笑口祖

之前睇过millmilk报导呢间西九龙中心由两位到左退休年龄先过黎开舖既店主既故事，仲有佢地既平价野食都相当值得黎朝圣，趁放假就过左黎深水埗试下啦😄呢间小店真系超人气，佢地既招牌乳鸽系限量供应，所以我岩岩12点黎等佢开舖，黎到已经见到好多人都同我一样黎等开门🤯招牌笑口乳鸽（$36）乳鸽佢地有分卤水同炸既，我就拣左卤水乳鸽，整得好入味之余，鸽肉好嫩，size适中，好味过茶楼，又平过茶楼，真系超班之作😍椒盐豆腐（$26）豆腐表层比较薄，脆口程度相对就冇咁多，里面既豆腐就好滑，少少咸香几好食😋友爱泰式凤爪（$26）呢个泰式凤爪系无骨既，我自己就钟意无骨，个泰式酸辣汁调得几好，同一般泰菜餐厅整既差唔多水准🐥快乐海鲜蟹籽炒饭（$26）呢个真系超级抵食，$26炒饭够足料，有虾仁蟹柳同蟹籽等，仲有件炸鲜奶跟埋，份量同正常一个炒饭一样，蟹籽都落得好多，成碟饭都有沾上蟹籽🍚开朗手撕鸡饭（$36）呢个手撕鸡饭同样跟一粒大良炸奶，手撕鸡有川味既汁，用黎捞饭一流，虽然唔及$26炒饭咁平，不过$36都已经好抵食😆心软班兰糕（$16）个班兰糕质地好弹，班兰味都够香☺️迷人芝麻卷（$16）芝麻糕口感都一样好弹，芝麻味香浓，平时应该有埋芝麻粒，可能我呢份咁岩漏左，不过影响唔大，落埋应该好食d😛呢间小店真系抵食又好食，两位店主辛苦做都系想客人食得开心，价钱set到咁低真系良心企业，系一间好值得支持既小店，去帮衬开不妨鼓励下两位，对佢地黎讲开心过赚到钱🥰…查看更多

西九龙中心八楼Food Court，一直都系食平嘢之选。发现一间好平嘅新店，但完全估唔到平得咁过份，即刻试下呢间由退休夫妇开嘅食店，原来系非常高质嘅用心制作。都系睇餐牌红菜头趣味椒盐豆腐 $26我地揾位揾左超耐，个提示器响左几下都未攞到。婆婆话要特登重新炸过份俾我地，仲叫我地拎到位一定要第一样食。热辣辣外脆内软，仲有少少爆浆，红菜头味道唔算浓，好易入口，不过食粉红色嘅豆腐好开心，非常有趣。笑咪咪蘑菇饭（海鲜炒饭底）$36第二次见蘑菇饭嘅蘑菇咁大片，仲要系新鲜啡蘑菇🍄。而Creamy 嘅酱汁，下面系炒得干身，粒粒分明嘅海鲜炒饭。里面有虾粒、蟹柳同埋菜心，即系无蟹子，虽然无咩名贵材料，不过出面$36应该净系买到一盒蘑菇，简直非常收货，有下次。友爱泰式凤爪 $26无骨凤爪本身够爽脆，酸酸甜甜加少少辣，加埋青瓜够开胃，不过同行友人觉得唔够浓，建议加少少鱼露，顺便增加泰式风味。招牌笑口乳鸽 $36呢度嘅乳鸽系豉油皇嘅做法，比一般卤水汁甜，但未到瑞士汁咁甜。Keep 到完整嘅外皮，里面嘅肉好嫩滑，滑到以为部份肉系皮，差啲就浪费左。甜蜜白糖糕 $16白糖糕发酵得好好，气泡好多够烟韧，但完全无酸味。另外加左少少桂花糖，增加少少花香，甜味更有层次。迷人芝麻卷 $16呢度嘅芝麻卷，芝麻味特别浓，特别迷人，夹起身系爽滑嘅，相信马蹄粉落得好足够，别有一番风味。心软斑兰糕 $16虽然叫心软，但佢唔完全系软嘅，都系有啲烟韧，但比出面印尼舖嘅千层糕 软熟好多。斑兰同椰子香味配合得好好，唔会抢味，都唔会太过甜腻，所以最后我地完全食得晒。热菊蜜柜位旁边个大热水桶就系菊蜜，呢个竟然最有惊喜。我地今日有两个人，婆婆装左两杯俾我地饮。佢系充满菊花香味，系微甜，但完全唔会苦，味道好平衡，都可以清口腔，饮完好舒服。总数：$172…查看更多

今次又黎到深水埗西九龙中心8楼美食广场黎觅食， 今次终于可以试到美食广场都几出名既笑口祖。 之前睇食评D人都大赞佢乳鸽同埋蘑菇饭。所以今次就决定试下佢， 因为上次黎时撞岩佢星期三休息，SO SAD今次我叫左佢笑咪咪蘑菇饭 (海鲜炒饭底) $36净乳鸽 $36。 其实佢有乳鸽饭 $46，不过我本身已经饭，冇理由又要多个饭。等左一阵就有野食，一拎既时候个姨姨都几好， 估唔到会比埋手套。成个SET咁，有杯菊花茶， 有两粒笑口枣本身想支解左只乳鸽先… 点知……….好鬼热 哈哈，放弃。证明佢真系新鲜炸起，唯有食左饭先个笑咪咪蘑菇饭真系几唔错， 多汁， 蘑菇又大大粒。 几正。好抵食只乳鸽真系几正， 同酒楼食果D差唔多，所以都好抵，如果有埋喼汁就仲正佢哩间店仲有D甜品，下次有机会再试下…查看更多

买左班兰糕$16和笑口祖$16, 合共$34(连2个盒)班兰糕系特别的，有班兰味道和不太甜，OK的，口感非常黏和柔软，但企身一点会较好笑口祖也正常松软如图，价钱牌是写$16，付款时老板娘说个盒要加$1蚊，即$17，当时我都冇所谓，但其实食品一早已入定个外卖胶盒，咁其实件产品应该写$17才正确？我是知道老板娘抗癌的故事才特意帮衬支持，但个盒又唔系好多钱，这样取巧让人觉得不太合情理…查看更多

在香港难得的温情小店，店主是一对非常和善的老夫妇，据说是爷爷为了让生病的奶奶有个奔头好好活著，两个人一起找点事做，所以才开的这家店。这次一共尝试了海南鸡饭、笑口枣、斑斓糕、椒盐豆腐和炸乳鸽。味道不可能惊艳，但是能以如此低廉的价格做到原料新鲜干净、味道普普通通好吃，已经是非常高的性价比了。…查看更多