神燈海鮮酒家 (18廣場)

营业中

休息中

良朋歡聚，約咗去佐敦嘅神燈海鮮酒家食晚飯。上到去，都差唔多坐滿咁滯，相信呢間嘅出品都應該唔錯。未人齊，先叫碟帽子戲法食住先，可以喺6樣小食揀3樣，我哋揀咗滷水鵝掌翼、鴨舌同燻蹄，非常開胃。然後再嚟懷舊蝦多士、招牌焗魚腸、神燈小炒皇同黑松露玻璃燒鵝。蝦多士同小炒皇都唔錯，份量唔細又夠鑊氣。黑松露燒鵝攞到嚟已經好香黑松露味，不過略嫌唔係好夠熱。最失望係砵焗魚腸，太甜，唔夠乾身同冇乜魚腸，失敗。收拾心情，再叫白灼牛三寶、梅菜蒸菜心同豉油皇炒麵。牛三寶新鮮，點嘅豉油好正，加埋大量芽菜仔，好食。梅菜蒸菜心啲梅菜好香甜，洗得好乾淨，冇沙，配合菜心蒸出嚟嘅效果好好。最後碟炒麵有少少失望，唔係好夠鑊氣。不過整體嚟講都係中上水準，所以咁多人捧場。

家人對好耐之前食過嘅糯米炒蟹🦀念念不忘，趁天氣凍d 就再book位去食！❣️呢到可以食到好多新派中菜，個人好鍾意個糯米同熱辣辣煲類，味道幾好❣️雖然都多位但真係幾受歡迎，想去記得要book位！🦀糯米炒膏蟹$568 （必點！）- 原隻蟹上，係超大隻同新鮮，入面勁多橙色、厚厚的膏，基本上可以話每啖飯都食到膏！另外仲有邪惡但好香口嘅蟹黃，炒香過好滋味。- 蟹肉鮮甜有肉質，再撈上吸曬鮮味，口感煙韌糯米，正🤭🤭🐔 鮑魚啫啫雞$498 （必點）- 係另一樣超出色菜色，雖然係煲上熱辣辣，但無expect過keep到雞肉嫩滑口感，係超級嫩同鎖汁，就算係雞胸都好滋味。- 雞煲配上4隻鮑魚，鮑魚鮮甜，好有口感有嚼勁🦆香汁鴨舌$88- 酒香入味，配埋軟骨，味道唔錯🐟蜜汁燒脆鱔$268（推介）- 同樣一吃難忘，燒到皮好脆，蜜汁甜甜的，鱔厚肉肥美juicy 值得一提嘅係，呢到除左食物有水準外，服務都好好，真係好適合一家人去食飯！

是真正的回頭之選！時近中、西大節日，正正是多聚會的時候，自從分享過上次在神燈聚會的食物照片予友人後，就有朋友嚷著要試試，於是短時間內又回頭了。今次試了蜜汁燒脆鱔，是上回沒有試過的，結論是食材優質，鱔身大而且厚肉，燒得金黃香脆，沒有腥味。然後到所有朋友都期待和想試的南非鮑魚啫啫雞煲，今回保持水準，仍舊足料美味。四大隻相當吸引眼球的大鮮鮑，厚肉軟韌、鮑魚味濃，醬汁入味，大滿足啊！另一上回讚不絕口的菜式--糯米炒膏蟹，膏蟹仍舊多膏，今回糯米飯比上次軟身，進步了，讚！紅燒北菇豆腐依舊腍滑入味。香茜蟹味銀絲鍋要正名啊，如此多蟹肉，怎可能只稱作"蟹味"？！絕對可正名為蟹"肉"銀絲鍋，蟹肉是一梳梳的，份量也不少。粉絲炒至乾身分明，每條粉絲都沾到配料，個人覺得這是到神燈必點的好味又相宜，性價比極高的菜式，力推力讚啊！！飯後敬贈的布甸和桂花糕水準亦不馬虎，絕不比甜品遜色。食物大部份以鍋上，炙熱、夠鑊氣，而且足料有睇頭，仍然評為回頭之選！服務方面親切有禮，食物上枱時有細心提示小心鍋熱，不錯啊！

神燈海鮮酒家 (佐敦).就算係平日都相當爆場，好彩我book左枱同早左到，四個人可以坐卡位🩶.▪️糯米炒膏蟹▪️.呢個係多人必食推介！ ！本身個人已經非常喜歡食糯米飯，飯黏口有咬勁，佢仲好貼心咁將蟹蓋起晒，飯粒上充滿蟹橙黃色嘅硬膏四個人啱啱好有1/4蟹身.▪️啫啫鮑魚雞▪️.有四隻非常之大隻，脹卜卜又爽口彈牙嘅鮑魚雞件都好多，好嫩口嘅肉，唯一係唔算好入味.▪️蜜汁脆燒鱔▪️.一客八件，每人人頭有兩件真係個皮脆卜卜，少少骨.▪️ 蜜椒薯仔牛肝連▪️.呢個個人覺得係神燈招牌菜之一，牛肝連係非常罕有而且好腍身嘅部位🩶 薯仔都係外脆內軟，拉到蜜糖絲！.▪️梅菜菜芯▪️.梅菜好餸飯，菜芯翠綠又爽脆.📌 神燈海鮮酒家 (佐敦)佐敦長樂街14-20號18廣場地下及1樓.環境：⭐️⭐️⭐️⭐️⭐️味道：⭐️⭐️⭐️⭐️⭐️服務：⭐️⭐️⭐️⭐️⭐️價錢：⭐️⭐️⭐️⭐️⭐️

糯米炒膏蟹近日時令必試菜式🙌🏻煙韌焦香糯米飯上有一隻膏蟹。蟹蓋上橙黃色硬蟹膏實在好吸引，蟹鉗亦好多肉，非常好食。蟹肉菠菜豆腐有驚喜嘅一道菜。酥脆豆腐上舖上菠菜蟹肉，面頭再加上蟹籽，味道鮮香。黑松露玻璃燒鵝黑忟忟肥美燒鵝，帶有淡淡黑松露香，唔會太搶主角嘅香味。可以蘸酸梅汁或燒鵝汁。蜜汁脆燒鱔燒到金金黃黃，鱔皮香脆。蜜汁香甜加上鱔嘅油香，好誘人，果然係招牌菜之一。啫啫鮑魚雞四大隻厚身鮑魚，霸氣十足。火喉都好足。上菜時仍然啫啫聲。雞件都好多，幾入味。鮮鳳梨咕嚕肉中菜常見菜式，酸酸甜甜好滋味，可以做到外面酥脆內裡嫩滑，不錯。南乳脆香骨六大塊脆香骨，份量十足。如果有醬汁蘸會更開心。

約舊同學食飯講返起以前Re U啲嘢 不約而同就想食中菜🤭 呢間酒家幾款招牌菜式都超正又大份 下次要約齊成班同學出嚟👭-🦀糯米炒膏蟹 $568/隻上菜嗰陣個鑊氣吸引埋附近枱嘅目光 幾誇張🤣 糯米飯份量啱啱好 仲有飯焦😍 我鍾意食完飯再食蟹 朋友就拆曬蟹肉同膏出嚟撈飯 好豪華😗-🦪南非鮑魚啫啫雞 $498有四隻鮑魚非常氣派 鮑魚彈牙雞肉滑溜 送飯一流😝 餐廳嘅煲仔菜式都好有鑊氣 擺咗一陣都仲熱辣辣🤗-🪸蜜汁脆燒鱔 $268講真上菜嗰陣差啲以為嚟錯咗叉燒🤭 鱔肉非常彈牙 而出面又做到脆卜卜🤤-🥚蟹肉菠菜豆腐盒 $128食落有啲似玉子豆腐再加上賽螃蟹嘅感覺🤔 不過當然係真蟹肉啦😏 係熱氣嘢以外唔錯嘅選擇☺️-🥡佛山燻蹄 $58🍤前菜（炸魚仔） $25兩款送酒一流嘅前菜小食 餐牌介紹燻蹄用咗三蒜嚟調味 幾講究架😎-📍神燈海鮮酒家佐敦長樂街14-20號18廣場地舖及1樓-

一早聽聞啲小菜要留定，好彩有留左燒鵝叉燒同埋吊雞好好食。不過坐得就比較逼近嘈少少。黑松露玻璃燒鵝 - 冇蘇味，好好食吊燒沙薑鹽焗新鮮雞 - 有雞味，皮夠脆唔肥伊比利亞叉燒王 - 好入味，正蜜汁燒脆鱔 - 都唔錯懷舊蝦多士 - 攞來點蟹椒鹽雙菇 - 幾大碟，下次夠野食可以唔洗叫阿拉斯加蟹兩食 - 花雕雞油蒸活膏甲羅燒 ，正蟹真係太好食有花雕嘅香味甲羅燒點多士

12月係做節嘅月份，為食嘅我緊係會為大家去揀下d佳節之選😋打頭陣係中菜🤩聽到餐廳嘅名已經好有期望😍當日係閒日都好滿場🤩所以記得book 枱呀🥳睇下餐牌入面有好多手工嘅小菜同煲仔🥰海鮮同煲仔都係主打黎😎以下係幫大家揀嘅招牌菜😋🌸琥珀合桃，好味到真係停唔到口，合桃好脆，甜味又岩岩😍🌸乳鴿炸得香脆，皮簿🥰肉嫩，同埋個size係岩岩好👍🏻🌸蜜汁脆燒鱔必推😍，因為真係出面食唔到，廚師整到個鰻魚好似叉燒咁，外面係甜甜嘅蜜汁，一口落去係彈牙肥美嘅鰻魚，仲要唔多骨👍🏻🌸糯米炒膏蟹🦀，個煲係熱辣辣嘅上黎，入面係大大隻膏蟹🤤用蟹油嘅糯米飯好香，仲有少少焦香🤩膏蟹係爆膏🥳仲有肉質結實，係全蟹上🥰🌸南非鮑魚啫啫雞，鮑魚好大隻，同埋都好腍😋雞件好入味🥰份量多😎🌸金湯海皇豆腐，金湯係海鮮上湯，入面有魚片，帶子同豆腐🥰湯帶鮮味😋👍🏻🌸酒家仲有送甜品係滑滑嘅奶凍😎好香鮮奶味

阿爸阿媽話聽過呢間酒樓好耐，出晒名海鮮靚，但仲未有一次機會去食，今日就帶佢哋去試吓。前菜有琥珀合桃真係好開心☺️✨糯米炒膏蟹賣相勁吸睛！貼心已經拆好隻蟹，蟹蓋上面充滿着橙黃色嘅硬蟹膏😍吸盡蟹汁精華嘅糯米飯，微微黏口，而且仲有我最愛嘅飯焦，真係食唔停口🤤力推🙌🏻✨黑松露玻璃燒鵝燒鵝好肥美，帶有淡淡黑松露香味，幾特別。個皮好薄好脆，可以蘸酸梅汁或燒鵝汁。✨蜜汁脆燒鱔呢個真係好好味🙌🏻賣相有少少似蜜汁义燒😆鱔皮好脆，鱔肉肥美富油香。蜜汁香甜而且有少許焦香！喜歡嘅仲可以加少少檸檬汁。✨啫啫鮑魚雞「嘩，好大隻鮑魚啊！」我呀爸第一個反應😂真係又大隻又厚身，如果再腍多少少就更完美。雞件都好入味，火喉十足。✨蟹肉菠菜豆腐豆腐炸到微微酥脆，面頭舖上菠菜同埋蟹肉，仲有啲蟹籽，感覺就係平凡中帶點不平凡🙌🏻✨鮮鳳梨咕嚕肉成日食到嘅菜式，反而更考廚師嘅技術。整體酸甜度剛好，咕嚕肉仍然保留外脆內嫩嘅口感。南乳脆香骨炸到好酥脆，南乳味亦好香。如果再juicy啲就理想🙌🏻

位於佐敦長樂街「 神燈海鮮酒家」自開業以來已經多次惠顧，每晚人氣滿滿，非常旺場，最愛吃酒家最馳名的「糯米炒糕蟹」、「蜜汁脆燒鱔」今日又帶咗好鍾意食蟹嘅朋友再次黎朝聖，最近佢哋仲推出新菜式「南非鮑魚啫啫雞」當然一定要試吓👍🏻🦀▪️糯米炒膏蟹泰國糯米製作，ロ感煙韌、飯粒完整。神燈堅持生米炒成熟飯，糯米炒得乾爽，粒粒分明且軟硬適中，配上大大隻的膏蟹、味道鮮香、肉質嫩滑，在翻炒的過程中，蟹汁渗透飯粒中，每一口糯米飯飽吸了蟹黃蟹膏以及蟹肉的鮮香，充滿了蟹肉的鮮甜，重有我最愛既糯米飯焦，超級美味🐓▪️南非鮑魚啫啫雞這道菜保留原有啫啫雞煲嘅惹味同鑊氣，加入原隻南非特大鮑魚，肉厚帶嚼勁，鮮味十足，用來盛着菜式的砂鍋有事先燒熱的，夠高溫，食材放落煲時才會發出滋滋聲響，上枱時夠鑊氣、熱辣辣，醬汁緊緊包裹着雞件同鮑魚，非常入味，香氣四溢🐋▪️蜜汁脆燒鱔用蜜汁燒出嚟嘅脆鱔件，外皮燒到脆卜卜，一啖咬落去白鱔嘅油脂同蜜汁都充斥口腔，鱔肉唔單至完全唔腥而且爽彈嫩滑，驚油脂感太重仲可以加少少檸檬汁上去，馬上就變得清新開胃👍🏻🌟▪️柚醋舟山海蜇頭 肉身厚且有質感，口感爽脆，是海蜇中的精品，被喻為「貴氣的前菜」於，配上自家製柚子

呢間長期都係爆場嘅中菜館，我都食過好多次，間唔中都要返嚟encore，最主要都係佢啲餸菜夠曬鑊氣👍🏻😼啱曬我呢啲超級鍾意食中菜嘅人士❣️✨✨整體評分:7/10✨味道:7/10✨服務:5/10✨環境:7/10✨人均消費:～$500 no🔻南非鮑魚啫啫雞 $498個人覺得今次嘅啫啫雞爭咗少少，啲雞冇之前咁滑, 鞋好咗少少🫣不過啲鮑魚就都係超級新鮮，喺魚缸度即刻拎上嚟😼而且超大件又彈口🔻糯米炒膏蟹 $568佢嘅糯米飯唔算太乾身，濕濕地🤣完都唔un胃，撈埋膏蟹一齊食，好香，煲底仲有唔少飯焦，非常香脆😁🔻蜜汁脆燒鱔 $268鱔既皮燒得超脆，配埋蜜汁一齊食，好正✨忍唔住一嚿接一嚿咁食🥲🔻椒鹽魷魚鬚 $98份量都好大盤，不過個人覺得佢落嗰啲七味粉太重手，搞到個兜嘢紅卜卜勁辣🌶️個人覺得唔使落咁多🥲但係都炸得香口嘅🔻蒜蓉金菇蒸娃娃菜 $118佢呢個份量超級多，目測大概都有十幾棵娃娃菜🥬上面有爆香咗嘅蒜蓉，撈埋豉油一齊食，而且啲菜好嫩口，超好食👍🏻👍🏻題外話，今次安排爭少少，呢啲天氣坐低門口而且頭頂又有冷氣，超級凍, 吹到好應🥲🥲🥲食完餐飯都病咗😪

👧🏻😋👅🍽✨日日爆場海鮮菜館-神燈海鮮酒家🇭🇰 佐敦長樂街14-20號18廣場地下及1樓 🇭🇰-🏮太掛住佢個糯米炒膏蟹! 半年後再訪神燈, 見到廚房不斷出套餐圍菜, 加上儲落一班熟客, 難怪依然每日爆滿, 我地好好彩冇訂位都有卡位坐-🦀糯米炒膏蟹 $568💯原隻蟹勁多膏, 蟹肉鮮甜, 蟹膏甘香, 糯米飯煙韌同時粒粒分明; 餐廳有提供蟹夾, 輕輕夾開就起晒肉-🍲 南非鮑魚啫啫雞 $498✨四大隻鮑魚有戒左十字超級入味, 質地彈牙, 一齊炒既洋蔥同椒都好腍, 直接令個煲更香✨啫啫雞煲就當然要有冬菇同乾蔥, 熱辣辣上菜再手炒, 所有材料鹹香撲鼻, 雞肉睇佢大大舊但都好軟腍!-🐟蜜汁脆燒鱔 $268鮮鳳梨咕嚕肉 $128💯鱔魚魚肉爽口魚皮脆, 有檸檬汁酸酸地幾開胃; 咕嚕肉用鮮鳳梨夠誠意! 但我會覺得煲仔菜更值得試😍-🦆 五辛酸汁嫩鴨胸 $88✨叫左唯一嘅冷盤, 除咗五辛酸汁仲有蒜泥, 好似食緊蒜泥白肉咁, 開胃菜-🥜其他💯甜品 贈送 奶凍好滑夠奶香💯前菜 $25蜜糖合桃俾我幾分鐘KO晒😂 勁脆又甜甜地好正💯茶芥 $15/位 有得揀玄米茶唔會太濃幾好

朋友生日約咗佢哋食呢一間佐敦人氣酒樓。雖說是傳統酒樓，但係佢哋嘅食物款式好多都好新潮唔老土。另外就係人多還人多，呢度服務卻是真心的好，想點名讚一位短髮阿姐，簡直係rosewood級嘅服務。我哋一邊食蟹嘅時候佢就不斷幫我哋換碟，又俾濕紙巾我哋，問我哋夠唔夠，講嘢好溫柔，又不斷主動加水，之後又見佢主動問後面檯嘅客人需唔需要幫佢哋影張全體照，今時今日咁嘅服務態度真係好少見。.睇完餐牌之後我哋就叫咗一大堆嘢食慶祝一下。#蜜汁脆燒鱔$268#糯米炒膏蟹 $568#南非鮑魚啫啫雞$498#雲耳百合炒鮮淮山$118#三蒜香醋薰蹄$68#手搖溏心皮蛋$58.燒得外脆內嫩嘅脆燒鱔咬落好香甜，熱辣辣嘅時候食尤其好食。鱔肉魚脂豐腴，一咬落去就一嘴魚油。.糯米炒膏蟹嘅蟹非常大隻，蟹殼夠實淨，蟹肉蟹膏份量都好多，配搭有飯焦嘅糯米飯，好香口，油油潤潤中帶點咬口的米粒，令人食完一碗又一碗。.大大隻嘅南非鮑魚爽口彈牙，加上好入味嘅啫啫雞，下飯之選。.雲耳百合炒鮮淮山亦非常不錯，脆卜卜嘅淮山，加上表面少少芡汁，滑滑甜甜咁。.三蒜香醋薰蹄蒜香突出，薰蹄冰凍開胃，外皮彈牙。皮蛋則非常流心，香甜濃郁，兩款都係唔錯嘅小食。.#

神燈海鮮酒家💡今日係媽咪生日，所以一家人一齊出去食飯，媽咪話佢同事介紹咗呢一間酒家俾佢，指明要試吓咁話喎！✅✅一坐低店員就俾咗一個小前菜，係超級好味嘅蜜糖合桃，我哋一家三口都覺得好好味！至於餸菜方面，我哋就嗌咗五辛酸汁嫩鴨胸🦆$88、蟹肉菠菜豆腐盒🦀$128、蜜汁脆燒鱔 🐟$268、糯米炒膏蟹🦀$568南非鮑魚啫啫雞 🐔$498！其中特別推介嘅係糯米炒膏蟹🦀，隻膏蟹真係好大隻同埋勁爆橙膏，配埋糯米飯真係非常香口好味！😋😋另外佢哋嘅蜜汁燒脆鱔亦都非常好食，非常厚嘅鱔肉，爽脆彈牙，配埋甜甜嘅蜜汁，冇得彈啊！💯💯💯食到尾仲有甜品送添🍮！我哋嗰日係桂花糕同埋奶凍，兩樣都高質，難怪媽咪同事話佢呢一間係隱世酒樓啦！真係好食，冇介紹錯！🤤🤤

有朋自遠方回港，想食番啲地道招牌菜，咁就一於去#佐敦的#神燈海鮮酒家，大家開心齊齊食番餐囉。胃口大開的我們首先點左薑蔥炒魚雲，魚雲經炸過的，外香脆內食到滑嘟嘟，調味剛好很惹味。薑蔥桶蠔煲，老友喜歡吃蠔，呢度整得好好食，炸漿不多，蠔豐滿大隻肉質鮮甜，沒有任何腥味。即燒伊比利亞叉燒，見叉燒顏色己覺得很對辦，蜜味十足味道正宗，調味恰到好處，肥瘦適中，咬落肉質柔軟，送酒絕對一流。南非鮑魚啫啫雞，上枱買相靚，鮑魚的肉厚身爽口，而啫啫雞煮得入晒味，將薑蔥同醬汁拌勻後，更加惹味啊！仲有一定要食嘅招牌菜，燸米炒糕蟹🦀糯米飯，打開蓋時已聞到陣陣香味，原隻新鮮的蟹，蟹膏齊很多，蟹肉啖啖鮮甜味，糯米飯煙韌又有咬口，最後的飯焦香脆，大家都食到舔舔脷。最後食埋甜品～牛乳布甸跟桂花糕，就非常之圓滿啦。