百利冰室

今朝坐车落嚟西湾河揾食，嚟到呢间系筲箕湾道既百利冰室食个早餐。系筲箕湾读咗十几年书都系第一次嚟呢间老字号，6点半到店，已经有好多街坊系度食紧早餐。我就揾个位坐低睇下个餐牌，最后点咗个特餐，有餐肉通心粉，牛油餐包，火腿奄列同一杯冻咖啡，$40蚊。火腿奄列有蛋味，仲有d蛋汁沟埋d火腿一齐食，好味，通心粉煮得啱啱好，有两片餐肉，重点系个汤底，好似系金宝忌廉鸡汤汤底，好好味。[米饭]口味：🥚🥚🥚🥚[薄荷]环境：🥚🥚🥚[服务铃]服务：🥚🥚🥚🥚[糖果]性价比：🥚🥚🥚…查看更多

当然唔系第一次嚟呢间怀旧冰室，今次主要食佢嘅怀旧沙翁同埋饮奶茶。🥧☕️沙翁大约有手心咁大，都算几大只，个面铺满砂糖，外观都几吸引。✋🏼☺️切开时feel到空气感十足，里面差唔多系空心嘅，但又靭靭地咁，只系靠一啲类似面筋嘅物体连住。😳不过食落就发现个皮系一啲都唔脆嘅⋯ 🙂‍↔️ 同埋油油地咁⋯🙂‍↔️而奶茶就够滑，但就冇咩茶味。😝食咗俾钱时顺便问个收银：「我比较少食沙翁，但头先食𠮶个，面系唔脆嘅，请问沙翁本身系咁？定系啱啱出炉先会脆？」😳收银回覆：「沙翁本身系咁㗎，好似油炸鬼咁，系唔脆㗎。」👀咁我唯有答佢：「哦～ 原来莎翁系唔脆嘅⋯」😳其实我心谂：油炸鬼都有分脆同唔脆㗎㖞⋯🤔不过佢咁答，我咪咁听啰⋯🫠…查看更多

有网友推介这间位于西湾河的冰室给我，见今日天气不错，又一于去试吓！😎早餐有两款，还有茶餐、特餐、午餐、三文治餐、汤面餐及出前一丁餐，选择真不少；但因今次过来，主要想试试推介的茶厅，套餐包括有火腿通粉、牛油餐包、西煎双蛋及咖啡或茶，餐包改多士添加一元，煎蛋改炒蛋，饮品要了茶走。🤗多士香脆，牛油也不少，虽然不是厚切，但也相当不错；炒蛋比较熟咗少少，唔够香滑，但味道不错；通粉未至太腍，但如再爽身一点更好，火腿分量超多。🤔茶走香滑，炼奶味浓郁，但可惜茶味偏淡，可能热奶茶会更好。☕️价钱$38加$1，明显比较澳牛平了不少；水准不差但又未至于专程过来食。😬#百利冰室(香港)地址: 香港西湾河筲箕湾道216号地舖电话: +852 25605214…查看更多

嚟食野好多好多次啦，今次终于的起心肝写下食评。首先嚟个沙翁。沙翁炸得恰到好处，外表松脆，内里松软，充满疍香，甜度适中。跟住系，最喜爱嘅虾多士。虾多士好多舖头都有做，但系间间嘅做法都唔同。有啲地方系多士上面摆只虾，而呢度系成旧厚厚嘅虾胶咁样炸。非常足料份量十足，满足感爆灯。虾多士甘香松脆，配埋蕃茄同沙律酱唔会觉得油腻。再嚟个蕃茄浓汤肥牛乌冬，蕃茄汤底味足，去搭肥牛同乌冬都好夹。加埋个茶走，好满足嘅一餐。…查看更多

我本身住新界，一年有.二/三次过西湾河，间中都会去食，以往2大2细，坐细卡位都ok，今次带埋工人姐姐，第一张飞，拎飞时门口果员工已经讲［你地5个人呀，4个人就快啲］，我地都讲我哋可以等，果时，几张大卡位都坐满，几张圆台就每张坐2/3个人，等了大约半个钟，一直都不停入1/2人，佢地系冇谂过留台，所以一直都等唔到，直到有张4人卡位一齐出嚟先叫我哋入去，我就话依张太细坐唔到5个，我话我地等长卡，或一张圆台啦，之后我地行去门口等时，近收银处有张长卡位有一边食客离开，我就问员工，可以先比小朋友同工人姐姐坐低，帮佢哋叫埋野食先我再出去门口等另一边位，果收银就话我地食阻住人，我再话咁妳又不停放人，我点等到位，佢就补一句，《我地要做生意架嘛》，原来多人嚟果啲就唔系生意。…查看更多