百芳池上便當 (馬鞍山廣場)

尋日經過見幾多人食就打算點個外賣足足企咗5分鐘先至有店員幫我點餐後來等了35分鐘先叫號碼.....😡😡雖知可能有點忙 但只見1位侍應根本不能應對我哋客人食物質素很一般，價錢偏貴，人手不足影響整個服務，沒有下次!!…查看更多

今日去馬鞍山呢間分店買左3個餐外賣 好彩拎外賣走之前 我check 一check個外賣 發現其中一份少左個野飲 之後要特登去問職員拎返先冇漏到 結果等我拎埋外賣返到屋企 先發現到其中一個外賣嘅炸雞翼肉燥乾拌麵 入面係無肉燥嘅 得啲乾噌噌嘅麵 大佬 肉燥乾拌無肉燥點食呀 乾到傻 但呢兜嘢 仲要成62蚊 而且份量都算少 我食又嬲 唔食又對唔住自己銀包 另外加錢換杯玫瑰鐵觀音茶拿鐵 老實講都唔好飲最後結論就係 呢間店鋪 職員做事馬虎 食物性價比極低 經過今次之後 唔會再幫襯 無下次…查看更多

晚飯時間經過馬鞍山廣場睇到餐牌都幾抵食喎，即刻試吓先呢碗係牛肉牛筋麵，因為紅燒湯底係辣嘅，就轉左清湯，但牛肉質素較差，咬落去比較靭，食左一啖就食唔到喇😩呢個係紅燒湯麵，拼炸豬扒，紅燒湯附送半隻滷水蛋，麵質正常，湯底少少辣，豬扒肉質正常，但比較油膩兩碗麵份量都唔少，大家都食唔曬另外叫左一個小食拼盤，分別有鹽酥雞，炸墨魚丸，台灣香腸，鹽酥雞炸粉非常厚，味道麻麻，雞肉亦比較硬實，而墨魚丸和台灣香腸就最正常，不過整碟炸物都太邪惡太油膩了😛加咗一杯黑糖檸檬冬瓜茶，雖然糖度固定，但又幾好飲喎👍🏻…查看更多

去完烏溪沙青年新村教會30周年堂慶，要搵晚餐🥣，行返馬𩣑山站，屋企人揀咗百池芳上，大約坐咗3枱人，揀咗角落嗰台坐，自己攞menu睇，但要出門口counter落order俾錢🤌，揀咗百芳香酥雞翼便當🍱$58，配餐飲茉莉綠茶🍵少冰加珍珠$4，加地瓜球五粒$28，唔可以碌卡但可用AlipayHK。等咗5分鐘有珍珠茉莉綠茶🍵，紙杯🧁紙筒睇唔到自己飲緊乜，以前可以😌睇住珍珠嚟啜，而家要靠估，茉莉綠茶🍵清香，珍珠唔算甜。再等多5分鐘有飯，3隻炸雞翼外脆肉嫩，正，我走菜莆，剩返仲有粟米🌽、椰菜🥬同粉絲，正，飯有d硬。地瓜球皓大粒，中間有紫心，屋企人大愛，甜，啱我😀臨走坐滿要等位…查看更多

馬鞍山新開的台灣餐廳，雖然呢間餐廳喺香港都有其他分店，又唔係新餐廳，但喺馬鞍山都幾多人食，因為馬鞍山都幾乎冇台灣餐廳，得茶木。餐廳座位都算坐得寬敞，坐低慢慢睇完menu揀好，就出收銀處比錢買咗先，跟住坐低等。唔洗等太耐，出餐都快。豬扒肉燥拌麵全日都有嘅餐豬扒唔係炸的，軟熟幾好食，個汁唔錯。拌麵都幾多肉燥同汁，拌麵有免費飲品，三款台式飲品，凍熱都可以，好抵，食飯餐就要加錢先有飲品。下午茶雞翼米粉配多士雞翼係鹵水雞翼，不是炸，但都幾入味，米粉不算多，畢竟是下午茶多士，面頭個層好似菠蘿包層皮咁，幾特別，不過好甜小食拼盤小食拼盤好抵，好大份，台灣腸有好多塊，應該有2-3條台灣腸。鹽酥雞都好多，好大舊，但唔會好大舊炸粉，好脆，雞都好嫩。炸花枝丸有4-5粒，唔大粒，不過都脆，唔會好粉。跟餐送嘅飲品都幾好飲，而且大杯，抵食。…查看更多

馬鞍山一向都係美食沙漠，今次自費試吓一間亦算是平於$100一個人嘅餐廳，呢間餐廳呢可以選擇自助點餐機購買餐點或者到店員叫餐。一個餐大約$60-80左右，裏面嘅座位比較迫，店員都比較少，今次叫咗豬扒便當及炸雞便當。便當除了豬扒及炸雞外，亦有半隻滷蛋、粟米、粉絲、蘿蔔絲青瓜絲及菜脯，出奇地將佢哋撈埋一齊食味道真係好唔錯，豬扒同炸雞都熱辣辣，而且仲包飲品，整體CP值都高。為店員人數比較少，所以佢哋嘅服務態度就有待改善，亦都明白店員都好忙碌，星期一至星期五希望餐廳能夠增加多啲店員令到佢哋嘅服務會更好。…查看更多

馬鞍山海柏花園開左新台式便當。星期一端午節午餐試試。叫左鹽酥雞便當 $65 + $12珍珠奶茶🐔鹽酥雞得5粒， 我11點（剛轉午餐時段）叫， 所以要等炸， 熱+鬆脆飯就好細碗，外賣碗好薄，飯好少。＜＜$65 較貴， 飯餸唔多， 女仔細食才夠， 男仔要食1.5-2個飯盒才夠飽＞＞🧋珍珠奶茶少甜 奶茶唔香， 冇奶茶味🧋珍珠唔彈牙又唔火煙韌＜-- 一般＜＜ 好一般， $12就可以飲， 如正價一定唔會叫＞＞總評。環境。 新開張， ok 7分食物。 份量少， 唔太抵 5分＜＜講真， 小胖抵食好多＞＞飲品。 唔多抵。 3分價錢。 偏貴。 質素。 非常有進步空間…查看更多