篤篤車 (已搬遷)

復活啦！男朋友仔好興奮咁話篤篤車係旺角開返舖啦！星期日興高采烈咁去幫襯，試下有無分別先新裝修都係行簡潔路線，d裝修有少少泰風。餐單大同小異，係飲品選擇少左d。味道方面，保持到水準，但湯底個配料望落少左d野，不過味道唔係差好遠腐乳生菜個人認為非常好食!但始終新舖，好多野都有進步既空間清湯俾左辣，但馬上主動幫手再整過無糖可樂唔記得上，提佢上，變左俾original 可樂係旺角鬧市做車仔麵，有危有機，住大西北既我地無可能好似以前咁，一個月黎食幾次，anyway希望篤篤車生意興隆!…查看更多

尋日突然發現呢間鋪執咗🙈🙈特登上嚟發文懷念下…呢間舖比較特別出名嘅係鱷魚湯底🐊悠記得第一次聽好驚訝特登上網查咗下-好似係比較養生、養顏係女生既恩物😍😍佢入面有d紅棗、杞子、草菇，味道甜甜地👍🏻👍🏻如果食得辣可以試一試佢唔同既辣度或者冬陰功湯底都值得一試😎好鍾意呢間舖既冬菇，口感爽爽地又有咬感好特別同平時食既冬菇好唔同；d蘿蔔好入味好甜，基本上次次我都會叫呢2樣😂再加上豬大腸就有種車仔麵既感覺🍜加錢叫埋野飲-青檸薄荷梳打即刻有埋泰國feel😂😂😂…查看更多

第一次晚餐食篤篤車，同時係最後一次係元朗食篤篤車。話說男朋友仔係篤篤車fans,又初認識到而家話要結業，連我都有d傷感。希望日後有機會再見。芸芸食肆中，篤篤車可以令奄尖男友不停回頭，食物質素一定有返咁上下。首先，佢並不是普通港式車仔麵，佢係做泰式車仔麵，湯底有冬蔭功湯或者泰國鱷魚湯，出面唔係到到有。小食方面，有泰式鳳爪，馬拉盞炒菜。我今次叫左泰式炸雞翼，雞翼超脆，熱辣辣，無揸流攤。原來我自己都認識左篤篤車2年幾，雖然無男友咁癲，每個星期食(仲試過為左食篤篤車，同我分開食下午茶)，但當存在成為習慣，離開便會不捨。期待未來再見!…查看更多

夏天太熱成日唔想出街 所以成日叫外賣🤣今次見呢間又唔算貴就決定試下。2個人叫左2個餐加一個菜一個3餸米加個小食(炸魚皮)同一杯野飲$92價錢算合理 但估唔到餸既份量係咁多我食既係豬骨湯底 食完唔會口渴 魷魚圈份量好多 而且有爽口 唔會韌到咬唔開 好食不得不讚下個炸魚皮 份量大 而且香脆可口 唔似出面有啲好硬或者好重油味 食唔哂 放到聽日都仲係脆卜卜 值得一試🤤另一個餐 我老公叫左豬紅豬腸紅腸油麵牛腩湯加雞翼小食一樣份量好多 豬腸至少有8-10件 好食又洗得乾淨 豬紅同樣有6-8件 一個大男人食都唔怕食唔飽至於小食 泰酥炸雞翼 味道幾特別 係泰式辣將味 不過味道一般炸魚皮絕對值得一試👍🏿整體都好滿意 而且分湯上 唔會送到黎林哂👍🏿另外炸春卷又係好好食😋…查看更多

元朗國 美食林立，今次大長征去「篤篤車」食車仔麵。店舖位置比較隔涉，係真正既隱世小店。老闆相當有創意，將泰國既湯底配港式既車仔麵。店家推介鱷魚湯底 & 冬蔭公 湯底。 小編都係第一次聽鱷魚湯，梗係要試下佢。估唔到鱷魚湯的顏色係奶白色，有D似豬骨湯底，味道都幾有趣，有少少似藥材味，連埋菇菌一齊煮，味道較清淡。橙色既醬係辣醬，比較mild。可惜廚師處理得個湯底太乾淨，仲想八卦下個鱷魚肉係點tim XD配料稍為失色左D，叫左墨丸，豬肚同鴨腎，質素都一般。隔離位叫左個冬蔭公湯底配青檸梳打，我試飲左一啖，兩者都幾酸，特別係青檸梳打，唔篤舊青檸都咁酸...真係足料啦~去元朗既朋友不妨試下。…查看更多

牛柏葉似食香口膠，咬左勁耐都咬唔到辣豬皮完全冇味，好似用水煮完拎出嚟咁咖哩湯底完全唔夾，又唔辣又無咖哩味雞翼煮得太耐，肉質好硬豬紅直情難食，係豬大腸好少少，叫有返啲味唉…查看更多

以前去親元朗，一定會食一間好出名多年嘅車仔麵。不過自從佢裝修完之後，就冇咁好食啦。行過途中，比我見到依間新嘅車仔麵，就諗住去試下。佢係泰式湯底，配港式車仔麵餸。湯底好味，鱷魚湯車仔麵真係未試過。而且佢個炸魚皮一流，小食仲可以配泰式鳳爪。食到飽一飽，連埋凍飲，都只係50幾蚊。又好食又抵嘅車仔麵。佢其實仲可以配埋油菜架，不過真係太多一定食唔晒。如果下次同埋朋友兩個人去食我一定叫埋。下次我再去元朗都一定會再去食。…查看更多

咁啱行過見人少少就入去試下，入到去個環境係唔錯嘅，地方乾淨，服務都幾好，但唔試由自可，一試把幾火我當時叫咗個冬陰公湯底，睇過下啲食評話個湯底唔錯，就試試佢啦，大約5分鐘左右，當嚟到嘅時候，果然係真。陰公，完全都唔係冬陰公湯味道，評分已經唔再可信再講埋配料，魷魚霉嘅，蝦腥嘅，叫人點食，投訴完後換過碗，估唔到廚房真係幫我換咗個碗，湯入面嘅腥味依然係度，咁同冇換過有咩分別？篤篤車？齋用嚟篤咋掛？真係貼埋錢俾我都唔去…查看更多

今天我經過呢間篤篤車，見唔洗等位就入去試下我選擇了冬蔭功湯底，幾好味，但食完之後都覺得口渴，重口味正常係會口渴嘅餸我剔咗冬菇、豬腸、炸魚皮，全部都好好味😋 冬菇係炆得好淋好入味、豬腸乾淨、炸魚皮脆口！正另外呢碗，佢就選擇了清湯，招牌白蝦仁、豆卜、芝士丸。再加多一份炸春卷，好味…查看更多

小編放工一有時間點都會去到元朗搵美食，但有時候唔一定搵貴價野食先叫好味🤤，平民少少既餐廳都可以出乎意料新奇🤯，又有特色。今日小編都唔例外去到元朗食一間與眾不同既車仔麵🍜，點解咁講?因為餐廳用既湯底並唔係一般車仔麵檔可以見到👀，而家就即刻收工走去為大家介紹呢一間「篤篤車」，食呢一款泰式味既香港車仔麵啦😋。✦✦✦✦✦✦✦✦✦✦✦✦✦✦🎈泰國鱷魚湯(小辣) $40鱷魚湯湯底聽個名好多人都以為有啲鱷魚肉食咁😬，但其實原來係養身藥用成份高既一款湯底嚟，飲落去反而同想像中唔同，比較清清甜甜💦，搞到小編狂飲個湯底🤤。另外，入面既款式都係平時去車仔麵檔一樣，都有唔同既配料畀你去選擇📝，而小編就揀咗蘿蔔、炸魚皮同埋比較少有既白蝦仁🦐。白蝦仁每一粒都大粒，就咁數埋都起碼有10粒咁多🤩，其實加$4就有得食，性價比好高👏。呢一款白蝦仁其實少見到會有既配料，所以大家不妨都嚟到點下呢款😮。餐廳亦都推介蘿蔔，蘿蔔鮮甜亦都冇榎😳，好味道。辣度方面，小編就揀咗小辣🌶，其實小辣就已經足夠，如果太辣既話太怕會搶咗本身鱷魚湯既鮮甜味😋，所以小編認為唔洗太辣就可以喇。✦✦✦✦✦✦✦✦✦✦✦✦✦✦有時候清清淡淡既一碗車仔麵已經好多變出唔同款式😻，有唔同既湯底又或者配合唔同既配料，創造無限既組合✨。而獨有既湯底就畀人帶嚟一種全新既衝擊🤯，價錢都係$40，性價比高。位置雖然比較偏遠，由最近既輕鐵站都要行約10分鐘🏃‍♀️，不過罕見既湯底亦值得走入去試試難得一見既車仔麵風味🍜。✦✦✦✦✦✦✦✦✦✦✦✦✦✦…查看更多

元朗區有很多車仔麵店，要從中突圍而出不容易，要以新店來分一杯𡙡更是難上加難。今日下午在一邊想著吃甚麼一邊在網上搜索時，突然被一個Post吸引了，標題是鱷魚湯車仔麵。立刻就下樓去想一嚐味道如何。可惜正值午餐時間，全店滿座，等了約十分鐘才能進店。點了一個米線配鱷魚湯底要大辣，要了辣豬皮、蘿蔔及魷魚圈三個餸。甫一上菜，當然立刻一試鱷魚湯，味道鮮甜，但自己覺得不太配車仔麵。豬皮爽口，蘿蔔鮮甜，魷魚圈較煙韌。新店來說還是不錯，值得一試。…查看更多

之前係openrice搵過元朗有咩好食俾我搵到呢間鱷魚湯湯底既車仔麵，bookmark左一段時間今日終於有機會去試啦！雖然只可以開放一半堂食座位，不過星期日既下午兩點幾去到都剛好唔駛等位～👆我叫左個豬紅，墨丸，雞腎鱷魚湯油麵～👆男友叫左個雞翼，冬菇，蘿蔔少少辣鱷魚湯幼麵～碗麵一黎到當然試下個湯底先！好清甜好鮮味係幾好飲👍　不過Ｄ杞子可能煮得太耐所以好酸完全唔甜。。。餸既份量都幾多，Ｄ豬紅無10舊都有8舊，雞腎都有5,6舊😅　豬紅好滑👍　雞腎係淋容易痴牙唔係爽口果種，個人覺得一般墨丸幾細粒但好彈牙，質感係介乎平時食開既墨丸同魚蛋之間😅男友話我個原味鱷魚湯底好飲Ｄ～佢既冬菇幾香，口感好得意係偏爽口，我好似第一次食到呢種口感既冬菇😯蘿蔔夠淋，索左個湯底幾好食👍不過食完呢碗麵我同男友都口渴左成個晏晝。。。未必有下次🙈…查看更多

今日想食d健康粉麵，於是揀左篤篤車，一嘗佢既招牌鱷魚肉湯麵😋我揀左鱷魚肉湯麵，走辣，三餸粗麵，都算幾多餸可供選擇，最後我揀左響鈴、牛腩同墨丸。鱷魚肉湯係奶白色既，唔油膩，有點似魚湯，有點奶油得黎又鮮甜既味，好味！粗麵同墨丸都幾爽口牛腩好有肉感、味道都好、比一般牛腩味道較清、又唔肥膩，但係d牛肉可以再炆冧d😀食麵可以食到響鈴都好開心😬另外叫左炸雞翼、芥蘭，味道都唔錯！好滿意的一餐lunch🥳…查看更多

星期六入左元朗探朋友，朋友介紹話呢間車仔麵，話可以試下鱷魚湯湯底嘅車仔麵，咁特別，一定要去試下。車仔麵三餸40蚊，我叫左個三餸，湯底有辣度揀，不過夏天太熱，我叫唔辣咋。我食左三餸，分別係響零，牛根同雞翼，麵底叫左油麵，湯底係鱷魚湯無辣。鱷魚湯濃郁，但唔油膩，入面有啲杞子，元肉果啲煲湯料，湯底足料，讚👍響零油溢味較重，無再炸過先上，應該係直接係個盒度拎出嚟就放上碗麵，不過，40蚊碗三餸麵，咁係好正常牛根驚艷，好好食，牛根份量好夠，有兩舊大大舊嘅手根，一舊都要分開三啖食嘅咁大舊，炆到好淋，好入味，但又唔會lup 口👍👍👍👍👍雞翼滷水汁，入味，不過可以炆太耐，入面啲雞翼骨斷咗，美中不足整體來講，40蚊一個三餸麵，無可挑剔，CP值好高，牛根出色，今次黎到牛腩賣哂，我下次再入元朗一定要試埋個牛腩先得…查看更多

平時同男朋友諗食咩真係諗到頭都爆，諗咪諗去我哋都係食返啲最普通嘅車仔麵，咁我哋就嚟到元朗呢一間篤篤車車仔麵啦，我哋一坐低個環境都唔錯仲幾舒服架，然後呢我哋就帶咗一個套餐啦套餐包括三餸車仔麵+1個小食+1個油菜再加杯嘢飲冇記錯都係$80 㗎，咁我哋就叫咗牛筋牛肚雞腎鱷魚湯河粉帶咗一個小食酸辣鳳爪再嗌左個馬拉盞炒生菜叫咗杯凍檸茶一個套餐$80包咁多嘢真係好抵呀咁另外我哋就再嗌多個三餸車仔麵咁我就叫咗牛柏葉豬腸豬紅鱷魚湯河粉，嘢食一到就事不宜遲試吓佢啦見過鱷魚湯咁特別梗係要飲吓佢啖湯先，嘩，唔錯呀真係好好味之後我就去睇吓佢個餐牌啊原來發現佢係加入左泰式風味落去港式嘅車仔麵到，呢個配搭真係好好非常之夾呀，雖然佢個小食酸辣鳳爪又真係辣咗啲，但食落味道唔錯幾嘢味㗎，加上價錢又唔貴喎所以我哋將所有嘅嘢食都食晒真係好飽好滿足好正，我都推介大家過嚟試試幾唔錯㗎…查看更多