笑宴

最近工作上既忙碌终于暂告一段落😁同老公去揾好野食庆祝下❤️🍾见到湾仔利东街新开左间日式居酒屋就想试试🇯🇵装修有日式居酒屋feel🏮以和风木色为主调，布满特色海报🧡加上灯光柔和，服务亦好殷勤，整体体验唔错💯居酒屋主打各种特色日式酒类及佐酒小食😙呢度既总厨系日藉+拥有35年经验💗全新推出既菜式有广岛蚝松前烧、海鲜卷、手作北海道产吉列薯仔沙律、自家制芝士豆腐、香脆关东煮萝卜等～～全部都好想试呢❣️❥ 板前炙烧日本牛扒 $268劲打卡！！店员会席前用火焰烧牛扒🥩🔥（点呢道菜真系要准备定手机📱）牛扒劲高质🧡外焦内嫩，颜色粉嫩，炭烧味香浓，咬落口有满满既肉汁💦食完好满足💕❥ 日本和牛温泉蛋凯撒沙律 $138份量好多🥰和牛好粉嫩，搭配滑嫩既温泉蛋😍加上清爽既沙律菜，同埋大量既芝士碎🥗成个配搭劲丰富❤️‍🔥❥ 冲绳AGU猪肉饺子 $68饺子皮薄馅多，粒粒都劲饱满🥟猪肉鲜嫩，入口juicy！！搭配埋酱油好好食😋❥ 鸡肉大叶串烧伴梅子酱 $68鸡肉串烧香嫩，搭配酸酸甜甜既梅子酱！两者平衡得好好，食落唔会太腻，又开胃💕❥ 轻烧日本和牛 $176卖相超靓！！薄切和牛轻轻一烧，肉质柔软，油花十足！轻烧既方式令肉味更加突出🥩钟意食和牛既人唔可以错过🫶🏻❥ 日本和牛炒饭 $128炒饭份量比想像中多🫶🏼和牛入口软嫩，油脂感重😚炒饭炒得干身粒粒分明，伴上鸡蛋同葱花，口感味道都好唔错🥰❥ 蕃薯大福配抹茶雪糕 $78结尾点呢个甜品真系岩岩好☺️大福口感软糯Q弹，唔会太甜！里面包住香甜既蕃薯馅🍠配上抹茶雪糕，味道清新💚❥ 四季柑汁 $48清新可口，果味浓郁，好解渴❤️❥ 菠萝梳打 $48菠萝味清新又香甜🍍饮落仲有啖啖果粒😙夏日必饮✨🌻…查看更多

呢晚喺利东街食咗呢间新开嘅日式居酒屋，主打各种特色日式酒类同佐酒小食，呢晚我都叫咗几款叹吓😎板前炙烧日本牛扒系一个几有观赏性嘅菜式，因为店员会席前用火焰烧牛扒😮 烧完嘅牛扒仲系好粉嫩，keep住有好多肉汁。侧边仲有茄子、本菇、西兰花、薯仔同埋粟米做配菜。日本和牛温泉蛋凯撒沙律沙律面头有劲多芝士碎🥗 加埋铺得靓靓嘅和牛片同埋温泉蛋，整个配搭都好丰富🥩 鸡肉大叶串烧伴梅子酱一份有两串，鸡肉烧得几香口，配埋面头有紫苏叶同埋特制嘅梅子酱，食落口唔会太油腻🐥香葱吞拿鱼腩烟萝卜卷卷物嘅顶头有好丰富嘅吞拿鱼腩蓉，加上有腌萝卜粒，令到整个卷物嘅口感更有层次🐟轻烧日本和牛一片片排列整齐嘅日本和牛，经过炙烧之后，依然油花十足。肉质几软腍仲可以点埋隔离略带酸味嘅酱汁一齐食😸日本和牛炒饭呢个炒饭用上日本嘅珍珠米，都整得几精致🍚 除咗面头几嫩口嘅和牛片之外，其他配料包括有萝卜粒、蛋丝、葱花等 。是日雪葩呢日系苹果雪葩，用上原个苹果装住几香甜嘅雪葩🍎 味道几清新。饮品我地嗌咗两杯Suntory生啤，仲可以拣黑啤🍻 适合同朋友过嚟饮返杯。同店员倾开先知餐厅系由35年经验嘅日籍总厨主理，唔怪得啲食物质素咁正啦🤩 大家想同朋友chill吓就要过嚟试吓啦😋…查看更多

🥩 板前炙烧日本牛扒 HK$268・味道：好少可日本牛系既有牛脂香又有好重肉味🤌，入口既有半融嫩滑脂肪，又有牛肉肉香，加埋外皮烧到微微焦脆，出色！蔬菜都系鲜甜🥬，一啲都唔hea。加上个微甜嘅烧焦汁，中和咗牛脂嘅腻口，掂👍🏻！・口感：切到2-3cm几够咬口，有拉扯感但唔韧，每啖都咬到肉香加牛脂嘅香味，出色嘅。🦪 广岛蚝松前烧 HK$138・味道：清新带甜嘅广岛蚝，冇腥味少少甘香，偏清爽唔系浓郁系。配柠檬汁＋明太子酱＋柚子酱，更fresh！又吊到蚝嘅海鲜咸香🌊，正！・口感：肉质饱满，好滑溜～🐙 牛油果八爪鱼拌山葵酱油 HK$108・味道：呢个好surprise，好新鲜弹牙嘅八爪鱼片加好绵密嘅牛油果🥑，加埋唔攻鼻嘅山葵酱油，夏天食好开胃，淡淡山葵香气但唔辣系几正的。・口感：一个清新一个浓厚嘅口感，好大对比但好夹。🍢 鸡肉大叶串烧伴梅子酱（2串） HK$68・味道：鸡皮几脆口嘅，系鸡扒啖啖肉几juicy，靠梅子酱同紫苏叶系几香嘅，但份量可以多啲因为唔够送咁大嚿鸡XD・口感：虽然juicy，但又唔系嫩口㗎㖞，有啲黑人问号，不过起码唔柴😂～🍣 香葱吞拿鱼腩烟萝卜卷 HK$78・味道：吞拿鱼腩新鲜嘅，冇筋纯腩位，但可以拣啲更肥美嘅位会更满足XD・口感：打到好蓉，但如果留返小小吞拿鱼粒，有啲咬口更好！🍛 日本和牛炒饭 HK$128・味道：饭粒饱满分明，炒得干身，个人口味觉得再干身少少，焦香味更重会再香口啲！和牛都系牛扒𠮶款🥩，肉香脂香都有齐，加埋蒜片好香🧄，个口食到好臭好喜欢XDXD・口感：蒜片烘得唔够干身唔够脆，所以少少痴牙，但整体good嘅！🍨 海盐雪糕拼炸冲绳红芋球 HK$68・味道：入口都几重咸香，甜味慢慢出返嚟，唔算好重奶香，真系海盐味冇fake臭XD！反而个炸冲绳红芋球🍠，炸得干身脆口，上枱出晒烟，食落似实心煎堆，内馅红芋球系好香甜绵密嘅芋香，但个甜味系清甜，冇加奶，食返原本芋香嘅清甜，加雪糕好正😋！・口感：雪糕绵密，唔会好重冰感，唔是雪葩质地，但入口又唔会好似好劲奶香嘅雪糕咁，系清爽的！🍋‍🟩 青柠泡盛 HK$52・味道：lime cocktail🍸，作为一饮酒就红到关公咁嘅肚波，觉得都几易入口，唔会好重酒精味，同时青柠味几香，微甜，不错喝！・口感：酒类饮品嚟讲佢个份量几佛心，算大杯的。🍊 四季柑汁 HK$48・味道：出色！个甜味exact7ly系食柑蕊位最甜最甜嘅位，未到涩但就系最甜嘅位，好天然嘅柑香，正🍹！・口感：同时又唔会甜到好漏㖞，正！・・・・・・・・・・・・・・・・・・・・🤰性价比：高～🤰9冲度：9冲～🤰结论：平时好少食居酒屋，因为觉得唔抵食，但呢个份量味道都做足畀你，食完系会满足，觉得食到好西，quota冇嘥到🥰！仲系喺湾仔黄金地段，会再encore！…查看更多

星期六晚同老婆去咗湾仔「笑宴」，间舖头藏喺横街，门口挂住盏纸灯笼🎏，几有东瀛feel。入到去灯光偏暗，枱与枱之间有竹帘间隔，私隐度够，唔会听到隔篱枱讲股票经👨💻。播住轻轻嘅三味线音乐，整体气氛几放松，适合两个人慢慢倾偈💑。侍应介绍菜式好细心，仲主动推荐当日新鲜食材，加分！厚炸冲绳岛豆腐 🌟🌟🌟🌟外皮炸得超薄脆，一咬开入面嘅豆腐滑到似炖奶🤤！豆味浓得嚟带淡淡甜味，点埋旁边嘅鲣鱼酱汁更提鲜。唯一挑剔系炸粉有少少甩，但无损整体满足感～日本和牛温泉蛋凯撒沙律 🌟🌟🌟🌟✨和牛片粉嫩油花匀称，咬落去有淡淡奶香🥩，温泉蛋浆捞匀新鲜罗马生菜，加埋脆面包粒同咸香芝士碎，口感层次好丰富。如果沙律酱再多啲就更perfect！香葱吞拿鱼腩烟萝卜卷 🌟🌟🌟吞拿鱼腩蓉够肥美，但烟萝卜片嘅酸味有啲抢🫢，盖过鱼油香。口感上萝卜爽脆系有趣，但感觉两样食材各自修行，未算好夹。自家制汁烧日本鸡软骨肉饼 🌟🌟🌟✨鸡软骨粒脆卜卜混喺肉饼里面，咬落有惊喜咔哧声👂！酱汁甜中带微辣，不过肉质有少少干，如果多返啲肉汁就正喇～苦瓜炒猪肉 🌟🌟🌟🌟估唔到苦瓜处理得咁好，苦味温和仲带回甘👏，猪肉片嫩滑，加埋蒜片同豆豉爆炒，镬气十足！送饭一流，老婆唔食苦瓜都夹咗两箸～冲绳四季柑汁 🌟🌟🌟🌟酸甜清新！柑汁天然果香突出🍊，带点酸点口感，冰凉解腻，饮到尾仲有少少果肉纤维，诚意十足。青柠泡盛 🌟🌟🌟冲绳特色烧酒+青柠汁，酒体清爽但后劲有啲烈🍶，酸味几醒神，不过怕酸嘅人可能会皱眉头。食材配搭玩到传统中带新意🎎，尤其系豆腐同和牛沙律令人印象深刻。环境唔逼仄，服务又贴心，两个人埋单千零蚊，算系合理。如果经过湾仔想食啲日式fusion菜，呢度系个稳阵选择～…查看更多

上个礼拜同男朋友庆祝生日🎂，拣咗湾仔呢间楼上日本餐厅「笑宴」。佢个门口唔算好起眼，要行楼梯上去，有啲似去紧朋友屋企咁。入到去地方唔算好大，但坐得几舒服，主要系木系装修，灯光用咗啲暖色调，黄黄地咁，感觉几温馨。成个场都几静，唔会好嘈吵，好啱两个人坐低慢慢食饭倾偈，庆祝特别日子都几唔错。🥳手作北海道产吉列薯仔沙律 ⭐️⭐️⭐️⭐️呢个沙律嘅呈现方式几得意，冻嘅薯仔沙律上面，放咗一旧热辣辣即炸嘅吉列薯饼。外层炸粉好薄好香脆，一咬开「咔」一声，入面嘅薯蓉又热又软绵，混埋底下爽口嘅青瓜丝同沙律酱一齐食，冷热交替，口感好丰富，作为头盘系一个好好嘅开始。🥔日本和牛温泉蛋凯撒沙律 ⭐️⭐️⭐️⭐️⭐️呢个沙律系成晚其中一个焦点。和牛份量比想像中多，表面轻轻烧过，带有焦香，但内里依然保持住好软嫩嘅肉质，牛味都几突出。最正是笃穿只温泉蛋，睇住啲蛋黄浆慢慢流出嚟，捞匀啲新鲜罗马生菜同凯撒酱汁，每一啖都食到和牛嘅油香、蛋黄嘅浓滑同蔬菜嘅爽脆，味道层次好分明。🥗苦瓜炒猪肉 ⭐️⭐️⭐️呢道菜就相对比较家常啲。苦瓜处理得唔错，唔会苦到令人难以入口，仲保留到少少甘甘地嘅味道。猪肉片都炒得几嫩滑，不过整体嚟讲就冇前面几道菜式咁有记忆点，算系一道稳阵、唔会出错嘅热食选择。🍳水云醋物 ⭐️⭐️⭐️食完几道比较浓味嘅菜式，食一客水云醋物就啱啱好。水云滑潺潺嘅口感唔系个个都钟意，不过我就觉得OK。个醋汁酸度调校得唔错，唔会太呛喉，酸咪咪咁好开胃，可以有效咁清新一下个口腔，准备食下一道菜。👍自家制汁烧日本鸡软骨肉饼 ⭐️⭐️⭐️⭐️见到「自家制」三个字就觉得要试下。个肉饼烧得好靓，外层有层甜甜地嘅烧汁，好惹味。肉饼本身好厚实，最特别嘅地方系入面加咗好多鸡软骨粒，所以食落去唔会成旧都系死实实嘅肉碎，而系每啖都会有啲爽脆嘅口感，咬落去咯咯声，几过瘾。🍡自家制芝士豆腐(芥辣酱油） ⭐️⭐️⭐️⭐️⭐️呢个真系好有特色！卖相好似一砖普通豆腐，但一入口完全系两回事。佢嘅口感极度幼滑，似panna cotta同cream cheese嘅混合体，入口即溶。本身有好香浓嘅芝士味，点少少跟埋嚟嘅芥辣酱油，咸咸地再带啲微微攻鼻嘅刺激感，估唔到个配搭咁夹，咸甜交错，味道好新鲜。🧀三得利顶级生啤 ⭐️⭐️⭐️⭐️⭐️食日本嘢点可以冇啤酒！呢杯生啤啲泡打得好绵密，入口好顺滑，麦味够香，饮落去个种清爽感真系一流。无论系配沙律定系之后嘅热食都好夹，饮完一杯忍唔住要再添。🍺日式Mojito ⭐️⭐️⭐️⭐️见到个名觉得几有趣就叫嚟试下。佢唔系平时饮开嘅薄荷味，而系用咗紫苏叶同柚子去调制。饮落去酸酸甜甜，带有好清新独特嘅紫苏香气，酒味唔会太重，好易入口，感觉好清新，好适合女仔饮。🍹呢餐生日饭食得好开心🥰。笑宴嘅食物整体水准都唔错，用料几实在，特别系几款自家制嘅菜式都睇得出有花心思。环境气氛好适合静静地食饭，同朋友或者伴侣嚟庆祝都系一个唔错嘅选择。店员服务态度都好友善，由带位到上菜都好顺畅，系一间会令人食得舒服、坐得自在嘅餐厅。👍…查看更多