知味燒臘茶餐廳

平时间唔中都会去买烧卖粉果既，事头婆好好人，但佢请𠮶个伙记态度极差，有次去买烧卖粉果，叫佢比多d辣油，点知佢话：「辣油要钱架！」唔肯比多d。😡又有一次去食lunch, 事头婆讲明汤系可以添饮既，但点知呢个女人话唔可以㖞，要我地话：「事头婆话可以添饮」，佢先黑住面去添多碗汤！😡本来呢间茶餐厅老板娘系非常好，对食客好，$5/盒炒面，帮到好多冇钱食饭既公公婆婆，但佢个伙记继续留喺呢间茶餐厅只会继续得罪更多食客，我都会因为佢伙记既态度而唔选择唔帮趁，希望老板娘可以睇到，做返d野啦！…Read More

没有富丽堂皇的装修格局、没有珍馔百味的美酒佳肴、没有玲珑浮凸的美女侍应，为的只是人情味，老香港的风味 ﹗突然觉得自己好鬼地盘佬呢！向来知味都系全麻甩食客，谁知撞左个阿姐帮衬㖞，仲系梅菜肉饼之友添，真系万绿丛中一点红。二十年前帮衬过小店，旧地重游，感觉非常有趣呢！真正的知味，加入人情味的小店，叔叔、婶婶、伯伯，每位都十分热情，招乎周到有加，气氛舒服，食都食得特别开心。最爱玩 photo hunt，等食前最奉的娱乐 ﹗不是班腩，是斑腩；不是杨州，是扬州；不是支竹，是枝竹；不是蒸溜，是蒸馏；不是沙爹，沙嗲。男人的浪漫，烧腊知味饭？节瓜莲藕汤，真材实料，朴实不华，住家味道浓厚，田园风味清淡不含味精，最紧要够热辣辣，满意。莲藕𫠒鱼汤，超乎想象的好味道 ﹗浓郁甜美。最好饭前饮晒去，因为饭后变得淡而无味咯。菜干汤，有梅菜味非常特别，劲香口劲好味，一滴不漏灌晒落肚！冬瓜汤，夏天未到就已经有我喜欢的冬瓜汤饮，so lucky ﹗清爽香浓好好饮，用木鱼干及瘦肉汤做汤底非常甜美，当然被我饮得一干二净。例汤任饮、白饭任装，唔怕您唔够饱！佛手瓜猪骨汤，好清甜啊 ﹗无添加无味精，清淡例汤够原味，我钟意 ﹗而且还添上阵阵粟米香甜味道，就更是可口。婶婶给太多渣喇，我对汤渣麻麻，so sorry。不过对面位阿姐将所有汤渣清晒，食得津津有味，劲呀 ﹗全场麻甩佬，依位食牛肉炒米阿姐系中原一点红 ﹗豆腐火腩饭炒底，真的是男人的浪漫？外观卖相骨子端庄，份量十足，饭𩠌都满到泻，大方宽卓，好多肉又好多豆腐，轻烟飘飘，香喷喷地送上，流晒口水咯 ﹗炒底连工包料加 $10 蚊都好合理。失望的蛋还蛋、饭还饭，似炒蛋碎捞饭，食不到蛋香，镬气亦欠奉。多汁捞饭当然好，师傅落味略为重手左少少，芡汁好咸呀 ﹗唯有多多饭搭少少汁，都还不错。啖啖肉的火腩，香口炸皮，滑滑脂肪，咸咸瘦肉，多种质感融合，除咸少少外，都尚算好味的。鲜茄猪扒饭炒底，天然系猪扒！原汁原味最紧要，弹牙嚼劲质感不干不鞋不硬，肉香肉甜腌味刚好。茄汁微甜微酸而不浊，配上猪扒或饭粒同样可口。$10 蚊炒底价钱合理，最紧要质素啰，蛋太少食不到蛋香，十分艰难才揾到少少蛋碎。忘了叫少饭呢，食唔晒喇。咖喱牛腩饭炒底，四眼婶婶跟以往一样提示加 $10 炒底唔抵食㖞，但我真系想食炒饭呢，多谢关心，赞。劲有镬气，香气迫人，直扑过来 ﹗芬芳诱人，食指大动，杀呀 ﹗估不到咖喱汁劲热，咖喱牛腩真系炒过，不是马虎捞个汁淋系饭面就算，有诚意，果真难能可贵。热到烫亲嘴仔喇，不过越热越好食，我钟意。牛腩松化没有半点渣，牛筋微弹结实有嚼劲，满意。浓郁厚厚咖喱汁绝不欺场，黏黏的不失幼滑亦不会水汪汪，调味够浓重口味。高质炒饭大爱，干爽咽韧不湿不烂不一旧旧，充满蛋香好味道。扬州炒饭走葱，无扬州既？无虾仔、无菜粒，连代替品都无？只系普通的普通叉烧粒炒饭乍㖞 ﹗发现 menu 写住系杨州，不是扬州，杨家炒饭？幸好炒功了得，色香味俱全，镬气够、温度够、香气都够 ﹗调味浓郁带著蛋香及咸香，自家叉烧粒甜甜又松软，最惨有部份散发恶心而强烈的雪藏味。本来打算食半碟算喇，不过味道真心非常诱惑，食食下几乎全部消灭 ﹗叉烧油鸡髀饭，何解不是真烧味既呢？又话系烧腊餐厅！虽然质素都达标合格，不过始终唔系期望想要既野㖞！真系完全误会晒。份量十足多多肉，好多叉烧呢，跟鸡髀一样长。腌完有再炆再加色的叉烧，并不是BBQ 的叉烧。浅红色软棉半肥瘦猪肉，没有焦香甜甜的平凡味道。豉油浸鸡髀？唔系玫瑰豉油鸡啊。风干的鸡皮带著微弱豉油香，鸡肉无味腍干未算过鞋。知味并没有烧味切鸡供应，豉油鸡髀照食啦。高质白菜仔好好食，非常爽甜鲜嫩。烧味豉油捞饭也不错，饭粒干爽不湿烂，煮得好。不过姜葱油落得太多盐腌，咸死我喇，捞饭都只能减轻一丁点。梅菜蒸鲩鱼，微暖的鱼腩没有半点烟雾，多骨幸好无细骨，都容易食既。鱼肉棉滑带弹，最衰多鱼鳞，打得不够彻底。大大旧鱼肉滚上豉油搭点梅菜，家常清淡不油不咸，味道还可以的。拆晒肉捞埋梅菜白饭鱼汁豉油，即时好味百倍。凉瓜斑腩饭，阿姐话炒底唔抵食要加钱，唔比我炒底，帮我悭钱㖞。斑腩有点腥，厚粉索上芡汁滑不留手，筷子都好难夹得起呢﹗皮香肉结实，还有微微鱼汁添。凉瓜兜炒得唔够均匀，有几块冻冰冰呢 ﹗爽脆甘甜不苦涩，加埋豆豉捞饭正呀，不过不失。凉瓜煎红衫鱼，婶婶大力推介，我信您，就试一试吧。何解唔系鱼尾架？前半鱼头无肉食㖞。外观唔似煎又唔系炆，似炸出来的。炸得透彻香脆肉干爽，鱼味浓浓厚厚，搭上爽甜甘香多汁不苦不涩的凉更加美味。咸蛋蒸肉饼，点解会那么大笃芽菜架？我唔食架㖞。既然有咁多芽菜，就试一啖。居然爽甜多汁不腥不嗅，又无生水味，又无锈水味，最衰有豆有叶有根啰 ﹗破例照食可也，被我消灭得一条都无剩。自家咸蛋黄捞啖白饭正㖞，咸香带甘甜蛋黄，虽然没有黄油也不错。肉饼落左粉一齐打，质地滑嘟嘟。发现肥猪肉都不少，幸好香而不太肥腻。肉饼面甜美可口，但食到底就越食越咸，捞多两啖饭先得。时菜肉片炒河全走，完全在我估计之外，惊见色香味美，好好食㖞 ﹗先试肉片河，日后一定要试埋其他炒粉面啊 ﹗炒河劲有镬气，镬气迫人 ﹗河粉滑溜完整不散筲筲，肉片偏碎但松软棉棉。热腾腾捞上泰国士拉差辣椒酱，酸酸辣辣并上甜美芡汁，大啖大啖塞入口，豪气畅快大满足。就连白菜都难得高质爽甜，不苦不涩，赞呀。豉椒排骨炒河走芽菜，平淡马马虎虎啦，豉味浓、椒味弱，唔够汁捞河食，只将豉椒汁连排骨淋系河粉之上，忘记叫兜乱添，味道差好远呢。骨多肉少的排骨，腌味一般，鲜甜味亦欠奉，入得口唔难食。干炒牛河全走，劲有镬气，远远都感爱得到。热腾腾烫晒嘴仔，越热就越好食。河粉兜得未够散，有部份一束束呢。味道蛮不错，生抽老抽比例刚好浓郁清香不浊，但颜色未算均匀。牛肉过熟好韧㖞，总好过极松牛肉滑潺潺腍劈劈既。虽然油浸河粉，剩余既油可以炒多两碟。其实味道真心不错，淋上辣椒酱酸酸辣辣够开胃醒神，几分钟整碟蒸发殆尽。突然有花生剧场助兴㖞﹗黑衣四眼仔：炒河唔该。侍应婶婶：什么炒河呢？黑衣四眼仔：肉片炒河。侍应婶婶：干炒定湿炒呀？黑衣四眼仔：干炒兜乱，都系唔好喇，湿炒啦。侍应婶婶：湿炒要咩炒呢？菜远炒？芽菜炒？黑衣四眼仔：咁都系干炒兜乱啦。侍应婶婶：师傅干炒肉片河兜乱㖞 ﹗师傅：干炒兜咩乱呀？可以唔兜架咩！成台麻甩佬笑左，我都认唔住笑左呢，哈哈哈。好快干炒肉片河送到。黑衣四眼仔：上次系有汁架㖞？黑衣四眼仔既阿叔朋友：湿炒系有芡可以兜乱，干炒系豉油炒啰！我听到即时呆左。…Read More

红磡区还是个旧城区麻？不断的新起高楼，什至地铁都有了。附近还有合理的午餐，晚餐？还是随著时间变了？谢谢你，谢谢你的没变。走过门口看见炒米，炒粉，炒面只售5蚊。多走几遍，证明自己系没有看错的。就买了一个炒面。是粥店的炒面，有芽菜丝相伴。还有甜酱，辣酱可以自由选加。面是凉的，但味道依然，比起现在什么什么的知名粥店来得好。起码味道是旧有的，有镬气。份量来说不算是多，但一个女士的早餐或是下午茶来说就够了。不够的多买几个，断定亦不能食到40元吧。哈哈。在想，一些老伯伯就是靠这个为一餐的。你千万不能消失啊。…Read More