科記咖啡餐室

餐厅有最低消费，大家留意返，系每个人最低$45。而唔系每人平均消费$45。想share 食嘢/食量细既朋友要小心！我哋一行两人嗌$9x。一个餐（$6x）再加一个面（$3x），店员话唔得，一系点多一杯野饮，一系将套餐杯嘢饮拆开散叫。因为当时身体不适，不是价钱问题，只是不想饮/食太多，最后无食到就走左。真系赚钱赚到尽🤷🏻‍♀️ 今时今日仲要咁样做生意……..呢篇系我第一次写既食评，估唔到就系一个差评。…查看更多

慕名而来，隐蔽小店，工作日中午去到要排队，但都好快排到。猪扒味道其实还不错，但可能因为配搭了时菜，成份饭好湿，也掩盖了煎猪扒同煎蛋的香味。可能叫洋葱猪扒饭会好些。…查看更多

以前真系做得几好，猪扒腌得好入味，甜甜地，仲有些少烧酒味。而且煎得好香，又唔会太干，仲系食到有肉汁嘅。最近两三次去食，真系越嚟越差，本来以为偶然水准下降，坚持帮衬多两三次，不过我估唔会再有下次。价钱虽偏高，但系我接受，不过而家，真系顶唔顺。猪扒越嚟越冇味道，屋村或者中学附近嘅快餐店都好过佢，猪扒冇哩味道，而且好似冇煎过咁，唔似得以前咁香口 。今次同朋友去食，一个猪扒饭加蛋，另一个番茄猪扒饭。猪扒饭加蛋，我够胆讲，以前只鸡蛋真系好好食，捞饭一流，而家只蛋都唔系流心嘅，基本上系生嘅。两个人连埋饮品，170几蚊，但系食物质素，真系仲衰过屋村茶餐厅。不过食开有感情，仍然期待各位提供新食评，假如将来有改善的话，我仲系会返嚟帮衬嘅…查看更多

呢间招牌系猪扒饭，每块猪扒都煎得焦香脆嫩😍，散发出阵阵诱人嘅油香，猪扒肉质鲜嫩多汁，每一口都充满住肉香。仲搭配咗灵魂溏心蛋🥚，蛋液淋上特制嘅酱汁，均匀铺系猪扒同白饭上面。用匙羹一齐送入口中，蛋液嘅滑溜、酱汁浓郁同埋猪扒香嫩完美融合，真系好食到犯规😭🆘除咗猪扒饭，我哋仲点咗沙爹洋葱鲜牛肉多士🥪。呢个多士真系好惊喜，一上台就闻到阵阵沙爹嘅独特香味，入面嘅牛肉分量爆多，而且啱啱好咬落去充满肉汁。洋葱嘅甜味同沙爹酱嘅香辣味为牛肉丰富咗口感。多士嘅外皮烤得脆脆嘅真系香到痹🤤🤤如果系两个人去食，而且胃口唔系好大嘅话，一份猪扒饭加一份沙爹洋葱鲜牛肉多士就已经好够啦，包食到肚圆圆😜…查看更多

当日唔算太多人，谂住试下系咪传闻中咁好食。买外卖。可能唔系大单得一个猪扒包同埋一杯冻奶茶。足足等左40分钟😳堂食嘅人入坐食完走得都几枱都未到我嘅外卖😡问吓又话系咁架要等㗎！个姐姐态度好好，好到我想退返钱去食新波记。终于40分钟后有喇！好嘢！终于有喇！妖！块猪扒唔热嘅暖都唔可以讲！油淋淋！味道超级普通！仲话驰名？杯奶茶仲衰过隔离兴记𠮶杯！想点啊？ 系我唔识食定系过誉呢？可能曾经系好好食。或者⋯应该系我唔识嘢因为日日行过都见到好q多人排队！ …查看更多