今日我心血来潮想饮茶，见到珑庭下午茶有6折，个环境又几靓，就嚟试吓，点知中伏。第一，上菜速度极慢。个场唔系好多客，我哋14:05入坐，14:15落单八个点心，14:40先上第一道菜——脆皮炸鲜奶，最后一个点心鲜竹牛肉球，15:05先上餐。中间食完一道点心，仲要等几分钟先有下一道点心食。隔离枱有人等得唔耐烦，问点解仲未上菜。第二，点心质素差，又冻又唔好食。除咗蒸笼入面嘅点心，其他点心——包括炸物同肠粉，都系唔热嘅。等咗咁耐先上菜，以为系因为要即整，点知摆到入口，系唔热嘅。啲炸物唔热已经冇咁好食，仲要好大浸油味，个心仲系冻嘅。跟住碟肠粉收顶点嘅价钱（原价$48，折后$33.6），上到嚟唔热又细份，啲皮又厚，令人极其失望。个雪山叉烧焗餐包，个卖相好靓又大只，一咬开，入面九成空心嘅，得个包皮食。呢笼烧卖叫鱼籽烧卖王，又系顶点价钱，上到嚟望到第一眼已经好失望，好细粒，味道就不过不失。呢度环境系几好，可惜食物质素同环境加价钱不成正比，令人期望越大，失望越大。…查看更多
