田記魚蛋牛腩專門店 (碧街)

呢日行经依间专食牛腩同鱼蛋粉面既田记，用上优质食材制成，喜欢鱼蛋牛腩既我，就要去品尝一下啦 ~店内主打手打鱼蛋同牛腩，在香港有自设厂房生产及制造，真材实料，无添加防腐剂，食得安全又放心。餐牌上都有几多选择，牛魔王、金牌牛腩、牛三宝、招牌鱼蛋、秘制牛杂等等，亦有牛既其他部位可以拣，款式特别。金牌牛腩面          $46牛腩口感真是与别不同，果然不错。牛腩软腍唔韧亦有少少咬口，烟韧弹牙，肉质肥瘦适中，食起嚟好嫩滑多汁，面条入口滑嘟嘟，吸咗浓郁既汤汁，好味道。净鱼三宝            $44净鱼三宝有鱼蛋、鱼片头同埋鱼皮饺，手打鱼蛋肉质嫩滑，食落弹牙爽口，鱼片头炸至金黄香口，鱼肉味浓，鱼皮饺馅料多，带出咸香味，配搭上汤好清甜，依碗有齐3样都好滋味。鲜虾云吞幼面           $39云吞都好大粒，虾肉爽口，与猪肉混合，肉质口感弹牙又丰满，肉既味道即时散发出来，汤底明显系用大地鱼煲，清甜好饮，幼面煮得唔会过淋，食落好爽口。冻柠檬茶       (+$8)经典港式饮品，浓郁既红茶配新鲜柠檬，少少甜，口感清爽解腻。可乐      (+$8)天时暑热，叫罐可乐，冰冰凉凉，即时解渴。…查看更多

田记鱼蛋牛腩专门店呢间「田记鱼蛋牛腩专门店」已经系我第四次回访，经开油麻地一定会谂起佢哋崩纱腩，暂时我觉得佢哋嘅崩纱腩系最好食，肥瘦均匀唔会痴牙，经过油麻地嘅你一定要试下啦！「田记」门口系有一级，轮椅人士如果要入去食记得要带斜板，同埋店员已经食到记得我，每次都系安排四人圆枱比我哋坐，真系好细心！1.双丸河粉$44+冻柠茶$8（9/10）呢碗双丸河粉入面有3粒鱼蛋同3粒牛丸，鱼蛋好弹牙，牛丸除咗弹牙之外，仲有牛味算浓，再加$8叫咗杯入面有3片柠檬嘅冻柠茶，下午茶简简单单食一餐！2.崩沙牛腩幼面$62+冻鸳鸯$8（10/10）呢碗崩沙牛腩河粉份量好多，好似多过以前，崩沙牛腩有8旧，白萝卜有3旧，幼面有少少碱水味，崩沙牛腩好软淋，肥瘦均匀唔会痴牙，再拣埋一杯加$8冻鸳鸯，咁就完美！3.炸鱼皮$26（9/10）呢个炸鱼皮用密实袋装住炸鱼皮，咁样卫生好多，炸鱼皮炸得好酥脆，食落好香，今次咸咗少少，份量好多，大块咗，好正！2人总共价钱$148个人口味总评分：9.33/10@mr.tin_hk   地址：油麻地碧街45号地下C1号舖Please follow me🙆‍♂️ @wheelchaireatinhongkong 如果钟意我嘅分享，麻烦请follow我，仲有记得Like同Share！🙏🏻🙇🏻‍♂️#田记鱼蛋牛腩专门店 #油麻地好去处 #油麻地 #油麻地美食 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong…查看更多

⭐放工好夜 好想食碗鱼蛋粉🍜 依家晚上 🌙九点后开嘅餐厅真系唔算多🍽 我哋就拣咗食碗鱼蛋粉🥢 简简单单又方便 好钟意嚟呢一间近地铁站出口嘅 崩沙腩专门店🍜呢度好多选择 鱼蛋粉 牛腩面 等等 崩沙腩粗面 崩沙腩好靓 脂肪平均 啖啖肉 牛腩汁配粗面好夹牛三宝米线 牛筋好腍 牛肚啖啖肉 牛腩汁好香 米线亦都好香滑 呢度主打 手打鱼蛋 鱼三宝米粉 有鱼蛋 鱼皮饺 鱼腐 全部手打 好新鲜鱼蛋超级但牙 另外加钱点咗个蚝油菜心🥬啲菜心好甜 好好食 饮品梗系饮🍵港式冻柠茶🍋茶胆芳香 柠檬🍋份🧋热奶茶🥛 劲香 好提神 🪑呢度位置细细 但系坐得好舒服🌃 近地铁站真好方便 🌛…查看更多

原本谂住有饭局点知走咗落MK睇表，行到老庙街头见到两间食粉面一间系叫源发，对面一间叫田记，上 Openrice 睇田记有二百几个正评，而且招牌写住牛腩专家必食之选咁就入去试下，里面食客九成系游客入到去好似去咗联合国咁，牛腩河多葱其实卖相都算唔错，牛腩都有六、七旧旧都有肥瘦两层肉，不过食落先知真功夫，可能我唔识欣赏有四五旧系肥膏好肥但瘦嘅部份就好干好柴好似食紧肉丝咁仲要黐牙，得两旧系似返啲样，河粉好鞋唔够滑，汤底无甚特别，比预期中失望仲话系必食之选都唔知𠮶二百几个 like 喺边度嚟？真系忍唔住食完要即刻出返个 post comment 一下，$46咁嘅质数其实系偏贵，求奇揾一间正常食牛腩河嘅我谂应该都好过佢......🤨🙄😑…查看更多

Fish ball & fillet with flat rice noodles 招牌鱼蛋河粉 🐟 $39餐厅嘅招牌鱼蛋河粉好受欢迎，用咗百分百真材实料鱼肉，鱼肉味浓厚，无论系白色鱼蛋粒，定系炸过嘅鱼片头🔥，食落去口感超级弹牙，而且系每日新鲜制造🐠，确实几高质素，绝对推介👍🏻Shrimp wonton 净鲜虾云吞 🦐🥟 $39 呢一碗净鲜虾云吞每一粒云吞都胀卜卜😋，虾肉非常爽口，而自家制嘅云吞特别有诚意，成碗云吞嘅性价比好高，值得order ! Seaweed soup 🥣 紫菜汤 $15热辣辣嘅紫菜汤真系唔错，紫菜嘅味道唔会太咸，但好入味，用嚟配搭各款粉面都好match🤤 ，而且紫菜营养价值好高，滋润、健康又正呀…查看更多