碰碰麵撈麵專門店

無啦啦關門大吉，我和家人都懷念不已。希望有一日可以開返。雖然當時決定價錢稍為貴了少少、時至今日已經不會貴了。蝦子麵野味十足，麻辣令人上癮。真希望有生一日可以再試一次…查看更多

星期六晚745去到不用等位，店裏只有四成坐滿。這麵店稱是自家製蝦子麵，所以一定要試試蝦子麵！先來一碟口水雞撈蝦子生麵，先講雞，一來到真是給它的賣想嚇親，很多蒜粒鋪上面，幾乎多過d雞，很像很野味，但我不是食蒜頭的，雞才是最重要，我很失望，雞不滑，蒜味太重，但辣度適中。至於所謂自製的蝦子麵，比一般蝦子麵粗，比較𣺉身，用自己調過的醬油撈來食，這醬油像帶甜的滷水，味道一般。再點了個自選烏東撈麵，配咖哩豬皮同瑞士雞亦，豬皮不夠入味 ～硬，雞亦一般，烏東也是比較𣺉身，最攪笑係瑞士雞亦的汁同撈蝦子麵同撈烏東的汁是一樣的！套餐送一碗湯, 點了清雞湯及胡椒豬骨湯各一, 兩款湯賣相幾乎一模一樣, 兩款都是味精湯, 但胡椒豬骨湯的非常胡椒味及辣, 跟本飲不到兩啖!飲品點了一柸凍杞子蜜, 沒有冰, 蜜糖開水加杞子, 完!總結, 我個人覺得食物質素未達標準, 價錢偏貴(有些麵要$100 or 有多, 如鮑魚), 最初來這間餐廳是因為看到其他的食評都寫得唔錯, 但自己食過後又略有不同, 可能我這日的運氣不好吧!!…查看更多

今天又去旺角，經過了這一間小店，門口貼了一張大海報，推介店子的主打麵食，旁邊又張貼了幾份報章雜誌的訪問剪貼，以及食家蔡瀾的專欄剪報。正是這些訪問及專欄，吸引我入去幫襯。店內有一張更大的海報，上面只有一張大照片及一段簡單的文字說明，介紹這間專門店的主打食品：蝦子生麵；並強調此乃全港獨有。同時說明蝦子生麵比坊間一般粉麵廠（附屬的零售店舖）所售賣的蝦子乾麵餅，更加爽滑。枱上放了兩瓶醬料，分別是辣椒油及蒜香菜脯。蒜香菜脯甚至有獨立樽裝發售。本來餐牌尚有其他選擇，但店員跟我說午市沒有燒烤食物供應（所以不能選擇燒豬頸肉或燒虎蝦）。之後想叫雞翼拼牛柳粒撈麵，店員又說須要解凍。然後店員推介普通午餐，但却並不是撈麵，只是普通茶餐廳的碟頭飯；再推介車仔餸配蝦子撈麵，但我總覺得有點怪怪的。剩下來的選擇並不太多，沒有理由午飯花費百多元食鮑魚撈麵（雖然是此店招牌名物），所以最終選擇了蝦子雲吞撈蝦子生麵拼西蘭花（$43）。午市套餐附送飲品以及泰式清雞湯或胡椒豬骨湯（任選其一）。細細碗的豬骨湯，很奇怪放了一個豆卜，但這碗湯的外觀及香味也真的不錯，有淡淡的胡椒香味以及豬骨香味。喝一口後，感覺却有點怪怪的，味道有點不太天然，好像是用鮮豬骨再加上現成的豬骨湯精一同熬煮。好感即時打了折扣。雲吞撈蝦子生麵有四隻雲吞，雲吞的質素比原先估計為佳，雖然比不上名店，但也算有驚喜；而且也吃得出雲吞餡料有蝦籽、豬肉及蝦肉，當然蝦肉鮮味不算突出，也缺少了大地魚的甘香，但已經比很多茶餐廳甚至一般粉麵店的雲吞好食。至於主角蝦子生麵很明顯吃得出不是普通粉麵廠的蝦子乾麵餅；質感偏向軟滑，也有別於一般粉麵店的銀絲幼麵。最值得稱讚的，除了麵條帶有淡淡的蝦子香味之外，就是完全沒有任何鹼水味。只是麵質實在太軟身，甚至有點似伊麵，與原先預計有所落差。無論如何，只要40多元的午餐、又有湯、又有飲品、又可以食得飽，以旺角地區的物價來說，已經很不錯了。…查看更多

起旺角東落車，點左個魚麻醬豆腐，味道一般，只為清淡小菜而已。另外叫左個大元貝撈麵，大元貝大得我都嚇一跳，尚算鮮甜，大大舊貝肉，鹹味都充足，至於面方面麵質彈牙，個汁有小小辣，跟來的湯都好清好鮮甜。順帶一提，佢有菜仔同蝦乾，個蝦乾真係一流，好有上海味既feel。…查看更多

雖然是撈麵專門店, 但每次來都會叫碗湯麵.特別鍾情其胡椒豬骨湯, 配上讚岐烏冬湯底辣辣地, 並非味精湯, 值得一試配料選了牛肉餅和煎魚餅, 都係平常車仔麵少有的, 牛肉餅好爽, 煎魚餅香而不膩另外還附送椰菜木耳豆卜等配料 下午茶時間 去,  叫熱飲就不用額外加錢了~…查看更多

去旺角想搵間唔係連鎖牌子既餐廳 最後見到呢間評價不錯 就黎食下 支持下小店當然要叫招牌手打蝦子生麵啦 我碗配料叫左魚肉餅，牛腩（$42）。男朋友叫左牛肉餅，雲呑（$42）。隨餐仲有碗湯，秉持住無味精！蝦子麵比平常既粗一點，但都算爽口，唯獨整個麵都不夠味道，要自己加佢既自家制菜脯！牛腩好林，夠入味，不錯！魚肉餅唔腥，都幾香！牛肉餅好似牛丸既感覺，有雪味，不好吃！雲吞唔爽口，用既肉較瘦所以偏"鞋"！因為下午茶既關係 飲品免費！否則要原價！整體一般而且偏貴！…查看更多

 第一次打食評，一定要好食先推介！依間店好特別，你中意的就會食到停吾到口，吾中意就係吾中意。    我今日叫左两樣，一個係鮑魚肉碎飯，先介紹下，真係好好味，鮑魚好入味，老闆真係好俾心機煮，啲蠔好鮮味，重點係配埋過冇味精的鮮雞湯，簡直冇得頂！！！ 另一樣係碰碰面，自選配料，中意食咩就選咩，重free 過譚仔，要撈，要放湯，你話事，真係好好，我特別推介係佢地豬頸肉，大花菇，大花菇佢地有滷過，所以好夠味。最後配埋佢地的杞子菊花蜜！冇得彈冇得輸！一個字，正！！！…查看更多

平時搭車都經過見到呢間舖頭因為我都幾鐘意食撈麵所以一直都想試下今日終於有機會試下叫左秘製醬油豬頸肉腐皮撈讚歧烏冬, 胡椒豬骨湯本身唔係好食得辣 老闆話試下胡椒豬骨湯 知你唔食辣 不過配呢個湯真係唔錯 如果飲左啖唔鐘意就唔好飲啦 真係推介你試下 所以揀左唔洗五分鐘就極速黎到腐皮加左落湯度都唔錯 令我諗起新加玻松發肉骨茶 不過松發好飲好多哈哈烏冬就OK啦 秘製醬油好似甜豉油咁o既味 讚歧烏冬無想像中咁彈牙但都唔差o既始終呢度賣蝦子麵 好多人都話好味下次一定要試下…查看更多

呢間餐廳我已經食過唔知幾多次喇!仲記得第一次泥食時，見佢裝潢普普通通，初時都係抱住好又一餐唔好又一餐既心態，點知食物泥到時真係驚喜萬分!大蝦上面佈滿左蒜蓉，烏冬又入味!原隻鮑魚2隻，大花菇好厚身!我同我男友都食指大動佢地既湯飯同湯麵都必食，食店標榜絕無味精，岩曬我我地一星期都會食兩至三次，已經變左我地既食堂咁滯!經理同員工都好熱心向客人介紹唔同菜式。而家好似呢啲咁抵食，用料質素又高既食店真係買少見少喇!…查看更多

lunch time食厭哂旺中d野，今次行遠小小去試新野～叫左個麻辣牛腩撈蝦子麵，麵質特別且好食～牛腩都炆得幾林而佢餐包一碗豬骨湯胡椒豬骨湯，飲落去味道似阿媽煲嘅胡椒豬肚湯味道～整體黎講幾好食，值得一試～…查看更多

重新開始的四月份, 忙於私事及工務...已有一陣子沒寫食評!是時候處理了:)陪 J先生到太子新世紀看 "復仇者聯盟2", 他帶我到附近試一間小店 - 碰碰麵J先生話: 可以, 不算辣蝦子混入了麵內, 令到生麵比較起普通麵粗少少; 冬茹有滷水味; 而鮑魚又炆得腍...這碟撈麵, 令人再三回味清甜豬骨湯帶濃濃胡椒味滷蛋 - 賣相差少少, 滷水味;肉燥 - 半肥瘦肉粒, 可惜欠滷水汁;豬肉片 - 肉片炆到入口溶化;滷豆腐 - 一般般!滷豆腐魚肉春卷 - 一般般!鮮蝦雲吞 - 皮薄蝦爽!牛筋 - 炆得剛剛好!墨魚卷 - 墨魚彈牙!碰碰麵 總結: 值得一試!…查看更多

每星期都會來幫襯二至三次，幾乎變左第二個家 餐廳外觀平平無奇， 第一次試都只係抱住求求其其一餐既心態，點知食物泥到時真係非常驚喜泰式燒大蝦伴烏冬大蝦上佈滿蒜蓉，非常香口撈烏冬好入味。 男友叫左個鮑魚撈蝦子麵嘩 唔係呀嘛!真係原隻鮑魚! 完全係出乎意料! 大花菇好大隻又厚身，用料質素非常高。 食店標榜絕無味精，對於我呢個最怕味精既人泥講真係岩曬我成餐飯200蚊有找，而家好似呢啲咁用心經營既食店已經買少見少了。 經理及店員都非常殷勤，為客人介紹不唔同既菜式，跟客人打成一片，難怪我會把這裡當成第二個家…查看更多

試新野:)，麻辣撈蝦子生麵配瑞士雞，清雞湯連飲品，麵質不彈牙，普通，ok好食啦，又吾係真係好好食，可以一試o既，麻味重過辣味，成個口都好麻，食到一半浸左係湯到食，而瑞士雞整得好入味…查看更多

近月來已光顧過這店子幾次，一直相當滿意食物質素，不過今天卻對店家的服務相當不滿。我和一個家人下午五時多來到，店裡只有兩三檯食客。由於我們食量較少，所以只要了一碗麵加底，四款餸，一杯飲品，準備兩人分吃[這碗麵也77元了，不算少吧!]。下單時已察覺夥計面露不悅之色 。加底份量頗多，吃著發覺湯不夠，就問夥計可否添湯，怎料夥計竟然黑面兼咕嚕 。家人隨即客氣說道，湯我們可以付錢買，夥計這才肯添湯。我們也沒有問價錢。夥計修改了帳單，加了五元。付款時，家人跟夥計說，清湯價錢可以在餐牌上列明，那就不用閣下難做。夥計「懶巴閉」地答：「其實有架！要十元一碗架！」那種語氣，好像給了我們天大優惠似的 。我續說：「但餐牌上找不到呢。」夥計答：「係呀，餐牌冇寫架！」我說：「那可以考慮在餐牌列明啊。」夥計才一臉不甘的「哦哦」連聲。雖然知道小店經營不易，但非繁忙時間，兩個客人幫襯82元也不算太少吧﹝淨麵一碗才24元﹞！用得著這樣嗎？客人要求添湯，夥計言明清湯十元一碗不就可以了嗎？還要不要添湯讓客人來決定，用得著給客人臉色看嗎？ …查看更多

平日中午十二時左右來到，人流不多…點了特色餐， 蝦子生麵 ，湯底胡椒豬骨湯， 瑞士雞翼和雲吞，伴麻辣…麵底不俗， 柔韌度很好，一入口已感受到濃濃的蝦子味道…再來瑞士雞翼， 入味濃， 如果可以有多一隻相信會更滿足！重點一提，麻辣的感覺很奇妙， 剛吃的時候不會感覺到麻辣， 但愈吃的時候那種麻辣會走出來了， 到吃完結賬時候，咀唇四周已經是麻辣又痺，超級過癮…查看更多