餐牌寫住是辣的，本身我就唔食得辣，問下可唔可以走辣，可以，然後就點佐，發覺宜家冇以前咁好味，番茄湯底有滴甜，唔夠酸，牛肉份量OK不過整體都是可以，我朋友試佐下，話OK我朋友點佐雞扒面，因為有滴辣，佢話比番茄牛肉米線好食整體黎講價錢方面都好公道…查看更多

今日佛誕下午，一家人經過新都城分店 , 諗起好耐無食 , 走左入去。 食物都仲保持到良好水準，尤其麻辣蕃茄湯底方面。用料都算係充足。。但其實想講，侍應服務態度方面需要改善下：1. 落單時，問關於餐牌事情，感覺侍應好似無乜耐性。 2. 侍應同廚房傾計時候粗口橫飛，有d似入左茶餐廳。 雖然唔係咩貴價餐廳，但至少客人同員工都要互相尊重。 點都好，因為有小朋友係度，建議員工要避免下粗俗語言，而食物都有相對水準，所以都會幫襯。…查看更多

不知道你在農曆年三十晚的「團年飯」裡面，餸菜裡面有沒有「牛肉」呢？很遺憾地我的年三十晚「團年飯」裡面，就沒有跟「牛肉」有關係的餸菜，因為我媽在「團年飯」裡面，向來沒有煮「牛腩」的習慣。所以我被迫在年三十下午，在「將軍澳」「新都城中心」二期「高層地下」那一層，光顧粉麵餐廳「米線陣」，購買外賣自取「汁煮蘿蔔牛腩」套餐，當作為自己的「團年飯」晚餐自行「加餸」。食客光顧「米線陣」的時候，可以在餐廳「鮮味一人選」套餐五款主菜食材，包括「雞」、「牛」、「豬」裡面揀選其中一款，再選擇配「白飯」或者「米線」，既然阿媽晚上已經煮飯，我沒有可能再選擇食「白飯」。結果我選擇購買，餸菜以「牛腩」「米線」為主的「鮮味一人選」外賣自取套餐。至於套餐裡面的配菜以蔬菜為主，包括「唐生菜」、「拍青瓜」跟「涼拌雲耳」，我選擇了享用「唐生菜」。至於套餐裡面還包括了一杯飲品，結果我就選擇了享用「凍奶茶」，「米線陣」兩款外賣自取食品加上一杯飲品，總價錢連外賣飯盒的附加費用之後，需要港幣六十四元。結果我付款之後，等候了十分鐘左右，終於取得外賣套餐食品飲品。我再立刻乘搭專綫小巴趕回「西貢」，晚上的「團年飯」也差不多要開始了。我從「團年飯」還未開始，時間尚在六時半左右的時候，先享用「凍奶茶」，我點餐時好像忘記先要求「凍奶茶」來個「少冰」，結果回家時冰塊已經融化得七七八八，幸好「凍奶茶」裡面的茶味、淡奶和糖漿甜味仍然健在。至於「米線」浸沒於上湯裡面，「上湯」鹹味和甜味意外地，已經完全被吸收進入「米線」裡面，等到揭開外賣膠蓋，「上湯」已經完全被「米線」吸收，只剩下一大碗發漲的「米線」，幸好「米線」實際口感仍然彈牙。而且我真正的目標，其實只在於肉類食材，我晚餐非食不可的「蘿蔔牛腩」而已。至於「米線」實際製成品口感是否彈牙，其實跟我已經沒有太大的關係。至於分開另外擺放在外賣膠碗裡面的「唐生菜」，幾乎沒有任何湯汁包圍「唐生菜」，「唐生菜」的實際口感也沒有被「米線陣」煮到變腍，口感還是十分爽脆。「唐生菜」實際製成品口感雖然是很爽脆，可惜實際製成品只有一大條「唐生菜」，卻沒有什麼湯汁包圍着「唐生菜」，令「唐生菜」實際口感變得有點乾，味道變得比較淡薄，有少許需要扣分。至於「米線陣」的外賣「汁煮蘿蔔牛腩」，雖然「汁都蘿蔔牛腩」實際溫度，已經沒有可能再回到新鮮滾熱辣的狀態，但是不幸中之大幸的是「牛腩」實際製成品在我放入口的時候，肉質和口感還沒有變韌。而且「汁煮蘿蔔牛腩」顧名思義，即是「蘿蔔」和「牛腩」實際製成品的底層，按道理應該有不少有甜味和鹹味味道的醬汁，才有「汁煮蘿蔔牛腩」這個食品名稱。結果我打開外賣「汁煮蘿蔔牛腩」的塑膠飯盒之後，就立刻發現「飯盒」底層，還有一大片浸到接近外賣膠盒中間位置，質地偏向稀的鹹甜醬汁。「蘿蔔」正正因為還浸泡在鹹甜味道的醬汁裡面，所以「蘿蔔」的實際味道，托賴底層鹹甜味道醬汁幫忙，仍然擁有鹹味和甜味，只不過「蘿蔔」味道還未算最甜，「蘿蔔」口感還未算最腍。所以我個人覺得，「米線陣」套餐裡面的「蘿蔔」，其實可以浸泡甜鹹味道醬汁時間再長一點，現實卻是醬汁味道充滿鹹味甜味，然而「蘿蔔」實際味道，還未浸泡醬汁至到最濃厚狀態。但是我實際上食到「蘿蔔」裡面的味道，某程度上已經吸收底層醬汁裡面的鹹味跟甜味，加上「蘿蔔」實際口感已經被煮至頗為軟腍，所以我對「汁煮蘿蔔」口感感覺可以收貨。至於「蘿蔔」的口感，不得不承認「蘿蔔」實際製成品裡面是沒有筋，而且已經被「米線陣」裡面的廚房，煮到口感感覺頗為軟腍的狀態。結果「米線陣」跟「米線陣」套餐裡面的「汁煮蘿蔔」，成為我歷來食過的「汁煮蘿蔔」裡面，味道最甜，裡面沒有筋，口感最軟最腍的餐廳之一。至於「米線陣」外賣「汁煮蘿蔔牛腩」連凍奶茶「鮮味一人選套餐」實際價錢，比坊間食店裡面的「牛腩」套餐稍為昂貴了幾元，賣港幣六十四元，不算性價比最高，但又未至於接受不了，下次還有可有機會再試。…查看更多

另一間後起連鎖式米線集團...餸菜老實說有點普通，而點菜亦以車仔麵方式可經手機QR.code order...似乎都成大催勢...無敵2人餐 128蚊，包2碗2餸米線，可選9蚊內既餸，2款小食，1款蔬菜，2杯飲品而且可選特式飲品，呢個價位無得輸...雞肉竹笙蕃茄麻辣米線- 番茄麻辣湯底在米線陣中是冇得輸，誠意極級推介番茄麻辣湯底。雲吞腩肉麻辣米線- 坦白說麻辣湯底，在云云米線店中並不特別出色。大汗豬扒- 大汗系列是米線陣中尤其出色的，有大汗豬扒，大汗雞翼，雖然大汗豬扒及上大汗雞翼，但因是隨餐附送，所以完全沒有投訴。口水雞- 口水雞質素並不平均，有時候口水雞醬汁非常惹味，但整體來說雞是非常非常普通而且是一般的普通白切雞，無甚特別。野菌時蔬- 濃郁重口味的小食, 配上口味偏重嘅湯底需要適時添上淡淡的蔬菜來解一解。青檸梳打- 普通之作熱檸蜜- 普通之作…查看更多

20/3星期五晚收工沒心情煮飯，求其食碗米線，平時喜歡去食上海擔擔麵加碟鍋貼都要1舊水埋單，今次試咗個大汗豬扒米線，可以配我喜歡嘅擔擔湯底真好豬扒是即炸夠脆香微辣，炸粉厚了一點都可以接受. 湯底夠花生味香濃，欠一點花生碎粒，多點炸菜肉碎就正宗喇，其實都唔錯呢$46…查看更多

今日午餐同朋友去左米線陣食飯，之前未試過，見佢個餐牌都唔算貴就試一試。我就叫左一個雞髀肉米線，要四川麻辣湯底。其實一坐低嘅印象已經麻麻地，完全無侍應，叫佢地好耐先有人過黎落單，而且態度唔係好好，我只係叫左一份雞髀肉結果佢幫我落左兩份。食物方面同樣失望，個湯底同平時食嘅麻辣湯底完全唔同，好稀，唔夠濃郁。至於個雞髀肉一d都唔滑，比較似雞胸肉多d。好彩呢一餐唔算太貴，兩份雞髀肉嘅四川麻辣湯底米線就$46，亦有水可以自助攞。…查看更多

曾幾何時，人人都食米線，個個話鄉音好重個間米線好食，試過一次完全唔係我杯茶。對米線改觀由呢間店起，原來米線可以咁好食。雞脾肉擔擔湯米線🍜，雞脾肉無其他部位咁鞋，擔擔湯有花生香味，成個米線都合哂胃口呀！有d肉碎有d雞脾肉有d芽菜呀芫茜咁，幾種配料同主餸嘅份量少左d。熱水都有檸檬浸住，形象工程，明顯主打比較健康米線，岩我！再者裝修座位都比較年輕化，價錢同鄉音重個間米線差無幾，我又覺得呢間好值得我番頭吃喎！…查看更多

很久前都食過這間餐廳。但很久都未再光顧。因為經常覺得這間餐廳的食客怪怪的。其實今次都有㗎。那些姐姐又唔會問你有沒有優惠卷？有沒有儲分？有沒有現金卷？不過我都就比較清醒。一早就叫佢地分單。因為我用微信支付，最近有現金回饋。所以抵食好多。我和朋友K都選擇了番茄湯底的通粉做早餐。雖然只有一個湯粉，比其他早餐套餐份量少。但其實個湯粉份量都很足夠。我們還加了兩蚊轉凍飲，其實都夠大杯，建議不用再加大。如果唔夠飲，可以到場的角落加清水。不過那個位置其實設計得不太好。很多人在那裡的時候，其實係很唔方便走位的。那個牛肉通都可以。但朋友的雞脾肉就無咩味道。湯底很夠味道。但如果要加兩蚊才有這個湯底，我覺得又唔太需要。總括來說，如果要食米線陣，不如去同一廣場的南記。配搭會更多，錢價更經濟⋯…查看更多

必吃雞扒米線 ，雞扒有辣味好惹味大大件 ，略嫌個米線質感太硬 ，雞扒好滑座位舒服不過點餐麻煩要用手機 。佢個番茄湯米線淡左d 。好彩雞扒搭救🤣🤣🤣🤣🤣😂🤣🤣🤣…查看更多

同朋友黎到寶琳，見好耐冇食過米線，之前喺米線陣食過個大汗豬扒擔擔米線好好果，就諗住黎encore啦呢個係我嘅大汗豬扒擔擔米線，一上到枱，覺得豬扒同米線嘅份量比之前食嘅細份左，試下個湯底都係我鐘意嘅味道，少少辣，入面有炸菜絲同肉碎，到於個豬扒，一咬落去，個粉漿炸到好硬，同以前完全唔同，舊豬扒亦比較瘦呢個係朋友嘅蕃茄炸雞扒米線，試左一啖湯，甜得黎又冇乜酸味，有d假，個雞扒嘅問題同頭先塊豬扒一樣，都係個炸粉好硬，又厚…查看更多

米線是大家經常吃的食物，平常吃的米線以酸辣麻辣湯底居多，今次吃的這間米線店，裏面的湯底計時比較特別我別出心裁的。這次點了個番茄湯米線，原本以為番茄湯非常清新，但想不到番茄湯過渡加料，味道過甜。而米線的口感正正常常，可以入口。可惜的是米線份量偏小，吃完整碗也不夠飽肚。個人應為這裏的米線性價比偏低，以快餐店的米線來說，你絕對可以選擇更好的。…查看更多