2025年9月5日 星期五终于放完大假呢几日开始返工真系有啲攰，而且天气实在太热，连屋企人都无心机煮饭，于是乎夜晚直接出街食饭最后选择左稻香既晚市，因为餐厅到8点半后入座火锅汤底有半价优惠，而且其他食物都只系3.8折，真系抵到烂，回归90年代既价钱，所以就决定齐齐打边炉同场仲有小活动环节，只要$48就可以参加一次，需要30秒内用单手任拎啤酒，能够坚持10秒就得，拎几多支就送几多支，而且如果拎到7支就可以另外用$9.9加购一只新鲜龙虾添，真系好吸引我哋当然唔执输即刻排队参加，最后都好彩成功拎到5支，平均每支啤酒都只系$9左右，够抵饮讲返个火锅，我哋要左菌皇竹笙锅，一打开盖就闻到阵阵菇香，汤底清澈但味道浓郁，而且带有淡淡草本气息竹笙爽脆，吸收晒菇汤精华，各款菇类都层次分明，口感由嫩到弹，齿颊留香，饮完汤有种身心舒畅嘅感觉唔洗几耐所有野食都已经到齐，十分丰富，摆满晒成张枱当中最吸引既当然系呢个安格斯牛盘，除咗因为价钱由$168到现在优惠价$68之外，牛肉切得薄而均匀，油花分布靓到好似大理石咁，落锅一烫即熟，入口嫩滑得嚟又唔失牛味，啖啖都系肉香同脂香交织嘅享受配埋牛筋、牛肚同肉丸，口感层次丰富，好似黎左一次牛肉界巡礼咁之后有五福蔬菜篮，色彩缤纷又新鲜，菇菌香气自然，粟米甜得嚟又有啲脆，南瓜绵密带些微甘，白菜爽口唔涩，仲有啲生菜同蕃茄点缀，落锅一煮，汤底即刻升级，清新得嚟又唔失层次，啱晒打边炉时平衡油腻呢个系半只地鸡，鸡皮呈天然黄金色，睇落已经好吸引渌熟之后，鸡肉嫩滑得嚟又有咬口，唔会粉粉地脂肪分布平均，食落唔油腻但又够香，冇腥味，啖啖都系鸡味，唔靠酱料都好好食最后由左至右分别系手打虾滑、墨鱼滑同手打鲮鱼滑，虾滑入口爽弹，虾肉鲜甜得嚟带少少海水味，咬落去有啲爆汁感，唔使点酱都够味，啖啖都系真材实料，而墨鱼滑就质感烟韧，咬落去有啲弹牙，味道偏清淡但有淡淡海鲜香，啲墨鱼粒粒分布平均，口感层次丰富鲮鱼滑则比较粗犷，鱼味浓郁，仲有啲微微嘅姜香，口感冇咁滑但好实在，啲鱼骨已经打碎晒，食落唔怕卡喉埋单五个人都唔使$600，真系好抵食！！…查看更多
