留白

约咗女友人WK 23-5-2025(Fri）晚去转角见（https://www.openrice.com/zh/hongkong/r-%E8%BD%89%E8%A7%92-%E8%A6%8B-%E8%8D%83%E7%81%A3-%E8%A5%BF%E5%BC%8F-all-day-breakfast-r435952）食佢嘅生日饭，因为佢未食过巴斯克蛋糕，我老公都join埋，我哋3人去转角见，竟然因有啲事已早闩门，WK行动不便，唔好要佢咁辛苦，老公话食呢间啦，咁嚟到，有两组客人，我哋就入去啦，坐低后睇完一轮menu，就要：1. $45.00嘅伯爵苹果Bagel老公切开时，我听到佢嘅脆声，分好食得，bagel外脆内烟韧，焦糖苹果片都唔会太甜，伯爵忌廉芝士味道又啱啱好，估唔到同bagel咁夹，而面上嘅芝麻粒都好香脆。5分2. $78.00嘅粟米芫荽青酱意粉睇见粟米系“片”出嚟同烤过，真方便食用，芫荽青酱味道好好，淡淡唔太浓但好够嘅芫荽味，令我大叫好味。5分3. $44.00嘅冻君度橙酒朱古力其实我要$40.00嘅热君度橙酒朱古力，但个女仔落错，都整好咗就算啦。呢个饮落两样味道唔浓，尤其是橙味，质地都唔系太杰。2分4. $48.00嘅杂果乳酪两杯系老公同WK饮，两颜色好靓，老公饮到香蕉味，我就饮到火龙果同蓝莓味，乳酪开得几稀吓。2.5分5. $55.00嘅蕉其实都食过，今次再食，就系半条真蕉加脆皮云呢拿雪糕，啡色𠮶个都系朱古力班戟，唔太甜嘅。5分6. $55.00嘅石都系以前食过，内里系酸酸地嘅红莓酱，好似麻麻地好味。3分其实之前食过呢两个甜品（食评系2020年10月21日刊登嘅呢篇：https://www.openrice.com/zh/hongkong/review/yeah-%E7%B0%A1%E5%96%AE%E7%9B%B4%E6%8E%A5-%E8%AE%93%E6%80%9D%E6%83%B3%E7%95%99%E7%99%BD%E5%98%85cafe-e3839736），只系今晚又冇“蛋”。服务：其实我要热君度橙酒朱古力，但个女仔落错叫咗嘢食等好耐至有，因为得1个厨，而个女仔好似新人，见我哋3人叫主食同甜品各2份，就知道share食，都唔会主动俾碟同多份餐具。自己上甜品，有俾长匙我哋，但冇重新俾3只碟。价钱：食过两次，每次都系其中一杯饮品减$10.00，所以呢餐系$363.00。而原来佢哋4年几以嚟，嘢食系冇乜加价。上次食评系2021年7月31日刊登嘅呢篇：https://www.openrice.com/zh/hongkong/review/yeah-%E6%BF%83%E6%B7%A1%E9%9B%9E%E8%82%89-e4107240…查看更多

一直唔识欣赏bagel，始终口味系好personal ，而且bagel口感唔系我喜欢嘅chewy面包。就算食过几次人人都赞嘅”享乐烘焙”bagel，我都觉得还好，可能要焗热食会更好味。但直至试过留白嘅bagel，确实令我180°对bagel改观，原来bagel可以咁好味😍先讲bagel口感，可能因为有略略加热/烘烤过，佢唔会变到好硬。而且口感系有啲似食紧baguette咁，少少外脆内软，个人嚟讲好喜欢呢个口感。而且包面有啲黑芝麻，令个bagel加点层次。而配料方面，最喜欢佢用咗cream cheese去衬托烟三文鱼，令两者夹住食都唔会觉得漏。再加上蕃茄洋葱沙律菜，令整个bagel都有清新嘅感觉。呢间cafe另一要赞就系以cafe/coffee shop嚟讲，佢嘅饮品价钱系非常合理。flat white 只需$38，hot chocolate latte只需$35！性格比超高。小总结💬喜欢佢嘅bagel，价钱合理。会想再去试埋佢嘅慢煮牛bagel！而且饮品都好味，令呢餐食得好满足。(满分为🤤x5)好味指数: 🤤🤤🤤🤤抵食指数: 🤤🤤🤤🤤回头指数: 🤤🤤🤤🤤🤤…查看更多

喺荃湾游走咁多年，竟然依家先发现呢间隐世宝藏小店，好在都未迟！伯爵苹果Bagel $45⭐️⭐️⭐️⭐️⭐️作为bagel控虽然唔系食过好多bagel，但都对bagel口感有一定要求，而呢度嘅bagel绝对系做到价廉物美，外层脆口，内里烟韧紧实，伯爵忌廉芝士超浓伯爵味，甜度亦都啱啱好，配埋焦糖青苹果口感好清新，青苹果自带少少酸味令到整体更加有层次同唔会腻，大推！另外朋友叫嘅慢煮牛Bagel($65)同Egg Benedict All Day Breakfast($80)都话唔错！另一个重点推介就系人气甜品蕉 $55⭐️⭐️⭐️⭐️⭐️真系好难相信呢个价钱可以食到咁高质嘅甜品！甜品由三个部份组成，首先下方有酸酸甜甜似系莓味嘅慕斯蛋糕切件配饼干碎，上方系黑朱古力crepe（半融状态暖暖哋嘅黑朱古力夹心真系冇得输！），加埋面头嘅脆脆一齐食真系好正！嚟到中间主角条「蕉」啦，有一半系焦糖香蕉，另一半其实系朱古力脆皮（模仿蕉皮）下面系呍呢嗱雪糕，要赞嘅系脆皮做得好薄唔会喧宾夺主！搞唔掂～又一间必须encore嘅餐厅！😆…查看更多

在荃湾的一个小角落，藏著一间没有招牌的餐厅，这间小店虽然不显眼，初次造访时可能会让你略感难找。虽然店面不大，但这里的食物和饮品价格实在非常亲民，对于爱好咖啡的人来说，性价比可谓相当高！ 粟米芫茜青酱意粉 $78粟米经过烧烤散发著焦香味，搭配上浓郁的芫茜青酱，如果你是芫茜Fans，这道菜绝对是必点之选。 伯爵茶苹果Bagels $45网上好多人都有介绍他家Bagels，颇具名气，它的口感外脆内韧，不会过于硬。伯爵茶cream cheese让人能感受到淡淡的伯爵茶香气，而焦糖青苹果片则使整体口感清新，不会让人觉得腻口。香蕉 $55 前半部份是焦糖香蕉，后面香蕉的外层裹著香蕉味的白朱古力脆皮，内里则是香滑的云尼拿雪糕，好似凤仙雪条，好有童年回忆。…查看更多

假日想去叹咖啡，荃湾有咩好推介？为食🐑揾咗呢间咖啡店，全店走型格嘅工业风格，小店舖头面积真系好细，座位之间位置比较狭窄，开门亦都要小心，但胜在食物、饮品价钱都超抵，以咖啡店来讲性价比几高！☕️美式咖啡 Americano $35呢杯咖啡真系好抵饮，一入口似系中深烘豆，估计系巴西？ 呢杯咖啡啱晒啲钟意Nutty坚果🌰🥜类别嘅朋友，酸度接近0，冇特别嘅香料味道，系一杯大众容易接受嘅咖啡！🥛☕️拿铁咖啡 Latte $36（呢度得牛奶🥛无燕麦奶可以选择(,,ﾟДﾟ)）味道合格，入口有咖啡嘅浓郁再加奶泡嘅甜味，拉花仲有进步空间，好明显奶泡就打得麻麻哋，好快就出咗啲大粒泡泡，Mixing可以更均匀，令到拉花可以更突出，另外如果可以转燕麦奶就更好啦！💖食物够大份、味道亦不错！🖤黑松露杂菌意粉🍝$88Creamy Truffle Mushroom 意粉酱汁非常浓厚，意粉亦都做到挂汁效果，加上芳香杂菌，加埋黑椒调味，整体配合都好不错，推荐！🐃慢煮牛Bagels $65(沙律菠菜、忌廉芝士、车打芝士、洋葱、牛肉) 听闻呢度嘅Bagels好出名，一定要试吓，呢度嘅Bagels微微烟靭，但系都有少少空气感，都不错！馅料方面：加入新鲜菠菜混合忌廉芝士，慢煮牛肉经过中间仲呈嫩红色，比我想像中有口感，少少烟靭，重黑椒粒粒，加埋甜芥末酱，整体味道都好丰富，可以一食！🤎超抵食！呢度食物先系主角，咖啡系配角，如果想饮精品啡就要去另一间啦！(❛◡❛✿)…查看更多