皇庭匯

酒楼转佐名，重新开业开返个多月，但d餐具已经变成咁。真心一打开茶壶，见茶壶个口系烂成咁，有担心究竟会唔会有玻璃碎片跌落啲茶入面，尝试叫职员换，跟住个职员答全部茶壶大部份都系咁，所以冇得换。唯有自己饮茶𠮶阵时望清楚先饮，自己小心啲，全村唯一一间茶楼冇得拣才会去。讲返食物，同之前差唔多，冇乜大改进。希望酒楼见到呢个comment，可以食物都改善一下。…查看更多

转名转名又转名我哋由皇庭汇开始食 到而家叫茗悦轩 都食左两次一次中秋前食晚饭 一次今日饮早茶再之前都系食晚饭但已经系新年 未叫茗悦轩之前，𠮶次印象都出奇地好讲返今日 点心都几稳阵虾饺烧卖令我地有点头赞有水准，好大粒，有咬口！虾饺皮系透得黎烟韧，绝对唔系好重粉/硬𠮶啲！-黑芝麻马蹄糕令我地谂左好耐点样黑芝麻/马蹄糕法 谂过系黑芝麻糕+马蹄糕，结果真系mix!加左芝麻（粉/糊）就无平时马蹄糕咁弹牙，但好香芝麻味，少少甜+大量马蹄粒，仲要煎得唔油！所以值得推介嘅！我地坐房仔，眼见枱枱都有叫-妈妈居然会叫甜薄撑！（平时一定系咸薄撑）个卖相好ok! 料都好足！不过太足料？对我地黎讲都太甜！大可以落少一半糖！-最后我地都有咸薄撑都好食嘅，煎得好好，有蛋味，又唔会太厚成旧粉，亦唔会薄到烂（你懂的😏），系油左啲-其他就都系咁，都好食嘅，抵食嘅-唯独出餐真系好慢好慢，同大多数想你快手食完返多张枱嘅营商理念好唔同😂唔够时间就ok嘅，慢慢欣赏下食物咁😂-完。得闲出返中秋晚饭🙃…查看更多

呢间茶楼都OK嘅，喺广源邨入边唯一一间茶楼，所以好多街坊街你都成日去呢一度饮茶，但系佢呢有两层嘅，如果你唔想上上边𠮶层饮茶啊，都可以喺下面𠮶层类似地库嘅位置度食下午茶餐，佢炒粉面饭，钟世茶餐，米线米粉，林林总总嘅都有！咁我呢排喺呢头附近做嘢都叫冇乜选择，所以都成日去呢一间酒楼嘅地库度食午饭，仲当正自己饭堂咁，可能佢哋啲侍应经理招呼开嘅都系一啲街坊街里老友记一家大细，所以呢服务都系比较街坊邻里食，如果你唔系熟客嘅话就唔会话太过殷勤。…查看更多

今天是年25。$168嘅烧味拼盘加鱼汤时菜孖宝套餐，分量不足。比碟咁小嘅肉我哋同经理质疑佢话系咁小！隔离枱嗌嘅$30下午茶烧味叉烧米线，数量同我哋差不多。我也质疑话你俾嘅叉烧净系值$40佢话$168就系呢个餐冇错但系我两个月前都食过呢一间我哋𠮶阵时七个人嚟食同一个餐比嘅药量份量多过今次好多。所以我怀疑佢睇人嘅数嚟比个餐嘅份量，今次系缩咗水。过咗一阵楼面阿姨同我哋讲$138半只烧鸭加米线嘅孖宝套餐肉嘅份量都比我哋多！我觉得明显就系见到我哋四个人食嗌咁多菜，佢就俾个份量细嘅我哋。太差了，不可原谅。…查看更多

星期六去饮下午茶，我哋三个人，见到有个伙记执紧张细枱，我哋就行埋去问佢「可唔可以坐啊」佢只手一挥，就话「唔坐得㗎，去第二度啦」但系成个场都冇晒细枱，于是我哋就坐咗一张8人枱，第二个阿姐走埋嚟问，你哋几多人呀？我话三个，佢话三个唔坐得呢张大枱，咁即系点呀，细枱唔比坐，大枱又唔比坐，个个侍应啲态度都差到冇人有，隔一阵见到有一张细枱埋单，我哋就行过去坐。点心冇一个系好食嘅，勉强食完就埋单嘞，下次真系唔好再嚟，态度差啲嘢又唔好食👎🏻…查看更多