石亭居酒屋

石亭居酒屋🏮@sekitei.japanese手写纸牌菜单列出当日时令限量刺身同小食，犹豫越耐，选择越少！见到心水就要快啲落单😙生萤光乌贼 🦑新鲜酱油渍萤光乌贼睇落晶莹剔透，仲有少少闪亮嘅感觉！入口弹牙，带有海水味嘅鲜甜，将姜加到豉油再点嚟食🫚日本室津蚝 🦪手掌咁大只✋🏼肥美饱满，带淡淡嘅奶香味，入口鲜甜又有海水嘅自然味道。原汁原味加上少少辣嘅萝卜蓉同葱花已经好好食🥕 加埋少少柠檬汁或店家特调嘅酱汁，仲多咗啲层次感🍋爱鱼女 🧜🏼‍♀️来自岩手县嘅时令之选⚓️ 鱼肉切得超薄，每片都晶莹剔透🩻 摆盘精致得嚟又有艺术感。配埋酸汁食吊起咗鱼肉嘅鲜甜味，入口滑溜又清新！当晚隔离见到我地食都想跟机order，但可惜已经sold out了，更觉珍贵！果然时令之选都系手快有手慢冇🤭左口鱼寿司 🤎左口鱼切纹深刻，炙烧后表面呈深啡色，油脂丰富而闪闪发亮✨ 一放入口即刻完全溶喺化！ 北海道海胆寿司 🟠满满嘅海胆叠得够高又整齐，超级鲜甜！虽然价钱唔平，但食到咁高质嘅海胆，喺绝对系值得投资！烧芝士年糕 🧀心机野嚟！慢火烧，而唔系用油炸！年糕外层微脆，中间口感软糯，咬开喺爆棚嘅软心芝士🫕清酒煮大蚬 🐚大蚬好肥美又无沙，汤底鲜甜浓郁仲带有清酒嘅香气🍶 一定饮埋啲汤，感觉好暖胃又舒服柚子盐烧白鳝 🐍平时唔食鳝都食到舔舔脷！鱼皮烧得香脆，鱼肉爽口嫩滑，完全冇腥味。清香嘅果香味令成件事更特别🍊鸡皮串 🐤鸡皮烧得脆口松化，完全唔会食到成口油，同平时好有弹性但比较油腻嘅白切鸡皮对比好大🤓鸡全翼🪽牛舌串😋酱油饭团 🍘上色嘅酱油饭团烧得外层微微焦香🖌️ 一层薄薄地脆米饭焦入面包住软糯嘅米饭，包上一大片紫菜同黄萝卜，味道简单但满足😌suntory 生啤 🍺巨峰乳酸梳打 🍇雪柜摆满清酒，纯米大吟酿嘅级数都有，建议问下店员有咩推介🍶…查看更多

光头叔叔我地一入去已经面口唔好 我地三个人 比张四人台又要求只能有一个人坐其中一边 都算 因为后面系厕所门 都理解 起初以为只系因为忙所以都无计较佢态度唔好 落单落左三轮 食物要等好耐都算 基本上系十五至二十分钟先上一道菜 到第三轮叫左两串串烧 一碗鱼生饭 最后黎左两碗鱼生饭 串烧一直无上就问下 直接一句埋黎话你地无落单 直接埋单走人 根本就系赶客嘅态度 又不停将隔离台食物放系我地台 摆错四五次系第二次黎因为第一次体验唔错 个叔叔都解释好多日本文化比我地知 第二次体验系超差:(…查看更多

妹妹生日，知佢钟意食日本嘢，所以特登上网揾咗呢间几多好评嘅居酒屋同佢庆生。居酒屋面积不大，目测座位20个左右，但内部装修摆设充满日本风情。小店比我感觉好有温度，门面招呼客人嘅侍应叔叔姨姨好亲切，会介绍食物、同客人倾几句，遇到熟客仲会寒暄一番。店内墙上贴满手写菜单，其中一幅墙全部都系时令菜式，好少会见到咁多款。侍应姨姨话为咗保证食物质量，每款只从日本入货几份。✔️萤光鱿鱼$180 萤光鱿鱼系时令食物，每年三至六月日本产量最多，细细只，柔嫩有弹性，上面加咗姜蓉辟味，完全唔腥，主打一个新鲜！✔️鲂弗鱼刺生$360摆盘好靓好美观，鲂弗鱼切薄片呈半透明粉白色，每片厚薄一致，师傅刀工一流。刺身肉质紧实弹牙，鲜味浓郁但清爽，无腥味，配合柚子醋能提鲜，更好味。✔️动感小白鱼$180 侍应姨姨推介小白鱼，时令食品，居酒屋只入咗三份，属于生食菜式。未试过食活生生嘅小鱼，于是又期待又紧张咁点咗一份。食用方法系将小白鱼从小碗盘中，匹到小杯入面，再加入酸醋，就可以放入口中，含住一阵再吞落肚。主要味道都系醋嘅酸味，我有咀嚼小白鱼，系比较爽口嘅感觉。整体觉得几有趣，有得玩有得食。✔️左口鱼寿司（两件）$68/帆立贝寿司（两件）$85 左口鱼鱼肉甘甜细致，油脂适中。帆立贝贝肉肥厚鲜甜，口感饱满多汁。✔️鸡全翼$64鸡全翼煎至真正嘅金黄色，外皮薄脆焦香，内里鸡肉年华多汁。重点嚟啦：师傅将鸡翼嘅筋挑断，咬起上嚟好容易将原本嘅筋骨连接位分开，食得冇咁论尽，简直就系怕麻烦怕论尽人士嘅福音！✔️牛舌串$84/蕃茄豚肉卷串$64牛舌块油脂香扑鼻，好有嚼劲。酸甜爆汁嘅蕃茄，配合薄薄火候刚好嘅豚肉片，和谐不油腻。✔️清酒煮大蚬$98 蚬肉好肥美，特别大只，完全食唔到有沙。汤底都可以饮埋，三个字「鲜甜清」，妹妹爱不释手。✔️鲜鱼奶汤（免费）鲂弗鱼鱼肉造成刺身，师傅将剩返嘅鱼头都物尽其用，煮成鱼汤，真系每个部份都可以成为好食材。鱼汤呈奶白色，充满浓郁鱼鲜味，饮落又好暖胃。✔️三得利生啤$44麦香清爽，尾韵有少少苦味，男女都啱饮。✔️白桃汁$48甜度饱满，口味清新。…查看更多

一向好钟意食日本料理嘅我，早前同老公去左间隐世居酒屋。无论服务及食物质素都100分，好值得推介！ 位于尖沙咀嘅石亭居酒屋，地方不算大，但系装潢好和风亦好日式传统，好似置身日本街头嘅居酒屋。座位有吧枱位置，都好舒服。而店员仲好热情招待添啊！ 食材都系日本直送好新鲜。🔸️平鲷刺身 $380份量十足啊！每一片都好薄而透，师傅真系好刀工！而鲷鱼肉质鲜甜，配柚子酱油食更突出鲜味! 而食完刺身，师傅将剩下嘅鱼熬成奶白色，好浓郁嘅鱼汤，真系啖啖都好清甜有奶香！🔸️八爪鱼足 $180口感软滑。八爪鱼吸盘食落口特别鲜味爽口。轻咬之间能感受到其弹性。🔸️日本淮山拌葱吞拿鱼 $138健康又美味。吞拿鱼肉质鲜嫩多汁， 淮山富含膳食纤维和多种维生素，是一种非常健康嘅食材，质地光滑，带有一种绵密嘅口感。 🔸️ 柚子盐烧白鳝 x2 $136白鳝鲜美与柚子嘅香气完美结合。白鳝肉质细腻、嫩滑，不油腻。外皮微脆，而内部则软嫩，令人愉悦。柚子嘅香气带来了清新嘅酸甜味，与盐烧嘅风味相得益彰，为白鳝增添了一层独特嘅风味。  🔸️鸡全翼 x2 $64 🔸️鸡软骨串x2 $40两样都好有水准，烧得啱啱好！鸡全翼皮薄香脆，鸡软骨好有咬口。饮品又点少得Suntory生啤 $44，仲有杯解腻清新嘅白桃汁 $48添！ 石亭居酒屋| @sekitei.japanese📍尖沙咀赫德道地下11C号舖☎️（+852) 27221881#石亭居酒屋 #尖沙咀居酒屋 #隐世居酒屋 #尖沙咀美食 #尖沙咀…查看更多

呢晚同朋友一齐嚟咗呢间喺尖沙咀嘅日式餐厅🍶🥢食晚餐🤣店长哥哥招呼好好对日本菜亦都好 knowledgeable 👍$180「动感小白鱼」：「小白鱼」系嚟自佐贺県一年只有一两个星期有得食，「小白鱼」细细条条条都好生猛游嚟游去，店长哥哥教我哋 锚起「小白鱼」放喺小杯里边然后再加啲醋，然后一啖灌进口腔里边，「小白鱼」喺口腔里边郁嚟郁去跟住有啲就游咗去我个胃有啲我就主动吞咗，虽然我有啲于心不忍不过过程几好玩，我又忍唔住用牙齿咬吓佢哋，几脆口几鲜味🤣$168「鲷鱼白子」：白子好滑，有少少 creamy，有多多 umami, 劲鲜味🤣$380「曹以」：曹以，喺日本🇯🇵一般叫「黑曹以」，系栖息于日本🇯🇵各地海底岩石嘅鱼类，主要食用季节系秋季至冬季，一般要嚟做汤 - 冬天嘅味噌汤 同埋 盐汤，喺日本🇯🇵寒冷地区好流行；黑曹以 喺日本🇯🇵北部嘅捕获量较大，因此有“北鲷”嘅美誉，不过喺九州等地亦有捕获，而喺三陆地区、北海道等地区都有养殖场🤣；呢间餐厅用 黑曹以 做刺身几特别，黑曹以刺身肉质比较爽口，油脂量低味道清新 同埋 subtle，配蒜醋汁一齐食更加能带出 umami，而 aftertaste 慢慢渗出有微甘，整体味道系 内敛温和优雅🤣$68「自家制鸡肉软骨棒」：鸡软骨棒咬落软熟仲又有啲啲脆口嘅软骨喺里边，再沾生鸡蛋黄同酱油一齐食，几惹味🤣$32「五花腩」、$32「鸡肾串」：呢两样放埋一碟🤣，「五花腩」甘香好猪味，「鸡肾串」结实爽口又香口🤣$28「鳗鱼肝」：鳗鱼肝有啲软熟又有啲啲结实仲有啲 creamy 同埋有非常浓郁嘅鱼肝香味🤣$138「鳗鱼饭」：蒲烧鳗鱼 除咗有鳗鱼嘅鲜味仲有蒲烧酱汁甜甜哋嘅味道而特别之处系竟然系有少少 charcoal 味，蒲烧鳗鱼配白饭一齐食好夹🤣…查看更多