祥榮小館

以前都試過吃這裡的晚飯，但是早市未試過，原來係飲早茶。我叫了鹹水角及灌湯餃，食物即叫即蒸/整，上枱時熱騰騰，超級驚喜。正如之前的食評一樣，因為係即叫即做，上齊枱要35,40分鐘，趕時間的確唔岩嚟。不過花時間得來好藉得。…查看更多

晚巿慢到顛，叫咗個啫啫通菜煲同瑤柱肉碎三色蒸水蛋，個水蛋等咗八個字，個菜再等咗半個鐘。我食完個水蛋真係等到餓番先有得再食，好可怕。不過味道係ok嘅，但價錢有啲貴。…查看更多

陪朋友看足球賽，最後找到這家餐廳有播放，立馬進去。點了鵝腸，豬腩肉雙拼，金菇扒西蘭花，炸蠔餅，還有最重要的啤酒。鵝腸，豬腩肉雙拼來到的時候，超意外，沒想到是熱騰騰的，平常吃的都是冷盤。鵝腸洗的很乾淨，不過不太入味，反而豬腩肉比較入味。炸蠔餅很香脆，不會很油膩，份量挺多，超值。點了2瓶啤酒，最後結賬$295，可以看足球賽，客人不多，能慢慢坐，很化算。…查看更多

小經營的餐館，喜歡的是它的街坊價錢卻有比連鎖酒樓餐廳更好質素的食物，新鮮熱騰騰美味點心是即叫即蒸，要等10-15分鐘以上出爐，趕時間的就去Xx點心吃即食的吧，不要浪費時間在那埋怨跟街坊們爭位置坐，茶錢$5位。環境一般卻乾淨，交通方便。這價錢不要太高要求了，重要的是食物是街坊人情味不是為打卡而設的新穎潮流高檔裝修。PS 多樣的小菜也是夠哂鑊氣，找那些在家裏吃不到的煮不到的小菜來吃，絕對包你滿意和食吃得盡興！晚上去吃還是請早否則高朋滿座。也可以打電話去叫定外賣自取/堂食。好吃的話多多點讚支持，這些店在香港買少見少了。…查看更多

今日鐘點來屋企攪衞生，攪咗成朝，無時間整嘢。咁啱朋友來電，就約佢去食懷舊點心麵炒到兩面黃，唔油淋淋，咬落脆卜卜😋可惜食到後尾越來越咸，大廚落重手咗😅整體來講，呢度點心份量幾足，重係熱辣辣上枱，炒粉麵亦大大碟有鑊氣，價錢又唔貴，兩個人食幾碟点心加埋炒麵先百鬆啲，飽到頂住個肚走，咁抵食去邊處揾…查看更多

今日來了西灣河做野，放工就順便食埋晚飯才走啦坐下後，便簡單地叫了兩個小菜，一個是潮州打冷墨魚片拼滷水鴨，另一個是小炒咕嚕蝦球。滷水汁味濃，墨魚片夠稔，滷水鴨夠入味蝦球大件，調味亦得宜…查看更多

自從上年和朋友來呢度食嘢，有意外驚喜後，同朋友食飯又多咗一個選擇啦😋🤗鍾意呢度週不時做特價益街坊，兼且質素唔差今日又同朋友來食晚飯，先來個白灼生蝦，大大隻蝦，份量唔少，味道幾鲜甜再叫菠蘿生炒骨，加個蒜蓉炒菜芯菠蘿生炒骨，紅橙黃綠，五顏六色，好睇好食😘生炒骨無咕嚕肉咁肥，炸得幾酥脆，加上菠蘿，酸酸甜甜，好開胃蒜蓉炒菜芯，事先同後鑊講要少油少鹽，真係做得到鍾意佢炒得乾身，唔會油淋淋，條條都青綠，加上蒜香，清甜爽脆滿满一大碗絲苗白飯，夠兩個人分，食飽飽，好满足，埋單唔駛兩舊水街坊小館，小菜有鑊氣，大件夾抵食聽講呢度，每朝7点至晏晝4点半，有點心供應，即叫即整，有啲重喺，外面酒樓食唔到嘅懷舊点心，真係要揾日，來試下呢度啲点心同炒粉麵…查看更多

最近西灣河附近有兩間酒樓內部裝修，令到附近餐廳都排晒長龍。最後同阿媽去左祥榮小館飲茶，好彩有得搭枱唔駛等位。但啲待應做到踢晒腳，都唔得閒執枱同開位，要比啲耐性慢慢等。我地兩個叫左叉燒腸，蜆芥鯪魚球，同乾炒牛河。個乾炒牛河炒得好乾身，好香，啲牛都幾好，又夠鑊氣。👍🏻蜆芥鯪魚球新鮮炸出黎，魚肉都夠新鮮，一啲都唔腥，但就略嫌咸左啲，唔駛點個蜆芥已經夠咸。叉燒腸都叫多料，但條腸粉比較冧身，有啲唸住筷子，唔夠爽滑，唔係咁好味。…查看更多

而家去酒樓飲茶啲點心越做越精緻，由以前一籠四粒大蝦餃變到得番細蝦餃，再減到得番三粒，但今次介紹既呢間食店完全反其道而行，啲點心好似照左放大電筒咁架🤣今次黎既呢間食店並唔係酒樓而係一間茶餐廳，所以無一般酒樓咁多點心選擇，但驚喜既係呢到有幾款出面酒樓都唔再整既懷舊點心。所有點心都係即叫即蒸，所以需要等多一陣先有得食，但勝在點心上枱既時候夠熱，不過各位朋友仔小心燙傷呀🙈如果怕點心唔夠飽，店舖入面同時會有炒粉麵供應，同樣都係大大碟既份量，真係搵多幾個朋友一齊食都唔會餓親架😋每次都會透過以下6大方面評分(滿分:30分)味道 : 3.25 / 5 環境 : 2.75 / 5 外觀 : 3.75 / 5價錢 : 3.75 / 5 服務 : 3 / 5回頭率 : 3.5 / 5總分 : 20 / 30性價比呢間店舖既點心介乎$15至$30，而茶芥只係$5一位，大大件既點心，用料同味道絕對不亞於出面部份既酒樓，經過附近去嘆番一盅兩件都不失為一個唔錯既選擇，不過要留意番店家既營業時間淨係去到下午4:30炸，遲左就無得食啦😊…查看更多

今天來了西灣河工作，放工行過祥榮小館，我和同事都被它的晚飯四寶吸引著，於是一於入內試試啦一坐下來，便急不及待要點菜了。我們叫了晚飯四寶內的三寶，分別是白灼生蝦、菠蘿生炒骨，及韮菜豬紅。餸菜來的時候，白灼生蝦份量一點都不少，味道亦很鮮。尤其是菠蘿生炒骨，很夠鑊氣，酸酸甜甜，是送飯之選。而韮菜豬紅亦很有潮州feel 呀，吃得辣的，一定會很喜歡。下次一定會再來注意：晚飯四寶只限平日的星期一至五，及只限堂食。…查看更多

話說，突然lunch 想食點心，一個人就入咗去。都知佢不嬲都慢，但今日都可以等佢15分鐘，所以坐低。點知，單有show 13:50落單，落咗蝦餃，燒賣 同 灌湯餃。14:07 黎咗蝦餃 （ok 啦，正常時間，諗住陸續黎）14:23 我：唔該可唔可以幫我睇下係咪整緊，7個字都未黎喎女士：你叫咗咩呀我：成張單，黎得個蝦餃14:30女士：拿，黎喇，唔怪得之啦，你叫灌湯餃我：下！你望下張單，睇下隻錶而家係30分喎，啱啱好40分鐘，無野呀，一個灌湯餃要40分鐘，咁你一早講聲丫！女士：係要咁耐架喎，驚唔熟麻我：甘燒賣又咩事要40分鐘呢？女士：師傅一齊蒸我：你都走咗幾轉啦，40分鐘個點心喺呢度食，仲耐過茶樓，我做咩要喺呢度食女士：咁你咪去茶樓囉食灌湯餃時，個心一d 肉都無，得假到唔假嘅蟹柳點樣唔熟，要蒸40分鐘呢？漏單咪漏單囉，態度衰度，我錯，係我錯叫咗個灌湯餃累你要蒸40分鐘‼️‼️…查看更多

上菜速度超慢，8點4個字落單，成9點都未有得食，只係叫左兩個普通小炒，全場人客並不算太多，等食途中好幾枱客已經不斷催單，最離譜既係有個男侍應竟然講：「唔駛催，催都冇用，你越催越亂！」態度差劣不特止，我嚟食飯仲要受氣，離譜！菠蘿生炒排骨 $60汁酸得緊要，好似飲醋一樣，排骨炸到燶哂。西芹腰果炒什菌 $62老實講冇乜特別，但等左11個字都炒唔到出嚟會唔會過份左少少。價錢已經唔算平價，服務差上菜速度慢真係請都唔會有下次😤…查看更多

星期六晚和家人一起出去搵好嘢食， 參考了食評，選了附近的祥榮小館。坐低看見餐牌選擇多多， 對有選擇困難症的我還是跟食評點吧！ 點知成個餐牌也不見我最想食的蒜蓉開邊蝦，問了落單哥哥，原來這道莱熟客才識叫，他們也會照落單！最後點了四個餸: 蒜蓉開邊蝦、 豉椒炒花甲、 蒜香 牛仔骨和椒鹽鮮魷。蒜蓉蝦好香好鮮甜，果然好介紹！ 豉椒炒花甲好有肉地！其餘菜式香口野啱屋企小朋友多D！埋單四百元有找，之后去埋明記食糖水，超滿足！…查看更多

放工夜咗肚子餓，經朋友推薦西灣河祥榮小館，話需然係街坊生意，但水準一流，可以一試。去到ハ點幾，有六枱客，不用等即刻叫野食。菜式幾多元化，有傳统粵菜，亦有潮州卤水打冷。叫咗蒜蓉開邊虾、孜然牛仔骨、薑汁抄芥蘭、煎蠔餅。開邊虾非常彈牙很新鮮，蒜蓉夠多連粉絲都好惹味｛成碟吓有成十兩只賣$98, 一個字“抵“}。孜然牛仔骨唔油膩，孜然粉份量剛剛好，唔太辣啱香港人口味。蠔餅係半煎炸，改良咗唔用潮式正宗薯粉煎，極香口不可不試。抄芥蘭都有水準。水準一流價錢大眾化，準備叫埋朋友再試其他菜式！…查看更多

今次是第三次幫襯祥榮，晚市比較多人，好彩有卡位坐，三個人點了豉椒炒蜆、蒜蓉開邊蝦、薑蔥炒蟹和酥炸筒蠔。碟頭分量okay，炒蜆和開邊蝦勁好味，個個爭住食！炸筒蠔未試過，外脆內軟好味好味！埋單四百幾，這個質數，值得再來光顧！…查看更多