甜夢園

新开甜品店之初尝，味道不错且有诚意，服务也称心满意，很好的体验。甜品店当然要点甜品吧，选了堂食限定特价两款之一的雪燕炖椰皇，$28真心是无懈可击，椰皇清润香滑且面层布满雪燕，没有因价钱而偷工减料，值得一赞。另外还多点一个小食，竟然有炒肠粉，决定试一试，炒得干身少油，香味扑鼻，都是不错的出品。…查看更多

原个雪燕炖椰皇，堂食优惠$28，冇将价就货，热辣辣大大个，仲要劲多雪燕，媲美旺角某某老牌大酒楼嘅著名炖椰皇，每日限量50个，黄昏六点几去帮衬竟然已经卖晒，因为我听到之后有人再叫，侍应姐姐已经话炖椰皇卖晒，叫佢哋转食炖木瓜，认真夸张。哋都有叫到呢个同样做堂食特价嘅桃胶炖木瓜，都系原个上，以$28黎讲，呢个炖木瓜嘅size都算大，入面嘅桃胶都唔少，都几足料，希望佢哋坚持到咁好嘅出品，等我哋啲街坊又口福。…查看更多

今晚试咗呢一间大埔广场新开的甜品店，一心谂住黎食佢嘅皇牌雪燕炖椰皇，点知卖晒，所以就叫咗芋圆，一碗系芋圆凉粉，另一碗系芋圆河粉，味道都唔错。芋圆河粉嘅河粉唔系平时粉面舖𠮶D，只不过真系好似样，但系食菬就完全两回事，呢款甜品河粉几好食，个质感好滑，口感唔错。…查看更多

就系畀呢一个雪燕炖椰皇吸引咗入嚟，堂食28蚊做推广，真系超级抵食。以28蚊呢个价钱嚟讲实在系超值，炖椰皇又香又滑，雪燕嘅份量都唔少，一揭开个椰皇盖就见到好多雪燕铺喺面。，每日限量50个，今日真系好好彩竟然未卖晒，可以食得到。另一款糖水就拣咗比较普通嘅芒果凉粉，可以拣加椰汁或者加鲜奶，我就拣咗椰汁，因为感觉上椰汁比较香。除咗甜品之外我哋仲嗌咗一个小食，佢个炸鸡软骨份量都比想像之中多，味道系ok嘅，唔算多油。…查看更多

28蚊一个雪燕炖椰皇真系平都冇朋友，作为一间新开糖水舖嘅吸引客人招数，我就觉得非常成功，起码吸引咗我入去试一试。个雪燕炖椰皇入面真系有好多雪燕，热辣辣拎到埋嚟，一边食一边有一种好滋润滋阴嘅感觉喺喉咙度涌出嚟。28蚊真系太平，希望佢呢个甜品可以为佢带来大量客人，挨到依家严寒嘅市道唔好执笠，因为执咗我哋就冇得食。所以除咗呢个特价嘅雪燕炖椰皇之外，我再叫多一份炸鸡软骨。基本上呢啲冇乜技巧嘅嘢味道都系差唔多，纯粹支持一下。…查看更多