甜言蜜語糖水小食

久不久经过大埔昌运，就会去呢间买糖水返屋企慢慢叹。前几日带埋囡囡去，就试埋炸饺子🥟同炸烧卖。饺子有2款，分别系韮菜猪肉同粟米猪肉馅，小朋友钟意食粟米，所以试咗「粟米猪肉」。卖相煎到金黄色，又胀卜卜都几吸引，外皮香脆，咬落去似窝贴，老板话佢系自家制。馅料都几多粟米，猪肉无猪膻味，几好味！一盒10只份量都多，食完饱咗！炸烧卖系必点食物，炸到外脆内软，外皮洒咗少少准盐，几惹味，真系好好味！今次甜品拣咗「多芒仙草小丸子」 和「综合芋圆烧仙草」。呢度嘅甜品好足料，一樽真系满满材料！「多芒仙草小丸子」 唔止用椰奶，仲加咗芒果蓉，口感更浓厚一啲，芒果好甜无渣，加埋滑溜嘅仙草，几好味！「综合芋圆烧仙草」 嘅材料好多，除咗芋圆、仙草，仲有红豆、珍珠同西米。呢个甜品主打系食Q弹嘅芋圆，有不同口味，软硬度对我嚟讲刚刚好。食材迫满一樽，一个人食真系好饱，可以2人开心share。…查看更多

今日去咗大埔昌运中心嘅「甜言蜜语」，买咗几个外卖返屋企当下午茶，慢慢叹。煎饺子拣咗双拼，粟米同韭菜两款口味。饺子系自家制，皮薄馅足，煎得香口，外皮脆身，里面馅料饱满。粟米饺清甜，韭菜饺味道浓香，两款都好够味，食得饱肚，当一餐正餐都够饱。多芒杨枝甘露同芒果西米桃胶芋圆，两款甜度都啱啱好。芒果用新鲜芒果蓉，香甜自然；芋圆同西米煮得烟韧Q弹，桃胶滑身，食落好舒服。另外仲叫咗花枝丸，炸得香脆，咬落有墨鱼粒，鲜甜弹牙，未返到屋企已经忍唔住食晒。呢间舖头嘅食物质素唔错，老板娘用心制作，饺子、芒果蓉都系自家制，超级足料，性价比高。大家如果喺附近，不妨试下。…查看更多

大埔昌运中心地下呢间外卖糖水店，价钱亲民，廿几蚊起，糖水加小食$100有找，份量足够，宵夜时段几受欢迎～🥭 多芒小丸子芒果汁底够浓，芒果肉多，小丸子烟韧，加埋爆珠西米，口感丰富，甜度自然。🍠 椰汁芋泥红豆桃胶丸子椰汁香滑，芋泥绵密，红豆煮到起沙，桃胶爽滑，一碗有齐几种配料，满足。🌽 煎炸栗米煎饺饺子皮煎到金黄脆底，栗米猪肉馅清甜多汁，点辣酱更惹味。🌶️ 椒盐炸烧卖烧卖炸到外脆内软，加椒盐粉几香口，似港式天妇罗，做宵夜几不错。呢间小店价钱平，份量足，芒果小丸子同炸烧卖都几有特色，大埔街坊想食平价糖水同小食可以试试～…查看更多

大埔嘅「甜言蜜语」，今次唔止讲糖水咁简单！✨真心被佢哋嘅小食惊艳到～🥟 煎粟米饺子即叫即煎，外皮金黄香脆，咬开系爆馅嘅香甜粟米肉碎，绝对系诚意之作。🦑 炸花枝丸弹牙唔在讲，仲食到粒粒花枝，真材实料，唔系得个粉浆！食完咸点，再嚟个完美甜品组合：🧋 厚芋泥拿铁必饮！芋泥超级绵密厚身，香浓唔假甜，每一啖都系满足感。🥭 多芒杨枝甘露芒果蓉多到好似唔使钱，口感丰富，酸甜清爽，正好解腻。老板娘真系好用心，由饺子到芋泥、芒果蓉都坚持自家制，份量十足，性价比超高。食埋佢啲饺子，当一餐正餐都够饱！如果你都钟意揾呢种有heart嘅小店，记住mark实佢啦#甜言蜜语糖水小食 #大埔美食 #自家制 #芋泥控 #高性比糖水…查看更多

大埔又一有惊喜胃食选择，细细间但味道真系唔错，用心制作小店👍🏻炸烧卖即叫即炸外脆内软加上椒盐粉，真系食到停唔口，唔系好饱再食多旧即包粢饭，我自己本身好钟意食粢饭所以系有期待🤭，果然冇失望，最后梗系要饮嘢同食甜品啦，芒果好椰～自制芒果蓉🥭加埋椰汁🥥同西米，呢个配搭根本冇得唔得饮，至于多芒小丸子又系一个出色绝配，好大兜够晒两个人食，大家经过大埔顺路记得去帮衬下喇…查看更多