發發快餐 (已結業)

最近好鍾意去一啲懷舊小店好耐冇嚟到安定邨呢邊、細個喺呢邊長大、好耐冇過嚟呢度、今次食返發發快餐、回憶湧現返晒出嚟！慨嘆時間過得真係快～好啦，開場白講完。係時候講返餐廳啦味道都係以前嗰種感覺。買咗快餐黑椒雞球飯、其實之前都有食過茄汁雞球飯、都係一樣大件夾抵食CP值很高。嗰碗餐湯基本上係飲唔晒。總括嚟講：食返同年嗰種味道、幾好食、價錢係抵。都見到好多男士入嚟單拖食👍🏻希望呢啲小店可以繼續營業落去啦。…查看更多

全部餐寫哂係牆上 快餐茶餐花多眼亂😵‍💫應該最飽肚都係快餐 包湯包飲品香滑雞球配茄汁意粉 ($42)好耐冇見嘅螢光汁🤣配好大碗忌廉湯 聽到有人係專程黎飲呢碗湯其實都係普通忌廉湯 淡淡地味🤭但咁大碗又真係夠哂飽雞球都好多件 唔鞋 雞腿肉部分意粉配埋茄汁幾開胃 仲有三色豆😂食哂成碟真係超飽！煎蛋免治牛肉飯 ($42)真係懷舊味道 個汁好送飯隻煎蛋有d流心 全部撈埋食不得了👍🏼講真選擇同價錢同出面食茶餐廳差唔多不過真係食懷舊 尋回兒時味道🤣…查看更多

係香港，呢類懷舊餐廳已經買少見少。好好彩係屯門友愛村仲存在一間咁樣既餐廳。雖然佢環境可能比唔上其他大集團既餐廳，但係佢既味道同埋價錢真係一流。😚我覺得佢仲好味既就係佢既黑椒汁牛扒飯。佢係原塊牛扒上，煎既火喉岩岩好。如果第1次去食既朋友我強烈推薦！🥰…查看更多

螢光飯真係愈來愈罕有今時今日想搵一間屬於香港嘅本土小店已經愈嚟愈困難，雖然店子細細，僅得幾個坐位裝修係回到兒時感覺，非常懷舊，童年回憶都立即返黎。叫左茄汁炸雞髀飯，仲有白湯送味道好似舊式扒房餐湯，非常美味。茄汁雞髀飯重點唔係雞髀，而係d汁 d汁d汁D汁d汁d汁d汁d汁d汁d汁d汁（沒三色豆就好）經濟實惠希望小店可以承傳下去，螢光飯是香港特色美食之一，童年回憶美食由細到大都好喜歡食，發掘全港更多螢光汁飯…查看更多

#搞串個pantry去到#屯門 ，發現有好多小店，今次就嚟到一間keep住舊時代🕰️裝潢嘅港式快餐店🇭🇰。呢間快餐店門口嘅招牌同埋舖頭牆上面嘅黃色menu牌📒，都令人感覺好似回到過去咁。不過原來牆上黃色menu牌啲嘢食係無㗎❌，宜家已經變咗純裝飾🏵️。今次我哋就嗌咗個🔴炸雞脾薯條($42)、🔵豬扒包配薯條($44)。呢度係去cashier💰度落單，之後就去水吧位交「飛」，成件好快餐🤩，不過因為都係即叫即整，所以其實交咗「飛」之後都係要等一陣😝。炸雞脾薯條🌟🌟🌟雞脾🍗望落唔算大隻，感覺似係將本身嘅豉油雞脾放落油炸一炸🔥，同外面一啲生炸雞脾明顯有分別😗。而食落口味道偏淡，點茄汁🥫食就好好多，肉質都算幾嫩滑😋。薯條係曲薯條🍟，食落都口感唔錯，炸到剛剛好。豬扒包配薯條🌟🌟🌟🌟🌟呢個豬扒包意外地非常出色💕！外面嘅包有烘過，中間有沙律醬。而塊豬扒🐷其實同外面凍肉舖賣嘅蒜香豬扒無乜分別😀，但係煎得好好而且好大塊😜，食落口一啲都硬，而且絲絲分明得嚟又好腍🤤，加上裡面嘅沙律醬，真係幾好食🍔！…查看更多

友愛邨的發發快餐，經親友推介灬去下，發覺雞脾真係好好味，無論配咩汁都OK環境係普通D，好悶熱，應該冷氣機舊左，但食物好味可補替另外，做水吧的大叔好好人，成日主動同客傾計，有次見佢幫手開門比輪椅入呢位大叔水吧職員多野講，都令場面好熱鬧~~~~…查看更多

食物大致都好味，忌廉湯夠濃味，不過最搞笑係做水吧果位M字額大叔職員成日迫D小朋友叫佢哥哥，明明係大叔樣，大叔身形，又禿緊頭..................:(:( 搞到D父母唔知點好............ 環境好有懷舊荼餐廳風，不過就HOT左D，同埋大門需要維修一下，好難開。…查看更多

發發快餐是香港經典老店差不多有40年，快餐位置屯門友愛村，餐廳外內都非常傳統，單看招牌都已經好懷舊。茶餐全日供應$34起，加$10薯條，有麵包類或炸雞翼同雞脾等等，價錢合理，份量十足。「炸雞髀」是生炸，雞肉嫩滑，味道正常正常，夠傳統。「豬扒包」是用漢堡麵包，豬扒鬆化，簡單配搭豬扒夾麵包沒有醬料，經典風味。「粗身波浪紋薯條」炸得香酥可口，不會太油膩，薯仔味十足。整體上餐廳清潔度可以，座位都舒服，上食物速度非常快，果然是快餐店。…查看更多

點了兩個餐+湯外賣😂😂😂錯到離譜。雞扒變雞髀😂條腸仔唔見咗😂碗湯比左錢消失咗😂好日唔坐底食，D野亂比錯外賣😨😥唔知下次會唔會咁呢😤最好笑打番去問佢，點知話收唔到😟唉～累到一個點，飲碗湯姐⋯⋯冇比到我lo😢…查看更多

一個啡色膠托盤一碟雜亂無章嘅碟頭飯一碗栗米忌廉湯再加一杯熱奶茶稱唔上舒服嘅長木椅牆上刻住古老字體嘅餐牌午市人來人往濃烈嘅人情味撲鼻而來如果對食物嘅味道好有要求勸你出去食返米芝蓮$42蚊一個餐個份人情味我已很滿足珍惜老牌快餐店的時光喔～…查看更多

發發快餐地址: 屯門友愛商場212號舖一間港式買少見少嘅快餐廳🇭🇰——— 我是分隔線 ———沙嗲牛肉飯🐮$40 (6.5/10）正常表現 好多汁 大大份啲汁仲要好濃味 係好味嘅沙嗲豬扒包🐷$32 (6.5/10)成塊巨型豬扒夾落去 但炸得有少少乾好彩有啲沙律醬同番茄醬balance返整體先冇咁dry飲品：凍齋啡走甜 $2以為自己飲緊Americano☕️唔似一般茶記咁苦白湯（送嘅）一般味道 冇咩料 但都有啲粟米粒🌽蘿蔔粒🥕但好大碗 齋飲湯都飽——— 我是分隔線 ———整體：6.5/10性價比：7/10全港只此1間分店食嘅係懷舊嘅味道📜環境 座枱都好有舊式嘅味道出餐快 大大份 好抵食希望10年後仲喺度🥺PS: 啱哂頹頹哋又唔知食咩嘅你——— 我是分隔線 ———#double_couple_222 #情侶日常 #hkblogger #hkfoodie #香港美食 #美食 #懷舊 #小食 #屯門美食 #快餐 #沙嗲牛肉 #唦嗲嘔 #港式 #港式茶餐廳 #友愛邨 #豬扒包 #豬扒 #漢堡 #齋啡 #大件夾抵食 #頹飯 #下午茶…查看更多

發發快餐既裝修係60-70年代既裝修，堂食位置唔多，位置都好窄，肚腩大小小都未必坐得落佢地既餐牌固定既，選擇雖然唔多，但係味道可以，性價比一流每次我都會叫佢地既黑椒牛扒飯，堂食仲有餐湯送！塊牛扒醃得好入味，又夠淋，發發快餐必食！…查看更多

又到左吾知食咩好嘅時間，每次當諗吾到食咩好都會最終返到去發發理個飯堂果到解我嘅晚餐，所以滿滿的承載住好多美好的回憶-今日又如常地同親一齊去搵野食，序後又如常咁去左發發食堂-1/ 常餐：沙嗲牛肉公仔麵+吉列魚柳薯條 （$40）真心有驚喜，沙嗲牛肉非常之好食，醬汁同醃料好高質，而且牛肉好鮮嫩同滑溜，果然係舊式茶記先有嘅風味-吉列魚柳好香脆，入面好juicy好嫩滑，好值得點，薯條繼續高質香脆-2/ 免治牛肉雞蛋飯 （$45）招牌菜其中之一，事實上免牛汁一啲都吾容易製作，輔料吾少亦用時間，發發嘅招牌免牛飯已經有十幾二十年歷史，同以往一樣濃郁，一樣多料，一樣值得推介，同發發理間餐廳一樣…查看更多

快餐店自80年代興起，無論是新舊屋邨、工廠區，總有幾間在附近。 位於屯門友愛邨30多年的舊式快餐店，環境地方淺窄簡陋，牆上懸掛舊式大餐牌，快餐獨有的送餐托盤，充滿舊式情懷。 快餐店供應扒餐飯、漢堡包、炸雞脾，食物經濟實惠夠大份，一定是不少學生的集體回憶。 發發快餐屯門屯門鄉事會路2A號H.A.N.D.S S區2樓S-208號舖 #發發快餐#igfood#foodie#hk#hkfoodie#hkfood#food#hkfoodblog#hkfoodstagram#hkfoodlover#yummyfood#香港美食#香港#美食#屯門#屯門美食#快餐#雜扒飯#漢堡包#炸雞脾#吃貨#吃貨人生#吃貨日常#吃吃吃#今天吃這個#相機食先#食好西…查看更多

今晚同老婆去食茄汁雞球飯同埋咕嚕排骨飯。個餐配埋一碟粟米白湯。粟米白湯都算正正常常過關。而兩種餐既肉都係炸完放汁，賣相都ok。但食落口兩隻肉都係韌既。 D 汁好杰，但唔算好多汁。諗住試下個雞球飯，點知一食就有漂白水味，我當時即刻吐出黎諗下乜事，吐完就冇左味。所以好肯定隻碟唔乾淨。我極度懷疑係佢洗完隻碟冇過水或者上面隻碟底有漂白水。雖然佢個凍檸茶都幾好飲，但漂白水呢一刻破壞得好緊要，兼且望落個環境都唔係好衛生。好快就走。…查看更多