神燈海鮮酒家 (18廣場)

营业中

休息中

前菜有我喜歡嘅琥珀合桃😋✨蜜汁脆燒鱔招牌菜之一。鱔皮脆身，鱔肉肥美富油香。蜜汁香甜而且有少許焦香！加埋少少檸檬汁更美味。✨即燒伊比利亞叉燒王叉燒燒得好靚，賣相飽滿有光澤。咬落肉嫩多汁，肥瘦適中，有蜜糖嘅香甜仲帶少少焦香。✨黑松露玻璃燒鵝燒鵝肉帶有淡淡黑松露香味，但唔會掩蓋過燒鵝本身嘅香味。個皮好薄好脆，所以又叫「玻璃燒鵝」。可以蘸酸梅汁或燒鵝汁。✨薑蔥龍蝦粉絲煲龍蝦份量不少，而且好多肉，味道甘香鮮甜。底下嘅粉絲索晒龍蝦肉嘅精華，好味。✨南非鮑魚啫啫雞火喉十足，一上菜真係啫啫聲。鮑魚好厚身，口感煙煙韌韌。整體幾入味。✨懷舊蝦多士下層多士非常酥脆，唔會好油膩。上層蝦同蝦膠好彈牙。配上沙律醬更美味。

✒懶人先睇總結.❀食物：野食幾有鑊氣！黑皮的黑松露玻璃燒鵝第一次見，膏蟹超足料~❀服務：正常❀環境：好多人，酒樓feel🤙 不過坐卡位都舒服❀價錢：2人埋單 $1,407 (食唔哂🤣 打包夠食多兩餐😂).✐ ✐ ✐ ✐ ✐ ✐ ✐ ✐ ✐ ✐ ✐ ✐ ✐ ✐.食鑊氣小炒的好地方，平日夜晚都係爆哂就知佢咩料🤣 餐廳有樓上雅座，門口透明玻璃窗位見到師傅即燒乳豬！份量都幾大，建議多人share可以試多幾款菜式。宜家仲有粽可以買添！.🎈糯米炒膏蟹 ($568)呢個係原隻蟹煲上的，相當有誠意。一打開蓋仲係熱辣辣冒哂煙！膏蟹真係超多膏，拌入炒糯米飯一齊食好香~ 而且仲有飯焦🤤.🎈黑松露玻璃燒鵝 1/4隻 ($238)第一次見黑松露味的燒鵝，但整體味道上出奇地夾。配搭的甜酸醬同樣加入了黑松露,，另外亦有配搭燒鵝醬油。鵝皮香脆，肉質有油香。少人的話仲可以點1/4隻，另外有半隻同全體選擇。.🎈即燒乳豬 1/4隻 ($258)餐廳門口已經見到乳豬是師傅即燒的，所以乳豬皮一咬開就係碴一聲。這家的做法是皮肉分開的，保留了皮下一點點的油脂。同上，可以選擇1/4隻、半隻或全體。.🎈啫啫芥蘭煲 ($118)食咁多款

佢地嘅南非鮑魚啫啫雞真係一流！鮑魚好嫩滑，配埋啲鮮嫩嘅雞肉，真係一口食落去就係酥軟香口，令人回味無窮！我哋超鍾意龍蝦！薑蔥龍蝦銀絲煲真係好正！佢哋將新鮮嘅龍蝦同埋薑蔥煮成一鍋，再加上香脆嘅銀絲，真係好食到冇得頂！龍蝦肉咁鮮甜，薑蔥嘅香味又令佢更加豐富！我哋仲叫咗蜜汁脆燒鱔啦！佢哋將鱔魚切成塊件，再用蜜汁燒烤成金黃色，外脆內嫩，真係好好味！每一口都帶有蜜汁嘅甜味同燒鱔嘅鮮香，令人欲罷不能！黑松露炒飯真係好好食！佢哋將黑松露同飯炒在一鍋，每一粒飯都充滿咗黑松露嘅香味，飯粒又彈牙，食落去真係好過癮！紅燒乳鴿絕對係一道經典菜式！佢哋用特製嘅紅燒汁烤煮乳鴿，令乳鴿嘅肉質變得咁鮮嫩多汁，每一口都好滑嫩！紅燒汁嘅香味同埋乳鴿嘅鮮香完美結合，食落去真係好開胃！呢間海鮮酒家真係一個好正嘅地方，佢哋嘅菜式各有特色，味道絕對令你回味無窮！

超级会吃的🇭🇰本地人带路，话说这家餐厅真的超级无敌好吃的，果真没有介绍错，真的好好吃喔🤤，简直就是中菜届的天花板！1。价钱合理，份量特大的！2。客流量好多，熟客都要提前一个星期订位！3。交通方便，邻近地铁站！家庭聚会，朋友聚餐，香港旅游好去处！

今天晚上跟媽媽及其姐妹們補祝母親節，來到佐敦的懷舊中菜小館「神燈海鮮酒家」，酒家裝潢富中國風；提供多款前菜、小菜、海鮮及燉湯等；餐前奉上前菜琥珀核桃-手拍青瓜 $68青瓜新鮮爽脆，調味適中，鎮江醋及蒜蓉味道容易接受-淮杞螺頭燉翅群 $298稱其為足料靚湯不為過，加入大量螺頭、雞腳及瘦肉等；湯品非常濃郁鮮甜但不感油膩，配料豐富令湯品味道帶層次感-黑松露玻璃燒鵝 1/4 隻 $238燒鵝皮薄富鵝油及黑松露香；鵝肉緊實，鵝香豐富，脂肪比例不高-南非鮑魚啫啫雞 $538南非鮑魚大隻厚身，鮮爽嫩滑，煮的時間剛好；啫啫雞份量充足，雞肉緊緻嫩滑又入味-蜜汁脆燒鱔 $278附上檸檬，燒鱔不負其名做到脆口效果，油脂豐腴，鱔香豐富，蜜汁美味，加一點檸檬汁更能解膩-薑蔥龍蝦銀絲煲 $588龍蝦厚肉而鮮爽香甜；粉絲份量充足，煮得爽滑輕韌，加入香口薑蔥更顯滋味-餐後奉上牛奶布甸，質地軟滑細緻，奶香適中沒有羶味，甜度低-端午節快到，「神燈」推出獨創懷舊燒鴨火腿糭及鮮肉紅豆糭，更是 100% 香港製造，現提供限定早鳥優惠：$108 一份 (原價：$136)，我都把握優惠購買一份

位於佐敦的懷舊中菜館「神燈海鮮酒家」出品向來有保證，酒家主打海鮮及粵菜，今天帶同家人們到訪享用晚餐兼慶祝生日；餐前奉上琥珀核桃 ($25)，香脆可口----------臨近端午節，酒家更推出自家制「懷舊燒鴨火腿糭」及「鮮肉紅豆糭」，保證 100% 香港製造，限定早鳥優惠 $108 一套 (原價 $136)，基於對「神燈」出品有信心，我都購買了一套回家跟家人分享----------🔹淮杞螺頭燉翅群 $298材料非常豐富，有翅群、淮山、杞子、螺頭、鮮雞、瘦肉及雞腳等；店員貼心的為客人分湯及盛載起湯料湯品熱度夠且非常鮮甜，油膩感不重且鹹度適中，滋補養生之選，推介！美味指數：10/10----------🔹南非鮑魚啫啫雞 $538以砂鍋烹調，呈上時發出「啫啫」聲，熱度十足選用超大隻的南非鮑魚，更貼心的「𠝹」花，鮑魚爽滑鮮嫩，調味恰到好處；啫啫雞肉厚嫩滑富啖啖雞香，鹹香剛好美味指數：10/10----------🔹薑蔥龍蝦銀絲煲 $588龍蝦份量十足，蝦肉厚身而雪白爽鮮，非常滿足；粉絲同樣夠份量，煮的時間拿捏精準，爽滑帶輕韌口感，配搭爆香私薑蔥同吃夠滋味美味指數：10/10----------🔹

帶爸媽出門吃飯，選擇了哩間中價位噶中式餐廳，菜式很多，任君選擇。蜜汁燒脆鱔，我爸噶心頭好，鱔肉厚實彈牙，條鱔好爽啊，配埋滴叉燒汁好得意，好特別噶味道。硬菜就肯定係龍蝦粉絲煲，媽媽中意吃海鮮，肯定要點，龍蝦份量夠足，肉質鮮甜爽口，然後粉絲索曬滴龍蝦汁好正啊，yummy。哩間餐廳几適合家庭聚會噶，會再來。

間位於佐敦嘅中菜，之前食過已經覺得佢好高質，好啱一家大細或者同公司同事一齊過嚟食餐夜晚，今次適逢屋企人生日，又同屋企人過嚟食啦！👨‍👩‍👧‍👦南非鮑魚啫啫雞 🐔$498一上枱打開蓋就聽到吱吱喳喳超級香，一份足足有四隻大大隻南非鮑魚，南非鮑魚真係零舍爽口彈牙，加埋啫啫雞嘅調味，真係好正呀！雞嘅份量都好多，而且雞肉唔韌～❤️薑蔥龍蝦銀絲煲 🦞$588呢一個龍蝦煲足足有一隻大龍蝦擺落去啊！ 如果你屋企人同我屋企人一樣，最鍾意有排頭，咁呢個龍蝦煲一定係你必點嘅選擇！龍蝦唔一定下下襯上湯伊麵嘅，配薑蔥粉絲一樣冇得彈！👍🏻👍🏻蜜汁脆燒鱔🐟 $268佢哋嘅鱔肉真係燒得好香脆，上面淋咗一層平時叉燒嗰隻蜜汁，入口先甜後鹹好得意，一口一啖，啖啖肉，肯定大人細路都會鍾意呀！🤩🤩傳統小炒皇😋$158入面有勁多材料，包括有韭菜花、蝦乾、銀魚、吊片、菜圃、腰果，佢哋嘅小炒王加咗自己炸嘅銀魚零舍好食！上湯米粉 🍜$58叫咗咁多餸，又想搵啲澱粉質送吓，但係又唔想食飯嘅話，呢度有米粉可以選擇～🫶🏻

依間餐廳屬於一間中價位嘅中式小菜餐廳，中式菜式都有好多，特別係海鮮款，好啱家庭聚會、慶祝節日去食，當日我去嘅時候就係慶祝母親節，所以餐廳都非常之多人，四人至八人比較多，我諗都係慶祝母親節🌹✨ 南非鮑魚啫啫雞 💰$498四隻南非鮑魚，每隻size都唔細，瓦煲上非常之夠熱，另外啫啫雞都夠滑唔韌🦞 薑蔥龍蝦銀絲煲 （一隻） 💰$588鍾意食海鮮可以叫依款，龍蝦份量唔少，夠爽彈，欣賞佢有粉絲底，索晒味🔥 蜜汁燒脆鱔 💰$268平時食開叉燒嘅蜜汁，配落白膳，口感好得意，呢款應該係招牌菜，見到枱枱都有叫🫛 新肉欖菜四季豆 💰$108欖菜炒四季豆好惹味，炒得好均勻，但帶微辣🍄‍🟫 椒鹽雙菇 💰$108茶樹菇、金針菇兩款菇做椒鹽，我都係第一次食，因為菇係條狀，可以炸既表面面積會多啲，亦都會更加脆，係幾好食

神燈里個名以前淨係會係故事見得多原來香港都有間叫神燈的中菜館 實現左我地食美食既願望😆😆真係多謝朋友介紹我地黎里間出名既中菜館食晚餐 一入到去已經坐滿客人 枱上既美食都令人垂涎三尺🤤🤤我地一坐低就即刻叫左幾道出名美食！海鮮方面有龍蝦又有蟹 重叫左乳豬 叉燒 豬手 每一道都食到嘩嘩聲真係好juicy好有鮮味好豐富！好適合一班朋友/一家人黎聚餐！因為實在太多美食 要多啲人一齊share先happy!事不宜遲 又係出相既時候！

位於佐敦神燈海鮮酒家絕對係高質中菜館，主打粵菜及海鮮等美食，裝修更以古式古香為主題，無論環境，茶具，餐牌等…都讓人進入懷舊古代情懷😀聽聞依間餐廳🍴每日都好full，如果想食既朋友仔記得book左位先，唔係到時摸門釘就唔好了🥲➰前菜呢款琥珀核桃超級好味😚 口感香甜酥脆，職員仲話係餐廳自己製作，唔掛得咁好味啦🫶🏻➰南非鮑魚啫啫雞 呢煲南非鮑魚啫啫雞香得黎好惹味，而且每隻鮑魚size算幾大隻😍咬口完全唔韌💯 同樣雞肉好滑好嫩，呢個煲味道超讚👍🏻➰蜜汁椒燒鱔老公話呢款燒鱔食到以前既味道👅 煮鱔魚火候控制得很好，表面略帶金黃，外脆內嫩，好有口感🤤 冇咩骨，好鮮嫩🥰 每嚿鱔魚都吸收咗蜜汁味道，帶出鱔香味。➰蟹味銀絲鍋粉絲口感煙煙韌韌，份量幾多🤗煲內更有不少大大少少既龍蝦，鮮甜厚肉彈牙，絕對真材實料，毫不吝嗇🫡 龍蝦汁🦞+粉絲容為一體後，每啖都津津有味😋➰雲耳百合炒鮮淮山味道不錯，且感覺好健康既餸菜，配上新鮮淮山、雲耳、百合，鮮味十足😍➰蟹肉菠菜豆腐盒每件都係以長條形嘅炸豆腐盒仔，一夾唔會散～中層鋪滿菠菜碎，面頭淋上蟹肉芡汁😋咬落既豆腐有點似玉子豆腐，每啖連埋蟹肉鮮味，絕對一流🤩➰牛奶奶凍🥛桂花糕🌼

一大盤嘅糯米炒膏蟹。隻膏蟹好大隻，膏膏蟹蟹，睇就知好肥美。糯米炒得好香，粒粒分明，而且仲好吸汁。我哋夾咗塊膏蟹嚟試食。膏蟹嘅肉好鮮甜，而且好嫩滑。蟹膏好濃厚，入口即溶。糯米炒得好入味，每一粒糯米都沾滿咗蟹膏嘅鮮甜。

打電話去訂枱，啲員工態度差到爆未食都已經feel 到好似唔志在，咁樣點做生意呀！北上嘅餐廳淨係service 都夠啦！唔係得你間餐廳，香港都仲有得揀，唔該改善吓啦！唔好淨係埋怨

聽日放假，今晚收工同朋友去食好嘢，位於佐敦嘅＂神燈海鮮酒家＂來到發現近乎滿座，好彩仲剩返一二張枱，坐低即叫神燈酒家的拿手菜式。薑蔥龍蝦銀絲煲：成個瓦煲熱辣辣上台，打開蓋即聞到香氣，夠晒鑊氣，份量超多，入口龍蝦肉爽口彈牙，鮮甜無比，每條粉絲都索晒龍蝦膏汁味，香氣十足，食不停口。南非鮑魚啫啫雞：同樣瓦煲上台，有4只超大鮑魚，鮑魚厚身，酒家先鎅刀花令鮑魚喺烹調嘅時候更加入味，鮑魚鮮甜入味，好有口感，雞件醃製入味，肉質嫩滑，咸度剛好。蜜汁脆燒鱔：鱔魚燒得金黃色澤好靚，入口脆爽帶蜜糖味，啖啖肉再淋上檸檬汁，齒頰留香之餘都不感油膩。濃湯一級竹笙浸翡翠：湯底真係用出誠意去煲嘅，非常濃味，竹笙好爽，大大一片大富豪炒飯：炒得非常乾身，粒粒分明，朋友係無飯不歡，食咗2大碗😋最後還送咗牛乳布甸同桂花糕甜品，食完捧住個肚走，今餐大滿足。

呢間中菜館長期好爆場，所以唔想排隊嘅我同屋企人晚上6點就到左，去到6點9見到餐廳已9成滿，經濟咁差嘅情況下生意都可以咁爆場，食物質素應該有返咁上下。薑蔥龍蝦銀絲煲 $588瓦鍋烹調一上台聽到滋滋聲就已經口水直流🤤，龍蝦🦞超級大隻而且好多舊肉，食落肉爽口彈牙，食得出肉質好新鮮又啖啖肉，而粉絲就吸曬龍蝦汁味道，好正😊！南非鮑魚啫啫雞 $498𠝹花的南非鮑魚肉厚又爽口，而啫啫雞嫩滑又入味，搭配香噴噴的薑蔥同醬汁，送飯就更正。蜜汁脆燒鱔 $268蜜汁脆燒鱔燒至金黃，咬下肉很厚實，啖啖都係肉，淋上蜜糖汁讓鱔肉的鮮味好突出。香茜蟹味銀絲窩 $108黎親必叫口感煙煙韌韌的粉絲，鮮美嘅蟹籽同蟹汁同粉絲容為一體，吃得大家津津有味！仲有金針菇做配菜，中和左飽膩感。最後仲送左香濃又爽滑牛乳布甸兩樣畀我地🍮。前菜＄25晚茶＄15/1位*設加一服務費神燈海鮮酒家 @lanternseafood.restaurant佐敦長樂街14-20號18廣場地舖及1樓