皇后飯店

第一間去既係九龍塘又一城既皇后飯店皇后飯店都算係間連鎖餐廳1952年創立超過70年歷史好似仲黃黃地而呢間九龍塘店就98年開業但就唔係話全線結業執左之後會係黃竹坑開番我地係結業前一個月去既星期日兩點幾去到都排左半個零鐘先入到去始終都係商場餐廳門面係比較靚仔既入面仲有吊燈裝潢叫做舊而不殘即係座位黎講算係咁就算係後武肺年代兩個人都可以坐四人檯眼見格離檯一個人都可以坐四人檯而出面仲有好多人等緊不過應該就執所以用左紙檯布一野拎走就掉得因為已經過左三點所以係有下午茶餐不過我地一心想試下個豉油西餐所以都係揀番lunch set網上睇過星期六日係貴d既平日128假日150其實都真係算比較貴而且餐廳背景話係俄國菜餐廳唔知係結業前定因為午餐時間就睇唔到有咩俄式味道真係好豉油西餐既餐牌而佢menu係有餐廳介紹既set menu有跟餐湯就係最普通既紅白二湯牛油麵包係好傳統既茶餐廳味道都唔知幾多年無食過未飲完個湯就有野食先上既竟然係焗豬扒飯面頭都有幾件蕃茄size同一般快餐店差唔多但豬扒既份量少帶骨有切好個問題都係大家都唔鍾意既三色豆同埋上檯果時個兜都只係暖身焗既時間完全唔夠感覺樣樣都差少少的確係有種快餐店仲好過佢既感覺而連加一既價錢更加係快餐店既三倍牛肩扒就要再加25蚊仲貴過一般既渣渣聲鐵板餐叫做有兩大塊但成塊扒又係鬆到hihi食落口味同我公司個狗飯堂差唔多仲好意思問幾多成熟餐茶凍飲唔洗加錢咁其實係預左普通質素既但無諗到呢間餐廳可以做到同一般茶餐廳無分別姐兩個lunch set連加一都三百中係坐得舒服lor侍應都似係炒散做到散場果隻檯布又係換過張紙就得真係好有臨結業賺多一水既感覺…查看更多

幾個月前食過一次皇后飯店，當時只係喺又一城入面隨便搵一間餐廳，都唔知原來呢間餐廳已經咁耐歷史，食過一次覺得都OK，見到新聞話佢就快結業，於是喺結業之前再帶屋企人嚟試一次。打過幾次佢都話冇位，我哋決定直接去Walk in試吓， 6:15左右到，唔使排隊可以即刻入，但係餐廳入面已經九成滿座，估計6:30前其實都可以直接入去，之後就要等位。三個餐都揀咗三道菜，要餐湯，前菜就大蝦俄國薯仔沙律、焗田螺配黑松露薯蓉、白酒煮青口各一。餐包、飲品就係每個餐本身都有。餐包熱，軟熟是日餐湯，忌廉湯羅宋湯大蝦俄國薯仔沙律有3隻蝦白酒煮青口個白酒汁好味，不嗆，用嚟撈意粉食都好食焗田螺配黑松露薯蓉薯蓉焗到好乾，咬落脆身，田螺肉彈牙，細細粒加$80芝士焗蟹蓋上面好多芝士好香，入面全部都係蟹肉挪威比目魚拼海虎蝦檸檬牛油汁 三道菜$330魚煎得好香，塊皮雖然淋咗但都好食，少少骨，魚肉仲好滑蝦幾大隻，肉質彈牙個汁反而一般不太夾，亦有啲油燒西班牙黑毛豬扒 三道菜$350呢個豬扒係最唔好食，超乾超硬超鞋，勁難咬，要切到超級細粒先食到，仲要$350得舊豬，另外有個餐平啲係豬扒再加隻蝦，仲好，食魚呀蝦呀龍蝦同牛扒都好似抵好多。波士頓龍蝦配紐西蘭牛柳 三道菜$415龍蝦幾大隻，彈牙，冇腥臭味，鉗都好大隻，勁硬，都用鉗夾埋嚟食餐飲凍檸茶…查看更多

之前睇新聞見到八月中結業，話晒歷史悠久，當然湊熱鬧試吓原本諗住打去訂枱，可能因為太多人食，被告知要去現場排隊，晚餐時段5:45開始入座，好彩提早10分鐘到都可以食到第一輪黎之前已經上網睇定有咩食，今次就食龍蝦沙律和肉眼排，前菜選了焗田螺。原來2道菜係湯+主菜+飲品，3道菜係湯+前菜+主菜+飲品。本身只係想試羅宋湯和田螺，而家有多個湯飲🤣羅宋湯和火腿忌廉湯連餐包，正常港式西餐味道🥹滿心期待既田螺，結果薯蓉乾過我個人🤦🏻‍♀️餐廳無提供特別餐具叉粒田螺出黎，所以食得幾論盡😮‍💨龍蝦沙律都幾大份，龍蝦肉拆好哂，連埋薯仔沙律，都幾大份，影相一流，味道正常😍至於肉眼扒，賣相係幾好，叫左5成，切開一睇3成🤣，好彩我地無所謂就照食，薯條既味道係幾好，不過硬過我條命😞其實以呢個價錢，食呢個質素的食物，有少少唔值如果新店都係呢個質素，我應該唔會回頭🤣…查看更多

不經不覺原來此店在又一城已開業25年了，上次光顧此餐廳已是4年幾前的事了，好耐無來光顧，得知就快結業，今次專誠趁結業前一日再來光顧，上次是吃下午茶，今次是吃晚餐，點了一份Dinner Special-2 courses~ 香煎龍脷柳配菠菜汁配薯菜+羅宋湯+餐包+熱檸茶，整體食物質素及味道都很好，只是略嫌薯菜中的炸薯條不夠熱有點失色，配菜只有3隻迷你彩椒比想像少，有點失望，但整體及賣相大致上都是很有水準。不過這次最後光顧除想緬懷昔日在這進餐的情懷外，亦想留下一個美好的回憶。…查看更多

週末午餐以又一城黎講其實都幾抵食，$150部分菜式加$25紐西蘭肉眼扒lunch set $175聽講羅宋湯出名，係幾濃同多料既另一個忌廉湯就正常老牌餐廳果種，質地濃稠但淡味，麵包夠熱夠鬆軟超級大份，等於平時餐廳兩塊扒牛扒都唔算話超薄，生熟程度剛好，肉質好嫩至於牛味一般啦🤣呢個價錢黎講係咁上下薯條份量又係極多，薯條都幾好外脆內軟唔積油焗豬扒飯lunch set $150朋友話佢哋出名食焗豬扒飯但如果我排咗一個鐘入嚟只係食呢一個餐我應該會幾失望唔難食但同快餐既招牌焗豬差唔多蝦多士 $78聽人話呢個係名物在場都見到幾多人另外嗌呢一個蝦多士蝦多士有兩大件，再附送一大盤薯條同少少少少沙律蝦多士炸得好香脆，都唔算好油膩但係蝦/蝦膠嘅部份我覺得太少喇......…查看更多

得知此店將於8月中關門大吉，家中長老又未曾幫襯，故星期六特意帶長老去食一餐。當日門外總是有人排隊，隊長時長時短，等了一會，原來打算食午餐等到踏入下午茶時段。下午茶時段，午餐與下午茶同時兼得，加上下午茶有長老喜歡的蝦多士，決定幫襯下午茶。入座後，「柯打」午餐的英皇雞飯及俄羅斯牛肉意粉，以及下午茶的蝦多士。前2者的白飯及意粉份量實在少，但白汁雞及俄羅斯牛肉反而份量足夠，味道則一般。蝦多士新則熱辣辣，總括而言，食物味道一般，但坐得舒服，衞生良好，性價比都不錯。最驚喜反而是奶茶，雖然少奶少冰，無礙味道，紅茶香濃，喜出望外。…查看更多

又一間歷史悠久富有懷舊感覺嘅餐廳 準備結業了 （九龍塘分店）😔 撞正食lunch時間 已經好多人排隊喇... 不過翻枱速度都算快 都係等左30分鐘左右裝潢設計帶點懷舊古老色彩 感覺處身7、80年代嘅高級西餐廳😏平日及假日都set lunch... 而平日價錢就會平啲 😆我哋order咗三個唔同嘅set... 可以happy sharing 等緊main course 之前 waiter 先上餐湯 同暖笠笠嘅餐包 而我哋都不約而同咁樣order咗忌廉湯🤪 餐包同忌廉湯 味道好好 正常發揮👍媽咪細佬係牛魔王 兩款不同嘅牛扒就要加少少錢($15)就有得品嚐🤤 兩款牛扒都各有千秋...美國牛肩扒 - 份量超大 有兩大塊牛肩扒🤤🤤牛肩扒富有油花 食起黎軟嫩適中 唔多覺有用到鬆肉粉 👍七成熟 啱啱好新西蘭肉眼扒配黑椒汁 - 肉味好濃 肉質幼滑 而且較多汁 😋😋 五成熟簡直冇得輸👍而我就order 左香煎比目魚配芥茉忌廉汁 - 比目魚夠厚身 👍 師傅工架十足 時間控制得啱啱好 外脆肉滑😋😋😋 冇得輸👍另外加錢 order 左 法式焗田螺 - 絕對係有一佳作😋周邊嘅薯蓉都好好味 🤤最後以杯熱檸檬水結束左今餐高質嘅lunch 👍 決定左 8月前食多餐 🤪…查看更多

趁這間餐廳結業前，前來晚餐。看到餐牌價錢個心即刻離一離，都知唔平，但算啦，反正最後一次。都是點了3 courses 餐，餐包夠熱嘅，正常水平。羅未湯，足料嘅，有肉，食道濃郁，帶微辣，不錯。前菜選了煙三文魚沙律，正常。蝦薯仔蛋沙律，正常。主菜友人叫了魚和蝦，配檸檬汁，蝦都大隻嘅，應該ok嘅。我叫了五成熟牛柳，配鵝肝蒜茸汁，汁唔夠點，味道略淡，鵝肝都煎得香脆，正，略薄。牛柳很厚，邊位略熟，入面都六、七成熟了，可能太厚，不過都焾嘅，唔會柴皮咁，都少少juicy。飲品叫了chocolate，正常。總結，太貴了吧，服務同食物質素相當一般，純粹結業前一食。…查看更多

今日個好朋友約去食lunch，二話不說便想起去皇后飯店。看看個社交平台post，好有heart wor~ 應該大家知道故事的都會有共鳴的。Good food. Good memories. Money can't buy12點去到，有10幾人已經在等了。8月前記得去。…查看更多

早陣子介紹過，1952年開業，比我更要老，主打俄羅斯菜的老牌餐廳皇后飯店，自老闆賣出銅鑼灣自置物業移民，經幾十年的人事變遷後，現今餘下在九龍又一城和港島的北角店雖然人面全非，個人甚至覺得它更像間港式西餐廳甚至茶餐廳，不過基於童年回憶，間中仍會光顧一下，可惜最近餐廳宣布，又一城店將營業至八月中便正式結業，可能會物色在其他區域或地點重開。自從宣布一出，又一城店每天都見過來懷緬，又或打卡留念的人龍，因為不想山長水遠過去北角，故意選擇在上班日午餐餐期後，兩三點過來再吃一餐，算是話別，豈料仍見排隊的人龍，而以往熟口面扎馬尾的帶位姐姐和笑容滿面的收銀姐姐都換了人，好不容易到我們時，帶位姐姐在確認我們四個人是來吃午餐，而不是下午茶的時候， 更告訴我們用餐時間只有90分鐘，坐下來更發現侍應大部份都人面全非，只剩下一位年紀較大的「資深」員工，而進食期間更發生了一段小插曲，廚房的師傅出來到近門口收銀處發牢騷，似乎是因近日光顧的客人絡繹不絕，他們人手供不應求，可能因為這個原因，羅宋湯跟從前的差遠了，其他食物也只是中規中矩，吃過這一頓，相信我們再也不會不捨，反而更期待將會進駐這裡，國內已經上市有名的主打酸菜魚的餐廳！…查看更多

聽講佢好似八月摺埋，今日瞓醒，同老婆阿仔去又一城行咗陣，去完反斗城買Pokémon 卡（大家小心佢哋啲價錢牌好fake),之後去佢度食飯，1745已經排到去前面雪糕檔位置（反而雪糕檔鬼影都無隻），排咗差唔多35+分鐘就入座，其實佢若然一早開埋另一邊就應該唔使等咁耐⋯🙄坐低叫咗3 dishes set for 2同2 dishes set for 1,首先例牌紅白湯上枱，不過唔知係咪好耐無幫襯，啲紅湯爭咗少少⋯之後係沙律上枱，三文魚沙律一般⋯⋯🙄阿仔個牛柳鵝肝上枱（叫七成但切開得五至六成）之後老婆叫嘅豬胺上枱，一般⋯無乜juicy 都少少乾咗啲之後到我隻西冷上枱，件牛七成似九成🙄但係，點解以前上sauce 唔係用膠兜，點解而家要咁上🤔🤔🤔Side bet 咗個「香蕉船」打算比阿仔（呢啲童年時代算係高級貴價嘢），望落去以為朱古力，「混妮娜」同士多也李雪糕，但係一叉落去入口⋯⋯喂！點解亞視嚟嘅🙄🙄🙄，原本係咖啡豆腐同紅豆味雪糕，不過話時話，個咖啡味幾正同有碎nuts幾好⋯⋯把遮啲童年回憶返晒嚟，阿仔都玩咗陣始終三年幾疫情過後，好話唔好聽句，真係靠北水內循就救到香港⋯ X X X X啦⋯⋯始終都好似廿幾年始終有啲回憶同覺得少少可惜嘅…查看更多

百幾蚊一個lunch，包湯，餐包，野飲同埋一個主食 Lunch叫咗個扒7成 都幾港式嘅西餐廳 相對比較熟少少，但食落唔覺太鞋之前睇食評話覺得落左鬆肉粉，我諗唔多唔少都有，但食落至少係一個正常肉質，中等以上 食到牛味 我比 7.5/10…查看更多

睇到有人share話又一城開業多年的皇后飯店將於8月15日結業，係呢度成長既我都有好多回憶🙊🥲夜晚即刻黎食dinner懷念下，水準仲keep到👍🏻3 Course Dinner 🍽️ 🔸羅宋湯/忌廉湯配餐包懷舊餐廳一定唔少得有紅白湯作為開場既選擇紅湯好足料，滿滿蔬菜再加少量牛肉，酸酸甜甜，好開胃🤤白湯則口感順滑，最鍾意有好多蘑菇粒🍄餐包配上牛油，好有懷舊feel😚🔸前菜 - 焗田螺配黑松露薯蓉🥔田螺好大隻，加左少少香草，味道清新，食完再食濃濃既黑松露薯蓉，好好味😋🔸前菜 - 白酒煮青口新鮮大嚿啖啖肉，配埋白酒汁，味道不錯👍🏻🔸主菜 - 芝士波士頓全隻焗龍蝦🦞全隻焗龍蝦上枱，既新鮮又多肉、肉質彈牙，有好多龍蝦膏 再配上芝士🧀好香龍蝦味，好好味🤤🔸 主菜 - 美國肉眼扒🥩叫左Medium，肉質新鮮，切開呈淺紅色，煎到岩岩好，配埋薯菜🥔另外有傳統嘅黑椒同洋蔥汁揀。🔸白酒+$40🥂全餐配襯白酒可令到主菜味道提升😝最後每一人有一杯餐茶員工態度服務極好 環境80、90年代 好有懷舊feel 😄大家要襯又一城店結業前快啲黎食🥲📍#皇后飯店 (#九龍塘美食)九龍塘達之路80號又一城L1樓L1-18號舖➡️𝗙𝗼𝗹𝗹𝗼𝘄左我未啊😚跟住我去飲飲食食😎吃是真愛❤️ @eatistruelove.hk 🌟🔖 #吃是真愛_九龍塘 …查看更多

上星期去開又一城買家品（有Muji、Zara Home、馬莎，好好行😁）逛完就去咗Queen’s Cafe見有2道或3道菜嘅晚餐set肚子餓的我們揀咗3道菜 +紅酒🍷餐湯、前菜、扒、龍蝦都好好食食得出選是係用心的想食西餐鋸扒 嚟哩度實唔會伏價錢亦合理🩵🔸羅宋湯🔸是日餐湯 - 蘑菇忌廉湯紅酒係餐廳的熱門，果然好飲👍🏻料十足！牛味好濃！而蘑菇湯好滑，好多菇粒。🔸煮青口🔸三文魚沙律青口好新鮮，有甜味、爽口。cream好香滑！好食！煙三文魚富有彈性，配新鮮蔬菜好清新。🔸雲寶酥羊架（$340）超級肉嫩juicy，邊邊帶點脂肪，燒完好香，雲寶酥脆卜卜好香口，伴碟有薯條、燒蔬菜，燒完都仲好甜好多汁。.🔸龍蝦牛柳咖啡（$415）龍蝦🦞大隻又好鮮甜、肉好爽彈！用少少芝士白汁去焗，香口而不會蓋過鮮味。牛柳五成熟，肉質非常鬆軟，加上厚切，口感十足。一次過食到龍蝦同靚牛扒，勁滿足！.🍷紅酒（+$40/杯）…查看更多

今日去到又一城的一間老字號餐廳-皇后飯店，原來第一間餐廳在1952年開業，加上正值英國伊利莎伯二世冊封為女皇，因此有皇后飯店的名稱，當時俄國菜是西餐的主流，皇后飯店是第一批做起港式西餐🍽👍🏻餐廳的裝潢和氛圍都比較高雅和正式，棗紅色的椅子經典白色枱布桌子配上經典的水晶燈，保留着六七十年代港式高級餐廳風格。今日與朋友一人點了一份套餐，分別是一份牛扒和一份龍蝦，前菜就選擇了煙三文魚沙律及焗田螺配黑松露薯蓉，甜品就選擇了傳統蘋果批及Tiramisu，超大滿足的。⭐ Soup 湯 - 是日餐湯 - 粟米忌廉湯香甜爽口的原粒粟米在濃濃奶香味的忌廉湯中，湯的口感濃稠滑順。⭐ Appetizers 前菜 - 煙三文魚沙律鮮香和鹹味的煙三文魚與清爽和甜味的沙律菜等配料完美結合，創造出一種美味的口感和豐富的層次感，滿滿的纖維的沙律。⭐ Appetizers 前菜 - 焗田螺配黑松露薯蓉田螺的鮮甜和香料的香氣搭配在一起，創造出一種獨特的風味，田螺的口感軟嫩Q彈，而田螺的底是香濃黑松露香氣的薯蓉。⭐ Main 主菜 - 黑椒紐西蘭牛柳 $348紐西蘭牛柳的口感嫩滑，肉質柔軟，不會太乾，牛肉的肉汁和黑椒的香味相互融合，創造出一種美味的口感和豐富的層次感。而配菜就選擇了薯菜，粗薯條加上清甜的蔬菜。⭐ Main 主菜 - 芝士焗波士頓全隻龍蝦 $430芝士焗波士頓全隻龍蝦的口感豐富，肉質爽口彈牙，芝士的香氣和濃郁的口感更加豐富了菜品的層次感，龍蝦的鮮甜和芝士的香濃相互融合，創造出一種獨特的風味。⭐附加 - 扒大蝦 +90加$80就有一隻虎蝦可以吃，大蝦的口感豐富爽口彈牙，帶有BBQ炭烤的香氣🦐🦐⭐ Dessert - Tiramisu有濃郁的咖啡和朱古力的味道，每一層的蛋糕吸收了咖啡香味，變得濕潤而柔軟，與奶油混合後，口感豐富而絲滑。⭐ Dessert - 雪糕配傳統蘋果批有酥脆的外殼和軟糯蘋果餡料的傳統蘋果批通常，而雪糕則有冰涼絲滑的口感，而且雪糕是豆腐味。⭐ Drink - Cappuccino hot咖啡香氣和濃縮咖啡的苦味與奶泡和蒸奶的甜味相互平衡，奶泡和蒸奶的質地柔軟。…查看更多