等等HEA

又到咗食大闸蟹嘅季节.之前喺IG见到有人推介呢间店嘅「大闸蟹任饮任食放题」, 即刻揾男朋友一齐去试吓.88分钟任食嘅蟹有细、中、大、特大四个size.价钱当然有分别啦.我拣咗中size, 大约系四至五両.除咗蟹, 呢度仲有好多蟹粉小食同台式美食任食.饮品除咗罐装啤酒、汽水, 仲有自家制饮品.我试咗玫瑰洛神花茶.味道酸酸哋咁, 几开胃, 可以消滞.讲吓小食先.食神蟹粉糯米烧卖王好大件!薄皮包住满满嘅糯米馅, 蟹粉都几多.蟹粉水饺劲多蟹粉.蟹汁牛肉串、猪肉串有种东北烧烤嘅味道.大闸蟹唔好见佢细细只, 里面劲多膏㗎!超正!盐焗大闸蟹蟹肉会比蒸嘅干身啲, 但都好鲜味.玫瑰露花雕醉大闸蟹花雕香得嚟唔会抢咗蟹味.冇谂过呢个配搭都几好食.膏同肉都多.麻辣大闸蟹我觉得有啲辣.麻辣汁渗晒入蟹肉, 好惹味.热姜茶最后饮返杯热姜茶驱寒.好满足啊!整体嚟讲, 大闸蟹嘅膏都算多. 无谂过大闸蟹除咗蒸, 仲有其他整法, 仲要系好食嘅.不过呢度嘅蟹粉小食同台式美食实在太多选择喇.建议食大闸蟹食快啲, 性价比会更高!…查看更多

九龙城「等等Hea」今年同上年一样推出88分钟大闸蟹放题，而且价钱维持不变午市时间餐厅已经好多人食，每位客人都是食大闸蟹，除咗可无限追加大闸蟹之外，更有多款蟹粉款式、食神爆汁蟹粉小笼包、食神蟹粉糯米烧卖王、蟹粉水饺、生滚大闸蟹粥、瀑布蟹粉捞面/饭、蟹油香辣鸡煲、台式肠蟹粉糯米饭、蟹粉澎湖花枝丸、蟹粉爆汁贡丸、蟹汁多春鱼蟹粉卤肉时菜、蟹粉午餐肉粒及台湾经典小吃如、卤肉饭、盐酥鸡粒、手工姜茶芋圆，黑糖珍珠系列等饮品✨大闸蟹一坐低，店员就会立即安排大闸蟹，有清蒸、盐焗、麻辣、玫瑰露花雕醉大闸蟹，由上枱开始计时88分钟任食，每只都好多蟹膏，蟹膏味道甘甜鲜味，加埋甜甜酸酸店家秘制嘅黑醋将鲜味再提升，好食到停唔到口✨ 瀑布蟹粉捞面蟹粉捞面都系必点，浓厚嘅蟹粉倒在捞面上，每条面都挂满蟹粉十分治愈，而且味道甘香，拌上特制葱油酱再加少少黑醋，令味道更提升✨饮品除咗多款台式饮品，黑糖珍珠系列，啤酒和汽水之外，还有多款健康饮品如，姜米茶、橘皮玫瑰、竹蔗茅根、百香果、玫瑰洛神花茶等…查看更多

见到等等Hea新出$99鸡煲烤鱼放题，仲包串烧、台式小食，心谂：「咁平？会唔会伏㗎？」点知食完，真系要讲句——抵到烂！ 🍗 鸡煲+烤鱼，双重暴击拣咗台式麻辣鸡煲，鸡肉嫩滑，酱汁浓郁带甜辣，唔会死咸，仲可以无限添鸡！加$30升级酸菜烤鱼，鱼肉唔算多骨，酸菜汤底够开胃，豆卜索晒汁，正！朋友话：「$99连烤鱼都包？仲平过茶餐厅！」 🍢 串烧+小食，台味十足 串烧即叫即烧，五花腩串焦香脆口，牛油小串牛味浓，仲有盐酥鸡、甜不辣，炸得香脆唔油腻。最惊喜系*阿宗面线*，配埋辣椒酱，真系有台湾夜市feel！甜品*手工芋圆*烟韧，椰汁底够香，食完仲想encore。 🍲 打边炉模式，超值追加 食完鸡煲烤鱼，转战火锅！$199豪华套餐仲有*安格斯牛板腱*、*澳洲和牛牛胸爽*，肉质唔差，尤其牛胸爽牛油香爆棚。朋友笑：「$199仲有蟹黄小笼包任食？唔通老板系台湾人，唔识计数？」 🍻 啤酒+珍奶，爽到震 加$18任饮*青岛啤酒*同台式饮品，珍珠奶茶、柠檬冬瓜茶全部无限添，朋友话：「净系饮啤酒都回本啦！」 📍 环境+服务 铺头细细，座位唔算阔落，但胜在干净。服务员手脚快，换碟加汤都唔使等。 后记$99食到咁多嘢，仲要质素唔差，真系「时光倒流价」！不过88分钟有啲赶，建议拣$199豪华餐慢慢叹。如果4人以上订位，仲送海鲜拼盘，抵到喊！ …查看更多

今次带埋老婆阿女去到九龙城，试下「等等HEA」大闸蟹任食！🦀主角大闸蟹有三款：• 盐焗🦀 最食到蟹味，蟹膏满到拆开都流出嚟• 麻辣🦀 似足避风塘炒法，蒜蓉辣椒爆香• 花雕酒🦀 酒香渗入蟹肉，我觉得配埋酒一流蟹有细、中、大、特大四个size，价钱唔同，我哋拣中size（大约四至五両重）不论公乸都好多蟹膏。88分钟计时无几耐，店员就上蟹，热辣辣拆壳超满足😎除咗大闸蟹外，蟹粉crossover台式小食都几破格：盐酥水饺🥟 咬落蟹粉爆汁生滚大闸蟹粥🍲 粥底新鲜甜美瀑布蟹粉捞面🍜 面条弹牙，蟹粉淋到成碗金黄，影相打卡必备蟹粉澎湖花枝丸+爆汁贡丸🔥 弹牙juicy牛肉羊肉串比啲蟹汁包住晒👍🏻仲有台式肠粉糯米饭、午餐肉粒、盐酥鸡粒饮品推超少甜冷泡茶：• 百香果乌龙茶🍋 清新解腻• 竹蔗茅根雪梨🍐 • 黑糖姜母茶☕ 太太话暖笠笠好comfort最紧要可以驱吓寒• 菠萝四季春同芒果绿茶都几正中size蟹$5xx位加埋食咗咁多蟹粉小食，计落每只蟹超平！…查看更多

88分钟任食大闸蟹，出菜够快，蟹肉又鲜甜，无论系公定系乸，只只都爆晒蟹膏。仲有其他任食小食（不过基本上都冇乜机会食到，因为要留肚食晒d蟹）；见隔篱枱食烤鱼同鸡煲，原来鸡煲都好出名，闻落都好香，下次试吓先….另外有好多任饮嘅饮品，包括黑糖珍珠奶茶、黑糖姜母茶、竹蔗茅根雪梨等，加埋$38就可以任饮青岛啤酒同埋古月花雕。值得一提系，店员姐姐啲态度非常好，周不时会主动走过来问我哋要唔要下一round. 应该会系每年嘅指定动作……查看更多