百份百餐廳 (新都商場)

陪妈妈吃晚饭，她拣了这间连锁餐厅，点了梅菜皇蒸鲜鲩鱼配白饭套餐，份量足可两份食，加了客五香脆鸡翼，套餐包饮品，要了冻柠水。梅菜甜甜地送饭一流，蒸鱼也新鲜，但鲩鱼切片上，很多幼骨，要吃得好小心；五香脆鸡翼热辣辣，真的是香脆可口，肉质嫩滑，推介👍！但系就最忍受唔到杯冻柠水，冇柠檬片，怪怪的，因为要了走甜，味道好难形容，不似一般的柠水，不可再试！唔知系咪唔够员工，要杯水都叫了3次，唔知系忘记咗定真系太忙！…查看更多

打完波老友话想去睇哪咤，见到屯门新都花园有间英皇戏院。等睇戏梗系食个下午茶先。附近有间百分百；我叫咗个杨州炒饭配柠檬茶；老友叫咗火腿半焗流心蛋即食面配热可力。炒饭都算好味，但略嫌少咗啲。即食面好似摆耐咗但份量同质素都算可以；埋单$86 。全间餐厅满座。…查看更多

昨晚太太放工，预先在车上用手机apps，在这间百分百落咗两个饭餐，一个焗饭另一个系炒饭，另两杯热饮，柠水和朱古力。网上俾晒钱，到前半小时巳落，因为知呢间餐厅平时都等半小时先有得拎。去到未有，又等咗好耐，再问，竞然先话冇呢张单，看看取餐地址冇错，但佢话冇收过呢张单。俾咗钱冇餐攞！结果我太太要取消张单，向平台投诉，再急忙去附近再买外卖，因为中午已经忙到冇乜食饭。记得疫情时，有一个夜晚，都叫过一次，𠮶次叫佢送来，六点半后叫，差不多九点前先到，差D要去买老麦。这间餐厅早餐，都等差不多半个钟，午餐更不用讲，试过等九个字，最唔好系我企系度等外卖，佢拎出来时系唔叫号码，好多时冇维意，会企喺度呆等，好多时要自己去睇。员工服务，真心麻麻。奉劝各位，晚餐真系唔好叫呢间外卖，冇单事少，可以退，但时间浪费就冇得返转头。…查看更多

一人晚餐，来性价比高的百分百餐厅，即使晚上八时多依然满座。王牌鲜茄焗一口豚肉肠仔及半焗流心蛋$71，可自选配熟蛋、炒饭或意粉。我转了熟蛋会炒饭，炒饭有蛋炒底的，焗过后配上芝士，味道更香。茄汁不会太浓味，甜酸度适中。喜欢一口豚肉是猪扒肉切成小片的，非常爽口。有肠仔蛋，纯粹港式情怀，是茶餐厅必点食物，卖相也不错。加配饮品$9有香滑奶盖奶茶，超值！而且味道十分好，奶盖浓浓的奶香，有芝士味微咸，配奶茶提升香气，顺滑又滋味。这里已经成为我的饭堂列表之一，食物选择多，饮品有特色，也有很多优惠配套餐，怪不得这么多街坊支持。…查看更多

今天天气开始转凉，经过百份百餐厅，见有推广$128一份羊腩煲送一杯特饮，和朋友决定试试。六点开始晚饭时间已经满座，等位约10分钟。除了羊腩煲，再点了星洲炒米，另外再加两个炖汤。这个汤的汤料十足：雪梨、猴头菇、红枣、瘦肉，清甜滋润，非常暖胃舒服，加配只是$18，绝对好过自己煲吧！星洲炒米，百份百用料：虾仁、葱丝、银芽、洋葱丝、义烧、火腿样样足，微辣而香口，最紧要的是炒得干身爽口不油腻。主菜羊腩煲上场了，上枱热辣辣香喷喷，令人垂涎。用筷子稍为夹下，有好多件羊腩呢！非常入味，够腍但保持有咬口，连汁都吃光！红萝卜、马蒂、冬菇等也不少，丰富地组成一煲，还有一碟生菜，这个价钱算经济实惠！ 饮品方面，我选的紫薯牛奶非常香滑，紫薯味很香甜顺滑，朋友选了咖啡红豆冰，红豆爽口，并且与咖啡很调和。 二人埋单$244，性价比高。服务员的招呼和态度都非常好，值得一赞！…查看更多