留園雅敘

老牌子好出名嘅上海菜館，裝修普通，阿姐服務熱情。原本抱住好高期望，但係食物質素正常水平，以佢嘅價位來講，覺得唔係幾抵。👌🏼蟹粉鍋飯特登為咗呢個蟹粉鍋飯慕名而來。份量比想像中細，大約4人份量。味道方面，蟹粉嘅味道都充足，但又未係非常油潤香甜。比較有特色嘅係佢炒得比較多飯焦粒，食落比較多脆脆嘅口感，但又唔會整到好黐牙或者好硬。味道係可以，但又冇咩特別，同平時食到嘅差唔多。以咁嘅價錢，我會預期有更上一層樓嘅味道。佢嘅鍋飯suppose 係上檯一路睇住佢炒，但當晚阿姐去左另一個角落炒飯，上到檯已經係一碗碗分好左，影唔到好靚嘅砂鍋相。:)拌馬蘭頭充滿馬蘭頭特有嘅青草草香。如果鍾意馬蘭頭嘅草青味，應該會滿意。🤔鎮江肴肉差過平時上海菜館嘅口感，質地比較硬實同埋唔順滑。🤔清炒蝦仁正常水準，但係有啲偏鹹。🤔砂鍋雲吞雞湯底比較淡，冇咩味精味，但係同時雞味都唔濃郁。比較家常嘅味道。雲吞份量頗多。👌🏼糖醋魚塊切得大塊同有口感。外皮頗脆，味道就係正常咕嚕肉嗰種酸酸甜甜味道。👌🏼火腿津白津白好腍身好入味。:)蟹粉蒸小籠包蟹粉油香濃郁，小籠包皮薄多汁。係好味嘅。酒漕蛋 蛋黃充滿酒嘅香味，甜味同酒味平衡得啱啱好。雖然全熟蛋嘅賣相唔討好，但係全晚最有驚喜竟然係呢個酒漕蛋。👌🏼燻蛋呢個麻麻。只係食到煙燻嗰陣味，但係冇甜味或者其他味道去襯托。🤔高力豆沙比較失望，高力豆沙外層嘅皮完全冇味，唔會有啲蛋香味。內裡係紅豆撈埋香蕉，味道唔算特別討好。總結來講，味道唔係伏，都亦唔係特別出色，只係係普通上海菜館水準。以每人$1000 嘅價位，無論味道同賣相都欠缺預期嘅精緻感。  …查看更多

今次嘅用餐體驗真係好失望。食物方面，我會俾7分左右。味道唔差，但完全未達到米芝蓮一星嘅水準。擺盤普通，味道無層次感，整體感覺就似一間中上價餐廳，唔係星級。服務就更離譜。樓面混亂，唔少侍應聽唔明廣東話。我問佢攞餐單，竟然裝作聽唔到，仲要扮忙避開。問紅酒醒酒器要問三次先有，反應非常慢。我有朋友生日，本來諗住簡單慶祝下，但整個流程亂到離譜。蛋糕等咗半個幾鐘先上，問咗幾次都冇反應。最後上枱時冇蠟燭、冇碟，連打火機都要等多五分鐘；再要刀切蛋糕，竟然俾咗把濕嘅刀。真係完全唔專業。整體感覺-食物一般、服務混亂、氣氛欠佳。以呢個價錢同定位，真係完全唔值。建議大家唔好浪費時間同金錢喺呢度。A huge disappointment.The food was around 7 out of 10 — decent in flavor, but nowhere near Michelin standard. The presentation was basic, and the dishes lacked complexity or depth. It felt more like a mid-priced restaurant than a starred one.The service was chaotic. Many waiters couldn’t understand Cantonese, and when asked for the menu, one simply pretended not to hear and looked away. It took three reminders to get a decanter for the wine.We were celebrating a friend’s birthday, but the experience was a mess. The cake took over half hour to arrive, even after asking multiple times. When it finally came, there were no candles or plates, and we had to wait another five minutes just to get a lighter. Worst of all, they gave us a wet knife to cut the cake. Completely unprofessional.Overall impression: average food, disorganized service, poor atmosphere. For this price point and status, it’s absolutely not worth it. Save your money and skip this place.…查看更多

🐑蔥油海蜇頭-爽口，有麻油香，咪睇佢冇乜顏色，但食落好夠味🐑小籠包-肉汁豐富🐑煎窩貼-煎得夠晒香，同豆瓣醬係最佳拍檔🐑百頁結烤肉-元蹄太大份食唔晒，退而求其次叫咗呢個，五花腩肥瘦均稱，炆得夠腍，百頁結仍然有濃香豆味，濃油赤醬，夠晒惹味🐑醃篤鮮-已經唔錯，不過鹹肉味未夠充分融入湯內，滾多十分鐘會更正🐑上海炒年糕-收汁功夫好，年糕充分吸收汁料味道而能夠繼續保持其煙韌度，一道看似簡單嘅餸，冇番十年功夫都好難做得咁精🐑擂沙湯丸-花生打成粉撒面，唔係花生碎，實食冇黐牙🐑高力豆沙-蛋白球嚿嚿分量均稱，豆沙餡夠綿密，叫人回味…查看更多

隱身灣仔駱克道的留園雅敘，連續多年蟬聯米芝蓮一星。裝潢走簡約典雅風，白色主調配搭藝術燈飾，既有老上海韻味又不失現代感，難怪連明星都係常客！今晚試咗幾道招牌同季節限定，水準果然名不虛傳～ ### 🦆 **脆皮素鵝** 腐皮炸得金黃酥脆，內餡係冬菇、筍絲同紅蘿蔔，口感層次豐富，蘸少少鎮江醋更提鮮！雖然係素食，但香口程度唔輸真鵝，完美開場。 ### 🥚 **茶香熏蛋** 流心蛋黃溏心度啱啱好，蛋白染上淡淡龍井茶香，煙熏味輕盈唔搶戲，必試！ ### 🐍 **無錫脆鱔** 招牌中的招牌！鱔段炸到「咔嚓」脆，掛滿甜酸濃稠的無錫汁，咬落外脆內嫩，完全無骨，佐酒一流。師傅功架盡現，放耐咗都唔會變腍。 ### 🧀 **臭豆腐** 敢挑戰呢道「香氣逼人」的經典？外皮炸得薄脆，內裡綿密如芝士，配自家辣醬同甜麵醬，臭味濃郁但回甘，嗜臭者必點～ ### 🍤 **清炒甜豆蝦仁** 驚喜之作！河蝦仁粒粒飽滿彈牙，甜豆嫩綠爽脆，鑊氣十足。 ### 🐷 **紅燒圓蹄** 東坡肉嘅昇華版！慢燉至皮糯肉化，醬汁甜而不膩，底下墊咗吸盡精華的紹興酒粕饅頭，邪惡但停唔到口⋯⋯ ### 🥟 **蒸小籠包** 皮薄如紙，夾起唔穿底，湯汁鮮甜爆漿！，建議先啜湯再食餡，記得搭薑絲醋平衡膩感。 ### 🍚 **香煎八寶飯** 傳統甜點玩出新花樣！糯米飯混入蓮子、紅棗等八寶料，煎成金黃脆底，面頭淋桂花蜜，外脆內軟又帶焦香，完美收結～ **總結**：留園雅敘將傳統滬菜精緻化，**無錫脆鱔**同**清炒甜豆蝦仁**盡顯功架，環境服務俱佳，係值得慶祝場合的穩陣之選！ …查看更多

記得訂位，Walkin唔一定有位食物整體都還好，但完全對唔係價錢，食物水準有待提升，可能身分問題，未能達到可以比受歡迎嘅程度，環境幾好，但唔會有下次一入去就話佢地招牌「鎮江肴骨」，有人訂購我地先有機會食，嚟到碟耶打到我一個手掌咁大，可能我第一次食嘅關係，佢係偏凍的。另外蜜汁火肪個味道好重，火腿好鹹，可能我平時食得清淡，食完有點不太舒服，個皮偏薄。我覺得最好食都係「砂鍋偏尖豆腐」…查看更多

慕名而去，但失望而歸！ 服務態度差，東西唔好食，唔係正宗上海口味。一個人食少少，買單時被人話要俾現金，話張單更少錢。不知所謂！最簡單的上海小籠包都做得唔似樣，其他就唔塞話啦:(:(:(:(…查看更多

🥰 唔少香港人對每年嘅 大閘蟹季節 抱有期待, 隨着年紀越大, 就計劃下今期可以食幾多餐, 又或食者幾多隻 大閘蟹?🤗 “留苑雅敘” 屬 大閘蟹季節 嘅 預約困難店, 玩兩轉, 六點八點. 老友 “肥強” 竟然搶到位, 相約 江湖飯局.🥢 餐廳位於高級食肆林立嘅 駱克道, 樓面呈橫長方型, 大大小小嘅圓枱圍著中心嘅水吧, 靠窗設數張卡位, 典型老飯店嘅裝修格局, 光猛闊落.🦀 淸炒蟹粉, $1,080. 蟹糕蟹粉金黃色, 味道甘香, 繞樑三日, 撈飯食一流, 大滿足. 明年有機會再試蟹粉粉皮.🐟 蘿蔔絲鯽魚湯, $250. 嘩! 非常鮮甜, 大概分到四五碗, 蘿蔔絲煲腍唒, 唔會有渣, 至於鯽魚, 擺番出嚟幾架勢, 但好多刺.🥢 干撈翅, $450. 魚翅用金華火腿炒過, 撈埋湯底一齊食, 我覺得性價比一般般.🤗 總結: 食完都唔知係米芝蓮一星. 今日坐門口位, 有得食已經好滿足, 唔好嫌三嫌四. 服務人手充足, 有點冗員, 哈哈. 蟹粉菜式依舊出色, 鯽魚湯又係一絕. 假如我可以活下去, 期待明年嘅大閘蟹季節!…查看更多

個蟹膏粉皮真係好好食我對上嗰次淨係喺Rosewood酒店食喺高粉皮，我覺得今次呢一度上次都係一樣咁好食另外嗰個牌次非常正真係好驚喜，侍應應該做咗好多年全部都係老牌阿姐。嗰個係粉小籠包好香油味呀。仲有嗰個蜜糖脆鱔啊成塊薯片咁樣脆卜卜，直頭食唔停口！太好味，食完今餐要用10日減肥啊！要配飲茅台仲有嗰個馬求蘭菜。好好食。仲有個高力豆沙真正，下次一定再來👍🏻要encore 最後嗰個薑茶湯圓夠晒薑啊。又驅寒又好食。…查看更多

本來朋友約係度食飯我都唔知係米芝蓮，每款睇落簡單嘅菜式味道一啲都唔簡單， 果然係米芝蓮嘅質素。其中六月黃、黑松露甜豆蝦仁我最鐘意。 我雖然係海鮮控但唯獨唔食大閘蟹，真心唔識欣賞所有蝦膏蟹膏...呢款六月黃係BB大閘蟹仲要配埋大量我最驚驚嘅薑絲簡直係我嘅黑星❕ 係朋友極力推薦之下又真係好好食喎，同坊間嘅大閘蟹完全唔一樣好似兩個種族咁，加埋佢地嘅秘製醬汁簡直一流✨黑松露甜豆蝦仁呢三款食物不嬲都係我最愛， 原來三款加埋一齊係無敵好食🤍 聽朋友講呢款菜式係佢係上海嘅老闆嘅阿姨研發出黎， 精髓在於當中嘅甜豆襯托蝦仁鮮美再以黑松露調味點聚， 呢款充滿愛與熱誠嘅菜式坊間係無得食嫁～黎緊9月會有蟹宴， 大閘蟹fans真係唔好錯過， 趁早預訂呀✨…查看更多

朋友生日，知佢一向鍾意食上海菜，就訂咗呢間灣仔星級上海菜館同佢慶生呢度交通方便，地方環境亦好，裝修清雅，侍應姐姐態度親切當日安排兩人坐卡位，空間感十足，十分舒服兩個人叫咗兩樣㸃心，首先係呢度嘅招牌小籠包，亦是朋友至愛皮薄餡靚，湯汁飽滿鮮甜湯鮮甜，雞肉細細粒，份量足夠，要趁熱食豆干同麻油伴菜，份量不少，兩個人食完，再吃不下其他小食和甜點總結：呢度食物不俗，服務亦好好，當然價格亦不便宜，茶錢$28位，現時重做緊推廣，星期六，日到此有八折優惠，個人認為價格與質量成正比。…查看更多

留園店名取自蘇州的留園，留園雅敍原為留園飯店分店，米芝蓮一星級食府，主打傳統地道上海菜，許多明星和食家捧場客，現留園己結業，祇剩下這店，我們一行六人慕名而來嘗鮮。先來兩個開胃前菜豆干拌馬蘭頭及鎮江餚肉馬蘭頭~麻油香加豆干，稍鹹，但味道不俗，清爽不膩，有嚼勁餚肉~晶瑩剔透，豬肉與豬皮之間透明喱哩，入口煙靱，餚肉冰涼，每人可分到起碼子兩件清炒蝦仁蝦比較細粒，稍鹹但不油，清爽帶鮮味葱爆牛肉牛肉頗大件，份量不少，京葱惹味，這道菜稍微油膩及偏鹹。經典上海點心（必吃）招牌鮮肉小籠包皮薄餡足，看起來很多褶皺，唔知有無十八層？提起來要小心翼翼，生怕弄穿個皮，一口咬下去，好juicy ，口感豐富生煎包~五個一客包皮比較厚，包身鬆軟，包底煎得金黃酥脆，餡鮮嫩有汁不乾巴巴蒸、炸銀絲卷，家常餅~熱騰騰，厚身煎得香口，但有點乾，食味一般不及葱油餅樟茶鴨外皮炸得稍乾，但肉質不錯海参鍋巴~鍋巴與料分開上鍋巴白色像米通，不是金黃色的飯焦那種整體而言，食物水準大致可以，馬蘭頭，鎮江餚肉，清炒蝦仁，上海小籠包，生煎包，比較出色，唯普遍偏鹹，但是上海菜特色，烹調手法側重醬料，口味比粤菜重，價格相對亦比較貴。…查看更多

呢間在灣仔的傳統上海菜餐廳，據說訂位都唔容易，總是座無虛席。感恩朋友喺食大閘蟹嘅季節帶咗我去試下。我逐一講吓每一道菜嘅食口感～茶香燻蛋：外層包裹著茶葉的香氣，讓整個蛋散發出濃郁的香味。蛋黃鮮嫩滑潤，口感非常順滑，簡直是一個完美的開胃菜。五香鴨舌：（利申我自己唔太食，聽朋友講）鴨舌經過五香的調味，口感鮮嫩多汁，帶有微微的辣味和香料的香氣。蟹腿扒蘭度：蟹腿肉質鮮美，搭配著煙燻的味道，而芥蘭的口感爽脆，整道菜啖啖肉之餘又有一種清爽的感覺。如果你同我一樣喜歡蟹膏，蟹膏炒粉皮絕對是一道不能錯過的菜式：蟹膏的鮮味與粉皮的軟滑完美結合，每一口都充滿了濃郁的蟹香，讓人欲罷不能。蟹粉小籠包亦都係必點：這些小籠包外皮薄軟，內餡豐富，充滿了蟹粉的香味和鮮嫩的肉汁，一口咬下去，讓人感受到滿滿的滿足和幸福。蟹粉豆腐：都係季節限定菜式，豆腐嫩滑細軟，蟹粉的滋味與豆腐完美融合，帶來一種濃郁的口感和豐富的層次感，絕對是蟹粉愛好者的首選。蟹粉鍋飯：招牌主食之一，鍋飯口感濕潤且帶有豐富的蟹香味。每一口都讓人感受到滿滿的滿足和濃郁的口感。清炒蝦仁：新鮮蝦仁經過快速的翻炒，保持了鮮嫩的口感，味道鮮美。生煎鍋貼：經典上海點心，外皮煎至金黃酥脆，內餡鮮嫩。炒鱔糊：傳統的上海菜，鱔魚肉質細嫩，經過炒煮後，口感鮮美。火腿奶油津白：津白菜的清爽口感與濃郁的湯汁完美結合，帶來了豐富的味道和滑順的質地。煎八寶飯：是一道精緻的甜品，這道飯菜使用多種不同的果乾、果仁和糖漿，經過煎煮後，讓飯粒與配料充分融合，口感鬆脆，甜而不膩。香蕉高力豆沙：香蕉的清甜和高力豆沙的濃郁相互襯托，不過太飽都係食唔晒。…查看更多

蟹羔炒粉皮，蟹腿扒蘭度，蟹粉鍋巴，蟹粉大排翅和蟹粉小籠飽都是我的至愛😋😋😋每年大閘蟹季節都非常期待。昨晚應該是季尾最後－擊。大閘蟹宴始終都是留園足料，每次食都有幸福的感覺❤️❤️❤️…查看更多

印象深刻！這家滬式飯堂，再次令我喺味道上大開眼界👀。頭盤嘅花雕醉雞，醉意正中！雞肉吸飽左花雕酒精華，唔會苦澀，反而酒香撲鼻，好入味。辣子雞丁脆口得來，辣勁兒十足，夠晒夠勁兒，油但不膩，一啖接一啖🌶️。老醉蝦，賣相普普通通，但夠晒惹味，蝦仁鮮甜，回味無窮。當紅炸子雞嘅皮香脆無比，肉質鮮嫩多汁，咀嚼間肉汁四溢，頂級享受！小籠包，皮薄餡多，湯汁溫熱滋味，滋滋哋～ 令人滿足。晚餐總結：這次滬式饗宴，實在太正👌！會令每個嚸到前黎嘅食客心滿意足地走。下次，我會繼續探索更多他們家嘅美食！…查看更多

Dinner. Here’s what we had.茶醺蛋陳醋海蜇頭四喜烤夫醉熟蟹- generally not a fan of crab but I found mine difficult to eat- the roe was hard and tasteless. Maybe I didn’t know how to correctly dismember the bits…油爆蝦- very crispy. Supposedly you could chew and swallow the shells as well but I didn’t anyway.蟹羔粉皮- this was very good. 蟹腳蘭度- first time to try deshelled crab legs mixed with veggies. Not bad.火丁甜豆蟹粉砂鍋飯- yum yum.蟹粉麵- yum yum yum. 百頁結烤肉蔥爆花膠- maybe I was too slow to try but was unable to find any 花膠.油淋雞- good, especially with the sauce. 蜜汁火方- very big portions; didn’t try.清炒豆苗生煎飽- unfortunately was cold by the time I got to it. 高力豆沙- mmmm…disappointing. In summary: the 蟹粉 alone was worthy of a return visit. Friendly and nice service.…查看更多