皇后冰廳 (已結業)

小店餐廳就腳，向正長沙灣地鐵站上面大單邊，地點無得輸。店面裝修簡單，竟然有盞巨型吊燈，襯得起皇后！招牌係客家人豬什粉，好罕有，即刻落單！只可惜粉腸沽清，三餸米線套餐揀咗肺、心➕鯪魚球。心爽肺甜，毫無腥臊，鯪魚球一樣出色！期待下次能夠食到軟腍粉嫰的粉腸！另一碗叫咗魚角、雲吞同水餃。不得不提，佢嘅豉油醬料擺盤都好精緻，應該加分！另外見到其他食客多數會叫冰鎮墨魚頭，下次一定要試吓！…查看更多

餐廳裝修有兩盞大水晶燈 睇得出花心機裝修而且我覺得喺長沙灣區 呢間算係坐得好舒服嘅餐廳當日我係紅日下午四點左右去食下午茶其實除咗沙律之外有飯面 都係同沙律一樣40幾蚊 好抵我今次就叫咗下午茶嘅燒雞沙律雞就係煎過 冇雪味 沙律菜就配左千島醬來到真係哇左一聲 因為啲雞真係比好多😂出面食貴好多都得幾舊雞所以我好欣賞，下次先會試吓其他食物😙而且侍應兩位後仔女都好有禮貌 總結來講有驚喜的一餐…查看更多

唔係第一次幫襯，之前質素還可以，今次叫左外賣食吉列豬扒焗飯，炸衣比豬扒厚，完全食唔到豬扒，好失望。茄汁調味好淡。炸薯條超油。仲有頂級牛肉漢堡，塊肉完全冇牛味，買比男朋友食，佢仲問我呢個係咪豬肉漢堡。。。質素每況愈下，價錢唔算平，以後唔會再幫襯。…查看更多

路經長沙湾，門口寫着鎮店特餐，入去一試。叫了蕃茄濃湯烏冬，吉列豬扒，牛乳炒滑蛋。蕃茄湯不錯很濃，但烏冬是平價不爽口的烏冬，影响整個餐的質素。吉列豬扒並非厚切，而且太油了，口感不大好，滑蛋正常。50幾元不算平，整体有待改進。…查看更多

星期天約了朋友 去野餐，出發前 想食一個豐富的早餐，見時間大約十一點半，就考慮皇后冰室，因 早餐時間去到11點45分 ，一進餐廳，再一次確認是否有早餐，店員說 食到十一點半，已經沒有了 ，不過可以做埋你，那我便坐低了，心想改了時間 ？ 因之前是去到11點45分的 ，一見到餐牌，就同以往的很不一樣 ，沒有了以前 的幾款 all day breakfast ， 之後我點了一個黑松露炒蛋多士， 很快就上餐了，但一食落，多士是微暖，炒蛋是冰凍的 ， 質素 下降 了，還會考慮下一次嗎 ？上網搵下 客人post的餐牌，十月份上載的還是前身的餐牌，十一月已經改了 ？？連之前該店最出名的牛角包都沒有了。。。…查看更多

餐廳係地鐵出入口附近，非常方便。叫得「皇后冰廳」，餐廳裝修都似模似樣，兩盞大吊燈好有宮庭感覺我地星期日中午時份去到，唔算多人，唔需要等位餐廳空間感都足夠，坐得幾舒服既我地叫咗一個咖哩海鮮意粉（$58）個餐用木板上，感覺都幾清新，意粉份量略為少咗啲，咖哩味道還可以，海鮮份量都足夠既，入面有唔少都係魷魚，亦有大大隻青口海鮮味道都正常啦，唔算太特別另外就叫咗個All day breakfast配西班牙黑豚肉（$72）個餐係跟餐包既，作為一個lunch份量十分夠All day breakfast都齊料既，雞肉腸、黑豚肉正常發揮，比較特別既係佢配咗塊忌廉薯餅，入口即溶，都幾好食:)最後配咗杯凍奶茶（跟餐+$3）茶味太重，奶味少，入口太澀對我呢個奶茶控嚟講真係唔太收貨整體感覺都不過不失既，如果正常價位想搵間西餐廳食下，都值得一試…查看更多

最近每星期都會嚟長沙灣喺ig見到呢間餐廳所以決定來trytry第一次去食嘅時候叫咗焗豬扒飯 $42 本身期望不大但食落真係CP值好高！即叫即焗熱辣辣大大塊豬扒唔鞋而且係炒飯底！！啲茄汁芝士味道都好正常完全唔係hea你！！所以之後第二次再回訪～叫咗蜆肉意粉同芝士焗青口真係非常之平！意粉$38 跟餐叫兩隻青口+$15學生送嘢飲所以total $53 就有咁多嘢！味道正正常常 雖然不至於驚艷但以呢個價錢來講真係非常之抵！非常飽！而且雖然係屋村餐廳但環境裝修都新淨 坐得舒服～like…查看更多

位於長沙灣既皇后冰廳，成日見人推介All day breakfast，終於試到啦！真係抵食，CP值高All day breakfast 併雞扒 $48呢個價錢真係好抵食，雞扒都好大塊，凍飲加$3加$6 就有個甘大個既菠蘿包，加$9有牛角蘇，個菠蘿包新鮮大個又好食美中不足係佢既海鹽蕉糖咖啡，特色咖啡係得熱飲無凍飲，所以最終都係飲普通咖啡佢仲可以選擇豬扒，牛扒就加$10，啲扒都大塊好食，唯一唔掂係部冷氣，係甘熱既天氣，揸完電單車拎住頭盔又熱，入到去無冷氣真係有啲辛苦！都幾好生意，多人食，如果到lunch time 要等位！呢間餐廳會令我返轉頭再食既一間餐廳！…查看更多

長沙灣愈黎愈多特色餐廳同cafe，哩晚同屋企人食下哩間，經過好幾次，今晚一於試試佢。推開門見到2盞水晶燈好靚呀，裝修藍白色，舒適。野食選擇都好多，而且價錢都好親民。正呀，有生蠔推廣，買五送一，試下先。法國生蠔 $20/隻做緊買五送一既優惠！上枱賣相靚，蠔都唔細隻，係新鮮既，唔錯！哩個係優惠價+$12加配沙律黎嫁，份量大到好抵食呀，唔講以為單點，仲有白湯。日式黑豚肉漢堡 $58用上黑竹炭包，烘至脆身，塗上牛油，好味，黑豚肉入味，配搭得好，薯條有雙色，有蕃薯條，正。鮮茄焗豬扒意粉 $42真係抵食過自己煮呀，大大碟，豬扒好林，意粉軟度剛好，性價比幾高。奶茶紅豆冰 $32/跟餐半價夏日之選，奶茶唔會太甜。…查看更多

喺長沙灣呢度靜靚地嘅角落頭，有間看似平凡，但原來收埋咗好食嘅即叫即開生蠔😍有陣時想食吓高性價比嘅西餐，呢間絕對滿足到👍🏻呢度有愛爾蘭/ 法國生蠔揀，見佢有做緊買五送一優惠，當然要揀貴啲嗰款愛爾蘭N2生蠔！賣相都唔錯，夠大隻，食落新鮮爽脆，有豐富蠔鮮味，鐘意食蠔嘅要試試佢喇！叫番支Apple Cider 抒暢一下先🥂芝士磨菇釀雞翼呢個好食！脆香外皮，加上滿滿嘅芝士磨菇涵，叫咗兩隻唔係好夠喉，應該要食4隻！咖哩海鮮飯正正常常夠份量，咖哩味都幾香濃，撈飯一流西班牙豬肋排煮得夠腍夠入味，可以輕鬆咬淨條骨，係幾好食！仲有薯菜大大份，今餐夠哂滿足！…查看更多

前排經開長沙灣，見到呢間餐廳好熱鬧，所以就決定去試吓, 結果發現好好味，下次會再去😋😋😋😋😋😋😋Pizza賣相超靚，同朋友分享啱啱好😛😛😛😛😛😛😛😛😛😛😛😛😛😛😛😝😝😝😝😝😛😛😝😝😝😝😝😝😝😝😝😝牛扒餐大大份，超級抵食，醬汁亦都配得啱啱好，抵食之選😍😍😍😍😍😍😍😍😍😍忌廉焗青口，分量同樣超大，上枱時熱辣辣，食落好惹味😝😝😝😝😝😝😝😝😝飲品甜到剛好，解渴一流，選擇亦多😋😋😋😋😋😋😋😋😋😋😋…查看更多

皇后冰室係長沙灣地鐵A出囗，沿東京街向泳池行連麗閣邨內。服務OK，坐得舒服，價錢平民化嘅餐廳。食物選擇種類多，乜都有，例如有雞翼，有意粉，有牛角包，包點類等等。見到有生蠔，試吓佢哋嘅生蠔，有愛爾蘭N2生蠔，買5送1；另外有法國生蠔，都係買5送1，所以試吓，抵食。焗肉醬意粉大大份，焗得啱火喉，軟硬適中， 味道有層次感， 賣相平凡但味道好味。牛扒又係大大份，好夠食，肉軟又緊密，加上cook得唔會太over。糯米釀雞翼，唔係周圍有得食，因巧功夫，鷄皮好香脆，特別個鷄翼尖尖。…查看更多

最近朋友搬到長沙灣，拜訪一下順便出門吃個晚飯～朋友特別推薦這間冰廳，強調它的餐點大件抵食，幾乎每星期都會吃一次，今日特地帶我來試試！——————————🔸香煎鵝肝配紐西蘭肉眼扒 $118加配$12是日餐湯+田園沙律朋友說一直未敢試這道菜，怕卡路里爆標，剛好今日我來就決定點來share！鵝肝煎得剛好，外脆內油潤；肉眼扒大塊薄切，入口軟熟不韌。搭配惹味燒汁，不錯。🔹日式黑豚肉漢堡 $58漢堡套餐大大份，黑豚肉嫩滑，包身鬆軟；配菜有薯條之餘，居然有地瓜條，熱辣辣又清甜～🔸特色雞中翼 $12/兩隻雞中翼炸得香脆，外層炸粉不會太厚，加上甜甜的蜜糖，好食😋…查看更多

今日經過長沙灣見到呢間叫皇后冰廳嘅高級茶餐廳 就入去食個下午茶啦 餐廳裝修較一般茶記華麗 好大個玻璃窗採光十足 座位都坐得舒服 可以同朋友坐足成個下午香煎鵝肝配紐西蘭肉眼扒 呢個價錢十分驚喜 鵝肝大大塊香而不膩 紐西蘭肉眼扒過份量超巨型 五成熟煮得啱啱好 一啲鬆肉粉味都冇日式黑豚肉漢堡 個包加咗竹炭所以係黑色好可愛 黑豚肉夠淋豬肉味濃郁 加埋清新醬汁一啲都唔油膩鮮茄焗豬扒飯 豬扒厚身 上面仲有好多芝士做到拉絲嘅效果 下面炒飯底做到粒粒乾身 配埋鮮茄汁一齊食回味無窮…查看更多

難得放假就梗係要接女朋友放工啦，但係佢收工前我就享受下bro time。我同兄弟喺深水埗買完野，行多兩下，行到身水身汗，見到對面有間幾靚仔嘅茶記，最緊要有充足冷氣就入去坐下。坐落我地覺得佢似Cafe多啲，或者叫新派茶記都適合。下午四點幾依個時間都幾多人食，其實我哋唔肚餓，志在歇下腳。啲夥計都幾有禮貌同熱情，係咁叫我哋試吓Pizza，我見隔離枱食都好似幾正咁，但晏啲我又同女朋友食dinner，所以我就唔係食左咁多。我同兄弟首先一人叫咗一個牛角包，價錢三十幾蚊，仲包飲品，OK啦。而家求其喺間茶記食菠蘿油都要依個價。我哋分別要咗煙三文魚餡同埋吞拿魚餡，兩者都塞到好滿，而且個牛角包本身都夠鬆軟，比起Coffee Shop嗰啲嘅出品優秀。我地愈坐得耐，食完一樣又忍唔住嗌第樣，我哋叫咗一份日式黑豚肉漢堡，share食，$58蚊，佢無論個樣同味道都唔錯，其實佢有少少似豬扒包，但又維持到西式漢堡包嘅感覺。麵包係深黑色，估計係用咗黑炭原素，味道就同正常麵包無異。我好欣賞塊豬扒夠厚，而且亦都好Juicy。嗌咗個黑豚肉漢堡就可以以優惠價加小食，我哋追加左份辣汁煙三文魚$28，老實講上枱時真係唔知係乜，但原來係加咗辣醬汁嘅煙三文魚。估唔到點醬食比起就咁食更加開胃，但朋友就嫌重口味，不過如果真係唔中意，撥開啲醬就OK。最後不得不提依間冰廳竟然有生蠔食？我本身見到個餐牌，以為夜晚先有，但原來午市後就已經有供應。佢既然可以逐隻嗌，我就愛爾蘭$38同法國$20都各來一隻試下，過吓口癮。果然價錢唔同，生蠔都係有啲分別。愛爾蘭嗰隻明顯比較肥美，但兩款嘅海水味都強。飲品來講，我哋兩個麻甩佬竟然不約而同地都係嗌花茶飲，可能受女朋友影響得多哈哈！我要左洛神花冰蜜茶，兄弟好似要咗伯爵茶。跟餐可享半價。花茶大大壺，好襟飲，我果隻茶好濃味，帶點甜，但都算清潤。最終諗諗吓，我哋坐咗都成兩個鐘，又嗌啲輕食同花茶飲，感覺真係好港女，我同返女朋友講，佢都笑我，哈哈。整體而言，呢間餐廳價格相宜，嚟食放題都冇問題，雖然係講笑，但真心抵食。…查看更多