稻香.茶居 (壹號九龍)

笑死 🙄近排稻香午市搅埋两𩠌饭，$40一盒估唔到些𩠌少到吓亲我😟本来见些𩠌都好似唔错，又排晒长龙咁，念住都试下啦，点知伏爆。排到去卖完既𩠌冇得再refill，只得6-7个𩠌未卖晒，想要牛仔骨，阿姐话一旧，我问咩一旧？阿姐话要两旧的话唔同价钱😨我望住旧骨多过肉的牛仔骨，就改要叉烧，点知得三旧，鸡好啲有4旧哇 真系多谢晒其实如果认为赚得少，你可以set价高d，起码俾返客人应该有的份量，而唔系每个𩠌数住俾几多旧咁肉酸，附近其实都多两𩠌饭，呢间真系唔会再帮衬。…查看更多

「稻香茶居」位于九龙湾商业区壹号九龙地下。由于地理位置及远离民居，商业大厦在周末的人流比平日少，为吸引茶客茶楼推出午市套餐优惠，而壹号九龙亦有提供消费泊车优惠。这两大优惠确实吸引了我们，我们一家大细经常都会在周末驾车到来饮茶。午市套餐的价钱跟平日一样$268，套餐可选3款点心、2款小食及1款粉、面、饭、小菜或烧味。点心方面，推介稻香虾饺皇及蚝皇鲜竹卷。小食方面，我非常推介紫薯地瓜球，顾名思义馅料是由紫薯地瓜蓉搓成小圆球，炸到外皮香脆，口感烟韧、味道唔太甜、温度微热，是即叫即整。另外，咸菜胡椒猪肚汤的汤料足，有整颗胡椒粒，猪肚无骚味。烧味方面，秘制沙姜鸡半只也不错。茶楼平日目标客源为商务客人，所以装修雅致，环境整齐清洁，光线充足，冷气充足。楼面侍应不多，主要因为茶楼配置了自助加水、煲水及倒水系统。总括而言，$268套餐有汤有烧味又有点心，仲要有虾饺比你拣，够4-5人食，茶位连加一都只系三百几蚊，唔洗等位，坐得舒服，又有泊车优惠，性价比高！…查看更多

一号九龙稻香 冇早茶就冇去好耐晚市有优惠 澳龙虾伊面 $128 抵食吸引 龙趸两味 $128 抵抵抵 讲3次1.翡翠炒龙趸片2.清蒸头腩预货不足！？炖汤 $28 沽清❌烧肉墨鱼饼 $56 沽清❌蒸乳山大蚝2只 $50 沽清❌相比下其他菜较高价 炒清菜 $88。。宝贝鲍鱼酿豆腐 $98窝上鲍鱼肉碎豆腐煎㶶黐底 太油腻胡椒黑椒牛仔骨 &108牛仔骨7-8件 腌倒很淋 浓油赤酱咁 油冧冧 太油腻 蒸果皮南非八头鲍鱼 28蚊@ 2只起个头唔算大 淋嫩唔硬 但不太鲜…查看更多

有人话食嘢求饱，但系当你俾得一个价钱嘅时候呢，你可能就唔系求饱，因为你可能系求美食嘅满足感，你会用好多金钱去换呢个满足感，即系你坐底食饭，你都会拣𩠌都系想刺激自己嘅感觉一样嘅，但系经过过去咁多年出去食嘢嘅经验真系真系好难得好难得今次有依个食嘢嘅一个咁嘅感受！真系估唔到！首先讲其中一道𩠌——红烧蟹肉翅，正常来讲酒楼间间都起码都有返上下水准，但系我哋食到好激动，因为激动到即刻叫个侍应自己笔一碗自己试吓，咁个侍应都唔够胆食，佢入去厨房俾返个厨师去试！最后答案系：「冇问题嘅！食得嘅！」呢一句呢真系实在太精彩！我当然知佢系食物系食得啦！但俾成三旧水食啲咁嘅嘢嘅话🙄味道又淡又腥臭，街边碗仔翅好食过佢！其他𩠌都只系可接受！冇下次！｜…查看更多

因为$88片皮鸭，所以去了稻香食晚饭，另外还点了金薯牛柳和粒脆皮咕噜肉！个人觉得环境是光鲜舒服，食物味道都算正正常常，不算差也没惊喜平。不过人手就严重不足，全场的侍应好似只有3至4人，要揾人服务也的唔容易，想叫罐可乐花了差不多10分钟。片皮鸭只有一位职员在大堂慢慢地片出来，足足等了40分钟片皮鸭才到，不过另外2味𩠌我们已差不多食完了！另外，酒店提供了2笼包皮比我们，不过其实比一笼已经足够了，因片皮鸭的件数也不是很多，有点浪费。…查看更多