影片
开饭介绍
装修以木为设计主轴，更以武士主题墙画作装饰；其日式西餐及特色日本料理选择丰富，来这里聚餐、约会也很合适。
继续阅读
营业时间
今日营业
12:00 - 15:00
18:00 - 22:00
星期一至日
12:00 - 15:00
18:00 - 22:00
以上资料只供参考，请与餐厅确认详情
有关奖赏计划
真系要同大家开心share北角呢间「究极堂」！今次专登为咗两样嘢杀上去：佢哋个「招牌柠檬雪葩」同埋「究极丼」，食完真系要拍手掌叫好，绝对系回头首选！首先讲个 「柠檬雪葩」，不得了！ 一上枱就闻到超fresh嘅柠檬香，唔系假𠮶种化学味，系真系似碌紧新鲜柠檬咁！入口超级冰爽绵滑，一啲冰粒都冇，溶喺舌尖𠮶阵系超纯粹嘅酸甜，唔会死甜或者得个酸字，平衡得啱啱好！食完浓味嘅丼饭，啪返杯呢个雪葩，即刻成个口清新晒，解腻一流！听讲系每日鲜制，份量有限，迟咗真系会卖晒，想食记得早少少嗌！再嚟重头戏 「究极丼」！ 睇个名就知系镇店之宝，一上枱...哗！个卖相夸张到爆！个碗大到呢～上面铺到满一满，劲澎湃！有齐厚切三文鱼、油甘鱼、带子、赤虾、蟹籽、玉子，仲有啲我唔记得嘅（因为太多款哈哈！）。重点系全部刺身都好新鲜，三文鱼肥美甘香，带子鲜甜到痹，赤虾爽弹冇霉味，连啲醋饭都煮得粒粒分明，酸度适中，捞埋啲鱼油同蟹籽一啖入口... 真系「究极」嘅幸福啊！份量绝对够晒饱，男仔食都未必清得晒，性价比高到笑！总括嚟讲，究极堂北角店呢两样真系必点神物：柠檬雪葩：清新解腻，真材实料，饭后完美句号！ 究极丼：刺身新鲜爆炸多，视觉味觉双重满足，抵食到晕！环境就普通日式小店格局，坐得舒服，服务OK快手。如果想喺北角揾间高质又唔算天价嘅日本嘢，究极堂绝对值得你试，尤其系为咗个雪葩同丼饭！下次我都要encore，仲想试埋佢个海胆丼添～ 推荐！
继续阅读
今次来到位于一间炮台山讲求鲜味精致的日本调理，餐厅的位置都好有人气，餐厅的食物质素、环境、气氛都唔错，仲有VIP包房，好适合一班朋友多人聚餐。👫👭👬🥢🍣✨ 蟹膏豆腐鳕鱼干（$58），薄薄一片的香烤鳕鱼干，加入了软嫩的豆腐、香葱、蟹膏和一丝丝的蟹肉丝，一口一片，口感丰富，而且够晒开胃。🫔🦀✨ 左口鱼边酱油渍寿司（$22），很喜欢油脂丰富的左口鱼边，入口即化的感觉增添了不少食欲，又带来满足的感觉。🐟🔥✨ 虾味噌熟虾寿司（$15），熟虾肉质弹牙，涂上了一层甘甜味噌酱后再轻炙，风味浓郁，🦐🔥✨ 究极丼（$218），整个丼饭盛载住满满的刺身，三文鱼、油甘鱼、帆立贝、三文鱼籽、左口鱼边、海胆、拖罗蓉、牡丹虾，刺身样样有，刺身好新鲜，尤其是食到牡丹虾真系鲜嫩无比，虾头充满浓香的膏，回味无穷，整碗丼饭绝无偷工减料。刺身食到一半后，捞上餐厅特制的蛋汁在丼饭里，令味道更提鲜更滑溜。🍚🍣🐟✨ 鲔鱼套餐（$248），是吞拿鱼爱好者必点的套餐，套餐包了沙律、味噌汤、大中细腩和炙烧吞拿鱼的组合，以及香葱吞拿鱼蓉丼饭。从肥美甘香的大腩到清爽细腻的细腩，一次过体验不同层次的油花。整份套餐唔止CP值高，还令口感带有极致享受。🐟🍣
继续阅读
行开北角，谂起要食啲高质日本嘢，即刻冲咗去究极堂！今次专登为咗佢哋个招牌「三色迷你丼」而来，真系冇失望，绝对系懒人恩物兼选择困难症救星！有三小碗唔同款嘅迷你丼，每碗都铺到满一满，睇见都开心！重点系三款海鲜料都交足功课：海胆丼：呢个系灵魂！北海道马粪海胆，橙黄色泽好靓仔，入口即溶，鲜甜到痹，完全冇苦涩味或者怪异「潺」感。份量慷慨，捞埋啲醋饭食，真系忍唔住要「嗯～」一声！松叶蟹肉丼：拆好晒嘅蟹肉丝堆成小山，食落鲜味十足，带微微海水咸香，口感一丝丝好过瘾。最正系完全唔使自己拆壳，啖啖肉爽到爆！三文鱼籽丼：粒粒鱼籽胀卜卜，晶莹剔透，一啖咬落去「卜」一声爆汁，咸鲜味爆棚！捞饭食，啲鲜味渗落饭度，正到痺！佢哋嘅醋饭都系加分位，微酸软硬适中，唔会抢咗海鲜风头，同三款主角夹到绝！一次过满足晒「海之幸」嘅三个愿望：海胆嘅浓郁、蟹肉嘅清甜、鱼籽嘅爆珠口感，过瘾到极！虽然叫「迷你」，但三碗落肚（尤其系捞埋啲靓饭），饱肚感十足。想试多款顶料又唔想嗌成座山咁大碗？呢个三色丼真系聪明之选，打卡一流之余，性价比喺同级数餐厅来讲算好OK！北角揾食，呢碗「三色迷你丼」真心值得冲！
继续阅读
今日约左港岛区返工嘅朋友食LUNCH，呢到嘅午市套餐会跟配面豉汤及沙律，我地拣左究极丼($208)、寿司定食配乌冬($168)、明太子芝士玉子烧($78)、带子他他炸串($38)店铺座位唔算太多，基本上都座无空席，所以想食嘅话记得预早少少黎拎飞等位😉午市套餐配面豉汤及沙律：基本配置已经唔马虎，沙律清爽开胃，生菜脆口，加埋少少和风酱汁几开胃。面豉汤饮落唔错，先暖下个胃😄 究极丼：呢个丼真系卖相同内容都好霸气！有赤虾、三文鱼、吞拿鱼蓉、海胆、三文鱼籽、帆立贝、油甘鱼，再加埋海苔天妇罗，一碗丼饭有齐咁多刺身果然究极🤩食之前将海苔蛋黄酱淋落去丼饭，咸香creamy感爆表，好有层次👍🏻海鲜全部都新鲜到不得了，帆立贝、赤虾鲜甜弹牙，三文鱼、油甘鱼几肥美，海胆冇腥味够甘香。底下寿司饭酸度适中，唔会抢味，成个丼饭可以慢慢享受🤤 寿司定食配乌冬：寿司有6件时令寿司同2件军舰寿司，今次食到嘅包括三文鱼、拖罗、油甘鱼、赤虾、帆立贝、右口鱼边酱油渍，仲有三文鱼籽军舰同蟹肉军舰。每件寿司都手握得好靓，寿司饭唔会过大粒，鱼生新鲜冇得弹，右口鱼边酱油渍入口即溶兼且够惹味，好正😍军舰寿司爆满，三文鱼籽爆口，蟹肉甜美😋至于乌冬，汤底清甜，乌冬烟韧唔糊口，食完好暖胃，加分位👍🏻大合照😎明太子芝士玉子烧：玉子烧整得好有水准，内里半流心状态够滑溜，芝士溶到啱啱好，明太子嘅咸香渗晒入蛋中，食落口感超丰富，好邪恶但好幸福😍 带子他他炸串：睇落卖相简单，但味道几出色，外层炸到酥脆，入面系带子他他，口感滑溜又鲜味十足，表层加左D酱同鱼籽提味，唔止系炸物咁简单，有惊喜👍🏻午市套餐选择多、用料够晒新鲜，而且款款都好有心思，难怪座无空席，人气高企😉补MENU
继续阅读
呢日放工系砲台山站同事升职请食饭但唔想再搭车见到公司附近有间日本野以小店经营 走日式居酒屋路线餐牌除左刺身/卷物外仲有小食 炸串和pizza类 我地叫左丼饭和几个小食share店员介绍有得book VIP房原来佢仲有铜锣湾分店下次决定成班同事再食过//明太子芝士玉子烧 $78//最吸引既爆馅玉子烧明太子酱和芝士酱很满蛋身半熟效果 食落流心口感果然系无令人失望 //究极丼 $218//重点来了!比想像中更丰富的刺身丼刺身新鲜厚切 饭量睇落唔多一食就知道用高质赤醋饭但刺身种类好齐 1个人食唔晒 除左三文鱼 油甘鱼 海胆 牡丹虾仲食到鲜带子 吞拿鱼蓉 三文鱼籽 口感最正系落埋日本酱油蛋汁 好juicy! //海胆右口鱼边虾卷 $78//个人几喜欢食右口鱼难得卷物有齐海胆和炙烧过的右口鱼原来好夹 鱼油香又够鲜味 唔会腥炸虾和饭令到味道中和 必食! //海苔墨鱼他他 $28/串x2//以前我唔食炸串 升职同事想食口感丰富 食到爽口既墨鱼滑加入紫菜去炸 唔会厚炸粉个皮够香脆 一改我对炸串既观感 //明太子什菌地鸡薄饼 $118//Pizza系即叫即焗 所以后来才上菜鸡粒有唔少 连同芝士野菌和明太子饼底脆 入口滋味又唔会太腻如果饮酒应该唔错既选择
继续阅读
您可能会有兴趣的...