百芳池上便當 (V City)

营业中

休息中

假日周圍都超多人，上次見呢間台灣菜幾吸引，食物同飲品都多選擇，亦好快上菜，連外賣都好快有，而價錢吸引，原來份量都很足，難怪長期都咁多人。百芳鹵雞扒便當雞扒相當大塊抵食，鹵得入味又唔過咸，有鹵汁香味，雞肉厚身有彈性，肉質也嫩滑多汁。配菜有肉碎粉絲，入味又彈牙，椰菜甜美多汁，菜圃咸甜好送飯，鹵蛋也夠味。豐盛三品牛肉麵（牛、牛腩、牛丸）湯頭都濃郁唔算好油，微辣不帶甜，再多點牛味更好。白蘿蔔入味多汁仲好清甜，紅蘿蔔同菜都爽甜。牛超厚身啖啖肉，牛腩炆得鬆化易咬，兩者都入味。牛丸超彈仲咬落爆汁。粗麵幾滑身，掛到湯汁，份量足夠。酥炸鹽酥雞上菜就傳來好香嘅味，夠哂熱辣辣香口，炸衣都薄身唔膩。雞肉偏大塊，唔係細細粒嘅款，所以雞塊保持多汁嫩腍，仲有雞油香。芝士奶蓋夏日荔枝紅茶少甜味道剛好，有荔枝清甜同果香，加上甘醇紅茶香，先飲到芝士奶蓋嘅咸香同微甜，奶味香濃，再飲果茶清爽感，味道都好平衡。黑糖珍珠鮮奶黑糖超香甜，有濃郁奶味，同煙韌W彈珍珠，十分軟滑好咬，邪惡難忍唔住飲哂。

26.07.2021百芳池上便當 （V City)今日同事提議試新食肆叫外賣，佢曾經堂食呢間「百芳池上便當」好味，所以今日打算試吓。百芳滷雞扒便當+泡菜：好大份便當！滷水雞扒超級大塊、仲要有紹菜、粉絲、炸菜、粟米、滷水蛋…..加埋超好味泡菜送飯，正呀！台灣焢肉便當：呢份係我同事叫，佢話之前試過好味，所以encore。「焢肉」原來係五花腩，據說加入蒜瓣、冰糖、米酒和醬油之類調配而成。黑糖冬瓜茶：呢個係熱飲，會偏甜啲，嗜甜嘅會喜歡。黑糖冬瓜檸檬：多檸檬味，少冬瓜味。無得去台灣，惟有叫個便當就當去咗一轉，嘻嘻！百芳池上便當 (V City) 網址: https://s.openrice.com/QrbS0dBCA00~uMDTuAw地址: 屯門屯門鄉事會路83號V City1樓L1-12號舖電話: 27712086

今日放工喺屯門搵嘢食，見到有間台灣嘅便當店舖未食過，門口亦都有唔少人排隊，相信都唔會中大伏，所以就去咗試一試，然後發現非常有驚喜！叫咗個豬扒便當，啲豬扒非常之爽口鬆脆，唔會有油膩嘅感覺，亦都食得出豬扒入邊嘅肉汁，食完一舊會想再食多舊，簡直係停唔到手呀！呢個係我未食過嘅味道，非常之有驚喜！除此之外，舖頭都有啲飲品，主要係台式嘅款，飲品嘅選擇都多元化，味道就不過不失對得起個價錢！總括而言，以呢個性價比來講都可以值得再試嘅。

行行下街見到哩間連鎖既台式便當店，令我諗起好掛住既台灣，所以決定入去試下，雖然感覺係主要做外賣/手搖，但都有位比你坐低食👍🏻☑️滷肉飯便當 $55食親台灣野我都一定會叫滷肉飯，今次都唔例外，啲滷肉雖然偏肥，但食落又唔會話好有肥膩感，而且好入味，啲滷肉汁亦夠撈哂成盒飯👅每款便當都會跟幾款配菜，除咗有半邊滷水蛋之外，仲有粟米粒，菜甫，粉絲同津白，送飯一流👍🏻跟餐野飲可以簡紅茶/綠茶/烏龍，亦可以補錢轉特色手搖🧋

因為實在太想念台灣嘅便當🥺 同屋企人行街經過屯門V city嘅百芳池上便當，便決定買一個返屋企試吓🤩 有好多款唔同嘅便當，有唔同嘅配料 令人好難作出決定🥺～ 好想買曬佢返嚟試!!今次我揀咗 滷肉飯便當 $55滷肉嘅份量唔多🥲 但係肥瘦均勻!! 食落口好有滿足感，油脂味滿滿的～雖然滷肉嘅份量唔多而且滷肉汁只集中在便當嘅正中間，但係好彩有其他配料搭救💛 配料超豐富，有炒粉絲，粟米肉粒，菜脯，娃娃菜同埋滷水蛋!!! 我好鍾意佢嘅菜脯，送飯一流超好食❤️ 成個便當份量一啲都唔小，仲要有菜有肉，十分豐富🤣

香港人餓咗咁耐冇得去旅行，除咗可以staycation外，就唯有係『食』。今日係屯門食下台灣嘢，百芳池上便當。一個便當台灣就賣79至99台幣，喺香港都係差唔多，不過就換算咗港幣。除了便當，仲有牛肉麵、拌麵嘅。所謂嘅便當都比台灣嘅份量大咗少少，不過男仕們見到都會『嘩！咁細份嘅』。但女仕們應該就剛剛好。前菜皮蛋豆腐，就係皮蛋豆腐咁簡單。要講就係啲木魚有啲硬！便當用木盒盛裝著米飯，除了主食外，便當仲有粟米/粉絲/鹵蛋/娃娃菜/醃菜。漫滷豬手便當，食唔到有台灣滷水味，亦都冇香港醬油豉油味，而且件豬手都冇肉食嘅。我個人覺得香港雲呑麵鋪嘅滷豬手及南乳豬手更勝一籌！台灣焢肉便當一樣無咩特色，亦冇任何美味嘅詞彙可以形容及比喻。試過就算，未食過嘅就麻煩你再另覓一間

疫情下去唔到台灣，好掛住台灣既便當，今日黎左係 vcity 食點既百芳池上便當，佢既便當款式都幾多下好耐冇食滷肉飯，就揀左台式滷肉飯便當，配埋紅茶 / 綠茶 / 炭培烏龍（凍 / 熱）都係 $55 個便當賣相已經吸引，都幾大份，仲有肉脯同粉絲，粟米椰菜，唔怕唔飽，滷肉同 d 汁好香，滷肉都好嫩滑，入口即融，送飯好開胃仲有半隻滷水蛋好好味，食落真係好似係台灣食既便當咁阿薩姆紅茶（熱），諗住健康少少飲熱飲，點知真係好熱 🤣 茶味都幾澀，不過唔難飲店舖細細地坐位唔多，反而都幾多人叫外賣，便當的確係一個唔錯既外賣之選

便當配菜很多，有粟米.粉絲.菜脯.滷蛋。唔知係咪太早5pm，d炸雞買到返屋企己淋晒出晒油，拎既時候己經唔係好熱。估一早炸好係度。杯小芋圓烏龍奶茶幾好飲幾香茶味芋圓夠彈牙。除咗d炸雞淋咗其他都好好。

屯門巿中心不停開食肆，唔知以為個個屯門之友屋企住左個無飯煮婦。今期掛住台灣，每次去台灣都要食個地道滷肉飯，所以就去左百芳買個便當返屋企，我叫返個滷肉飯＋黑糖冬瓜茶。埋單都有點貴，要成64蚊。賣相都唔錯，滷肉飯啲汁大多集中哂係中間，攪拌後就味道岩岩好，都似台灣食開嘅味道，個便當都ok均衡，有菜有肉有蛋，岩哂我。但黑糖冬瓜茶就真係過份地甜，冬瓜茶本身已經甜，再加埋黑糖真係甜上加甜係屋企就可以分成2杯再加多啲冰，等溶化後個味算正常返啲....

呢間成日都好多人等，今次食牛丸牛腩新竹米粉配芝士奶蓋茉莉綠茶。啲麵次次都痴埋一舊，食之前都要撩散佢等佢吸多啲湯，餸方面除咗牛丸牛腩，仲有菜同紅白蘿蔔，幾豐富。牛丸入面有啲油脂，好juicy，牛腩整得好淋好入味，正！另外佢個芝士奶蓋整得好厚，芝士味濃郁，建議撈勻啲飲，唔係飲到底會好鹹。

岩岩諗住試下呢間，我一個人。明明聽到個位職員用唔咸唔淡既聲話A07。等我入到去，見有張4人位執緊檯。我米等佢執完才過去。點知有個著住灰色西裝制服既女人沖左埋去。我見佢甘米行返去入口位問。個位阿姐竟然講過唔算，話無講過。講完可當無講過，甘都得既。你當我幻聽呀。俾左人米俾左人羅。又改口話過左，我話我企正向度。跟住佢即刻收聲。無再甘講。轉頭佢又走來話，轉頭有2人位就叫我。到我入到來，擺明頭先個個位係灰色西裝坐完就叫佢朋友來啦。因個張檯得返個2個人。我唔介意佢分2人檯、4人檯。但唔好當客係盲人，亦唔好試圖屈個客。

呢間台灣菜可能因為台式飲品可外賣關係，成日見到有好多人喺門外等候。今日嚟堂食，職員態度已經唔太好，有啲似遊緊魂咁。😑.「台灣鹽酥雞便當」$61🍽：鹽酥雞味道可以，外層唔會太厚粉，配菜嘅粉絲都幾好味。但便當份量算少，男士未必好夠飽。.「香酥豬扒肉燥乾拌麵」$63🍽：認真！我未試過喺餐廳食到咁難食嘅麵，佢嘅麵係完全煮得太耐，有部分係黐埋一舊，我食咗幾啖已經放棄。.以上兩個餐都可免費配綠茶/烏龍茶或正價飲品減$8。「布丁奶茶」+$13「茉香綠茶」免費.另外，餐廳職員不停望住食客有冇食完，一見食完就即刻趕住收走。諗住坐耐啲嘅朋友要三思啦！

【百芳豬扒便當】$61好欣賞佢配料勁多，有粉絲、粟米碎肉粒、辣菜脯、椰菜、半隻鹵蛋，正係食配料都食到飽😆 最中意係個辣菜脯，夠惹味！ 而塊豬扒都好好食，外層夠脆，內裡醃得入味！【台灣鹽酥雞肉燥乾拌麵】$63鹽酥雞幾大舊，肉質都幾嫩幾多汁，至於乾拌麵嘅麵質軟硬適中，但如果肉燥可以多d就好喇！— — — — — — — — — — — — — — — — — — — —轉其他飲品可享正價減$8【芋圓奶茶】$17（原價$25）我叫咗熱同微甜，先講芋圓有好多，細細粒，唔想食珍珠咁滯，比較中意食芋圓，可惜忘記咗影芋圓🙈 奶茶微甜啱啱好，有茶香亦夠滑，都幾好飲。【芝士奶蓋茉香綠茶】$20（原價28）係朋友飲的，正係睇外表都見到層奶蓋好厚，濃濃芝士味，朋友都話幾好飲！【台灣古早味香腸】$25價錢算合理，正宗台灣腸嘅味道，食少少過吓口癮，唔錯！

✅百芳池上便當成日都見到呢間連鎖既台灣菜 主打便當終於開到黎屯門啦！開到我地頭梗係要去試下啦😀🔆鹽酥雞便當連飲品 $61講到台灣菜 最掛住既就係鹽酥雞佢既鹽酥雞係另外上既👍🏻唔會焗到腍哂外買返到屋企都仲好香脆 同好夠熱個便當係會跟當日三款配菜當日就有粟米肉碎，粉絲同菜脯全部都好好送飯！😋仲有半隻滷蛋添😉飲品就要左凍茉香綠茶唔會太甜 好重綠茶味🍵掛住台灣夜市既鹽酥雞 食呢個便當都可以過下癮🤣味道: 3.4/5賣相: 3/5地址:屯門屯門鄉事會路83號V City1樓L1-L2號舖

鋪面細及座位少,新開張通常要排隊,揀左日平日去碰碰運氣，去到剛有位即入座,食物味道ok,份量適中，但店鋪開放式故較熱,價錢普通，服務一般，很多人買外賣，食物款式不算多。