神虎麺商店

为咗期间限定嘅鸡白汤专登去食。.闲日晚上6:45左右去到，已经大排长龙。最后等咗45分钟，终于可以入座。.Order咗佢嘅鸡白汤拉面🍜 $148- 觉得不论汤底、面质、肉都非常出色- 汤底系浓得嚟带点清鸡汤feel- 面质弹牙，份量充足- 肉亦唔会似其他拉面店太薄，佢口感亦滑嫩.另一款期间限定海老虾饼 $88- 两人食，加埋个面，真系非常饱- 虾饼诚意十足，食到弹牙嘅虾肉- 着虾饼连埋菜、沙拉酱同酱汁食，感觉好好食，酸酸甜甜嘅Fresh味，中和返香口热气嘅虾饼.总结系一餐好好食嘅晚饭，但老实讲以香港价钱来说，相对较贵，有其他性价比较高嘅拉面店…查看更多

成日听朋友讲大角咀有间拉面好得，但因为唔系正正喺旺区，所以一直都未有机会试。今次终于的起心肝，专登入大角咀揾呢间「神虎麺商店」。铺头唔算好大，坐位唔多，但装修行日式简约风，坐得几舒服，有啲日本街头小店嘅感觉。我二话不说就叫咗个最丰富嘅神虎精选，再加个小食炸鸡。等咗一阵，碗拉面热辣辣上枱，个卖相已经好吸引！个汤底呈奶白色，面头有层薄薄嘅猪油，未饮都闻到阵阵浓郁嘅猪骨香。饮第一啖汤，哗，真系冇介绍错！个汤底超级浓郁，猪骨味好突出，但又唔会死咸或者油腻，饮得出系用咗好多时间去熬制，饮完成个口都系满满嘅胶质同鲜味，层次感十足。面条我拣咗偏硬，口感好弹牙，而且挂汤能力一流，每一啖面都索晒啲汤嘅精华，非常过瘾。至于配料，「精选」呢个名真系冇改错。叉烧有两款，一款系传统嘅薄切叉烧，肉质软腍；另一款系厚切火炙叉烧，呢块先系戏肉！经过火炙之后，啲肥膏迫晒啲油香出嚟，半肥瘦嘅口感入口即溶，焦香四溢，真系不得了。只溏心蛋都做得好出色，蛋黄呈橙红色嘅啫喱状，蛋味香浓，恰到好处。跟住上嘅炸鸡都冇令我失望。即叫即炸，上枱𠮶阵仲热到辣手。个炸浆好薄好脆，咬落去「咔」一声，但入面嘅鸡肉依然保持到非常嫩滑多汁，完全冇炸到干晒。佢哋嘅调味亦都做得好好，唔会太咸，点少少沙律酱一齐食，可以中和返少少油腻感，真系会食到停唔到口。总括嚟讲，神虎麺商店绝对系一间好有诚意嘅拉面店。虽然价钱喺大角咀嚟讲唔算平民，但无论系汤底、面条定系配料，都食得出师傅嘅功架同心机，完全系一分钱一分货。如果你系一个钟意浓郁猪骨汤底嘅拉面控，呢间铺头绝对值得你专登过嚟试一次，包你食完会好满足！…查看更多

喜欢浓味、背脂、重蒜，绝对要吃重量级的二郎系拉面 🍜 ！湾仔三虎拉面首选一定系神虎，今次为了吃分店限定，每日限量供应20碗 (午市10碗｜晚市10碗)的《二郎系拉面》，专程来到大角咀神虎面商店分店，早去的肥肥就有面吃。《二郎系拉面》汤底浓郁豚香，但入口不会油腻，配搭少许的辛辣的韮菜中和了不少油腻感。去神虎必吃的西班牙肥叉烧(伊比利亚豚肉)，口感肥美嫩滑，肉味浓。而面条换了新款，更为有韧劲，美中不足挂汁力不足。海老虎拉面 🍜 汤底浓郁虾香味，西班牙叉烧(伊比利亚豚肉)口感OK。可以加$6试下秘制辣酱，加些少更为惹味。今次试完《二郎系拉面》，再次对神虎刷新高评价。大角咀分店期间限定 🌟 每日限量供应20碗，吃一碗少一碗，绝对唔可以错过！🍜 神虎面商店大角咀埃华街74号大同新邨大成楼地舖…查看更多

琴晚好想食拉面，突然谂起大角咀有间神虎未试过，就决定去试吓。个厨师系日本人，我见到佢系咁用日文同另外一个Staff沟通。服务其实都几OK。我哋两个人一个叫咗赤虎（辣味）一个叫咗黑虎（黑蒜），两件炸鸡同埋一份饺子。真心我都认同佢啲拉面有少少咸，不过其实我重口味所以我接受到。但系要赞嘅系佢嘅炸鸡同埋佢个饺子汁。个炸鸡劲大件同埋非常Juicy，攞上台𠮶阵仲要热辣辣，都真系算系日式拉面店食过其中一间最好食嘅炸鸡。绝对值得推介。跟住饺子，饺子本身就尚算可以，但系佢个饺子汁系胡椒沾酱，味道中和返饺子嘅油腻，我觉得好加分！呢个又系好值得大家尝试！然之后佢哋送咗个辣芽菜俾我哋，都真系几辣，但系我觉得腌得几好，如果食得辣嘅人可以试吓。加加埋埋计埋支$100.300毫升嘅清酒，平均每人$190。我觉得可以接受。同埋佢嘅味道都真系好食，只系个汤底可以稍为唔好咁咸。👏👏希望佢都keep到啦，都唔想有一间食肆顶唔顺执笠😐😐…查看更多

神虎面商店主打豚骨汤面并由日本师傅驻守把控品质，大角咀及湾仔店每月都有限定拉面让花心的港人保持新鲜感，亦因此是不少拉面迷固定的食堂。—————————————————————✨好味酱油✨$96大角咀平日限定口味，海报上呈现清澈的汤底吸引了炎夏当前希望来一碗清爽的拉面的我。拉面即叫即制，出餐比想像中长，但温热的碗和热烫的汤底保证每一口也同样鲜美。汤底入口带猪油香，酱油适度的咸鲜尾调带葱/蔬菜的焦香。面质少许劲道带小麦香并吸收了汤底，叉烧肉质偏瘦但不会干柴，在口腔咀嚼时肉香越见突出。葱丝未见有特别加成，如果使用生紫洋葱丝或会更有层次，菠菜则是不错的搭配，独有的甘苦衬托出汤底的鲜味。味玉略嫌过熟，大概是烹调十五秒内的差距。✨炸鸡块✨$35结实多汁的鸡髀肉块头十足，腌制入味并沾上太白粉保持滑嫩，唯独外皮不够酥脆，如稍作调整油炸时间和温度会更出色。—————————————————————餐厅对拉面的每一环明显有设计不同的巧思，以扎实技巧展示不同派系，当中以背脂为中心发挥了关键作用，整体执行稳定，是安心可靠的味道。餐厅为品控考虑并无外卖服务，在寸金尺土、锱铢必较的营商环境下是相当罕见的坚持。…查看更多