白咖喱公司

同同事食午餐,佢都系沙嗲王旗下,虽然叫白咖喱公司,但食既野同沙嗲王差不多,但就冇沙嗲王甘多野小食,主打白咖喱为主.沙嗲王就由中学开始食到现在~甘岩撞到3个同事可以一齐放午饭,所以去左试下新开白咖喱.外观设计同沙嗲王一样,我地都系叫最常食的类.白咖喱香茅猪扒必叫之一,真心地觉得食甘多间餐厅,佢的白咖喱系最好食,猪肉冇酸臭味,比香茅盖过哂,猪扒香嫩多汁,微微辣中带甜，配饭超解馋.蟹粉豆腐锅..系我每次一定一定要叫!!真心好食到不得了,豆腐滑嫩吸满蟹粉鲜甜膏汁，配咸蛋黄，入口绵软浓郁，微微海鲜香不油腻,超赞!另外个炸鱼柳饭,好大块..冇食过,同事叫~同其他餐厅味道差不多…查看更多

【旺角白咖喱公司食评】今晚试咗呢间以「白咖喱」为主题嘅餐厅，整体有惊喜！以下分类讲讲各款食品：🍛 白咖喱猪扒饭绝对系主角！白咖喱汁奶香浓郁，带淡淡香料味，唔似传统咖喱咁辣，容易入口。猪扒炸得外脆内软，蘸满咖喱汁好惹味，送饭一流。🦀 蟹粉豆腐煲经典菜式做得不错，豆腐嫩滑，蟹粉酱鲜味突出，味道浓郁，不过略嫌油份多咗少少。🦞 晚市套餐：龙虾酥皮汤酥皮香脆，龙虾汤浓稠鲜甜，真材实料，饮到粒粒龙虾肉，诚意之作。🍟 炸薯条即叫即炸，粗身薯条外脆内软，咸香十足，点白咖喱汁食有意外惊喜！🥩 铁板杂扒餐（配薯菜、黑椒汁）铁板够热，上枱滋滋声好治愈。杂扒有牛、鸡、猪，肉质正常，黑椒汁香辣浓味，薯菜分量足。总结：白咖喱果然系招牌，味道有特色，其他菜式亦保持水准，值得一试！…查看更多

入到去见到系沙嗲王旗下，期望本身不太高。 不过就试下先啦。 等位：平日十二点半嚟，都算满座。 不过唔使等太耐就入到去喇。 环境：同一般连锁餐厅一样，宽敞明亮干净。 食物： 佢有好多选择，连主食你都可以唔拣饭或者拉面。可以拣蔬菜粒粒。 咁佢系白咖哩公司，我就叫咗个白咖哩拉面配炸猪扒。 白咖哩味道都甜口嘅，面质唔算淋。感觉就同平时喺沙嗲王食到嘅面一样。 但系我反而好惊讶佢个炸猪扒，非常之松软。 有少少去到日式厚切吉列猪扒𠮶种味道。 我都有怀疑个系咪用松肉粉嘅，始终几松软都好，应该都有返啲猪肉嘅烟韧度。但本人感觉觉得都ok，系食得开心嘅，都冇感觉到工业味嘅。总结：都算唔错，白咖哩冇印象，但炸猪扒好食。 …查看更多

假日同友人系旺角行街，晚餐唔知食咩了，经过此店-白咖喱公司，沙嗲王副线，话时话好耐冇帮衬沙嗲王，但好记得佢个白咖喱猪扒饭系几正，冇乜心水就试下。餐牌，但一样都系电子落单。门面的洗衣机装饰十分抢眼，餐厅内堂面积颇大，木系为主调简约的格局，带点日式之感，见到有一人坐位果下几好。热青柠柑梅蜜，跟餐+$16，酸甜滋润。白咖喱香茅猪扒饭，$66，要了少饭，白咖喱质感稠身，较温和的咖喱香，味道甜甜地少许辣，香茅猪扒松软香口，基本上同沙嗲王个味系一样。一口流心特浓朱古力心太软，跟餐+$18，好奇一试，应该系改错名，叫心太硬至真，内馅唔流心，蛋糕质感似卡邦尼，黑朱古力味唔算好浓郁，味道普通。味道正常水准，但好耐冇食白咖喱之下觉得几好呢。…查看更多

沙嗲王嘅白咖喱饭果然真系名不虚传，浓郁得嚟好有层次，绝对系comfort food首选！快啲约埋朋友去试吓啦～😋 **🍳 白咖喱牛肉煎蛋饭** 一上枱，个卖相已经赢晒！金黄色嘅太阳蛋🍳铺喺饭面，轻轻一笃，蛋汁即刻流落去～下面嘅白咖喱汁超级creamy，带住浓浓嘅椰奶香🥥，仲有微微嘅咖喱辛香，但系食落一啲都唔辣！牛肉片🥩煮得啱啱好，嫩滑得嚟又入味，吸晒啲咖喱汁，超正！#沙嗲王 #白咖喱饭 #香港美食 #邪恶之选 #少女食评…查看更多