皇子印度餐廳 (海富樓)

好抵食印度嘢午餐，$70蚊有找,有湯有凍檸茶走甜,原味烤餅任食，食兩塊都飽，第一round可以叫薯仔烤餅或者酥油餅,咖哩羊唔騷，雞肉沙律D雞肉有陣時唔係好熟，整體可以。…查看更多

嚇鬼死人！你哋自己睇啦下，外賣APP 116蚊呀，5塊特色薄餅配幾舊牛脷啦，1罐我都唔飲嘅汽水。嚟到我對燶餅真係得啖笑。N年街坊，緣盡喇！北角呀其他地區呀啲印度菜都開始超越佢。睇左相先考慮食唔食啦各位。（似唔似紫菜煎餅呀？🌝🌚🌚佢哋係乜都冇嘅印度薄餅燒到燶成咁）。冇期望又大把錢唔志在嘅可以幫襯吖下～ …查看更多

真係記憶都好多年， 一定係疫情之前( 唔知幾多年呀) 去過一次.....西環河地鐵站大約行十分鐘左右， 電車路轉入所以都唔算太難搵。叫咗個頭盤， Pani Puri, 酸酸地唔錯，原來每一間印度餐廳 呢一款 starter ，都各有不同 嘅味道。 呢一間中規中舉啦，酸酸哋食開個胃唔錯，另外叫咗 四杯 芒果奶昔， 三個人飲四杯，原來每杯只不過係 $15另外叫咗三個咖哩角， 配搭綠色嘅印度醬，味道都唔錯。叫咗兩種薄餅： 油酥餅，同埋蒜蓉 薄餅， 打算用嚟蘸咖哩汁食用。Daal Makhali 煮得中規中舉 ，但係你諗下佢嘅價錢相比 尖沙咀貴價咖哩就真係算好抵食， 有進步空間但係算煮得唔錯。兩個羊排 (手抓) 三個人食， 咖哩汁唔錯，羊肉可以煮得比較再淋啲。咖哩 牛脷 啲咖哩汁好正，牛脷都好淋，不過可惜唔夠入味。咖哩雞又甜又好食 下次會再試。…查看更多

唔知食咩好時，就會想起呢間印度餐廳。熱辣辣、鬆鬆軟軟，富有麵粉香的印度烤餅，絕對係令人增加幸福感的comfort food，咖哩款式好多，其實有時不太懂得分辯，反正對我黎講，咖哩係配角，烤餅先係主角皇子印度餐廳另一道菜係好出色的，就係鐵板蒜子烤雞，一份大約有五件無骨雞件，大大件、啖啖肉，烤得香口有焦香，令人食唔停口。怕辣的朋友，一定要點一杯mango lasi 配搭咖哩，其實係芒果乳酪，唔會好甜，解辣一流。…查看更多

價廉物美又有任食薄餅有免費飲品和湯服務到良好烤魚好食薄餅熱脆值嘗試的印度餐廳.環境比較迫.但很有家庭親切感.牛脷煮得要得好食.來這裏交通方便座落於電車站附近筲箕灣工聯會側…查看更多

最近去咗小西灣暫住，一於發掘附近美食。這一次說了位於海富街嘅小巷來的一間印度餐廳。餐廳都是以印度人主理。萬事都頗多人，幾乎全院滿座。他們的套餐，非常抵食，有齊湯，小食，主菜，飲品，和飯或Naan。Naan還可以任添加。Set Dinner 1.Soup of the day2.Snack of the day 小食為威化胡椒餅，非常香脆，可口，帶點鹹香，是非常好吃的前菜。3.C.MUTTON RIBS CURRY ($108)這一次我叫了咖喱羊肉。羊肉半肥瘦，炆得非常軟腍，帶些羊騷的香氣，配上咖喱醬汁，非常濃稠。4.Unlimited plain naan印度餐必叫咖喱，且必要配上薄餅，他們Naan非常煙靭，且香口，熱辣辣配上咖喱汁非常好吃。5.Mango Lassi 印度餐必然要叫Mango Lassi。6.Momo ($68)懷念去尼泊爾的日子，叫了共八隻的Momo。Momo外皮煙靭，內裏肉質鮮嫩，且多汁，帶點香料的味道，非常有印度和尼泊爾的特色風采。…查看更多

我本人好鍾意食印度菜， 今日經過西灣河 一間印度餐廳， 見好多人幫襯所以入咗去試下， 我最鍾意食Tikka Chicken, 佢哋整得好juicy味道正宗， 羊脾都好好食， 仲要啲薄餅係任食嘅👍👍👍👍下次會再幫襯…查看更多

發現咗呢間係西灣河小巷入邊嘅印度餐廳😋見到價錢幾抵食就入咗去試吓😆兩個人叫咗一個Masala Tikka Chicken、板烤羊鞍扒配咖喱汁🤤最正嘅係佢竟然可以無限refill plain naan😋😋我哋嗌咗個garlic naan好香脆！係薄皮嗰種，麵粉味好香🤤個人係澱粉愛好者，超中意naan！Masala冇出邊坊間嗰啲咁甜，蔬菜嘅甜味好自然，羊扒肉質好軟腍，冇乜臊味，見到好多當地街坊都會去食，推薦！…查看更多

位於西灣河筲箕灣道240號海富樓地下後座的皇子印度餐廳，散發著濃厚的印度風情。聞說該餐廳有薄餅無限供應，特意前來品嚐品嚐。餐廳的裝潢充滿印度特色，色彩鮮豔的牆壁和掛飾，營造出濃厚的異國風情。侍應友善細心，讓我對即將品嚐的美食充滿期待。今次點了以下幾道菜品：1. 咖喱角 Samosa ($33)咖喱角是印度餐廳必點的一道經典小吃。外皮金黃酥脆，內餡豐富多樣，混合了馬鈴薯、豌豆和香料，口感非常豐富，配上酸辣醬汁，特別醒胃。每一口都能感受到印度風味的多層次。餐湯是一碗蕃薯忌廉湯，充滿田園氣息，湯蓉充滿新鮮蕃茄肉及蕃茄核，愈像愈開胃。2. 炭燒無骨魚配咖哩汁 Tandoori Fish Tikka ($118)這道菜的魚肉使用了印度特有的炭火燒烤方式（Tandoori）烹調，應該是用了鯰魚柳來燒，魚肉外表焦香酥脆，內裡嫩滑多汁。香料的使用恰到好處，辣度適中，味道豐富且層次分明，每一口都充滿著異國風味的驚喜。搭配主菜的咖哩汁，濃郁的口感讓人印象深刻。咖哩醬汁的香料調配得宜，既不會過於濃烈，也不會失去咖哩應有的辛香味。蘸著薄餅一起吃，更能體會到印度咖哩的獨特魅力。這裡的薄餅(Naan)烤得剛剛好，外皮略帶焦香，內裡質感柔軟有嚼勁。撕開後可以看到內部層層分明，搭配咖哩汁或Tandoori Fish Tikka一起享用，實在是一大享受。3. 芒果優酪乳 Mango Lassi最後，搭配一杯芒果優酪乳來結束這次的美食之旅。這杯飲品酸甜適中，芒果的香氣濃郁，加上優格的濃稠口感，既解渴又能中和前面辛辣的菜餚，讓整個餐點完美收尾。喜歡印度餐的朋友不容錯過!…查看更多

皇子印度餐廳（海富樓）😘😘😘美味印度菜港島筲箕灣道、有兩間分店印度餐廳、門面都以紅色字招牌、以半圓拱型的透明玻璃、帶點印度色彩！今曰路過海富樓分店！晚上六點已坐🈵️座！印度餐前必有小食、印度脆🫓、配綠色香料帶微辣醬、醒胃小吃二人套餐$258是曰餐湯（2位）/咖喱薯蓉湯⋯⋯夠地道、濃香咖喱、creamy胡椒餅（2件）/帶胡椒味的薄薄脆片咖喱角（2件）/炸至色澤金黃、外酥脆、饀料裹滿印度豆角和薯蓉、不油膩！串燒雞（2位）/烤烘雞塊、肉質嫩滑！兩款咖喱牛油茄汁雞/印度名菜、以印度牛油（酥油）作為醬汁的基底、再加蕃茄蓉、雞塊、香料（增加香氣及味道）、炆煮至濃汁、帶點甜甜、肉質嫩滑、滋味又惹味！😛😍咖喱薯仔羊腩/印度傳統菜、羊腩切件飛水、香料（洋蔥、乾蔥、蒜頭、薑、辣椒、咖喱粉）爆香後加入羊腩、爆炒均勻、加咖喱醬、湯底、燜至腍軟綿綿、便可品嚐、配蒜蓉烤餅/千層餅（外皮烤脆金黃、外脆內軟、夠油酥、配以咖喱、超級滋味又惹味！吃不停口、舔舔脷👅👅芒果奶昔（2杯）用新鮮芒果肉冰粒、少許牛奶、即叫即攪拌、有沙冰感覺、口感涼快、少甜、色澤金黃😁皇子印度餐廳（海富樓）西灣河筲箕灣道240號海富樓地下後座港鐵西灣河站A出口、步行約6分鐘…查看更多

朋友非常喜歡吃印度菜，約她在她家附近吃生日飯，她二話不說帶我到她常去的一家印度餐廳。午飯時間店內坐滿了人，非常受街坊歡迎。午餐奉送餐湯，可以配飯或烤餅，烤餅更是任吃的😋怪不得這裡成了我朋友的飯堂。蒜蓉烤餅蒜蓉烤餅很大件，很香很鬆軟，淨吃也很滋味。蜂蜜鑊仔雞炸雞甜甜的，感覺有點像吃韓式炸雞，送飯一流。炭燒無骨魚魚肉大大件而且非常嫩滑，配上特製的醬汁非常惹味。這個醬汁有一貫的印度香料味道，但又不會過於濃烈，淡一點更切合香港人的口味，蘸烤餅一流。蒜蓉炒什菜午餐加$38 有一大碟炒什菜，有肉又有菜，均衡又滿足😊…查看更多

今次經過筲箕灣呢度試吓呢間比較隱世嘅咖喱餐廳，成日都經過，但係都冇入過去口碑其實都幾好！今次冇食咖喱試吓呢個烤雞，做得幾好入邊都仲好Juice，最正就係無限添加烤餅同埋白飯…查看更多

又同屋企人食皇子咖喱屋，通常我同屋企人都係食午市套餐，而價錢就由六十幾至八十幾不等，而且選擇都好多，雞魚羊牛都有，薄餅都有幾款俾你選擇，套餐除咗主食之外仲有餐湯同埋嘢飲包埋，最重點係食套餐嘅話係可以任食烤餅的，所以真係好抵食！今次就同屋企人點咗兩個套餐，咖喱牛腩，配薯仔薄餅同埋烤蒜子雞件，配千層餅。咖喱牛腩，除咗牛腩之外仲有一嚿大薯仔，而我最鍾意就係蒜子雞，有五大舊，而且好嫩滑，好Juice！薯仔薄餅口感會比較實在，而千層我就覺得有少少甜甜地嘅味道，而且係煙韌！而任食嘅烤餅就係最傳統既烤餅，我今次都加咗二次，每一次都係熱辣辣即整！好正！而飲品方便就加錢飲凍檸茶，和Mango Lassi ，好濃芒果味。…查看更多

去完東龍島係西灣河落船搵野食，上網見有人介紹呢間由印度人主理既餐廳，仲要任食烤餅，我個人又幾鍾意呢啲餅就走去食下先，店內裝潢係印度色彩既，都係暗同單調，特別地方係佢地入國隨俗，黎到香港佈緻上有聖誕裝飾架，舖仔細細，我地咁岩有位，前菜送個小烤餅比你點一個綠色青草醬汁，辣既，但用烤餅點又幾好味，至於佢個湯係淡淡的，香港人應該馬馬鍾意咖喱魚咖喱味較重，配合炸魚外脆內軟，唔錯，成個咖喱係比你瘋狂點餅食馬沙拉煄雞呢個咖喱味道係唔同咖喱魚的，香料味道較多，亦較辣，女友鍾意呢個，我就鍾意個魚多啲，可以話各人有各人喜好，任君選擇…查看更多

香港嘅印度菜餐廳選擇都幾多，基本上每一區都會有，咁啱嗰日去咗西灣河，又想食下印度菜，因為太耐冇食，所以就選擇咗呢間餐廳。嗰日去咗食lunch，餐廳提供唔同lunch set，每個set都可以任食燒餅，而味道亦都唔錯，算係好抵食。…查看更多