盛德食堂

近期个几月都系海洋公园附近返工做野，落车一定要揾野食架啦！食左一排街市之后，为求方便，转左黎盛德呢度食，每日都系食沙爹牛餐肠面，冻鸯/茶走，整体无咩特别，都食得下又平，30蚊出头。近排同事话菠萝油唔错，食得下，今朝我都试左下如果唔仔细去讲呢，睇落食落都真系几唔错，几好食嘅，仔细讲呢就成个好软熟，食落都好舒服，味道都唔错，不过呢就食落唔似菠萝包，块牛油望落几厚，但系好细块，另外就系如果大大啖闻一下呢，会闻到有阵唔知咩味，应该系块皮果阵味，都几劲下。。。完。。。…查看更多

好少茶餐厅，外卖三文治可不包饮品上日叫了腿蛋治，太多牛油，好咸，包唔够软今次叫了蛋牛治，因即整，我接近落巴士叫定外卖，唔使等咁耐。走牛油，好好多，包又软啲三文治好肥，一星期食一次够油分太多，中午才有肚饿感觉…查看更多

今朝要去黄竹坑值做野，系个边，人生路不熟，随便揾左间餐厅医肚。睇餐牌，都系平日茶记个d西式早餐，我拣番我最爱既沙爹牛肉面，可能地区问题，价钱比我平时食既平d。煎蛋、方包呢d，同平时食既都无乜分别，只系觉得份餐肉煎得干左d，干过我荷包。。沙爹牛肉面：讲左牛肉先，好多餐厅会整得啲牛肉碎湿湿，但呢度无呢个问题，牛肉系一块块，啲汁唔会煮得过咸，捞埋啲面好好味！特别想讲呢杯奶茶，系我钟意饮果种有挂杯嘅奶茶，好有茶味，为我呢个懒洋洋嘅返工日醒一醒神，唯一唔好嘅系个茶杯啲茶渍有啲扣分。…查看更多

今天到黄竹坑上TRAINING COURSE， 场地位置处于工业区，因此四周可说「一览无遗 、空空如也、冇饭食。刚巧走过工厂大厦看到此店的大门，所以决定一试。因为吃饭的时间比较晚，已经是下午2点左右了，所以墙上ABCDEFG午餐大多都售罄了。迫于无奈只好随便叫了一个下午茶试试。下午茶干炒肉片河33蚊，还算公道，看上去份量也不少。不消3分钟，伙记便由厨房拿出一碟炒河。放在桌上，香气扑面而来，充满茶餐厅的镬气。轻轻咬了一口，虽然油比较多，但味道也不错，炒河吸收了酱油的美味，十分香口; 肉片也十分有猪肉味。由于肚饿的关系，忍不住大口大口吃了起来。很快就食完整碟炒河了，不禁有点依依不舍，同时想大呼一声「好味道」。吃完口喝了，又喝了一口奶茶，即时有透心凉的感觉。总结来说，平得来十分好吃，十分推荐。…查看更多

环境：工业区饭堂，传统茶餐厅布置，干净企理最紧要。价格：价格公道，返工首选。同区有不少中产餐厅咖啡店，但若日日食成七十几九十蚊一个午餐，揾几多都唔系办法。呢到午餐系一半价钱，唔带饭出街食都唔肉赤。食物：咖哩鱼柳饭。咖哩够香够浓，唔会死辣，仲有少少椰香。龙利柳肉嫩皮脆，肉够厚皮够薄，一切开仲有烟，小心烫嘴！饭就茶记一贯水平，捞埋汁，一粒饭都冇剩。服务：有礼貌的侍应真系买少见少，始终做打工仔街坊生意，特别窝心。…查看更多