班蘭泰式餐廳

营业中

休息中

今日放假同朋友過嚟食地道泰式小店，舖頭入邊裝修都幾有泰式feel，另外店員同廚師都係泰國人，濃濃嘅泰國味，講吓評價先！呢間泰國菜館真是一個驚喜，食物味道好正宗，佢哋個冬蔭功湯，酸辣得來好開胃，份量仲好足 ，生蝦加埋蒜頭一齊食，簡直係精粹，仲有個豬頸肉，係一般嘅泰國風味，但係佢個醬！好咸香好惹味。不過服務可以再快啲，有時要等多一陣先有位，可能真係好食到太好生意！環境乾淨企理，無油煙味，雖然我哋嗌咗好多嘢食，但係不得不提議下兩道餸！

餐廳定位收費不算平，餐廳員工只按自己節奏慢半拍做嘢，完全唔會理會客人嘅要求，只會叫客人等陣之後自己做其他嘢但忘記跟進客人要求。等到客人不耐煩上前追問時，該員工竟然立即提起雙手作推開姿勢，然後叫你企後啲，再用凌厲和不滿嘅眼神加西面停低望住你。只能講呢間餐廳的服務質素完全唔等錢使，當你乞食咁。以下為重覆內容，重要的事講三次。只能講呢間餐廳的服務質素完全唔等錢使，當你乞食咁。只能講呢間餐廳的服務質素完全唔等錢使，當你乞食咁。只能講呢間餐廳的服務質素完全唔等錢使，當你乞食咁。

以為普普通通，一般地道泰國菜小店。諗住叫杯嘢飲，叫個小食同個麵試吓，唔OK就轉場。點知😱😱樣樣都有驚喜，好食喎！最後仲追加食品，食飽飽，超滿足🤩，已決定下星期再食😚。希望唔好太多人睇到我呢篇食評😅，我唔想大排長龍🙈⋯⋯首先叫咗杯泰式奶茶同椰汁荔芝沙冰。唔太甜，茶濃奶不多，喜歡濃底嘅人應該會鍾意。椰汁冰好香，不甜，帶好少荔芝粒粒，好啱我口味，下次一定會再叫本人覺得蒜蓉包好食程度直接反應廚師質素，通常蒜蓉包好食，其他食物都唔會太差😂呢碟包熱嘅，鬆軟脆邊👍🏻，不過要襯熱食跟住冬陰公湯麵，喂！正喎，酸辣味好平均，唔會搶喉👍🏻，香茅無渣，好有誠意，最終食到一滴湯都無晒🤣甜品必叫芒果糯米飯，芒果又大又甜，點解可以咁厚肉😱，終於食到有糯米味嘅糯米飯，呢碟暫時係我喺香港最滿意嘅👍🏻👏🏻👏🏻包包哋喇….但因為食物質素太好，最終都忍唔住叫多碟炭燒豬頸肉，一嚟到…嘩！大鑊，咁多…驚食唔晒🙈，Finally ….食晒，好彈牙，甜甜哋又有炭燒味，個汁好開胃，好食👍🏻總結，希望讀者覺得我寫得太誇張，唔信咁好食就好😂，咁我再去食唔洗排咁耐😝

同朋友去過幾次喺呢度食飯，覺得佢每一種食品都有80分或以上,味道好正宗,尤其是食生蝦，佢會將個蝦頭炸埋,好似食咗兩道菜咁。豬手都好出色炆得夠淋入味。可是服務員的招呼真係有點強差人意,好似唔係好想招呼客人,有無乜笑容。以我所知老闆係廚師，所以老闆喺廚房煮緊嘢，都未必清楚知道樓面員工嘅狀況，亦都唔知道員工有這個問題。

食過幾次午餐，覺得質素正常，價錢合理。唯獨今日午餐再食完，我唔會再去。我一個人食，一張細枱，我入咗鋪開始計20分鐘內食完，叫咗紅咖喱雞飯加炸雞餅。食物質素一如以往正常。當時時間1330左右。呢區午餐繁忙時間已完。我一路飲埋杯野，一路睇電話。佢見我差唔多食完，已經靜雞雞放咗張單喺枱面。我睇電話唔為意，佢再特登拎張menu 問我要唔要甜品。你趕到咁，我即埋單。我叫咗個lunch set 加小食，八十零蚊，我知唔係多錢，但我都係客人有幫襯。你客多我明白，但當時佢都坐唔爆，亦唔見得之後會突然有一大堆客。所以成個經驗好唔尊重人，你野食咩質素都無意思，因為唔會令人想黎。

成日都行過呢間餐廳 今日終於都去試咗店入邊嘅店員 應該都係泰藉人士估計啲嘢食都幾正宗肉汁濕炒河粉 （可選豬 牛 雞）河粉係好闊嘅河粉同平時出邊食嘅有啲唔同都幾彈牙 幾好食蔬菜同肉片嘅份量都唔少個味道都幾好綠咖喱配茉香米飯 （可選豬 牛 雞 蔬菜）青咖喱汁撈飯好開胃亦都有啲泰式茄子牛肉份量適中$60 一個午市套餐都幾抵食份量就適中嘅 一個女仔應該都夠食仲有野飲 （冷熱均可）我哋叫咗泰式奶茶 奶茶份量唔係好多但係甜度適中👍🏼食嘢嘅時候見到另外張枱叫海南雞飯啲雞嘅份量都好多下次要試吓😊

1. Fried Rice w/ Pineapple 🍍2. Sour & Spicy Tom Yum📍: Pandan Thai Cafe (Western District), G/F, 284 Des Voeux Road West, Sai Ying Pun, Western District💰: $60 (drinks included)⭐️: 7.8/10Review: Today we have a quite affordable Thailand food 🤩❤️, you can choose from 14 main menu + 1 drink (their thai milk tea is tasty and sweet 🇹🇭)for $60 👌🏻 I actually expect that their fried rice would come with the pineapple as a bowl, but nopee 😕 disappointed with that, but unexpectedly their fried rice tastes go

大型連鎖餐廳開到成行成市, 嘢食雖然有品質保證, 但總係覺得少咗啲心思所以大食妹一直都好支持一啲有質素嘅小店, 呢間班蘭泰式餐廳雖然環境一般, 但嘢食種類又多, 味道亦唔錯<炸鱸魚佐青芒果沙拉>因為供貨唔係好穩定, 食材可能有所調整但酸酸辣辣, 魚肉鮮嫩, 有品質保障<泰式拼盤>泰式拼盤有四款小食, 分別係雞卷、雞翼、春卷同蝦餅, 新鮮熱辣辣炸出來, 配搭泰式甜辣醬, 最啱一大班人分享<串燒>串燒雖然炭燒味唔係好重, 但雞肉肥瘦適中, 食落啖啖肉沙嗲醬汁加入左花生, 味道更香更好食<菠蘿海鮮炒飯>主食推介菠蘿海鮮炒飯大食妹記得好耐之前食過係原個菠蘿咁上, 而家相對冇咁有儀式感但炒飯有鑊氣, 配搭各種配料<芒果糯米飯>最後當然要食返個經典嘅芒果糯米飯糯米飯新鮮熱辣辣, 淋上椰汁, 配搭鮮甜多汁嘅芒果, 完美

父親節帶屋企人係屋企附近食大餐，居然食到間超好味嘅泰菜，個個都食到lam lam脷！前菜係必食燒豬頸肉，肉質超級爽滑，配搭醬汁簡直係繼標叔叔之後我會回頭嘅豬頸肉之選！另一個前菜係無骨豬手，煮到非常軟稔，豬皮膠質滿滿入口即化，豬肉住到入曬味，唔會太鹹，點埋個蒜蓉醬汁簡直係人間美味！跟住叫左個青咖哩雞+蒜蓉包，蒜蓉包酥脆熱辣點咖喱汁簡直係無得輸，啲雞肉味道口感一般，但係咖喱汁就很好味，完全唔辣的，岩曬屋企人。之後叫左個冬陰功蝦金邊粉，個湯好濃郁香矛同青檸嘅味道，但完全唔辣，金邊粉掛湯，味道可以。最後來個芒果糯米飯作結，芒果掠嫌青左啲，但糯米飯好味😋居然唔記得左影個椰子沙冰！份量大兩個人share剛剛好，值得一試～似個人埋單都係$641咋，除開每人$160已經飽到捧著肚走❤️

這間小店是我諗起食泰國午餐都會去。他們的中午套餐$60/set.我食過幾次這個無骨豬手飯，覺得他們整得不錯。套餐包了湯和飲品一杯。無骨豬手當然是他們一早去骨，我覺得份量也合適。食過幾間泰國店，一間在堅尼地城，一間在石塘咀，他們這間的飯比較軟熟。他們的午市套餐還有多款可以選擇，下次試吓其他，圖片見到個海鮮炒飯都幾好。這個是泰國人開的，感覺上溝通需要點耐性有時個女仔好似唔係完全明白廣東話。他們下午三點休息

千里迢迢來光顧此間餐廳吃中午飯，order 了三個午餐，好清楚地同服務员講了三次海南雞要白飯.結果來到是都係錯，要求更換時店員態度極差，最後還說我沒有講及唔更換，結果我成碟飯沒有吃，因為我對薑敏感！千其唔好來幫襯，今時今日有如此服務態度嚇死人

泰菜一直都係大食妹嘅至愛近排同屋企人食左呢間唔錯嘅泰國小店, 決定同大家分享一下<炸鱸魚佐青芒果沙拉>炸鱸魚佐青芒果沙拉超級好食, 黎到一定要嗌炸鱸魚新鮮炸出黎, 又熱又脆, 魚肉唔單定去左骨仲好嫩好好味添配搭酸酸辣辣嘅青芒果沙拉, 份外惹味份量都幾多, 一家人share啱啱好<碳燒沙嗲雞串燒>碳燒沙嗲雞串燒都係大家嘅熱門菜式, 雞肉肥瘦適中, 碳燒味唔算太重配撘濃郁嘅沙嗲, 係個大人細路都鍾意嘅小食<蒜蓉炒通菜>食飯要均衡營養, 我哋仲嗌左份蒜蓉炒通菜, 超有鑊氣<菠蘿海鮮炒飯>班蘭嘅菠蘿海鮮炒飯都係大食妹推介上枱時新鮮新鮮熱辣辣, 米飯粒粒分明, 金黃可口仲要超足料添<泰式炒金邊粉>泰式炒金邊粉都有中上水準, 酸酸甜甜, 蝦都好彈牙<冬陰功蝦湯(小)>冬陰功蝦湯係大食妹飲過最濃嘅冬陰功, 仲可以加酸少辣, 自由選擇

干炒牛肉片河  78元   4.5/5分1. 河粉大條狀,完全是泰國食到的味道,而且加上大量甜豉油調味,找回泰國芭堤雅牛河的回憶,難得難得2. 可惜菜多肉超少,可能只有2片牛肉,似乎肉類價格太貴了吧? 價錢偏貴了~炸雞球   68元   4/5分1. 有點兒似蝦餅的感覺,但變成爽脆的口感,炸得幾好,入面都充滿魚肉味道,不俗之作青咖哩(豬)     88元   4/5分1. 青咖哩的優點是辣度較低,適合不吃辣的香港人2. 青咖哩偏水狀,但咖哩味依然存在,我覺得都幾不錯3. 同樣,菜多肉太少,叫了一碗白飯配合會相得益彰,反而米飯又好多,真奇怪呢環境正常(不算太多,大約20人左右的空間),上菜速度神速(叫完,10分鐘內全部送到,應該是預先做定?)價格不算太高,惟肉類太少,整體來說有泰國的味道,所以好評~店員都主動上水上牙簽,這點值得一讚,謝謝,有機會會再來吃高質的河粉!

本身都鍾意食泰國嘢，之前都冇乜點留意西環附近有啲咩泰國餐廳🙃去咗呢一間地道嘅泰國餐廳試下，叫左紅咖哩同埋必食嘅肉碎生菜包🙈 肉碎生菜包其實都好難唔好食，覺得不過不失，只係生菜比我去其他餐廳份量少左d同細塊左d 👌 個紅咖哩牛，我覺得一般，唔太似食開嘅紅咖哩，比較淡口，覺得可以個汁再杰身少少，因為有少少水得滯，但味道係夠嘅。同我嫌佢菜多肉太少，菜係直落咖哩一齊煮，但因為咖哩味道唔太夠所以無乜入味。肉片我麻麻，汁未夠辣同埋有少少偏甜，不過如果鍾意冇咁辣嘅朋友應該都會覺得唔錯， 不過都係嗰句，個汁杰身少少，辣d，加碗飯會好食啲

值得一試！西營盤都幾多星馬泰餐廳，今日就黎到呢間泰國餐廳，中午唔算太多人，靜靜地坐得幾舒服。我地叫左一份紅咖哩，一份炒金邊粉，一份海南雞河粉。泰式奶茶幾正宗，甜甜地，個人比較中意飲甜野，所以覺得好好飲。至於河粉就不過不失，比較清淡，湯底無洋味，河粉比較淋，係一片片個種，海南雞都無咩味，於是問店員拎左d調味料，有辣椒同魚露，加完有味好多，成碗野即刻出色左。望住朋友個兩碗野，一陣香味撲面而來，搞到我有d後悔，都係重口味既泰國菜比較適合我哈哈哈。