影片
有关奖赏计划
影片
相片
春日限定安格斯牛小排蛋包饭
+52
+15
12点45分午饭时间，前面两对 2 人，跟住系我同同事3人。一开始餐厅入面明显有一张 4人台已经空置。前面两对用 15 分钟先后入座，𠮶张4人台依然空置，唔知以为系under reservation。我前面𠮶pair 二人入座 5 分钟后，终于到我入座，但竟然系安排坐𠮶张空置咗 20 分钟以上嘅台。真系令人无语😒点解唔一早就安排我地入座，明明前面都无 3 or 4 人嘅情况下？我无办法理解呢间餐厅嘅喺繁忙时间嘅安排。
继续阅读
📍 今次嚟到人气米饭专门店「米炊」，主打自家制汉堡扒配日式咖哩～虽然餐厅环境舒适，但服务略显慢热，叫人有啲小等候。不过食物质素真心唔错，完全补返分数！✨⸻🍛 自家制日式咖哩饭用上 雪梨、苹果、洋葱、番茄、芹菜、甘笋、薯仔等蔬果 加印度香料慢煮，入口系经典日式咖哩嘅甘甜浓郁风味，完全唔辣，小朋友都啱食！同绵滑嘅米饭 + 流心蛋一齐食简直系完美配搭🥹💛⸻🥩 特上烤牛腰柳牛腰柳偏瘦但出奇地唔柴，肉味浓郁，熟度啱啱好～如果可以拣五成熟或生食版本应该会更juicy，啱晒钟意牛味重嘅你！🦆 慢煮香烤鸭腿今餐最大惊喜！低温慢煮令鸭腿内里保持嫩滑，外皮微脆带点油香，肉汁爆满、肥美juicy，绝对唔输俾法式鸭腿🧡！⸻👀 虽然餐点出色，但人手安排明显唔足够，叫人时常等好耐，有时好似「无视模式」开咗咁，希望日后可提升下服务质素！
继续阅读
谂住同朋友坐得舒服啲，就拣呢间餐厅。点知。。。。。入到去食物系冻嘅，除咗汁系暖嘅。我相信一般煎鸡扒同牛扒都要10-15分钟先会上, 但系我系惊喜到5分钟有嘢食，其实真系质量。 仲差过一般连锁嘅快餐店。到块炸莲藕簿片心谂应该喺脆卜卜热辣辣，点知系谂过啲过期薯条。 叫咗一条鱿鱼须， 好明显系翻叮，韧𠮶条橡筋。 我应该唔会再返嚟，亦都见到呢个品牌唔会再考虑。非常极之失望。
继续阅读
今日同女朋友去食中午饭。因为因为放假去街，所以冇乜所谓。平时唔会食咁贵，去到附近见到佢有春季套餐、牛小排蛋包饭、咁就入去食。因为未食过，所以问侍应几个问题例如个餐点样计？餐饮系啲乜嘢？负责𠮶位小姐回答得唔系好耐烦、语气态度都几差。啲嘢食嚟到嘅时候又多油。其实个味道唔错嘅，不过太肥腻。埋单嘅时候就咁攞张单过嚟又冇个盘、找钱嘅时候又就咁拎咗啲钱过嚟。我睇过成间餐厅大部份嘅侍应都好后生而且表现出嚟一啲都唔专业、态度又差。真系唔值得$200一个餐。一定唔会再帮衬。
继续阅读
服务超差我哋3个叫咗3个餐热饮后上入座未够半小时已叫我哋埋单但其实啲热饮先啱啱嚟无几耐，仲系好热我哋问佢佢话入座计可以坐一小时我哋话半个钟都未够㖞之后个waiter 系半个钟内再叫咗我哋两次埋单有冇需要食一个钟头饭催我哋3次埋单呢？以为好多人等位，点知出到门口一个人都无一心都想佢哋有改善终是我哋再同经理反映返点知佢话哋员工唔会做错嘢所有都系公司规矩咩餐厅呀？百几二百蚊个餐啲嘢几好食都无用服务衰过茶餐厅
继续阅读