祥景茶餐廳

营业中

休息中

如標題所講，我的最愛公司繪意粉。懶得落街，又想食公司會意粉，呢一間茶餐廳做得到。佢哋可以買滿$100就會送外賣送上門，啱晒嗰啲懶人。爆滿茄汁酸酸地，再加埋雜錦餸，好味😋

今日落雨，近近地就去咗祥景茶餐廳食 lunch，我叫咗星洲炒米同熱奶茶。啱啱上嚟嘅時候，見到個炒米色澤鮮艷，好吸引人啊！佢嘅味道好香濃，仲有啲微辣嘅味道，但唔太辣，味道幾好！另外，佢入面嘅蝦同雞肉都煮得好啱口，唔算太爛，不過整體太多油。炒米份量亦都夠多，一份食落去就已經好飽啦。朋友叫常餐，味道都ok至於熱奶茶，味道都好香濃，奶味非常濃郁，但甜度啱啱好，唔會太甜。個杯仔都夠大，夠飲一陣子。服務方面都幾好，啱啱坐低就有人黎迎接，就算好多人都幾快咁搞掂。總括而言，祥景茶餐廳個星洲炒米同熱奶茶都好好味，加埋啱啱嘅服務，真係一個唔錯嘅選擇。如果你想食啲好味又唔貴嘅茶餐廳嘢，就可以黎試下啦！

今日自己係屋企，唔想煮又唔想特等戴口罩出街買，諗住求其叫個外賣算，落完order差唔多10分鐘就有得食都算快，烏冬都ok，就係雞扒比較油，如果下次炸完隔一隔先會好d。同埋日式麵餐多數都係吉列炸的，希望之後可以多d選擇。不過最意外都係杯齋啡⋯⋯本來唔見糖包諗住可能侍應唔記得，加上自己飲齋啡都唔落糖，所以冇咩所謂，點知飲一啖之後發現杯齋啡甜到膩🤢🤢🤢冇諗過齋啡會係甜的，仲列甜到呢種地步⋯⋯我本身就唔仲意太甜，飲一啖就好似直接吞左一大啖砂糖咁⋯⋯結果因為接受唔到甜度，杯飲野成杯倒左⋯⋯

呢間野 區內都出名難食 係無對手先開到咁耐本人係該村居民 平時多數都係食大X活 前幾日肚餓 打電話叫左個外賣牛河超多油  返開個底D油浸住...無論牛 河都好重豬油味 ,勁難食又跌錢

焗燶肉醬意粉！因為真係好很肚餓，求其搵間茶記食晚飯，點知中伏！叫咗個焗肉醬意粉諗住穩陣啦，5分鐘整好送到嚟，睇個樣無咩問題，見到啲意粉好似飲筒咁粗都算，食第一啖覺得有啲香口，唔錯啦！不過食多兩啖發覺，越食越濃味，原來成個面嘅芝士基本上都原來都燶九晒，只係再係個面灑多層芝士粉遮住。本身食肉醬意粉都唔預會係健康，但覺得食咗呢兜野真係死得....好似食焗癌細胞咁

天氣寒冷，想吃熱騰騰的食物，就點了：陳皮鴨腿湯飯：湯頭味道不錯，除了鴨腿，還有鴨脖子。鴨腿肉質柔軟，味道不錯。我不吃脖子，就丟掉了。裏面還有幾塊冬瓜，也好吃。冬天用熱湯拌飯吃，真的使人感到很溫暖。焗鹹牛脷意粉：這意粉上桌時，面層的醬汁還在微微滾動，真的是剛從焗爐拿出來。這意粉做得最出色的是醬汁，味道超越了一般茶餐廳的水準，令人食慾大增，意粉的軟硬度也很適合。至於牛脷，周邊比較硬，中間柔軟，若把周邊切掉，口感會更佳，另外牛脷略鹹，不過伴着醬汁吃，也美味。想一讚這店的服務，雖然是茶餐廳，不過侍應給我很好的印象。首先，點餐的時候，我們以為兩個餐也附飲品，所以就點了兩個飲品，後來看賬單，發現其中一杯要另外收費，我就請侍應取消一杯飲品，侍應告訴我鴨腿湯飯不附飲品，他幫我取消時，完全沒有面露不悅之色。另外，送上食物時，侍應都會作溫馨提示，例如送上鴨腿湯飯時，侍應說趁熱吃啊，送上意粉時，侍應又說碟子很熱，要小心。後來我問侍應要一杯暖水，他送來一杯熱水和一杯凍水，他說因為沒暖水，就給我冷熱，很有禮貌地請我自己調。真的沒試過在茶餐廳有這麼好的服務。

還記得小時候的茶餐廳，一般來講只提供湯粉不離公仔麵、米粉、通粉或意大利粉配料方面也離不開沙嗲牛肉、五香肉丁、香腸餐肉火腿雞蛋等有啲比較大的茶餐廳甚至會提供出爐麵包🧐🧐🧐可是相比起今時今日的茶餐廳，那個演變過程實在令人驚嘆，現今很多的茶餐廳其實根本就是一間真真正正的餐廳，食品種類包羅萬有，除咗什麼快餐特餐之外，還有提供很多不同的飯類及各種不同的美食😅😅😅適逢假期，去咗祥景嘆個早餐叫咗一個常餐，一個菠蘿油，一份炸薯條最回味的永遠是他的沙嗲牛肉麵，每次嚟呢度食都非常滿意🤤🤤🤤

一般屋邨茶餐廳都離唔開污糟同嘈但祥景就冇呢個問題 裝修新 即使有電視都唔會開到好大聲因為天口慶 唔想食飯咁乾爭爭 所以今次叫左個鮮茄蛋花牛肉湯飯 加多杯凍華田！食茶餐廳最好就係夠快。我湯飯嗌左唔夠8分鐘就上台 蕃茄大大嚿 起碼切開有六舊蕃茄 蕃茄味好濃我估係加咗茄膏牛肉夠淋身易咬 而且份量唔少 但因為冇得跟餐凍飲要另加$12變相總共$55先埋單就有啲貴同埋杯凍華田甜得濟 但總括黎講都算合格下次可以再試佢地既快餐睇吓有幾快

【祥景茶餐廳】『九龍篇-深水埗區』茶記黎講，每個屋邨都有自己特色專有既茶記聚集一班老友記。本尊難得黎到海麗邨，當然要試一試佢專屬既茶記啦。本尊大大話話都食左二三十年茶記，經驗當然非常豐富(相信咁多位香港人都係)。先講講個環境，祥景同我平時食開既茶記環境明顯有分別，大家印象中既茶記都係逼逼夾夾，但係祥景竟然比到闊落既感覺比你，真係茶記黎講難得一見。我地一行五人都唔覺得逼，仲有地方擺埋袋。試茶記就必須要試試佢地既餐，咁有自信出得餐既，一定係覺得有番咁上下質素先放出黎比人食。所以我地就試左: 中餐–家鄉梅菜扣肉飯、快餐–咖哩雞球飯(包鮮茄腿茸湯)、焗飯餐 – 白汁海鮮焗飯及蕃茄牛肉湯飯。飲品方面，當然係要Try Try 佢既凍OT、凍啡同埋熱啡一試佢既茶底啡底。快餐真係名不虛傳，有SKY哥哥咁鬼快，基本上一叫就即上台咁濟。咖哩雞球黎講個汁係唔錯，正常發揮，唔係D咩特式咖哩，可惜既係雞球有浸雪藏雞既味道未消去，呢個位可以改善下。而個鮮茄腿茸湯後而有小許驚喜，茄味夠哂濃。可惜既係，D湯料有小小吝嗇，蕃茄腿茸都切到碎一碎先落湯，SIZE差唔多變左膠粒咁既SIZE。中餐–家鄉梅菜扣肉飯，都係正正常常

一般既茶餐廳，面包有點硬基本上同其他餐廳沒太大分別。價錢都合理但好少雪菜肉絲粉會有雜豆之類的食材，因本人不喜歡青豆。大致上都接受到，只係面包有點硬咬了幾下就不想吃。

呢排一直都要溫書，趕功課☹️☹️☹️☹️，所以都冇咩時間出去食好西，唯有頹頹地咁叫個外賣當早午餐啦，因為一向都知呢間餐廳送外賣嘅速度好快，而個日一瞓醒已經好肚餓🙈🙈🙈，所以就決定叫佢啦🥳🥳🥳🥳個日就叫左個菜遠牛河，份量都幾大嫁，一個人真係食唔曬😂😂😂😂佢除左菜既份量好多，連牛肉既份量都多！！！而且都醃得夠曬入味，但就略嫌佢既汁未夠多，如果可以有多啲汁就更加好啦！！！同埋價錢都偏貴，如果可以平番少少性價比就會更高！！！！！🙈🙈🙈

牛奶麥皮餐 呢個餐冇野飲 熱飲都要加8蚊雖然好似幾健康 不過都唔係幾夠飽😂硬係淨杯野飲🙈 所以下次都係叫啲 麵餐好啲佢個麥皮真係減肥餐 細細碗 一啲糖都冇 👍🏾蛋治就。。。得中間 好少蛋😂😂😂

今日去到荔枝角呢邊自己一個人唔知食乜好路過呢間餐廳就入咗去，我記得好耐之前食過，水準都可以，多士哄到啱啱好，麵包非常香口，太陽蛋煎得好靚，加小小鹽再雞蛋黃上面，一啖可以食晒天氣開始凍凍地叫咗杯熱可華田，味道都夠濃，五香肉丁公仔麵，五香肉丁比起出邊的餐廳份量算多，但公仔麵嘅湯底就比較淡口，未到總算合格

最常叫呢間茶記既時段係早餐🍳🍳，因為我通常訓到10點幾，趕到岩岩好11點前就叫個早餐，咁就可以當早餐+午餐食😂😂呢間野最好既地方係，叫外賣後，15分鐘內基本上都會送到👍🏻👍🏻但我就覺得早餐黎講貴左少少啦🤦🏻‍♀️🤦🏻‍♀️而佢既份量真係夠我兩餐食嫁😂😂今日就叫左沙嗲牛肉米粉🐃🐃+腸仔炒蛋🍳🍳+牛油方包🥪🥪+凍奶茶少冰🥤🥤=total$37沙嗲牛肉米粉🐃🐃+腸仔炒蛋🍳🍳米粉同埋牛肉嘅份量都好多，沙嗲汁都好好味唔會過鹹，炒蛋就一般般啦😩牛油方包🥪🥪，cut開左兩舊，都幾方便👍🏻呢杯凍奶茶叫左少冰都仲好多冰，而且我覺得味道都偏甜，而且茶味都唔係好夠😩😩

每日最重要就係早歺，今日也不例外，叫左個牛扒煎蛋配埋塊牛油多士，再加杯熱奶茶夠晒飽😁旁邊有塊薄薄嘅番茄加少量嘅粟米粒！熱奶茶味道濃，奶味夠重，比滿分！但牛扒太鞋，口感差，吾好食，但份量足夠，黑椒汁少許辣，不夠咸😩