百份百餐廳 (寶林邨)

营业中

休息中

明明嗌左檸檬茶 返到屋企打開發現係奶茶 飲奶茶會肚屙 唔通天氣咁熱要特登返去換？點解職員疏忽 要店員補救職員做嘢又懶懶閑 企係度等佢落外賣 又唔行過嚟 都要等我過去問佢 態度又差

次次叫外賣都半個鐘以上，之前已經係咁，嬲到唔再幫親，點知俾多次機會佢今次都係咁失望，人都已經唔係多，點解可以做咁慢？無時間唔想坐低食先叫外賣姐，迫人坐成半個幾鐘等，冷氣又鬼咁凍，屋企樓下都係咁話，唔再幫襯啦

「四川麻辣牛肉炒飯 」第一次食麻辣炒飯，幾惹味唔太辣，但啲牛肉少左啲，同埋有時咬到花椒會有啲苦，試過就夠。反而「野菌鹹魚雞粒炒飯」幾好食，啲餸都好豐富，可以再食。下次會試下其他菜式。

剛才點好幾個外賣，分別是蕃茄滑蛋豆腐鮮牛肉湯飯、重慶酸菜和穀飼牛肉炒讚岐手打烏冬。付款後便坐下來等，期間廚房員工鬧大交。嘈吵程度是大聲得整間餐廳都能聽得到，鬧了好一段時間後，職員通知我的外賣做好。拿回家後發現東西都是沒有味道的，其中酸菜魚的湯更像清水一樣，懷疑是未煮好或因吵架沒有調味。菜式都是平時經常幫襯，絕對不是正常的味道。由於小朋友已等待好一段時間，都不好拿回去換，只好勉強吃一點。希望不要再有下次這樣的經驗，非常無辜。

蔥油雞扒飯加雙蛋是這裏最好食的食物雞扒超大塊，有口感味道濃、勁多蔥油加係面頭配以白雙，簡直一流，覺得唔夠飽，可以叫家姐加飯。而且雙蛋可以揀流心蛋或煎蛋配以豉油，簡直令食慾大增。唯獨是最差的是檸檬茶百分百的檸檬茶是一種草滴滴沒有茶餐廳吉檸檬的感覺，有時檸檬茶可能放得太耐會有出現變酸嘅情況。午膳都似食飯會出現學生爭返坐位的情況建議早一點或學校午膳後來進食。筆者有試過咖喱牛腩飯或下午茶的炸大雞髀也是一大推介。

今日諗住試吓呢間D早餐🍳，叫左個香煎雞扒餐配熱檸水。杯檸水飲左兩啖就冇飲，估唔到宜家D茶餐廳今慳成本整杯冇檸檬嘅熱檸水。香煎雞扒餐一小兜粟米 🌽二塊蒜香牛油多士 一隻全熟太陽蛋一條腸仔半塊雞扒 估唔到成個早餐最好食就係嗰兩塊多士都唔明點解呢間嘢咁多人幫襯？

一段時間無黎，見落雨就腳求其就算。見到佢封左個後門，朋友話係風水野。飯到，食。湯無味，汁無味，肉無味。究竟我食緊啲咩野？其實食店唔好生意最直接就係食物質素，同集團陶X喺同一個商場，但地點超唔就腳，不過顧客人數仍然多過呢間，就知道發生咩事。管理層好心留意下廚房發生咩事，好過俾錢裝修搞風水啦，唔該！湯飯：成碟野的個樣，唔知食緊咩扒餐：OK，可以接受，但係個鐵板得少少熱，明顯上左菜超過10分鐘先送黎雞：又係唔知發生咩事，知道係肉，但唔味。啲蔥有味咯。

如果有全港最差選舉， 我第一個會諗起呢間！野食唔差， 價錢尚可， 但人事太差，管理更係無理管！成理班師日日係度傾計，唔想做！日日態度超差對客人，無論老少年幼都咁差， 成日做錯野！ 無人管就執咗去啦！新都城間間都好過寶林分店！ 寧願行遠啲食都唔想去呢間！夜晚8點幾已經係度洗地趕客！等到夠鐘凈返一兩位員工打卡關門離開！完全唔優做， 8點鬆啲已比佢地趕走晒啲客人啦！大集團養成班XX！不如提早結業， 等其他餐廳入場， 唔好左人享受其他餐廳！香港人唔歡迎呢班XX人！

落張單落勁耐，問佢你㩒完，落到單未，話我搵緊D制，我落2碗野，㩒咗成分鐘。。到最後叫我講number..叫碗野食全走，響鈴都走埋。。。。終於有個態度好少少既話唔好意思，佢比漏咗，我補翻比你食完咁濟，已經有2杯飲品既我，落咗第3杯飲品落黎，我話呢杯野唔係我，員工以為連張單都唔係我。。。。全部人都合埋對眼做野，錯漏百出食物質素好，但服務差

我一向都鍾意食芝士焗豬扒飯，尤其今次係多重芝士蕃茄焗豬扒飯,真係喜出望外呀！首先芝士好夠仲有層次燶燶地先好食芝士焗既芝士面再加上陣陣香草：更加有層次飯味香濃：豬扒肉十分大份！份量啲都唔孤寒,返入面又有蛋花的味道,簡單嘅焗飯好有層次仲要價錢抵食！諗起焗豬扒飯我之後一定會諗起呢一間餐廳之後再加個雪菜肉絲炒米：陣陣香蔥味銀芽,肉絲紅椒少少微辣,胃口充滿刺激芝麻啖啖香,甜辣醬油炒出米粉的味道！小小的菜式,竟然會有驚喜！

今日八號風球，網上外賣平台暫時服務，只好選擇自取。先係OpenRice 先落單，30分鐘取得。食物熱辣辣，份量都可以，味道唔錯，芝士豬扒焗飯好味，豬扒夠淋，比大x樂好食。

包括有雞扒、腸仔、餐肉及焗豆，雞扒肉質皮脆內軟，腸仔、餐肉及焗豆一般，飽滿度可以，如果選擇簡單就可以品嚐下，不飽可以加6元換輕量火腿通粉一碗，輕量火腿通粉，份量十足。

放假唔叫外賣就到附近食個簡單下午茶，叫左個焗豬扒飯加凍咖啡。餐廳食物方面比想像中好，都幾多下午茶餐選擇，豬扒飯分量適中，個炒飯底仲有少少唔同既配菜。咖啡就一般，不過不失。

食物質素比預期好，份量多，我叫左一碟星洲炒米我一個人食唔曬🙈男士可能ok. 個人覺得個鴛鴦焗飯都幾ok，個炒飯低唔濕唔係一舊舊咁，個人覺得比起很多連鎖茶餐廳食物質素好，選擇多但服務態度有待改善

今日要去將軍澳體育館做義工 ，作為一個元朗人去到將軍澳搵食好艱難，唯有是但入一間，就入左百分百喇，佢裝修好有特色，另外也有一些推介好像是這間店限定的餐食有別於一般茶記。早餐個個差唔多 但呢間特別之處係個野菌鮮奶炒滑蛋好滑之餘佢仲比一般茶餐廳認真，野菌多加上佢會落香草，睇到誠意同心思 ，多士完全塗滿香草牛油，同坊間的大大不同，熱辣辣。迷你火腿通粉一啲都唔迷你，加上忌廉雞湯底，好好味。即磨咖啡香滑，啡味濃郁，奶味不多，33蚊抵食。