米線芳華

营业中

休息中

米線通常都食開譚仔，不過耐唔耐都會試下啲小店，今次就試咗呢間米線芳華，見佢門口都幾精神。本身諗住食米線，但見到火鍋又好想食，所以轉咗食火鍋 😌 估唔到米線店都有火鍋食 😂 火鍋湯底有好幾款選擇，最後叫咗最貴嘅花膠濃雞湯。湯底估佢唔到咁足料，花膠夠哂大件，而且仲有我最愛嘅蟲草花 😍 好彩揀咗呢個。肉類分別叫咗吊龍、匙柄、普通肥牛三款比較吓，吊龍份量不算好多，不過一分錢一分貨，肉味真係最濃郁。火鍋拼盤都幾有誠意，有墨魚丸、魚片頭、牛丸、魚皮餃、響鈴、豆卜、娃娃菜、冬菇、金菇、蘿蔔片，而且仲可以揀飯、麵或者烏冬。誠意推介楊枝甘露，因為跟套餐呢個特飲只需加 $7 蚊，味道唔錯性價比非常高，埋單仲唔收一非常有良心。

今日難得off，一支公去咗觀塘偉業街嘅「米線芳華」試吓佢哋嘅火鍋set！位置喺Two Harbour Square地下，近地鐵站超方便～ ✨ **芳華靚火鍋** ($108) 我揀咗「牛吊龍拼盤」，配料超豐富：墨魚丸、牛肉丸、魚皮餃、炸腐皮、蘿蔔、娃娃菜…仲跟埋米線！湯底加$0揀咗**蕃茄濃湯**，酸甜開胃，啲丸類吸晒湯汁好正！吊龍肉質嫩滑，唔會韌，性價比高到嚇親～ ➕ **追加肥牛腹肉** ($38) 貪心加咗份肥牛，油脂分布均勻，淥兩淥就食得，配蕃茄湯底超夾！ ☕ **凍即磨咖啡** (+$3) 跟餐飲品加$3就有即磨咖啡，味道唔輸茶記，抵讚！

店舖裝修光猛簡潔，座位寛闊，一進店聞到胡椒豬肚雞香氣，決定點一碗試試胡椒豬肚雞鍋薯粉 $74先嘗一口湯，胡椒辣味香濃，豬肚軟嫩，去骨雞肉鮮甜，還有吸湯的娃娃菜和腐竹，我加$2點了薯粉，口感軟糯，好吃雞肉腩肉炸醬麻酸辣米線 $63麻酸辣味香濃惹味，酸味足，麻辣香，雞肉和腩肉大大件，不會切得很碎，保留口感，相當滿足涼拌豬耳（小） $25同樣份量足料，豬耳口感煙靭，涼拌麻辣好吃涼拌墨魚頭 $36墨魚頭口感十足，讓人一口接一口另外還有一人鍋，下次試試

一個人原來都可以盡興一個人都可以火鍋‼️嚟到米線芳華，試吓佢哋嘅一人鍋，材料好豐富🍜🍜招牌花膠濃湯雞鍋米線 ($78)湯底看起來十分誘人😍湯頭用花膠和雞熬煮成的，香氣濃郁，啖啖花膠好滋味，米線亦吸收了湯底精華；雞件亦保持到嫩滑💯（一人鍋）嫩滑雞件米線 ($78)雞肉切片相當嫩滑，口感細膩，搭配米線，大滿足🫶🏻配花膠濃雞湯 ($28)配花膠濃雞湯，飲起嚟滑順，配搭埋其他食材一齊吃味道更是提升唔少 🆙 火鍋拼盤現凡點選一人鍋送火鍋拼盤，讓整餐更加豐富。

觀塘 |米線芳華 觀塘出名多美食‼️ 過嚟經常會發現寶藏餐廳，近日發現Two Harbour Square開咗間主打米線嘅小店，一於過嚟試下先💫 店內環境光猛整潔，以掃QR Code 自助落單，方便快捷，當然，有需要可以搵店員幫手，絕對樂意效勞💫 店內主打招牌花膠蟲草花濃雞湯米線，湯底入口香濃，花膠和雞件份量都好多 米線吸收左湯底精華，絕對食唔停口，可以連個湯都飲埋嘅米線🍜 除咗米線之外，亦有不同小食及飲品提供，非常多元化💫 🍜招牌花膠蟲草花濃湯雞 $83呢碗朋友揀，配料非常多，紹菜、紅棗、杞子、花膠、無骨雞，除咗米線可以改配其他，我地改左稻庭烏冬，仲可以揀腍身定爽口，非常貼心，入口真係有大大舊花膠，湯底濃郁唔油膩，無骨雞啱懶人🤣 🍜客家黃酒雞 $73我就想試吓黃酒雞，好似好補身，近日辛苦，放上枱已經有陣陣酒香，入口湯底好有平日屋企煮雞酒果種味，配料有紹菜、金針、紅棗、杞子、雲耳、無骨雞，有紅棗同杞子啖湯好好飲😌 加$5 試爽口稻庭烏冬😉🍹楊枝甘露 $13 🍹洛神花山楂烏梅梳打 $13跟餐配飲品，試左兩款，楊枝甘露唔會太甜，足料；洛神花山楂烏梅梳打酸酸甜甜，啱我食滯嘅飲，飲

📍做完運動經過觀塘海濱公園附近，發現有間米線店叫米線芳華，主打靚湯而平民價的米線店🍜，相信在工廠區會好受上班一族歡迎～  🍜花膠蟲草花濃湯雞米線，奶白湯底，花膠多厚身彈牙，女仕可以補充骨膠原，雞是用三黃雞好嫩滑，湯渨好味到連個湯到飲埋，可配飯/薯粉/烏冬架～ 🍜客家黃酒雞米線，酒香撲鼻唔搶喉，配料有金針雲耳紅棗杞子同紹菜，米線吸引哂湯汁既精華～  花膠春卷 : 咬開脆皮爆出滿滿膠質Q彈  爆漿紅糖糍杷：熱辣辣紅糖流心楊枝甘露：芒果肉超多，飯後一碗解膩  🔥 餐廳另外有特色一人火煱可選擇，有潮汕手切牛肉，部位有吊龍、匙柄同腹肉。👉🏻 總括米線芳華湯底濃，雞滑料足，每一口充滿滿足感，價錢合理，整潔干淨，觀塘又有新選擇。 📌 米線芳華 觀塘偉業街180號Two Harbour Square地下 

星期六放假～一早起身做個facial～做完約老細去食晏，行出海濱途中見有間米線舖，竟然有火鍋食？！日光日白打個邊爐都唔錯喎～🤭🤭😋先去自助醬油區混個靚醬先～原來點個鍋加$20就可以前菜放題，有涼拌雲耳、拍青瓜同酸薑，今日海帶絲售罄～開吓胃先～叫咗個胡椒豬肚湯底，估唔到又幾香喎～仲有好多舊豬肚，滾佢耐啲淋啲先食！湯鍋餐叫咗個吊龍（$108），肉質幾新鮮，肉味幾好，肥瘦適中，有少少咬口～追加個匙柄（+$38），肉質比較淋，但係肉味更濃～整多碟雞件（+$18），估唔到啲雞咁滑咁彈牙，仲同個胡椒湯好夾，性價比高～yummy！😋👍🏻個湯鍋餐仲包一個雜錦拼盤，有金菇、墨丸、貢丸、貢丸、魚皮餃、豆卜、響鈴同蔬菜～包羅萬有，而且估唔到啲丸同餃嘅質素都唔錯！怕唔飽？唔驚，仲有一大碗米線，所以基本上兩個人食一個餐，再追加自己鐘意食嘅肉就ok～都好鬼夠飽！

觀塘新晉的米線餐廳🍜 這裡的燈光明亮環境開揚，座位之間寬敞舒適👍🏻 餐廳的米線份量比起訪間出名的米線連鎖店更多更足🥢🥢✂︎❥$𝟲𝟴 羊肚菌藥膳雞米線：清甜的湯底中有羊肚菌、紹菜、黨參、當歸、杞子、紅棗，每喝一口都滲出一絲藥膳的香味，滋補養生💓 雪白的雞肉非常幼嫩，而且已去骨，吃得很爽🐥👅✂︎❥$𝟰𝟯 酸辣湯米線：+$𝟵 雞肉 +$𝟵 醬油溏心蛋配料的份量給得慷慨，有酸菜、芽菜、韭菜、腐皮🍜 湯底酸酸辣辣惹味之選👅✂︎❥$𝟲𝟴 五味拼盤：炸墨魚棗｜炸魚片頭｜炸鮮蝦丸｜招牌花膠春卷｜紅糖糍粑🍱每款小食各有3件🥢 最喜歡爽鮮Q彈的鮮蝦丸、加了章魚肉花膠製成的花膠春卷，還有軟軟糯糯甜滋滋的紅糖糍粑😻

炆冬菇牛肉豬潤 $68麻辣番茄湯底 (小辣) + $2轉薯粉麻辣番茄湯底酸甜中帶點微麻辣，湯底鮮香。牛肉，冬菇同薯粉吸滿湯汁，夠惹味。羊肚菌藥膳雞米線 $68米線配有紹菜，黨參，當歸，蟲草花，桂圓肉，紅棗，杞子和無骨雞⋯藥膳湯底濃郁清香，羊肚菌和湯底滋補養生。跟餐加配 洛神花山楂烏梅梳打 $13跟餐加配 豆漿（枝装）+$9炸墨魚棗（4件） $20外層金黃色，內餡彈韌而有嚼勁。爆漿紅糖慈粑（3件） $18外層炸至金黃酥脆，內裡濃郁的紅糖漿香甜可口，外脆內軟。

餐廳：米線芳華 (觀塘)地址：觀塘偉業街180號Two Harbour Square地下F&B1號舖香港人對於米線真喺情有獨鍾，不過有時食得太多連鎖米線店，都會想試多啲唔同嘅米線新口味同組合，觀塘偉業街近幾個月就開咗間新嘅米線店——米線芳華，佢哋主打濃雞湯米線🍜、小鍋米線同一人火鍋🍲，火鍋最平$78就食到，有肉有拼盤有主食仲有飲品，加$8就可以多一款米線火鍋配料，仲可以加$20任食四款涼拌小食同指定嘅火鍋飲品🍹，確實喺幾吸引🤩餐廳佔地同空間感都幾大，劃分咗好幾個區域，座位以卡位為主，間隔做得幾好，私隱度高👍，坐低掃QR code落單之後食物好快就上枱，先送上兩款飲品——楊枝甘露(+$13)同枝裝豆漿(+$9)，前者自家製都算足料，西米幾多，有芒果香，如果再多啲芒果粒就更香更有口感😆✝️牛丸金菇墨魚頭芳華酸辣湯稻庭烏冬 $71自選小鍋米線每個餸加$7至$11，最平$43就食到一碗🍜。秘製湯底揀咗微辣，食落酸香開胃，見到湯入面有唔少酸菜，份量都幾大碗，仲有啲比較特別嘅餸菜例如墨魚頭，鮮香爽彈有咬口🐙，叫多個唐生菜($21)浸落湯一齊食，咁就可以自製多個健康配料🥬✝️胡椒豬肚雞 $72招牌濃湯雞

🔸花膠濃雞湯一人鍋配手切匙柄 $126🔸蕃茄湯豆卜肥牛米線 $45🔸流心芝士火腿飛碟 $42🔸洛神花山楂烏梅梳打 $7🔸楊枝甘露 $7-打工仔晚餐想食得好又唔使太破費，米線芳華就係一個唔錯嘅選擇！呢間店主打滋味又抵食，真係滿足返工後嗰個疲憊嘅胃。花膠濃雞湯一人鍋係奢華之選，雞湯濃郁又帶住花膠嘅鮮味，匙柄手切得啱啱好，食落爽口而有嚼勁！至於蕃茄湯豆卜肥牛米線45蚊一碗，湯底酸香開胃，肥牛油香豐滿，配埋豆卜吸滿湯汁，一個字：正！小食方面，流心芝士火腿飛碟真係值得一試，芝士香濃得嚟唔膩，配埋火腿嘅鹹香，做宵夜都冇問題。飲品推薦「洛神花山楂烏梅梳打」，清新解膩，飲完即刻神清氣爽。甜品方面，經典嘅「楊枝甘露」套餐只需加7蚊，性價比爆燈！

忽然又轉涼，打個邊～呢間湯底真心正Rice noodles fans mark this down, it’s a new spacious spot that serves high quality broth with your mixian! There’s also hot pot for one, which is best to enjoy when the weather chills down. 靚湯鍋米線：豬骨湯底帶胡椒味非常好飲，欣賞肉位有得嗌吊龍We picked this very creamy and peppery pork bone & veggie broth for the hot pot. It’s so delicious! Who would expect that a noodle specialty shop has special cuts of beef available for the hot pot? We got ourselves the sliced ribeye and satisfied our beef cravings

同朋友見到觀塘開咗間新米線即刻去咗試～環境光猛闊落，晚市座無虛席。巴蜀涼拌皮蛋 $22每次食米線見到皮蛋都好想叫，皮蛋搭配巴蜀風味嘅涼拌醬汁，酸辣帶有麻香同蒜香，係惹味開胃嘅小食😋😋過橋米線配重慶麻酸辣湯 $68份量大，湯底麻辣酸爽，有16種配料，包括雞肉、牛肉、豆卜、墨魚丸等等，好豐富，配料吸收咗湯底之後更加好味。另外+$12加點咗香口脆身嘅招牌花膠春卷（2件），味道有驚喜👏🏻👏🏻招牌花膠蟲草花濃湯雞米線 $78雞湯濃郁，有滑身嘅雞肉、花膠、蟲草花、紹菜、紅棗同杞子，湯底鮮味，唔會令人口渴，果然係招牌🤤飲品跟餐+$9就有，揀咗豆味濃嘅枝裝豆漿同埋清甜解膩嘅凍柚子茶👍🏻

有間平民米線店 開左在公司附近，食物真心平靚正，足料好食😋 💚米線芳華💚其中大愛招牌花膠濃湯雞鍋米線 🍜內有紹菜 、紅棗 杞子、花膠及無骨雞用鮮雞湯底，雞肉是三黃雞 ，所以特別嫩滑 🤩花膠份量多塊，彈牙可口，配溏心蛋很好吃😋另仲有款胡椒豬肚雞米線都豐富，辣辣地又夠開胃！更出了秋冬季節限定的飲料，趁仲天氣轉涼涼涼地飲杯熱飲養生茶，紅棗枸杞好飲呢！米線芳華觀塘Two Harbour Square地下F&B1號舖

✳️今日同老婆去開觀塘Two Harbour Square，發現咗間新開的米線專門店「米線芳華」🍜，即刻入去試吓佢哋嘅下午茶餐！😋🍜 **豆卜肥牛蕃茄湯米線餐** ($45)湯底好濃郁，蕃茄味好出，豆卜吸晒啲湯汁，肥牛份量都唔少，米線煮得啱啱好，唔會太淋。配埋杯熱奶茶，簡直係完美配搭！🍗 **大漠孜然雞翼3隻配半份花生醬西多士餐** ($45)雞翼外皮香脆，孜然味好香，食落好惹味！西多士外脆內軟，花生醬份量適中，唔會太甜。加$3就有枝凍豆漿，解膩又清爽。總括嚟講，食物質素同價錢都幾抵食，環境乾淨舒服，服務態度唔錯。下次經過觀塘一定會再嚟幫襯！👍