甜悅

今次同朋友去试下呢间人气甜品店，无论系颜值定味道都几高质。🌖可爱QQ雪见·士多啤梨 $45呢个造型真系超治愈，表情可爱，上面粒鲜红欲滴、晶莹饱满嘅大草莓好抢眼。外层麻糬薄薄一层，质感软糯烟韧，好似雪糕糯米糍嘅轻盈外皮。咬开仲有软滑香甜嘅爆浆内馅，甜度恰到好处，唔会腻。最重要系颜值满分，打卡必点！🌖焦糖巴斯克开心果芝士蛋糕配鲜果 $68面层焦糖厚厚一层，带微微焦香，如果再薄脆少少会更完美。芝士蛋糕入口绵密幼滑，口感轻盈唔会太heavy，仲渗出淡淡嘅开心果坚果香，味道清新不腻，伴随新鲜水果一齐食更加平衡。🌖榴梿雪糕窝夫 (升级榴梿雪糕) $66雪糕入口有浓郁榴梿味，唔会假假地；雪糕以外仲有香浓嘅榴梿蓉，满足晒榴梿控。窝夫即烤即上，热辣辣外脆内软，配埋冰凉雪糕同香脆粟米片一齐食，口感层次丰富又对比强烈，超级过瘾。🌖鲜奶桃胶椰皇炖蛋白配莲子 $69椰皇炖蛋白一定要趁热食！满满嘅椰子香同滑捋捋嘅蛋白，入口细腻柔顺，再加上养生爽滑嘅桃胶同清甜绵密嘅莲子，最后淋上香浓鲜奶，口感更圆润。整体味道清香滋润，真系美味与健康并重。-…查看更多

炎热夏天，最适合吃甜点，不但补充流失的养份，又能令心情喜悦。下午茶时段，与朋友到旺角花园街〈甜悦〉品尝甜品，糖水舖提供的甜点包罗万有，有中式糖水、西式乳酪及雪糕窝夫等，适合一家大小一同享用的甜品/糖水舖。我们点了三款不同的甜品，包括：双拼中式糖水(红豆沙和合桃露)、芝麻糊椰皇炖蛋白配花生汤圆芋圆、鲜蓝莓火龙果乳酪。离开时，发现门外海报写著出售雪糕糯米糍，分别有四种口味选择(豆腐味、芝麻味、开心果我味和D24榴梿味)，我们也外卖一个D24榴梿雪糕糯米糍。热双拼中式糖水(红豆沙和合桃露)～很久没有吃红豆沙和合桃露，双拼中式糖水就能一次过满足我们二人的欲望。红豆沙煮至起沙，有阵阵陈皮香味；合桃露煮得香滑呈糊状，中间有一颗大大的合桃，味道很好。芝麻糊椰皇炖蛋白配花生汤圆芋圆～这款养生甜品，我们都是第一次品尝，充满惊喜。芋圆小丸子和花生汤圆，口感QQ烟韧，花生汤圆充满浓郁花生味。先来一口原味椰皇炖蛋白，蛋白不但香滑，还有椰皇味。浓郁黑芝麻糊倒入椰皇炖蛋白内，黑白配效果很不错。鲜蓝莓火龙果乳酪～蓝莓红色火龙果，卖相吸引，再加入新鲜乳酪，是不错的甜品之一。朋友钟情乳酪，一口接一口吃著，很快把这杯乳酪杯吃光了。D24榴梿雪糕糯米糍～D24榴梿味雪糕糯米糍，糯米外皮烟烟韧韧，包著浓香的D24榴梿，还有朱古力粒等，味道很好。…查看更多

女人永远都有两个胃经过呢间甜品舖，有齐中西式嘅甜品 仲要多不胜数，可能高达一百款 #台式仙草配雪糕(升级榴梿雪糕)芋圆&小丸子够烟靭；仙草味够浓榴梿肉香甜，令人「榴梿」忘返#芒果芭菲杯好似日本餐厅的艺术品自选芒果雪糕，仲有２块脆脆增加口感打卡同味道都达到满分#芒果糯米糍外皮烟韧有咬口包住新鲜芒果，啖啖都有芒果口感非常好呢间糖水铺星期五六开到凌晨一点 啱晒收工又想RELAX食甜品的您甜悦 @joyful_dessertlab_hk📍旺角花园街11A号地舖…查看更多

➲ 旺角 甜悦➳ 原个鲜芒果杨枝甘露鲜奶麻糬芋圆杨枝甘露升级版，以鲜奶麻糬取代传统西米，口感创新。原个芒果每日新鲜人手制作，芋圆地瓜圆烟韧度满分，椰奶基底包尾。➳ 焦糖巴斯克开心果芝士蛋糕配鲜果邪恶三重奏！巴斯克蛋糕外层焦香，切开时开心果软心溶化，意大利开心酱坚果香浓。表面焦糖脆烧，建议搭配莓果，酸爽平衡甜腻。⤵ 旺角花园街11A号地舖…查看更多

天气太热谂住入间甜品舖坐下，本身谂住嗌芭菲，但系见到佢售罄，最后就嗌咗椰皇杨枝甘露同埋荔枝龙眼冰。公道讲句，荔枝龙眼冰我觉得唔差，荔枝味好浓，同埋冰底有啲椰子味。啲龙眼嘅份量都唔少，味道都算系咁，打卡嚟讲都几靓，呢个价钱我觉得接受到。而椰皇杨枝甘露我就觉得一般，初时我以为系会有炖蛋白喺入面，上枱嘅时候发现冇𠮶吓其实有啲愕然，问咗店员佢同我讲其他都有炖蛋白，净系呢个冇。我承认我自己都有错，我都冇好好睇清楚，但系呢个价钱如果冇炖蛋白净系杨枝甘露，我觉得好唔抵食。因为个椰皇其实完全得个壳，我笔椰肉笔到手都红埋，最后都食唔到啲咩肉。觉得自己比$69呢个价钱，好似净系买咗个壳咁，认真觉得俾人揾笨。坐都唔觉得坐得好舒服，只不过胜在晏昼时间冇俾人赶走。食得唔系几开心，连相都冇影。…查看更多