甜言蜜語糖水小食

久不久经过大埔昌运，就会去呢间买糖水返屋企慢慢叹。前几日带埋囡囡去，就试埋炸饺子🥟同炸烧卖。饺子有2款，分别系韮菜猪肉同粟米猪肉馅，小朋友钟意食粟米，所以试咗「粟米猪肉」。卖相煎到金黄色，又胀卜卜都几吸引，外皮香脆，咬落去似窝贴，老板话佢系自家制。馅料都几多粟米，猪肉无猪膻味，几好味！一盒10只份量都多，食完饱咗！炸烧卖系必点食物，炸到外脆内软，外皮洒咗少少准盐，几惹味，真系好好味！今次甜品拣咗「多芒仙草小丸子」 和「综合芋圆烧仙草」。呢度嘅甜品好足料，一樽真系满满材料！「多芒仙草小丸子」 唔止用椰奶，仲加咗芒果蓉，口感更浓厚一啲，芒果好甜无渣，加埋滑溜嘅仙草，几好味！「综合芋圆烧仙草」 嘅材料好多，除咗芋圆、仙草，仲有红豆、珍珠同西米。呢个甜品主打系食Q弹嘅芋圆，有不同口味，软硬度对我嚟讲刚刚好。食材迫满一樽，一个人食真系好饱，可以2人开心share。…查看更多

有身时味道嘅足料粢饭老板知道系share 仲好贴心咁帮我对半切开正好可以影到张靓靓切面照饭同馅料分布平均望落足料！可以配自家制豆浆有无糖拣加分💯！另外叫咗两款煎𩠌即叫即煎等待时就闻到好浓韭菜香！皮薄忍唔住趁热即食好正个人䑁得两款各有千秋都好味原本系专程嚟买嚟宵夜糖水点咗健康啲嘅桃胶同埋另一个综合芋泥芋圆屋企人赞后者又系好足料芋圆我觉得好有咬口👍🏻我就钟意前者清清哋又唔会太甜大埔宵夜同糖水又多咗个选择Very good!!…查看更多

俾我发现到一间超高质嘅糖水小食外卖店「甜言蜜语」！间舖仔细细，装修用咗橙红色，好sharp醒好有活力嘅感觉🍊🔥🌟煎饺子（粟米）🌟即叫即煎，皮薄馅靓！个皮煎到金黄香脆卜卜声🤤，入面嘅粟米劲甜劲多汁，啖啖肉，真系好好食呀！😋🌟煎饺子（韭菜）🌟韭菜控必食！一咬落去，啲韭菜香到不得了🌿，超级惹味，食到停唔到口呀！🥟💯🌟炸烧卖🌟平时食开蒸烧卖，估唔到炸都咁正！🔥炸到外层劲香脆，入面依然好弹牙，加埋椒盐调味，邪恶但超好味！😈👍🌟多芒杨枝甘露🌟芒果🥭迷嘅恩物！真系超多芒果肉，好足料！🥭🥭个底唔会太甜，食落好fresh好清爽，绝对系解暑一流！🥳❄️🌟椰香紫米露🌟天气凉凉地，叫返碗热辣辣嘅紫米露🥥就最正！椰香味劲浓郁，紫米煲到好够身，唔会太甜太腻，暖笠笠好满足！🥰💜#大埔美食 #甜言蜜语 #糖水 #甜品 #香港美食 #小食 #煎饺子 #炸烧卖 #杨枝甘露 #紫米露 #食好西 #外卖 #诚意小店 #CP值高 #街坊美食…查看更多

今日去咗大埔昌运中心嘅「甜言蜜语」，买咗几个外卖返屋企当下午茶，慢慢叹。煎饺子拣咗双拼，粟米同韭菜两款口味。饺子系自家制，皮薄馅足，煎得香口，外皮脆身，里面馅料饱满。粟米饺清甜，韭菜饺味道浓香，两款都好够味，食得饱肚，当一餐正餐都够饱。多芒杨枝甘露同芒果西米桃胶芋圆，两款甜度都啱啱好。芒果用新鲜芒果蓉，香甜自然；芋圆同西米煮得烟韧Q弹，桃胶滑身，食落好舒服。另外仲叫咗花枝丸，炸得香脆，咬落有墨鱼粒，鲜甜弹牙，未返到屋企已经忍唔住食晒。呢间舖头嘅食物质素唔错，老板娘用心制作，饺子、芒果蓉都系自家制，超级足料，性价比高。大家如果喺附近，不妨试下。…查看更多

大埔昌运中心地下呢间外卖糖水店，价钱亲民，廿几蚊起，糖水加小食$100有找，份量足够，宵夜时段几受欢迎～🥭 多芒小丸子芒果汁底够浓，芒果肉多，小丸子烟韧，加埋爆珠西米，口感丰富，甜度自然。🍠 椰汁芋泥红豆桃胶丸子椰汁香滑，芋泥绵密，红豆煮到起沙，桃胶爽滑，一碗有齐几种配料，满足。🌽 煎炸栗米煎饺饺子皮煎到金黄脆底，栗米猪肉馅清甜多汁，点辣酱更惹味。🌶️ 椒盐炸烧卖烧卖炸到外脆内软，加椒盐粉几香口，似港式天妇罗，做宵夜几不错。呢间小店价钱平，份量足，芒果小丸子同炸烧卖都几有特色，大埔街坊想食平价糖水同小食可以试试～…查看更多