影片
以上资料只供参考，请与餐厅确认详情
📍 甜悦食完饭之后当然要食埋甜品，第二个胃黎架嘛🥳行到门口已经劲多人排队，跟大队试试佢先😎甜品既种类都算多，中式糖水同西式甜品都有齐，椰皇炖蛋更加系枱枱都叫添！🥥榴梿椰皇炖蛋白配小丸子（冻）（+桃胶） $72满满既榴梿肉铺喺面，榴梿嘅质地好绵密，每啖都食到一丝丝嘅榴梿😌配料有小丸子，口感烟韧，几Q弹～嚟到戏肉系炖蛋，蛋白香浓而且劲顺滑！另外，加左份桃胶，滋补一下🥳 🥣杏仁露椰皇炖蛋白配汤圆芋圆（热） （芝麻） $64想养生既大家都可以试呢个！热既椰皇炖蛋白奶味更加重🤩而杏仁露带有淡淡既坚果香味，配合椰皇既椰香味，味道好夹！而汤圆同芋圆咬落Q弹，值得一赞既系芋圆真系好好食😋咬落会有甜味～🗻雪山奶冻 $42听到个名咁得意即刻叫返过嚟试吓😍一上枱嘅时候就系一个富士山既造型🤩奶冻既奶味好香，个质地都系有弹性，唔系果啲好结实嘅质地～最出色既系最上面既奶盖，仲加咗啲紫薯碎同饼干，令味道冇咁腻⭐️好味指数： 8.6/10
继续阅读
旺角新开甜品店- 甜悦 顾名思义 食完甜品就会令人感到喜悦☺️歌仔都有得唱啦🎶「甜品使我心痒 亦期待你共我愉快分享」⍥ 杨枝甘露椰皇炖蛋 ❙ $52第一次见呢个配搭！见到个炖蛋水汪汪 卖相麻麻地？🫢问过店员原来系为左令炖蛋更滑溜 所以做法有啲唔同的确 食落系几滑溜轻盈😆我觉得倒啲杨枝甘露落去 食落唔算太融洽但唔难食 芒果份量几多 好彩甜度唔高😂⍥ 香蕉雪糕窝夫 ❙ $54最爱食waffle😙如果系厚身啲就更开心啦！庆幸烘得外脆内软 几香口 雪糕只有云呢拿味 仲有好大pat cream🤣呢个组合实无死😌！⍥ 火灸芝士蛋糕 ❙ $46史生最爱cheesecake 🤤奶味香浓 幼滑细致饼底虽然唔脆 但都增添左口感而且唔会好甜 食完气脷唔会鞋飒飒🥰我地都钟意！！⍥ 雪山奶冻 ❙ $42又勾起我既日本瘾🥲奶冻卖相一百分 打卡冇得输质地方面 我就钟意实净多少少😂用力啲都惊整烂呢座山面头既「雪山」其实系奶盖如果咸多少少去balance下奶冻既甜就更好
继续阅读
最近听朋友讲，旺角有间好出名嘅甜品小店——甜悦，于是就过嚟试下佢哋嘅甜品🤤呢间铺头虽然唔算好大，但环境简单舒服，坐得几Relax，啱晒同朋友一齐叹番个甜品🍨 D24榴梿水晶珠珠冰 ($52)⚠️榴梿迷必试⚠️呢款水晶珠珠冰用上D24榴梿制作，榴梿味超香浓，一上枱已经闻到阵阵榴梿香，入口即溶。水晶珠珠仲有QQ弹弹嘅口感，几特别，加埋啲刨冰🧊夏天食真系一流☀️🥤 芝士奶盖椰皇饮 ($38)呢杯奶盖超有层次感！椰皇嘅味道清新香甜，而上面嘅芝士奶盖咸中带香，饮落去咸甜咸甜，建议饮之前搅匀佢，饮完之后感觉好清爽，呢啲天气饮番杯爽啊😎🍰 焦糖巴斯克原味芝士蛋糕配曲奇雪糕 ($52)呢个蛋糕不得了🥰巴斯克芝士蛋糕又香又滑，蛋糕表面嘅焦糖层带出少少微苦嘅香气，平衡咗芝士嘅浓郁感。隔离再配埋曲奇雪糕，两样嘢夹埋一齐食，满足感爆棚💖甜悦嘅甜品味道同质素都好高，价钱合理，CP值唔错！如果你钟意榴梿或者芝士甜品，一定要嚟试下。下次仲想再嚟，试埋其他款，我已经mark低咗几款心水甜品架啦🤤
继续阅读
ೀ旺角人气甜品铺🩷甜悦Joyful Dessert Lab🍮无论系中式定西式甜品都好多选择呀(*´꒳`*)▫️椰皇海底椰雪耳津梨桃胶（冻）$69劲滋润嘅糖水✨ 海底椰润肺止咳！津梨好清甜 再加上雪耳桃胶够哂滋补！饮完个喉咙好舒服呀🫶🏻▫️鲜奶炖蛋雪燕桃胶（冻）$54满满嘅雪燕桃胶 女仔美颜就岩哂✨鲜奶炖蛋 奶味浓 炖蛋都够滑嫁🤍 ▫️雪巴斯克（原味）$58新品🌟卖相都几靓 吸引左我嗌(・∀・)外层系烟韧嘅麻糬皮 入面就系巴斯克蛋糕芝士味好浓 蛋糕少少湿润都够creamy🧀仲会跟一个雪糕球 可以自己拣味✨📍旺角花园街11A号地舖
继续阅读
「榴莲雪花冰」，一上菜已经被香气勾到流口水！成座小山般嘅雪花冰铺满新鲜榴莲肉，冰底打得极幼细，入口即化之余充满浓郁榴莲香，完全唔似普通冰沙咁单调，简直系榴莲控嘅天堂啊😍！ 顶层嘅榴莲蓉软绵绵，咬落爆发阵阵果肉香，口感层次丰富，香气醇厚，拖著冰沙一齐食，简直双重享受😋✨！成碗冰分量十足，两三个人分食都够，炎炎夏日食呢个真系透心凉！强烈建议榴莲爱好者必试，记得趁冰未融尽快食，感受最浓郁嘅榴莲香气轰炸～下次要试埋其他口味，呢间店真系治愈所有夏日烦恼啊～😌💦
继续阅读