立体派拉麵 (威靈頓街)

位于中环的拉面店「立体派拉面」，其招牌汤底「鸡白汤」，混合日本米鸭、有机饲养京都丹波地鸡、日本各地近四十种味噌等熬制而成，香浓而不油腻。浓郁得黏口味道充满鸡的鲜香，就是很多朋友为了这碗汤慕名而来👍最近仲推出咗下午茶，泡沫鸡白汤拉面，造型卖相一流，未食以为叫咗杯Cappuccino 好盏鬼，而且份量适中，真系任何时候都可以食拉面😋🍜泡沫鸡白汤拉面餐 $ 98必食推介，一杯咖啡嘅造型真系打卡一流，泡沫全部用蛋白打成，鸡汤配低温慢煮叉烧，汤头浓郁鲜味得无话可说，拉面爽口弹牙又挂汤，慢煮叉烧软腍肥瘦相隔，再配合埋泡沫蛋白，令拉面更香滑味道更有层次，而且加 $ 5 就可以饮到大大支嘅日本乌龙茶 ，非常抵饮🍜灸烧北海道带子拉面 $ 158用上刺身级北海道带子，足足有六大粒，灸烧后外焦鲜，配料有洋葱 、木之牙、明太子粉，汤底是塩酱油汤底，味道清新带盐香，夏日炎炎食非常清爽🥟日式煎饺子 $ 48传统日式做法，皮薄煎得香脆，饺子馅料充满菜和猪肉，入口多汁又爽口，沾上特制饺子汁好美味🐔唐扬脆炸鸡 $ 52必食小食推介，炸鸡外层香脆，肉质Juicy得很，不需添加任何酱汁亦很够味，亦可沾上沙律酱增添风味🥤木村完熟白桃汽水 $ 28店内有很多日式饮品，例如各种果味梳打、乌龙茶、汽水和啤酒等等…Read More

天气真系劲热，见到最近【立体派】出咗新拉面梗系要试下啦【蕃茄酱油拉面】$158身为蕃茄控真系好期待，首先饮一啖经8小时以试熬煮嘅蕃茄浓汤。然后笃穿濶心蛋，把拉面搅匀汤底再食，味道就好似紧日式嘅卡邦尼意粉。最后按个人喜将芝士酱、麻酱、辣酱搅匀，又系另一番风味。但个人就觉得唔洗加酱都ok😆 汤碗上系有块Parma ham裹著豚肉，几有心思【仲夏温泉水冷面】$98 最初觉得都可能系好普通嘅冷面，但系真系非常之outstanding！ 冷面嘅dressing 系有用上日本温泉水调制，有柚子醋、麻油、味醂等（有错请更改） ，味道酸酸甜甜非常开胃，麻油柚子醋怪嘅me非常like! 。主角有超清甜西瓜、阿波尾鸡胸肉丝、青瓜丝、木耳丝、车厘茄、干瓢、蛋丝和增加咗少少韩式风味嘅韩式泡菜，真系要俾个like! 可以好似我咁食完一半冷面再食西瓜又食返冷面又得，或者次序按个人喜好，又咸又甜真系好正！个人极力推介～小食汁烧厚切叉烧 $58日式煎饺子 $48/章鱼小丸子 $58/唐扬脆炸鸡 $52…Read More

下午茶黎个泡泡鸡白拉面🍜中环立体派最新𠮶个tea set 泡泡鸡白拉面好得意，而且佢价钱真系几抵 $98就已连埋罐汽水~ 📍泡泡鸡白汤拉面 $98 个面上到黎好似杯Cappuccino咁，上面系蛋白泡泡再加埋七味粉，食既时候捞埋黎食口感再顺滑啲至于个面份量其实都唔少，有两条叉烧但可惜就系就无蛋，不过女仔黎讲呢个份量已好够 📍鸡酱油拉面 $158汤底好鲜甜完全唔系死咸，面质烟韧弹牙挂汤一流，配料有三款叉烧：柚子鸡叉烧+香草火炙鸡叉烧同埋火炙北海道十胜豚肉材料超多超丰富我地仲咗叫咗两款小食：汁煮厚切叉烧 ($58) 同章鱼小丸子 ($58) ，豚肉炆得非常软腍入味酱汁甜咸适中，至于小丸子就正常发挥啦～#中环美食#打卡餐厅#打卡美食#相机食先#中环拉面#topcitybiteshk#hkfoodie#hongkongfood#hongkonger#hkrestaurant#hkfood#hkig#foodoftheday#hkfoodkiller…Read More

中环威灵顿街，出名系美食嘅一级战区，冇啲实力都好难立足。喺呢条街嘅地库，就藏住一间由日本过江龙，冠军级拉面大师林隆臣先生创立嘅「立体派」(Ramen Cubism)。 餐厅个名灵感嚟自毕加索嘅艺术运动，未食都已经感受到一份艺术气息。 今次专程嚟试下佢嘅出品，睇下系咪真系咁有「立体感」！🖼️ 环境篇：摩登和风，打卡一流嘅拉面窦唔好以为地库就一定又暗又窄，一落到去「立体派」反而有种豁然开朗嘅感觉。店内用咗大量木材元素，配上墙身嘅油画同精致嘅日本陶瓷碗碟，营造出一个好温馨又带点摩登嘅和风空间。灯光柔和，坐得舒服，无论系情侣撑枱脚定系三五知己聚会都非常适合，绝对系一个可以放松心情，慢慢享受一碗好面嘅地方。🍜 食物篇：传统与创新嘅完美结合睇完张单，今次嘅主角明显系两款风格截然不同嘅拉面，再配搭几款人气小食，可以话系一次过试匀店家嘅招牌同创意之作。✨ 招牌实力之作：鸡酱油拉面 ($158)呢碗「鸡酱油拉面」可以话系店舖嘅实力担当。一上枱，𠮶三款唔同嘅叉烧已经非常吸睛！ 汤底与面条：汤底用咗日本产鸡、新鲜花蛤同蚬贝，再配搭酱油同味醂熬制，饮落去系一种清澈而有深度嘅鲜甜，完全唔系死咸，饮完成个人好舒服。 面条系自家制嘅中等粗度面，口感烟韧弹牙，挂汤能力一流，每一啖都索满汤嘅精华。 三重奏叉烧：呢碗面最精彩嘅地方，就系有三款唔同嘅肉！ 1. 柚子鸡叉烧：用阿波尾鸡胸肉以柚子皮腌制，肉质弹牙得嚟带有清新嘅柚子香，好开胃。 2. 香草火炙鸡叉烧： 鸡腿肉连皮用香草腌完再火炙，鸡皮焦香，肉质嫩滑多汁。 3. 火炙北海道十胜豚肉：肥瘦适中嘅豚肉梅头，经过火炙之后油香四溢，入口即溶。 总结：呢碗面由汤底、面条到配料都睇得出大师嘅功架，层次感非常丰富，每一啖都有新发现，158蚊绝对值回票价。☕ 下午茶限定惊喜：泡沫鸡白汤拉面套餐 ($106)另一碗「泡沫鸡白汤拉面」就完全系另一种风格，净系个样已经呃到唔少菲林！外观与口感：成碗面睇落好似一杯精致嘅Cappuccino，面头舖满细腻绵密嘅蛋白泡沫，再洒上七味粉点缀，卖相满分。将泡沫同汤搅匀之后，汤底变得更加顺滑。佢嘅鸡白汤底本身已经非常浓郁，充满鸡嘅鲜香，但又唔会油腻。 配料： 配料有低温慢煮叉烧，肉质软腍。呢个配搭相对简单，主角完全落喺个汤同泡沫嘅创意之上。套餐体验：呢个系下午茶时段 (14:30-18:00) 限定，单点$98，我哋加咗$8转配「木村完熟白桃汽水」，成个套餐$106，喺中环地段嚟讲，算系一个几抵玩嘅下午茶体验。白桃汽水嘅清甜，正好中和咗鸡白汤嘅浓郁，系一个唔错嘅配搭。🐙 佐酒小食之选汁煮厚切叉烧 ($58)：如果觉得拉面嘅叉烧唔够喉，呢个绝对系必点。厚切嘅豚肉炆得非常软腍入味，酱汁甜咸适中，油香十足，用嚟送啤酒简直一流！章鱼小丸子 ($58)：外皮炸得香脆，内里保持到软糯嘅质感，中间嘅章鱼粒亦够弹牙，系水准之作。总结：冠军级数，名不虚传 🏆总括嚟讲，「立体派」绝对唔系浪得虚名。由餐厅环境、服务，到最重要嘅食物质素，都体现到冠军级拉面大师林隆臣嘅功力同执著。佢唔单止守住传统拉面嘅灵魂——浓郁而有层次嘅汤底，仲不断加入好似「泡沫拉面」呢啲充满艺术感同玩味嘅新元素，令食客每次嚟都有新鲜感。虽然价钱喺拉面界嚟讲属于中上水平，但考虑到佢位处中环黄金地段，加上用料上乘同埋大师级嘅创意，CP值其实相当唔错。无论你系一个追求正宗风味嘅拉面迷，定系钟意试新嘢、爱打卡嘅潮人，我都非常推荐你嚟「立体派」体验一下呢场味觉嘅艺术盛宴！…Read More

喺中环呢间拉面店食下午茶发现好多后生情侣源源不绝咁结伴而聚心生好奇下 上网搜寻一下 原来呢间店竟然系日本人气拉面大师开嘅？疑团终于解开 得！明晒喇！去到比新下午茶menu吸引咗  决定一试✨️泡沫鸡白汤拉面造型超特别 用有耳宽咖啡杯装住加上立体蛋白泡沫 就好似Cappuccino 咁用咗招牌嘅自家制鸡白汤汤底 充满鸡香味 够晒浓郁！捞埋甜甜哋嘅蛋白泡沫味道一齐饮 味道更好下午茶套餐仲免费送汽水添！✨️炙烧北海道带子拉面北海道刺身级带子6粒 略略烧香汤底好够热 加入洋葱同明太子粉煮汤汤头特别清甜 每啖都系海鲜味✨️章鱼小丸子被海量木鱼丝包住！每粒小丸子入面都有章鱼粒！真材实料✨️汁烧厚切叉烧 肥美的五花腩叉烧 口感软腍食落啲油脂香味必晒出嚟 好香好邪恶呀！✨日本汽水比较少见 清香嘅哈蜜瓜味汽水跟鸡白汤拉面餐只需+$8！…Read More